بسم الله الرحمن الرحيم
و الصلاة و السلام على خير الانبياء و المرسلين بنات السلام عليكم و رحمة الله و بركاته
انا تفديني روحه اختكم من الرياض بس قبل الموضوع ابيكم تدعون لي انه الله تعالى يفرج كربتي و يفرح والديني الشياب بزواجي من الصالح ترا عمري 34 و نص و الله كريم من يصبر كثيرا يعطيه الله كثيرا
انا امس كتبت موضوع الي اعشقت واحد بعدين ماصار من نصيبها و تزوجت ثاني شلون اغلبت عشقها و انسته و حبت زوجها
الصراحه شاب شعري ( ترا مو صج ههه مجازا يعني) و الله استغربت من الردود قصص حب لا بالافلام ولا بالخيال وين كتاب السيناريو خل يشوفون ردودكم و الله عجب العجاب :eh_s(2):
بس شدتني الردود الي للحين تعاني من حبها و البنات الي للحين عايشين على الذكري ولا يبون يتزوجون؟؟؟ البنات مقطعين بعضهم على الزواج وهذولي يردون الخطاب صج امنت بمقولة فيه ناس اذكياء بالدراسه اغبياء بالحياة لاتزعلون مني بس هذي الصراحه
بس كلامي موجه لكل واحده تعاني من الم الحب و للحين عايشه على الذكرى بالاخص وايضا للي تعاني من الام الحب و مستمره بعلاقتها مع الي تحبه او تحب بالسر بدون لا تواصله
يا اختي يا حبيبتي على شنو هالعذاب الي الله تعالى ما امر فيه يعني الله تعالى زين راسك و خلا فيه عقل تدرين من اين اخذ العقل مسماه؟ تدرين ليش العرب سمت العقل جذي؟
من عقل البعير يعني ربط البعير عشان لا ينحاش يعني منعه فالعقل يعني المنع و منه كلمة النهى الي يسمى بها العقل ايضا يعني العقل يمنعنا من الاشياء الغلط و ينهانا من الاشياء الي تدمرناو نتي تسوين كل الاشياء الي المفروض عقلج ينهاج عنها يعني عقل بنت بالابتدائي احسن منج ترضينها عليج يا حبيبتي؟
كل الي انتي فيه من الخسران و البجي و الدموع الي ما توقف و الاهات والحسرات هذي من ابليس من الشيطان الرجيم الي يبي يعيش المؤمن بكدر و هم
خير يا طير و اذا حبيتي ولا نلتي الي تحبينه صارت القيامه؟ خسرتي ايد ولا رجل صرتي مشوهه صرتي ضريره اقصاها مشاعر و قلبج بيتبدل و بتتبدل هالمشاعر
مو نهاية الدنيا ودايما الذكي هو الي يخلي الفرح يجي بعد الحزن اعرفي هذي دنيا هذي دار الابتلاء و الحزن فيها كل الفصول و الاشكال الفرح والحزن الفراق و الاجتماع الكره و الحب ولا ناخذ كل الي نبيه
اعرفي ان الخيره فيما اختاره الله تعالى لنا خلاص ربي ما كتب الانسان من نصيبي ما اقول ليش وما ليش و اطيع الشيطان خلاص اؤمن بالقضاء و القدر خيره و شره مو شرط لازم اقتنع و اعرف ليش منتهى الايمان التسليم لله و ان لم نعرف الحكمه، بعض الحكم نعرفها بعدين و بعضها ما ندركها بس الخيره اكيد بخيار الله لنا سبحانه اعرف بقلوبنا و الي يصلح لها يعني سبحانه مو خلقنا خلاص هو ابخص سبحانه بالاكفأ و الانسب لنا
خلاص ما صار نصيب مع الانسان هذا سواء كان لعوبي و جذاب او كان صادق و حاول يخطبني بس ربي ما كتب نكون لبعض
عجبني رد العضوه هب المطر يزاها الله خير و هي السبب الي الهمتني بكتابه الموضوه هذا تعقيبا على موضوعي حق امس
يعني صج خلونا نفكر بمنطق يا بنات يا عاشقات يا ذايبات بالهوى فكرو بمنطق و شوية عقل طيب؟
هو لاهي مع زوجته ومو شرط تزوج لاهي بحياته و بتحقيق نجاحاته بمستقبله العملي و بترقياته و اذا ما تزوج اكيد بيتزوج لان هذي سنة الله في كونه الكل بيتزوج الشريف و الصايع
هو يستانس مع زوجته و يدلعها و يغنجها و يشتري لها احلا العطور و الهدوم و يدلع عياله و الرجل اذا صار اب و مسؤول عن عايله مو ينسى بس حبيبته الا ينسى دنيتها الماضيه خلاص يصير كل عقله بعياله ياخذون كل قلبه
هو يضحك وياها و يعيشون احلا الليالي الرومانسية ونتي تبجين دم من فرقاه هو مو حاس فيج ولا معبرج وانتي مخلتيه كل دنيتج و عايشه بدنيا كلها اوهام و خيالات
و الله بعض البنات تعيش الخبال على اصوله تحاجيه بالورق و تكتب له او تسكر غرفتها عليها و تمسك المخده و تتخيلها هو ( يعني المخده الحبيب) و تحاجي روحها بصوت مسموع بس خافت: ليش تنساني ليش تتركني هانت عليك احلا الايام والليالي نسيت الانصالات الي بينا و الهدايا نسيت احلا المشاعر نسيت جم مره قلنا لبعض احبك و احبج اه اه اه و تعطيها جم دمعه ينادونها يا الله نزلي على العشا ترد مالي خلق و تنام وهي حاضنته خيالا و المخده مليانه دموع
يجي لها الخطاب يترجونها بس توافق و هي ترفض و بخيالها تقول مستحيل اخونه ببقى على ذكرها هذا الوفا وش ذنبي انا وفيه و بالوقت هذا الي كان حبيبها قاعد باحضان زوجته و يغردون و يتمتعون ببعض؟؟؟
و هي تجيلها المتعه بالحلال( الزواج) و ترده بالله اي عقل هذا الي براسج اصلا مافيه عقل؟؟؟
شنو توقفين حياتج و تحكمين عليها بالاعدام عشان ذكرى؟؟؟ يختي ليلى الاخيليه الي كانت تحب توبه بن حمير و كان يحبها صارت عاقله و تزوجت غيره ولا امنعت روحها من الحياة؟؟؟
خلاص هو شاف حياته شوفي حياتج ماعلينا كان من صج يحبج ولا مثل الاغبية جذابين و جلاب و انذال عفوا للقراء بس هذي حقيقتهم ماعليج للحين يحبج ولا حبها و كثيرين كانو يحبون بس تزوجو حريم ما يحبونهم بعدين طارو فيهم وشدراج يمكن الله تعالى استجاب لدعاء زوجته و قذف حبها بقلبه
حبيبتي ليش تقهرين امج و ابوج و تردين الخطاب ليش؟؟؟
ليش تحرمين اهلج و امج من الفرحه بدخلتج وانتي زايرتهم باخر الاسبوع و شايله حفيدهم بايدج ليش تحرمين اختج من انها تكون خاله ليش تحرمين اخوج من انه يكون خال؟؟؟
ليش تحرمين الي الله تعالى يمكن يكون كاتبه زوجج ليش تحرمينه من الزواج منج؟ و تحرمين اخته و اخوه يكونون اعمام و عمات
و الله مو مهون علي عنوستي الا الله تعالى و بعدها دخلة عيال اختي علينا ماشاء الله تبارك الرحمن ولا حول ولا قوة الا بالله العلي العظيم عشت كل الامومه والانسانية معاهم
ابوي الشايب الله يطول بعمره و يشافيه يقول اذا ما شفت اصغر واحد اموت بسم الله عليه الله يخليهم و يصلحهم و يخليهم بارين
ليش تحرمين روحج من احلا شعور الحرمه تحسه وهو الامومه
مو صحيح يا حبيبتي مشاعرج المؤقته هذي بتعيش العمر كله معاج
انتي فكري بمنطق شلون ما تقدرين تعيشين من غيره و كنتي عايشه عدل و مرتاحه قبل لا تشوفينه
يعني بالمنطق العيش بسعاده ممكن من غيره
و بعدين من يكون ياخذ حياتي و افكاري و مشاعري على الفاضي من يكون؟ صلاح الدين ولا عمر المختار من يكون؟
اقصاه رجل عادي و الي اخلقه خلق الف مثله و احسن منه بعد
لكن هذا الشيطان الي يوسوس للواحده خلاص ماراح تلقين مثل حبيبج الي كان وكان و يذكرج بزينه اذا كان مزيون و ترا القلب يعشق اكثر بحالة الزين
بيقولج و طبعا كله وساوس و جذوب: خلاص مشاعر الحب الي مريتي فيها حتى لو تزوجتي مراح تعيشينها ويا زوجج بتصير حياتج ممله و روتينيه لا مشاعر ولا لهفه ولا اشواق ولا حنين و شوفي بلاوي المتزوجات بالنت على شنو تتزوجين؟
افرضي طحتي بواحد عكس حبيبج افرضي طحتي بواحد عصبي و يطقج افرضي طحتي بمدمن ولا راعي حريم
خليج جذيه لحالج بين دراستج ولا وظيفتج و بين اهلج معززه مكرمه بلا زواج بلا هم
و خليج جذيه وفية( وهي بالحقيقه بلا عقل) خليج اشتري كل سي دي ( ولا كاسيت) ينزل للمطرب الفلاني ولا للمطربه الفلانية و سكري عيونج و كثري من احلام ( اوهام) اليقظه
تبين الزواج ايه تزوجي بالخيال هذاج تزوجتي
و البنية تشغل الافم ام وكله عايشه بالخيال مع حبيبها و يمكن اوصلت لغرفة الولاده و جابت اول نونو لهم
بنات لا تستغربون فيه بنات جذي اللهم لا شماته الله يشافيهم و يرفع عنهم قولو امين
و تمر حياتج جذيه من الدراسه او الوظيفه للاهل للتلفزيون للنت لاوهام اليقظه الوردية الي توديها و تجيبها و احيانا تتخيل خلاص بيطلق زوجته لانه ما يقدر على فراقي و بيتقدم لي يخطبني و بيوافق عليه ابوي اخيرا و اذا هي متزوجه تفكر هي تتطلق و هو يطلق و يتجمعون طيور الحب؟؟؟؟
حبيبتي لاتزعلين هذا اسمه خبال رسمي
جنون ايه جنون عندك شك ولا معترضه؟
طيب عرفي لي الجنون؟ الجنون هو اختفاء العقل و تصرفاتج هذي الحين بالله عليج بعقل؟
واحد راح لحال سبيله و كون اسره ونتي تردين الخطاب من جم سنة و متزوجته بالخيال؟؟؟؟
وين العدل على قولة العضوه هب المطر
اهو عايش بسعاده و جاب الولد ورا الثاني وانتي من هم لهم الشيب ترس راسج من كثر التفكير و حرقة القلب و امج كلساع تتحسر عليج تقول واشفيها بنتي منظوله ولا شنو ابوج ياكل بروحه و يقول يروح من الدنيا ولا شفت احفادي منها؟؟ و يمكن تكونين وحيدة اهلج يعني حرمتيهم من الاحفاد عدل
فكري بمنطق و عدل لاتقولين هذي قسمتي و قدري
حبيبتي الله تعالى ماقال قطو روحكم بالنار نعم حبيبتيه قدر عانيتي من حبه قدر
لكن كل شي له حدود سبحانه بيحاسبج عمرج فيما امضيتيه
افرضي متي بسم الله عليج وين زادج ليوم القيامه باجر بيجي دفترج معاج كل صغيره و كبيره بتجي
تبين حسنات تبين قراءة قران تبين صدقات تبين بر والدين تبين زواج و كنتي فيه زوجه صالحه تبين عيال و كنتي فيه ام صالحه ماكو
ماكو الا عماة عين و كل شي بيشهد عليج
ادينج الي تتصل كانت عليه بتشهد عليج الريال تزوج خلاص و ابتعد عنج وانتي تلاحقينه ما تستحين خلي عندج حيا الخيال فيه بس عيب و شق جيب شلون بملاحقه
عقلج بيشهد عليج ارهقتيه من كثر التفكير بهذاك
قلبج بيشهد عليج بطيتي روحه من الالم والحزن و الشوق يا ليت على شي يسوا ؟؟؟
وين اعمالج الصالحه ماكو؟؟ قضيتي حياتج بين اكل و ووظيفه و نت وتلفزيون و اغاني و العداد يسجل بالسيئات
حبيبتي اعرفي بحالتج الاغاني حرام لانها مثل الادمان بتعيشج مينونه الاغاني بحقج ما يجوز لانها قاعده تتلفج
اتركيها لا تقولين ما اقدر انا ارتاح ايه ترتاحين شوي بعدين بتبجين دم من فراقه
لانها مثل المخدرات تريح الي ياخذها شوي بعيدن تتلفه بالتدريج
انتي اتركيها بالتدريج لا تتركينها فجاه عشان لا ترجعين لها
انتي اتركيها شوي شوي لين تتعودين على فرقاها والله ان المشاعر نقدر نتحكم فيها
فيه كتاب من جرير معنى عنوانه الشعور اختيار ذاتي
يعني حطينا براسنا افكار ايجابيه و صح راح تصير حياتنا صح
و العكس بالعكس
يعني اخترتي احساسج يقول: مقدر اعيش من غيره بتصيرين جذي
اخترتي احساس و ثقه بالله و تفاؤل: الحمد لله خيره و الخيره فيما اختراه الله بيكون احساسج طيب و بتتقبلين الواقع بنفس راضيه
سبحانه علمنا باحد الاحاديث بما معناه: من رضي فله الرضا ومن سخط فله السخط
انتي راسج مثل وعاء ونتي تزرعينه بالي تبين
حطيتي براسج بتصيرين تعيسه ولا تعيشين حياتج من بعده بتصيرين جذيه
حطيتي براسج انج بتعدين هالمرحله و كل الحياة مراحل و بعد الليل الفجر و بعد العسر يسر ثم يسر
و ربي بيعوضج بزوج صالح تحبينه حب اكثر و من صج و اكثر من الحب الاولاني و بيحبج قدرج بيصير جذي
اقري قانون الجذب بس ثقي مو كل شي نقدر نجذبه فيه اشياء قدرية بيفيدج كثير ببرمجة روحج
سبحانه يقول بمعنى الحديث القدسي انا عند ظن عبدي في ان خيرا فخير و ان شرا فشر
يعني تفائلتي بالله و احسنتي الظن فيه بينصرج و بيشيله من قلبج و بيعوضج العوض الصالح
و ان اساتي الظن فيه و استسلمتي لوساوس الشيطان بتظلين حزينه
اخذيه قرار الحين و سبحانه لا يغير ما بقوم حتى يغيرو ما بانفسهم
تخلصي من رسايله و رسايلج و صوره و ذكراه ومن اشرطة الاغاني
استبدليها باشرطة المحاضرات الدينة و المحاضرات الي تنمي النفس مثل محاضرات السعاده ب 3 اشهر للدكتور صلاح الراشد و زيني مسامعج باصوات الشيوخ القراة
دخلي القران لحياتج فان من تركه صارت حياته ضنكى ربنا يقول بمعنى الاية ومن اعرض عن ذكري قيضنا له معيشة ضنكى يعني بهم و غم
دخلي القرآن اسمعي شريط الشيخ العجمي و شغلي سورة البقره و وداوي روحج فيها
اقري ايات الشفاء على ماي بنية الشفاء من العشق و اشربي الماي تداوي بكلام الله تعالى فهو الشافي المشافي
برمجي روحج كل يوم لمدة اسبوعين كل يوم 21 اكتبي انا الحين انساه انا الحين انساه لازم البرمجه فعل مضارع لا تحطين نفي ولا مستقبل ولا شي سلبي اقل من 21 مره ما يصير اكثر يصير هذا برمجة العقل الباطن
اختاري جمل ايجابيه تبعث على الانطلاق و السعاده بعدها اكتبي الشعور الايجابي ايضا 21 مره مثلا الحمد لله او اكيد يعني اكتبي جملتين جملة برمجة و جملة شعور ايجابي
اطلعي للناس روحي ردي استانسي ادخلي المطبخ تعلمي لج جم طبخه تزهبي و اقري و نمي حالج عشان تصيرين زوجه صالحه و ام صالحه ما تدرين شنو قدرج و متى بتتزوجين؟؟؟ يبي لج وقت كثير عشان تثقفين روحج
ونتي مو بروحج انتي معاج الله تعالى ماراح يتخلا عنج و الي حطاه بقلبج بيشيله
تقولين ليش يصير لي هذا من دون كل الناس
لا يا حبيبتي مثلج الالاف الي حبو ولا طالو
مصابج ولاشي بام تفقد ولدها بحادث بعروس يموت زوجها جدام عيونها بشاب فقد بصره بشاب صار طريح الفراش ولا شي جدام مصاب الي يصير باخوانا بليبيا الله يفك عوقهم
عارفه يعني ولا شي يعني مصيبتج مقارنة بمصايبهم تصير دلع و سخافه الناس مو لاقية الامن ونتي عايشه على الاطلال
خلاص اخذيه قرار و بتنسينه لاتقولين مقدر الا بتقدرين الايام الي حطته بقلبج شوي شوي بتشيله شوي شوي
و كثيرين حبو مره و مرتين و ثلاث
لا تستعجلين على رزقج اركدي و امني و ثقي انج بتتزوجين و بتحبين زوجج و بيحبج وبتجيبون احلا كتاكيت
عمر الحياة ما توقف عند احد ما اوقفت عند محمد عليه الصلاة و السلام عشان توقف على ذكرى رجال لا راح ولا جا مهما كان زين
و اعرفي ان الي تسوينه بنفسج من اعدام لكل حقوقج بالحياة سعيده ما يجوز شرعا لانه يدخل في معنى اهلاك النفس و تلافها و هذا منهى عنه شرعا
سبحانه ما خلقنا عشان ننوح و نبجي الحب الي كان خلقنا عشان نعبده انتي حتى صلاتج مو لله للي في بالج استغفر الله
اذا تقدرين تصومين اثنين و خميس صوميهم لان الصوم يقلل الشهوة بس ثاني قرار تاخذينه بعد قرار نسيانه قطع الاغاني لله تعالى و خوفا منه و من ترك شيئا لله عوضه الله خيرا منه و الله يا اختي كثير ناس اتركوها و عوضهم الله تعالى بالرضا و السعاده و سلامة الصدرو بحلاوة القران بكل اية تتدبرينها سواء قراءة ولا سماع ربي بيضاعف لج الاجر فيها و بتكون زادج بيوم الحساب
ارضي والديج و تزوجي و فرحي قلبهم و تقربي لله من خلال زواجج و صيري زوجه و ام صالحه و انصري محمد عليه الصلاة والسلام بالذرية الصالحه لاتنطرين تنسينه الزواج و قربج العاطفي من شخص صالح بيسرع بنسيانج وشوفي ردود البنات بموضوعي شلون نسو احبابهم ( رغم ان البعض تقدم لها خاطب بس ماصار نصيب) و شلون حبو ازواجهم سبحان الله مقلب القلوب بين اصبعين من اصابع رحمته؟؟؟؟:eh_s(1):
كل الي فيج و حاسه انه مستحيل يروح هذا من وساوس الشيطان تاكدي مثل ما غيرج نسى و قدر يحب مره ثانيه بتنسين و بتحبين مره ثانية تنسيج الاولى
ما سمي الانسان انسانا الا لانه نساي
صدقيني يا حبيبتي و اكتبها لج من باب الخبره من تجارب الاخرين
بيجي لج الوقت الي تضحكين فيه على خبالج و تقولين صج كنت غبيه هههه
و تمنياتي لكل عاشقه بالتوبه النصوح و التقرب لله تعالى و اساله تعالى انه يعجل بالفرج على كل الي يعانون من الام العشق و يزوجنا كلنا الصالحين
اللهم اني كتبت موضوعي نصحا لاخواتي و حبا لك و طاعة لك فبارك لي فيه و بارك فيه لهم:yaaaaaarb:
حبيبتي خلي الايات ترن باذنج بما معناها: و عسى ان تحبو شيئا وهو شرا لكم و عسى ان تكرهو شيئا و هو خير لكم و الله يعلم وانتم لا تعلمون، و اية 2 بما معناها: و الله يحب الصابرين تاكدي ان النصر مع الصبر و الصبر الي يجزى عليه المؤمن الصبر بلا شكوى و تذمر هو صبر الرضا بقضاء الله و قدره لا تتحسرين و تقولين حسافه لكن ابتسمي من قلب و قولي الحمد لله خيييييييييييييييييييييييييييره ها دعيتو لي بالزوج الصالح؟؟ عفوا على الاطاله بس ضروري اطيل عشانكم
و السلام عليكم و رحمة الله و بركاته:eh_s(17):
و الصلاة و السلام على خير الانبياء و المرسلين بنات السلام عليكم و رحمة الله و بركاته
انا تفديني روحه اختكم من الرياض بس قبل الموضوع ابيكم تدعون لي انه الله تعالى يفرج كربتي و يفرح والديني الشياب بزواجي من الصالح ترا عمري 34 و نص و الله كريم من يصبر كثيرا يعطيه الله كثيرا
انا امس كتبت موضوع الي اعشقت واحد بعدين ماصار من نصيبها و تزوجت ثاني شلون اغلبت عشقها و انسته و حبت زوجها
الصراحه شاب شعري ( ترا مو صج ههه مجازا يعني) و الله استغربت من الردود قصص حب لا بالافلام ولا بالخيال وين كتاب السيناريو خل يشوفون ردودكم و الله عجب العجاب :eh_s(2):
بس شدتني الردود الي للحين تعاني من حبها و البنات الي للحين عايشين على الذكري ولا يبون يتزوجون؟؟؟ البنات مقطعين بعضهم على الزواج وهذولي يردون الخطاب صج امنت بمقولة فيه ناس اذكياء بالدراسه اغبياء بالحياة لاتزعلون مني بس هذي الصراحه
بس كلامي موجه لكل واحده تعاني من الم الحب و للحين عايشه على الذكرى بالاخص وايضا للي تعاني من الام الحب و مستمره بعلاقتها مع الي تحبه او تحب بالسر بدون لا تواصله
يا اختي يا حبيبتي على شنو هالعذاب الي الله تعالى ما امر فيه يعني الله تعالى زين راسك و خلا فيه عقل تدرين من اين اخذ العقل مسماه؟ تدرين ليش العرب سمت العقل جذي؟
من عقل البعير يعني ربط البعير عشان لا ينحاش يعني منعه فالعقل يعني المنع و منه كلمة النهى الي يسمى بها العقل ايضا يعني العقل يمنعنا من الاشياء الغلط و ينهانا من الاشياء الي تدمرناو نتي تسوين كل الاشياء الي المفروض عقلج ينهاج عنها يعني عقل بنت بالابتدائي احسن منج ترضينها عليج يا حبيبتي؟
كل الي انتي فيه من الخسران و البجي و الدموع الي ما توقف و الاهات والحسرات هذي من ابليس من الشيطان الرجيم الي يبي يعيش المؤمن بكدر و هم
خير يا طير و اذا حبيتي ولا نلتي الي تحبينه صارت القيامه؟ خسرتي ايد ولا رجل صرتي مشوهه صرتي ضريره اقصاها مشاعر و قلبج بيتبدل و بتتبدل هالمشاعر
مو نهاية الدنيا ودايما الذكي هو الي يخلي الفرح يجي بعد الحزن اعرفي هذي دنيا هذي دار الابتلاء و الحزن فيها كل الفصول و الاشكال الفرح والحزن الفراق و الاجتماع الكره و الحب ولا ناخذ كل الي نبيه
اعرفي ان الخيره فيما اختاره الله تعالى لنا خلاص ربي ما كتب الانسان من نصيبي ما اقول ليش وما ليش و اطيع الشيطان خلاص اؤمن بالقضاء و القدر خيره و شره مو شرط لازم اقتنع و اعرف ليش منتهى الايمان التسليم لله و ان لم نعرف الحكمه، بعض الحكم نعرفها بعدين و بعضها ما ندركها بس الخيره اكيد بخيار الله لنا سبحانه اعرف بقلوبنا و الي يصلح لها يعني سبحانه مو خلقنا خلاص هو ابخص سبحانه بالاكفأ و الانسب لنا
خلاص ما صار نصيب مع الانسان هذا سواء كان لعوبي و جذاب او كان صادق و حاول يخطبني بس ربي ما كتب نكون لبعض
عجبني رد العضوه هب المطر يزاها الله خير و هي السبب الي الهمتني بكتابه الموضوه هذا تعقيبا على موضوعي حق امس
يعني صج خلونا نفكر بمنطق يا بنات يا عاشقات يا ذايبات بالهوى فكرو بمنطق و شوية عقل طيب؟
هو لاهي مع زوجته ومو شرط تزوج لاهي بحياته و بتحقيق نجاحاته بمستقبله العملي و بترقياته و اذا ما تزوج اكيد بيتزوج لان هذي سنة الله في كونه الكل بيتزوج الشريف و الصايع
هو يستانس مع زوجته و يدلعها و يغنجها و يشتري لها احلا العطور و الهدوم و يدلع عياله و الرجل اذا صار اب و مسؤول عن عايله مو ينسى بس حبيبته الا ينسى دنيتها الماضيه خلاص يصير كل عقله بعياله ياخذون كل قلبه
هو يضحك وياها و يعيشون احلا الليالي الرومانسية ونتي تبجين دم من فرقاه هو مو حاس فيج ولا معبرج وانتي مخلتيه كل دنيتج و عايشه بدنيا كلها اوهام و خيالات
و الله بعض البنات تعيش الخبال على اصوله تحاجيه بالورق و تكتب له او تسكر غرفتها عليها و تمسك المخده و تتخيلها هو ( يعني المخده الحبيب) و تحاجي روحها بصوت مسموع بس خافت: ليش تنساني ليش تتركني هانت عليك احلا الايام والليالي نسيت الانصالات الي بينا و الهدايا نسيت احلا المشاعر نسيت جم مره قلنا لبعض احبك و احبج اه اه اه و تعطيها جم دمعه ينادونها يا الله نزلي على العشا ترد مالي خلق و تنام وهي حاضنته خيالا و المخده مليانه دموع
يجي لها الخطاب يترجونها بس توافق و هي ترفض و بخيالها تقول مستحيل اخونه ببقى على ذكرها هذا الوفا وش ذنبي انا وفيه و بالوقت هذا الي كان حبيبها قاعد باحضان زوجته و يغردون و يتمتعون ببعض؟؟؟
و هي تجيلها المتعه بالحلال( الزواج) و ترده بالله اي عقل هذا الي براسج اصلا مافيه عقل؟؟؟
شنو توقفين حياتج و تحكمين عليها بالاعدام عشان ذكرى؟؟؟ يختي ليلى الاخيليه الي كانت تحب توبه بن حمير و كان يحبها صارت عاقله و تزوجت غيره ولا امنعت روحها من الحياة؟؟؟
خلاص هو شاف حياته شوفي حياتج ماعلينا كان من صج يحبج ولا مثل الاغبية جذابين و جلاب و انذال عفوا للقراء بس هذي حقيقتهم ماعليج للحين يحبج ولا حبها و كثيرين كانو يحبون بس تزوجو حريم ما يحبونهم بعدين طارو فيهم وشدراج يمكن الله تعالى استجاب لدعاء زوجته و قذف حبها بقلبه
حبيبتي ليش تقهرين امج و ابوج و تردين الخطاب ليش؟؟؟
ليش تحرمين اهلج و امج من الفرحه بدخلتج وانتي زايرتهم باخر الاسبوع و شايله حفيدهم بايدج ليش تحرمين اختج من انها تكون خاله ليش تحرمين اخوج من انه يكون خال؟؟؟
ليش تحرمين الي الله تعالى يمكن يكون كاتبه زوجج ليش تحرمينه من الزواج منج؟ و تحرمين اخته و اخوه يكونون اعمام و عمات
و الله مو مهون علي عنوستي الا الله تعالى و بعدها دخلة عيال اختي علينا ماشاء الله تبارك الرحمن ولا حول ولا قوة الا بالله العلي العظيم عشت كل الامومه والانسانية معاهم
ابوي الشايب الله يطول بعمره و يشافيه يقول اذا ما شفت اصغر واحد اموت بسم الله عليه الله يخليهم و يصلحهم و يخليهم بارين
ليش تحرمين روحج من احلا شعور الحرمه تحسه وهو الامومه
مو صحيح يا حبيبتي مشاعرج المؤقته هذي بتعيش العمر كله معاج
انتي فكري بمنطق شلون ما تقدرين تعيشين من غيره و كنتي عايشه عدل و مرتاحه قبل لا تشوفينه
يعني بالمنطق العيش بسعاده ممكن من غيره
و بعدين من يكون ياخذ حياتي و افكاري و مشاعري على الفاضي من يكون؟ صلاح الدين ولا عمر المختار من يكون؟
اقصاه رجل عادي و الي اخلقه خلق الف مثله و احسن منه بعد
لكن هذا الشيطان الي يوسوس للواحده خلاص ماراح تلقين مثل حبيبج الي كان وكان و يذكرج بزينه اذا كان مزيون و ترا القلب يعشق اكثر بحالة الزين
بيقولج و طبعا كله وساوس و جذوب: خلاص مشاعر الحب الي مريتي فيها حتى لو تزوجتي مراح تعيشينها ويا زوجج بتصير حياتج ممله و روتينيه لا مشاعر ولا لهفه ولا اشواق ولا حنين و شوفي بلاوي المتزوجات بالنت على شنو تتزوجين؟
افرضي طحتي بواحد عكس حبيبج افرضي طحتي بواحد عصبي و يطقج افرضي طحتي بمدمن ولا راعي حريم
خليج جذيه لحالج بين دراستج ولا وظيفتج و بين اهلج معززه مكرمه بلا زواج بلا هم
و خليج جذيه وفية( وهي بالحقيقه بلا عقل) خليج اشتري كل سي دي ( ولا كاسيت) ينزل للمطرب الفلاني ولا للمطربه الفلانية و سكري عيونج و كثري من احلام ( اوهام) اليقظه
تبين الزواج ايه تزوجي بالخيال هذاج تزوجتي
و البنية تشغل الافم ام وكله عايشه بالخيال مع حبيبها و يمكن اوصلت لغرفة الولاده و جابت اول نونو لهم
بنات لا تستغربون فيه بنات جذي اللهم لا شماته الله يشافيهم و يرفع عنهم قولو امين
و تمر حياتج جذيه من الدراسه او الوظيفه للاهل للتلفزيون للنت لاوهام اليقظه الوردية الي توديها و تجيبها و احيانا تتخيل خلاص بيطلق زوجته لانه ما يقدر على فراقي و بيتقدم لي يخطبني و بيوافق عليه ابوي اخيرا و اذا هي متزوجه تفكر هي تتطلق و هو يطلق و يتجمعون طيور الحب؟؟؟؟
حبيبتي لاتزعلين هذا اسمه خبال رسمي
جنون ايه جنون عندك شك ولا معترضه؟
طيب عرفي لي الجنون؟ الجنون هو اختفاء العقل و تصرفاتج هذي الحين بالله عليج بعقل؟
واحد راح لحال سبيله و كون اسره ونتي تردين الخطاب من جم سنة و متزوجته بالخيال؟؟؟؟
وين العدل على قولة العضوه هب المطر
اهو عايش بسعاده و جاب الولد ورا الثاني وانتي من هم لهم الشيب ترس راسج من كثر التفكير و حرقة القلب و امج كلساع تتحسر عليج تقول واشفيها بنتي منظوله ولا شنو ابوج ياكل بروحه و يقول يروح من الدنيا ولا شفت احفادي منها؟؟ و يمكن تكونين وحيدة اهلج يعني حرمتيهم من الاحفاد عدل
فكري بمنطق و عدل لاتقولين هذي قسمتي و قدري
حبيبتي الله تعالى ماقال قطو روحكم بالنار نعم حبيبتيه قدر عانيتي من حبه قدر
لكن كل شي له حدود سبحانه بيحاسبج عمرج فيما امضيتيه
افرضي متي بسم الله عليج وين زادج ليوم القيامه باجر بيجي دفترج معاج كل صغيره و كبيره بتجي
تبين حسنات تبين قراءة قران تبين صدقات تبين بر والدين تبين زواج و كنتي فيه زوجه صالحه تبين عيال و كنتي فيه ام صالحه ماكو
ماكو الا عماة عين و كل شي بيشهد عليج
ادينج الي تتصل كانت عليه بتشهد عليج الريال تزوج خلاص و ابتعد عنج وانتي تلاحقينه ما تستحين خلي عندج حيا الخيال فيه بس عيب و شق جيب شلون بملاحقه
عقلج بيشهد عليج ارهقتيه من كثر التفكير بهذاك
قلبج بيشهد عليج بطيتي روحه من الالم والحزن و الشوق يا ليت على شي يسوا ؟؟؟
وين اعمالج الصالحه ماكو؟؟ قضيتي حياتج بين اكل و ووظيفه و نت وتلفزيون و اغاني و العداد يسجل بالسيئات
حبيبتي اعرفي بحالتج الاغاني حرام لانها مثل الادمان بتعيشج مينونه الاغاني بحقج ما يجوز لانها قاعده تتلفج
اتركيها لا تقولين ما اقدر انا ارتاح ايه ترتاحين شوي بعدين بتبجين دم من فراقه
لانها مثل المخدرات تريح الي ياخذها شوي بعيدن تتلفه بالتدريج
انتي اتركيها بالتدريج لا تتركينها فجاه عشان لا ترجعين لها
انتي اتركيها شوي شوي لين تتعودين على فرقاها والله ان المشاعر نقدر نتحكم فيها
فيه كتاب من جرير معنى عنوانه الشعور اختيار ذاتي
يعني حطينا براسنا افكار ايجابيه و صح راح تصير حياتنا صح
و العكس بالعكس
يعني اخترتي احساسج يقول: مقدر اعيش من غيره بتصيرين جذي
اخترتي احساس و ثقه بالله و تفاؤل: الحمد لله خيره و الخيره فيما اختراه الله بيكون احساسج طيب و بتتقبلين الواقع بنفس راضيه
سبحانه علمنا باحد الاحاديث بما معناه: من رضي فله الرضا ومن سخط فله السخط
انتي راسج مثل وعاء ونتي تزرعينه بالي تبين
حطيتي براسج بتصيرين تعيسه ولا تعيشين حياتج من بعده بتصيرين جذيه
حطيتي براسج انج بتعدين هالمرحله و كل الحياة مراحل و بعد الليل الفجر و بعد العسر يسر ثم يسر
و ربي بيعوضج بزوج صالح تحبينه حب اكثر و من صج و اكثر من الحب الاولاني و بيحبج قدرج بيصير جذي
اقري قانون الجذب بس ثقي مو كل شي نقدر نجذبه فيه اشياء قدرية بيفيدج كثير ببرمجة روحج
سبحانه يقول بمعنى الحديث القدسي انا عند ظن عبدي في ان خيرا فخير و ان شرا فشر
يعني تفائلتي بالله و احسنتي الظن فيه بينصرج و بيشيله من قلبج و بيعوضج العوض الصالح
و ان اساتي الظن فيه و استسلمتي لوساوس الشيطان بتظلين حزينه
اخذيه قرار الحين و سبحانه لا يغير ما بقوم حتى يغيرو ما بانفسهم
تخلصي من رسايله و رسايلج و صوره و ذكراه ومن اشرطة الاغاني
استبدليها باشرطة المحاضرات الدينة و المحاضرات الي تنمي النفس مثل محاضرات السعاده ب 3 اشهر للدكتور صلاح الراشد و زيني مسامعج باصوات الشيوخ القراة
دخلي القران لحياتج فان من تركه صارت حياته ضنكى ربنا يقول بمعنى الاية ومن اعرض عن ذكري قيضنا له معيشة ضنكى يعني بهم و غم
دخلي القرآن اسمعي شريط الشيخ العجمي و شغلي سورة البقره و وداوي روحج فيها
اقري ايات الشفاء على ماي بنية الشفاء من العشق و اشربي الماي تداوي بكلام الله تعالى فهو الشافي المشافي
برمجي روحج كل يوم لمدة اسبوعين كل يوم 21 اكتبي انا الحين انساه انا الحين انساه لازم البرمجه فعل مضارع لا تحطين نفي ولا مستقبل ولا شي سلبي اقل من 21 مره ما يصير اكثر يصير هذا برمجة العقل الباطن
اختاري جمل ايجابيه تبعث على الانطلاق و السعاده بعدها اكتبي الشعور الايجابي ايضا 21 مره مثلا الحمد لله او اكيد يعني اكتبي جملتين جملة برمجة و جملة شعور ايجابي
اطلعي للناس روحي ردي استانسي ادخلي المطبخ تعلمي لج جم طبخه تزهبي و اقري و نمي حالج عشان تصيرين زوجه صالحه و ام صالحه ما تدرين شنو قدرج و متى بتتزوجين؟؟؟ يبي لج وقت كثير عشان تثقفين روحج
ونتي مو بروحج انتي معاج الله تعالى ماراح يتخلا عنج و الي حطاه بقلبج بيشيله
تقولين ليش يصير لي هذا من دون كل الناس
لا يا حبيبتي مثلج الالاف الي حبو ولا طالو
مصابج ولاشي بام تفقد ولدها بحادث بعروس يموت زوجها جدام عيونها بشاب فقد بصره بشاب صار طريح الفراش ولا شي جدام مصاب الي يصير باخوانا بليبيا الله يفك عوقهم
عارفه يعني ولا شي يعني مصيبتج مقارنة بمصايبهم تصير دلع و سخافه الناس مو لاقية الامن ونتي عايشه على الاطلال
خلاص اخذيه قرار و بتنسينه لاتقولين مقدر الا بتقدرين الايام الي حطته بقلبج شوي شوي بتشيله شوي شوي
و كثيرين حبو مره و مرتين و ثلاث
لا تستعجلين على رزقج اركدي و امني و ثقي انج بتتزوجين و بتحبين زوجج و بيحبج وبتجيبون احلا كتاكيت
عمر الحياة ما توقف عند احد ما اوقفت عند محمد عليه الصلاة و السلام عشان توقف على ذكرى رجال لا راح ولا جا مهما كان زين
و اعرفي ان الي تسوينه بنفسج من اعدام لكل حقوقج بالحياة سعيده ما يجوز شرعا لانه يدخل في معنى اهلاك النفس و تلافها و هذا منهى عنه شرعا
سبحانه ما خلقنا عشان ننوح و نبجي الحب الي كان خلقنا عشان نعبده انتي حتى صلاتج مو لله للي في بالج استغفر الله
اذا تقدرين تصومين اثنين و خميس صوميهم لان الصوم يقلل الشهوة بس ثاني قرار تاخذينه بعد قرار نسيانه قطع الاغاني لله تعالى و خوفا منه و من ترك شيئا لله عوضه الله خيرا منه و الله يا اختي كثير ناس اتركوها و عوضهم الله تعالى بالرضا و السعاده و سلامة الصدرو بحلاوة القران بكل اية تتدبرينها سواء قراءة ولا سماع ربي بيضاعف لج الاجر فيها و بتكون زادج بيوم الحساب
ارضي والديج و تزوجي و فرحي قلبهم و تقربي لله من خلال زواجج و صيري زوجه و ام صالحه و انصري محمد عليه الصلاة والسلام بالذرية الصالحه لاتنطرين تنسينه الزواج و قربج العاطفي من شخص صالح بيسرع بنسيانج وشوفي ردود البنات بموضوعي شلون نسو احبابهم ( رغم ان البعض تقدم لها خاطب بس ماصار نصيب) و شلون حبو ازواجهم سبحان الله مقلب القلوب بين اصبعين من اصابع رحمته؟؟؟؟:eh_s(1):
كل الي فيج و حاسه انه مستحيل يروح هذا من وساوس الشيطان تاكدي مثل ما غيرج نسى و قدر يحب مره ثانيه بتنسين و بتحبين مره ثانية تنسيج الاولى
ما سمي الانسان انسانا الا لانه نساي
صدقيني يا حبيبتي و اكتبها لج من باب الخبره من تجارب الاخرين
بيجي لج الوقت الي تضحكين فيه على خبالج و تقولين صج كنت غبيه هههه
و تمنياتي لكل عاشقه بالتوبه النصوح و التقرب لله تعالى و اساله تعالى انه يعجل بالفرج على كل الي يعانون من الام العشق و يزوجنا كلنا الصالحين
اللهم اني كتبت موضوعي نصحا لاخواتي و حبا لك و طاعة لك فبارك لي فيه و بارك فيه لهم:yaaaaaarb:
حبيبتي خلي الايات ترن باذنج بما معناها: و عسى ان تحبو شيئا وهو شرا لكم و عسى ان تكرهو شيئا و هو خير لكم و الله يعلم وانتم لا تعلمون، و اية 2 بما معناها: و الله يحب الصابرين تاكدي ان النصر مع الصبر و الصبر الي يجزى عليه المؤمن الصبر بلا شكوى و تذمر هو صبر الرضا بقضاء الله و قدره لا تتحسرين و تقولين حسافه لكن ابتسمي من قلب و قولي الحمد لله خيييييييييييييييييييييييييييره ها دعيتو لي بالزوج الصالح؟؟ عفوا على الاطاله بس ضروري اطيل عشانكم
و السلام عليكم و رحمة الله و بركاته:eh_s(17):
