يا كويتيات اللي جربت او عندها معرفه بالعمليه القيصريه ضروري تدخل

حمدالله على سلامتها اول شي و نصيحة يا اختي استشيري دكتور احسن

السلام عليكم
اول شي الحمدالله على سلامة اختج
ثاني شي العوار راح يخف بعد عشر ايام بالضبط يعني راح تقدر تقوم وتقعد وتقلب بالسرير على كيفها باذن الله وبالنسبة لأدوية النفاس آنا مابلشت إلا بعد 20 يوم وكنت اشرب شاي بس ولازم تستمر على الكريمات الي معطتة الدكتورة الي ينحطون على الجرح لمدة شهر وبشكل يومي علشان مايلتهب الجرح ولازم ماتشيل شي ثقيل نهائيا ولازم ماتاكل ولاتشرب الشغلات الي تسبب غازات لانها راح تتأذى اذا صار غازات بالبطن والمرددة أنا ماجبت لإلا بعد 3شهور لأن دكتورتي ناهدة العلي قالت ديربالج اتفكرين تسوين الترديد إلا بعد فترة طويلة ومايكون ترديد قاسي وفي مرددة اسمها ام ناصر خوش وحدة بس ماعندي رقمها مضيعتة وهذا الي اذكرة لأن ولادتي بالقيصرية كانت قبل ثلاث سنوات ونص وراها حملت عادي وتوني والدة من شهرين ونص طبيعي والحمدلله وسلامتها وماتشوف شر

اقيصريه اول الايام تذبح
بس مايحتاي رداده
تأكدو لايصير لها شي
اصلا اي رياضه ممنوعه بعد 6 اسابيع

رقي قال:

اقيصريه اول الايام تذبح
بس مايحتاي رداده
تأكدو لايصير لها شي
اصلا اي رياضه ممنوعه بعد 6 اسابيع

أنقر للتوسيع...

عاد اهيا ثانيه قيصريه لها الله يعينها والرداده راح تاجلها ومشكوره عالرد

غزالة كويتية قال:

السلام عليكم
اول شي الحمدالله على سلامة اختج
ثاني شي العوار راح يخف بعد عشر ايام بالضبط يعني راح تقدر تقوم وتقعد وتقلب بالسرير على كيفها باذن الله وبالنسبة لأدوية النفاس آنا مابلشت إلا بعد 20 يوم وكنت اشرب شاي بس ولازم تستمر على الكريمات الي معطتة الدكتورة الي ينحطون على الجرح لمدة شهر وبشكل يومي علشان مايلتهب الجرح ولازم ماتشيل شي ثقيل نهائيا ولازم ماتاكل ولاتشرب الشغلات الي تسبب غازات لانها راح تتأذى اذا صار غازات بالبطن والمرددة أنا ماجبت لإلا بعد 3شهور لأن دكتورتي ناهدة العلي قالت ديربالج اتفكرين تسوين الترديد إلا بعد فترة طويلة ومايكون ترديد قاسي وفي مرددة اسمها ام ناصر خوش وحدة بس ماعندي رقمها مضيعتة وهذا الي اذكرة لأن ولادتي بالقيصرية كانت قبل ثلاث سنوات ونص وراها حملت عادي وتوني والدة من شهرين ونص طبيعي والحمدلله وسلامتها وماتشوف شر

أنقر للتوسيع...

الشر ما يجيج ومشكووووووره الله يوفقج دنيا واخر يا رب

الله يعينها

الحمدلله على سلامة أختج

آنا أمس حطيت ردي بس مادري وين اختفى ،


المهم
آنا بجرية وتوني والدة قيصرية قبل عشرين يوم وكل العوار إللي تقولين عنه حسيت فيه ، شي مو طبيعي لاحركه بسهوله ولانوم ولا تقلب بالفراش بس ألحين الحمدلله كل شي خف بعد تقريبا عشر أيام ،
كانو بالمستشفى يعطوني مسكن خمس أيام بعدين وقفوه وطلعت بعد ست أيام
وبالنسبه للأدويه مالت النفاس طبعا غير عن إللي والده طبيعي لأن المفروض ماآخذ أي شي فيه فلفل ، المهم رديت البيت وصارت أمي تسويلي عصيده كل يوم من غير فلفل ، ومع الغدا آخذ لهوم (أيضا من غير فلفل) ومع القهوه أحط دوا عشان الهوا ،
والمشي مهم مهم مهم ، لازم أمشي كل يوم بالصاله ربع ساعه وأكثر من مره باليوم عشان هذا يساعد إن الهوا يطلع .

وصج نسيت أقولج إني خذيت رقم الرداده أم ناصر ودقيت عليها وسألتها إني والده قيصريه هل ينفعني الترديد ومتى أسويه ؟
وقالتلي الطبيعي أرددها أول أسبوع إذا تبي بس القيصريه أنطر عليها بعد أسبوعين ، وفعلا طلبتها وجاتني بعد 18 يوم ورددتني (بس ماطولت ثلث ساعه بس) وخذت 25دينار (جنها غاليه شوي)
المهم بعدها حسيت إن عظامي مفججه وأبي أنااااام
وقالتلي لازم تمشين على طول ، وغلمتني تمرين أسويه كل يوم عشان يساعد إن الرحم يرجع مكانه الطبيعي ، وطبعا يقل انتفاخ البطن

اول شي الحمدلله على سلامتها بالنسبه للقيصريه انا جربتها تذبح كنت ابجي طول الليل من العوار ويمكن بعد 10 ايام يبتدي يخف شوي العوار والصراحه انا ماكليت اكل نفاس بالقيصريه لان الكل كان يقول مامنه فايده حق العمليه يعني والله العالم والرداده مايبتها الا لما خلصت الاربعين لان كانت تعورني العمليه

7mdellah 3ala salmathaa
enzen ana b3d 3nde so2al
ana 9alree tgreban one month o n9 waldh b3d qy9aryah !!
bss b6ny bntfkh wayd ! shaswyy shloon trooo7 el krsh !!!!!! ana wayd th3efa bs 6l3 lee b6n :/ fedony plz

جزاك الله على ردوكم واهيا الحين الحمدلله احسن من قبل
سووي على اللي سمعته عشان يرد بطنج العيش خففي منه واشرب شاي اعشاب او الشاي الاخضروامشي بطنج مشدود والمشد لامج مسويه قيصريه موزين تلبسينه باول شهرين هذا اللي اعرفه

الم القيصرية فضييييييييييييييييع انا قعددت لي 25 يوم ابجي و ما اقدر تكرمين حتى اروح الحمام و لا اقدر اقوم من الفراش

نصيحة اذا بتقوم من الفراش لا تعتمد على نفسها احد يساعدها لان الضغط وايد عشان تقوم ممكن يفتح الجرح (هالشيء صار معاي )


المره على طول يمها تشم عل ول عشان لا يلتهب الجرح و تمش بطنها دار مدار الجرح و حتى الجرح مع مراعاة لازم يكون ناشف على طول تنشف عدل

الهوم و الحسو لآلآلآ انا كنت لما اكل اموت من كثر ما الجرح يحرني

و بعدين القيصرية يسوون تنضيفات وايد يعني يمكن ما ينزل عليها شيء و بسيط جدا و لمدة سبوع بس ( انا جذي )

رداده لالالالالالالالالالالالالا نهااااااااائيا

اذا تبي تاكل سوالف نفاس ممكن تجرب بعد 20 يوم

رياظة مجهود شيل شيء ثقيل سحب او دز الاشايء لا ثم لا لي بعد 6 اشهر
بنيت عمرها الحين شهرين و شوي امس قاعده اعد الصاله و دزيت الغنفات ما نمت طووول اللي من العوار و النغزات

بعد شنو

واي ذكرتيني بمعاناتي

اي كورسية مشد لالالا راح تلوع جبدها من بطنها بس مع الايام يشد بروحه
دايمن تلبس صراويل الي لي نص البطن ملوت الحوامل مو الي لو وست
انا لي الحين البسهم
بعد شنو

الرضاعه الطبيعة وايد راح تفيدها انا وقفت بست الجرح يوم تبطل كنت ماقدر اقعد

اي انا اخر الاربعين بسبوع بديت احط تحاميل بيتادين او اي تحاميل من الدكتورة عشان تنظف الرحم مع ان ما نزل علي ولا نتفه

اي ذكرت

ديربالها من المساك تيعني لازم على طول تكرمين اسهال لان اهيه ماراح تقدر تظغط عشان تخرج لا تظغط نهائيا حتى لما تبول خل تفقعد على المرحاظ و تبطل التشاش و شوي شوي

بطني قام يعورني و انا اذكر و اكتب

بس اذا ذكرت شيء بقولج مسكينة الله يعينها

انا والده قيصرية --- بس المشكله ما اروح الحمام لمدة يومين الى 3 ايام


ذبحني الامساك ما ادري شسوي ؟؟؟؟؟؟؟؟

احيه من القيصريه الله يعينها
انا ولدت قيصريه والثانيه مقررين على قيصريه من الحين ما كو فكه يعني

اجر وعافيه ومثل ماقالوا البنات ماله داعي رداده انا ماجبتها

جوكلاته سلامتج من اااه سوري ذكرتج بالمحنه والله حاسه فيج لاني اشوف اختي جذي معاناة القومه ما كانت تقدر تقوم بروحه وبعد اللحاف ما تقدرر تشيله وادويه النفاس والفلفل بعد 25 يوم بدت تاكلهم

توتو 3 ايام امساك روحي لدكتوره تلاحقي لاتهملين عمرج

كويتيه وافتخر الله يعينج ويقومج بالسلامه