- إنضم
- 12 يناير 2011
- المشاركات
- 2,474
- مستوى التفاعل
- 3
- النقاط
- 0
بسم الله الرحمن الرحيم
اليوم يايبة لكم طريقه لمعمول التمر ولا اروع
مقادير العجينة
3 كوب طحين
3 قوالب زبده
علبة نشا كامله
ملعقة صغيره فانيلا بودره
نص كوب سكر مطحون
بيضتين
مقادير الحشوه
كيلو تمر
قليل من الزبده
سمسم -هيل مطحون-يانسون حسب الرغبه
الطريقة
- ننخل الطحين والفانيلا وعلبه النشا وبعدين نخلطهم مع بعض
- بما ان ما عندي عجانه فاستعملت الخلاط وحطيت فيه الزبده بس مو كلها
خليت شوي حق حشوة التمر وخلطت الزبده بروحها بالخلاط
-بعدين ضفت البيضتين وخلطهم عدل
-آخر شي ضفت السكر وخلطتهم مع بعض للحين صار عندي مزيج سائل
- بعدين ضفته المزين على المقادير الجافه وعجنتهم بايدي عدل
لين صارت عندي عجينه ناعمه متجانسه بهالشكل
- عقب ما نخلص من العجينة نسوي حشوة التمر
- ناخذ التمر ونشيل النواه اللي فيه
- نضيف عليه الزبده والهيل والسمسم واليانسون ونخلطة عدل
لين نحصل على عجينه بهالشكل
- بعدين نييب القالب ونحط فيه العجينة ونفردها
- نحط حشوة التمر بالوسط
- بعدين نسكر العجينة ونشيل الزايد منها
- نقلب المعمول ونصفه بصينية
- ندخل الصينية الفرن اول شي 15 دقيقه تحت او لين تتحمر شوي
بعدين نشب الفرن فوق
- عقب ما تستوي نحطها بطبق التقديم وننطرها تبرد بعدين نرش فيها
سكر مطحون وتقدم مع قهوه عربيه وهذا شكلها النهائي
وبالعافيه:hjy5jewf:
