كويتيات للطبخ

العودة   منتديات كويتيات النسائية > >

القصص والروايات مانسمعه وما يقوله القصاص .. من خيال وحقيقة وروايات


روايتـي الثـآلثه (ثانويه بنات كلاسـكـ ) .. classic girls high school الكاتبه :gala q8

القصص والروايات



موضوع مغلق
 
أدوات الموضوع إبحث في الموضوع انواع عرض الموضوع
قديم 05-02-2011, 02:05:24 PM   #1
gala q8
من كبار شخصيات كويتيات
 
الصورة الرمزية gala q8
 
تاريخ التسجيل: Apr 2010
الدولة: ب قلب يدي الله يرحمه 3>
المشاركات: 15,106

Smilies38 روايتـي الثـآلثه (ثانويه بنات كلاسـكـ ) .. classic girls high school الكاتبه :gala q8










الروايه الثالثه : ثـآنَوْيٌـهِ بًنـآتْ ٍ كُـلآٍسُـكْـٍ ..

Classic girls high school









الروايه هذي روايتي الثالثه .. هذي الروايه واايد خياليه .. يعني اكثر شيء من الخيال .. و تتكلم عن بنات داخل الثانويه و كل وحده لها قصه معينـه .. و داخل الثانويه فيها اسرار .. و قصص مختلفة عن حياتهم بشكل عام .. و هي تتكلم عن بناتنـآ في سنـه 2o2o .. يعني بعد سنين نتخيل انها ممكن تكون الدراسه بهالشكل .. و هالروايه خيال * في خيال ...

...

البـآرت الأول

...


2o20


.. : اووف .. مالي خلق اروح ثانوه يديده .. ما اعرف فيها احد .. كل هذا لان امي تبي تسافر ؟؟

خل اعرفكم على نفسي .. انا اسمي منيره .. عمري 17 سنه ..

المهم .. امي راح تنقلني من مدرستي القديمه لي هالمدرسه لانها راح تسافر .. و تبيني اقعد تحت رعايه خالتي .. و بما ان خالتي بيتها بعيده عن مدرستي الاوليه فأمي انقلتني هنيه على هذي الثانويه ..

اوووف .. ما اعرف احد بهالمدرسه .. ما ابي اعاني مثل كل سنه .. المهم .. امي الحين عند الناظره .. قاعده تكلمها عشان توقع على نقلي ... اوووف .. يارب يرفضوني بهالمدرسه الغـريبه ..


( رن الفون )


منيره : اووف دقيقه عضوات .. في احد متصل على فون امي ..

منيره : الوو .. هلا خلوود ( خالد ) .. شتبي ؟؟ اي اي امي عند الناظره بعدين اقول لها تتصل عليك .. يا الله باي ..


منيره : امم .. هذا اخوي خالد اتصل .. اي .. خل اعرفكم على اخوي .. اخوي خالد عمره 18 سنه .. يدرس بجامعه الكويت بصراحه ما ادري اي تخصص .. هذا اخوي من امي و ابوي .. وللأسف .. ما اشوفه إلا بالاسبوع مره .. بسبب الدراسه .. و اخباره كلش ميح ما اعرفها ..


ام منيره طلعت من الغرفه شافت منيره تكتب : هاا قلبي .. شقاعده تكتبين ؟؟
منيره ماسكه مذكراتها : ماكو بس قاعده اكتب خرابيط ( صكرت الدفتر و حطت الدفتر بالجنطه الرماديه الكبيره مع القلم الوردي ) ,,
ام منيره تبتسم : زين .. هذي الورقه الناظره وقعت و وافقت على النقل ..
منيره حالتها مكسوفه : لا يمه تكفين .. ما ابي انتقل مدرسه ثانيه .. و بعدين واضح من هالمدرسه ان الكل كلاسك وبنات اغنيه مو مثل حالتي !!
ام منيره : خالتج عندها فلوس و ما راح تحرمج من شيء وبعدين انا و ابوي بنسافر عشان الورث .. و هذي السفره بتكسبنا فلوس .. و نقدر نغطي كل مصاريفنا
مينره : و خالد بيسافر معاكم ؟؟
ام منيره : لا .. خالد بيتم بيت رفيجه .. لان اهل رفيجه مخيمين .. و تدرين كلهم شباب ما عندهم بنت .. المهم انا لازم اروح الحين ..
( طلعت ورقه صفرا ) مسكي هالورقه الناظره عطتني إياها تقول فيها رقم غرفتج .. واعتقد ان في شريكه معاج بالغرفه .. حسني التصرف معاها و حاولي تتقربين منها .. وها لا تنسين صلاتج .. ولا تنسين يوم الخميس او اليمعه مري خالتج و زوريها .. و لا تنسين اتصلي على اخوي .. و منه بتعرفين اخبارنا .. يا الله .. باي يا قلبي ( باستها بخدها و راحت ) ..

منيره بقلبها : اوووف .. ليش دايما يخلونا نحس بالوحده ..






خل اعرفكم بمنيره و بشكلها


منيره بنوته حلوة و صغيره عمرها 17 سنه اخر سنه بالثانوي .. شعرها لي اخر ظهرها .. لونه كستنائي ( طبيعي ) عيونها حلوين شفايفها حلوين كبار شوي .. و هي مو ضعيفه ولا متينه بس جسمها حلو و مرتب ..

...

منيره دخلت من الباب لي الساحة الكبيرة .. و شافت اللبس الموحد .. كان عباره عن قميص ابيض و تنوره خضرا غامجه لي الركب .. و كرفته مقلمه باللون الابيض و الاخضر و الاحمر .. و دلاق ابيض طويل لي تحت الركب او قصير .. و
( ويكرم القارئ ) جوتي اسود حلو .. و كانوا البنات اشكالهم كلاسك وايد .. و كانوا جمال و كل وحده تحب يكون لها شكل ..

دخلت الساحه الكبيرة .. و كان الجو دافيئ ومغيم .. دخلت لقت حديقتين وحده يمينها و وحده يسارها ,, و اخر نهايه الحديقتين في مبنى ..

و كلمت سيدا لقت المبنى الكبير دخلت .. افتحت الورقه .. مكتوب فيها


الاسم : منيره جاسم الـ..
رقم الغرفه : 15 B
نوع الغرفه : غير شخصيه ( مشتركه ) ..

...

كملت منيره طريجها .. و اول ما دخلت المبنى .. لقت دري كبير جدامها و كان المبنى ديكوره كله من خشب التفتت يمين لقت كوفي صغير .. و فيه بنات كلاسك و جمال قاعدين يشربون القهوه بذرابه .. و يسارها لقت زجاج وفيه صور البنات واللاعبات الكره السلـه و غير الكؤوس اللي فازوا فيهم …


كملت و اصعدت الدري .. و المهم لقت لافته على اليمين مبنى a واليسار مبنى b

لفـت عند جهت اليسار .. دخلت الممر لقـت أول غرفه طلت لقت 3 بنات جدامهم ملابس جديده و جناط لونها ورديه و انواع من الاحذيه الجديده والبوتات .. و غير العلب المكياج ..

البنت الاولى : واي .. انا بعد ما اتخرج راح اسوي عمليه بـ براطمي نفس انجلينـا ..
البنت الثانيه : ya و انا بعد .. واااي خشمي صار إينن .. موو .. بعد ما سويت عمليه قبل شهر خليته يصير عجيب

منيره تطالع البنات و تضحك عليهم ..

كملت طريجها منيره ولفت يسار لقت بالغرفه الثانيه .. بنتين .. بس شكلهم مو بنات ... شعرهم قصير و كل وحده ماسكه كره وحده كره سله والثانيه كره قدم ..

و يتكلمون ..

البنت الاولى بصوت خشن : لالا .. انا اشجع رونالدينو انتي ما شفتي مبارات امس ؟؟ يا بوووي .. فدوه له يا قلبي والله ...

البنت الثانيه بصوت اخشن من الاولى : لالا .. خلي هالمبارت شفتي اللاعب فهد بدر المطوع اللي ابوه كان لاعب سنه 2010 ؟؟ اي فديته امس شخط بالملعب و الله خطير ..

منيره تطالع المدرسه .. و بناتها .. البنات اللي فيها مو لايقه على اسم الثانويه ..

و كملت سيدا .. لقت غرفه رقم 12 .. عرفت انها قربت .. و قرت 13 .. قرت 14 .. قرت 15 .. لقت الباب شوي مفتوح .. دزت الباب .. لقت بنت داخلها شعرها قصير لي كتوفها .. و متينه شوي .. ( امتن من منيره ) .. حلوه عيونها كبار و شفايفها حلوين .. و قصيره شوي .. كانت قاعده تطلع اغراضها .. و تسنعهم ..

منيره فتحت الباب .. لقت الغرفه كبيره و حلوة و فيها 5 سراير
( جمع سرير = فراش ) ..

والبنت كانت قاعده اول فراش اللي على اليسار ,, و وراها الجامه ..

منيره : احمم ..

البنت لفت على منيره و ابتسمت : حيااج ..
منيره ابتسمت : امم .. انا بصراحه يديده بالهالثانويه .. و ,, ما اعرف عن نظامها .. بس حبيت اعرف ما ادري إذا هذي الغرفه المطلوبه ؟! وله .. وله لأ ..؟!

البنت مدت ايدها تبي الورقه .. و منيهر عطت الورقه حق البنت ..

البنت سحبت الورقه شوي شوي من منيره وشافت الورقه و قالت : لا .. هذي اهيا الغرفه صح ..
منيره تطالع الغرفه .. غرفه حلوه .. و كل طوفه ملونه لون .. في لون ازرق و في وردي و برتقالي و احمر و عليها رسومات ..

منيهر راحت حق ثاني سرير .. اللي يم البنت .. و كان لون الطوفه اللون البرتقالي ..

البنت حطت جنطتها بالارض وراحت للكبت و حطت ملابسها .. و لفت على منيره ..

البنت مدت ايدها تبي تسلم على منيره : انا لولوة .. شريكتج بالغرفه .. إن شاء الله .. عمري 18 سنه .. عدتها سنه ..

منيره مدت ايدها : وانا منيره .. عمري 17 سنه .. اتمنى نكون صديقات .. ما ادري ليش ارتحت لج ههه ..
لولوة : ههههه .. و انا بعد ..

...


شوي و دق الباب .. لقوا بنت شعرها طويل شقرا .. و كانت وايد ستايل ,, وكانت معاها خادمه .. و الخادمه شايله جناط الشقره اللي لونها ورديه .. و ويها متروس عمليات تجميل ..


...

دخلت البنت اللي شعرها طويل و اشقـر .. و كانت تاكل علج .. و تطالع الغرفه و كلش ما كانت عاجبتها الغرفه ,,

البنت الشقرا : اف .. وت ذاتس ؟؟ شنو هالغرفه ؟؟ اووف .. انا اخر عمري اخذ غرفه مع .. ( لفت على منيره و لولوة ) .. اوووه .. مع شريكات .. موو صج ..

البنت الشقرا طلعت برا الغرفه و خلت الخدامه تدخل الاغراض داخل الغرفه ..

منيره تطالع لولوة : منو هذي ؟؟
لولوة : هههه .. الله يعينا عليها ,, هذي جولينار الدلوعه .. هذي ابوها من اغنى رجال المدينه .. و طبعا عندها صديقاتها الغنيات .. و كل وحده بغرفع لحالها ,, بس ما ادري ليش حاطينها معانا .. ( رفعت حواجبها ) .. غريبــه ..
منيره : اها .. و ما شاء الله عليها وايد مهتمه بنفسها و ( بتكمل بس لولوة تطالع منيره و تقول ) ..
لولوة : لا يغرج .. كل هذا صناعي .. و موعشان تكون حلوه .. هه ..
منيره : امم .. عشان منو ؟؟
لولوة تطالع منيره : عشان ثانويه الشباب اللي يمنا ,, ههههههه ..
منيره تبتسم : اهاا .. هههه ..

رن الجرس .. و بعدها تكلمت وحده من الميكرفون

( عزيزاتي الطالبات .. يجب عليكم التوجه إلى غرفه الطعام .. حالا ) ..

لولوة : يا الله امشي خل ننزل بسرعه قبل لا نتعاقب ..
منيره : نتعاقب !!

لولوة مسكت منيره و سحبتها ..

...

نزلوا كل الطالبات .. اول ما دخلت منيره غرفه الطعام .. لقتها كبيره و الطاوله مصنوعه من خشب .. و طاولات طويله .. كل طاوله فيها من 50 الى 70 بنت ..

ولولوة : منيره تعالي اعرفج على رفيجاتي ..
منيره : اوكي
لولوة و منيره راحوا عند بنتين قاعدين يسولفون .. و يضحكون ..
لولوة تبتسم : قووه بنات

روان : واااااااااااااي لولووووه ( لمتها ) واااي اشتقت لج ..
لولوة : و انا بعد .. ما صدقت على الله تنتهي العطله وايي اقعد معاكم ..
غدير: واااي و انا بعد و اخيرا افكتيت .. و خاصه من زوج امي ..

روان و غدير خوات توائم .. يتشابهون بكل شيء .. بس روان عندها حبه خاله صغيره صوب شفايفها .. و له الطول و الشعر و الشكل كله نفس الشيء ..

لولوة لفت على منيره و قالت : منيره هذي روان و هذي غدير خوات .. توائم .. ( لفت على التوائم ) .. و هذي منيره .. راح تكون معانا بالغرفه ..

روان : حياااج منووور .. مالج شغل بأحد .. و احنا لنا قوانين خاصه هههه ..
غدير : يـب .. صح كلام خيتوو .. احنا قوانينا غير ..
لولوة : هه .. تدرون منو معانا بالغرفه ؟؟
غدير : لا منو؟
لولوة : جوليار .. هههههه
روان منصدمه : اوووه ماااي قووود .. اي شيء ..
غدير : لالالااااااا .. لولوة مو من صجج ..
لولوة قعدت جدام روان و لفت على منيره : تعالي قعدي يمي ( تقصد جدام غدير ) ..
منيره راحت و قعدت بصمت ..

...

النـآظـره بكل شموخ : صباح الخير بنات .. امم .. ادري بتقولون ويع بدينا دراسه و ما ادري شنو .. خلاص من الحين بدت المدارس و الكل لازم يشتهد على ما هو عليه .. طبعا في بنات جدد بهالمدرسه و مو عارفين قوانين الثانويه .. جدام كل وحده ورقه تعليميه .. و اتمنى انكم تقرونها على السريع .. لان الحين راح نوزع لكم الطعــــآم الفطــوٌرْ ..
...
منيره خذت الورقه اول صفحه ..
تعليمات Classic girls high school

1- عدم الخروج من الثانويه إلا في يومي الخميس و الجمعه من الساعه 9 صباحا إلى الساعه 9 ليلا ..
2- الفطور الساعه 8 الصبح ..
3- الغداء الساعه 2 الظهر
4- العشــآء الساعه 8 ليلا ..
5- الحصص على حسب جدول الطالبه إن كان علمي او ادبي ..
6- يوم الوناسه والفرفشه يوم الاربعه
7- ( الحمام السباحه – لعب الكره القدم و السله – الطبخ – الرسم – التعليم الميكانيكي – شغلات فنيه )
8- حفله بالثانويه للتعارف .. في تاريخ : 27-1-2020

ودمتم سالميـن ..

...

لولوة : لا مو صج .. اهم شيء العشاء الساعه 8 .. شنو دياي ؟؟
غدير : امبيه قبل كان العشا الساعه 10 الحين 8 ؟! ويـــــع شنو هذا ؟
روان : عادي نتحمل .. ترى كلها اخر سنـه ..
منيره : انا ثنويتي القديمه كلش ما كانوا يعطونا اوراق وتعاليـم .. كانوا اهما ينظمون و قتنا و خلاص ..
لولوة : اووف على هالثانويه البايخه ..
لولوة : كلمينا عن ثنويتج ؟؟ وين كنتي ؟؟
منيره : انا ثنويتي كانت عاديه ماكان فيها احد غني .. احنا كلنا عايشين على المزارع اللي عندنا .. ابد ما نعرف عن الكلاسك والستايل والماركات ..
روان : معقوله في ناس ما تعرف هالاشياء ؟؟
منيره تبتسم : احنا حياتنا جدا عاديه ما نهتم غير ان نحافظط على زراعاتنا اللي عايشين عشانها وبس ..

و تم توزيع الفطور ..
...




و انا منزله هالروايه خايفه خاصه انها خياليه وايد .. فأتمنى انكم تعطوني رايكم بكل صراحه



و رايكممم اكيد يهمنـــــــــــي واتمنى تعجبكم

نـــآطره ردودكم






__________________
{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ}

أستغفر الله و أتوب إليه

روايتي ثانويه بنات كلاسك

التعديل الأخير تم بواسطة ملآمح يوسفيه ; 14-01-2012 الساعة 03:11:04 PM
gala q8 غير متواجدة حالياً  
قديم 05-02-2011, 02:56:35 PM   #2
MeeMeeYoo_2
كــويــتــيــة ذهــبــيــة
 
الصورة الرمزية MeeMeeYoo_2
 
تاريخ التسجيل: Jul 2008
الدولة: عروس الخليج ( الكويت ) فديتهااا
المشاركات: 1,739

افتراضي رد: روايتـي الثـآلثه (ثانويه بنات كلاسـكـ ) .. classic girls high school الكاتبه :gal


ونااسه

القصه شكلها عجييبه



يسلموووووو



MeeMeeYoo_2 غير متواجدة حالياً  
قديم 05-02-2011, 03:14:50 PM   #3
((قاهرتهم))
كــويــتــيــة ذهــبــيــة
 
الصورة الرمزية ((قاهرتهم))
 
تاريخ التسجيل: Dec 2010
المشاركات: 1,730

افتراضي رد : روايتـي الثـآلثه (ثانويه بنات كلاسـكـ ) .. classic girls high school الكاتبه :ga


يشرررفني اكووون اول وحده تردعلى روايتج

رووووعــــــــــــــه



__________________
يا رب ترزقني الذريه الصالحه
((قاهرتهم)) غير متواجدة حالياً  
قديم 05-02-2011, 03:15:33 PM   #4
gala q8
من كبار شخصيات كويتيات
 
الصورة الرمزية gala q8
 
تاريخ التسجيل: Apr 2010
الدولة: ب قلب يدي الله يرحمه 3>
المشاركات: 15,106

افتراضي رد: روايتـي الثـآلثه (ثانويه بنات كلاسـكـ ) .. classic girls high school الكاتبه :gal


اقتباس:
المشاركة الأصلية كتبت بواسطة MeeMeeYoo_2 مشاهدة المشاركة
ونااسه

القصه شكلها عجييبه



يسلموووووو


نورتي فديتج ..



__________________
{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ}

أستغفر الله و أتوب إليه

روايتي ثانويه بنات كلاسك
gala q8 غير متواجدة حالياً  
قديم 05-02-2011, 03:16:13 PM   #5
gala q8
من كبار شخصيات كويتيات
 
الصورة الرمزية gala q8
 
تاريخ التسجيل: Apr 2010
الدولة: ب قلب يدي الله يرحمه 3>
المشاركات: 15,106

افتراضي رد: رد : روايتـي الثـآلثه (ثانويه بنات كلاسـكـ ) .. classic girls high school الكاتبه


اقتباس:
المشاركة الأصلية كتبت بواسطة ((قاهرتهم)) مشاهدة المشاركة
يشرررفني اكووون اول وحده تردعلى روايتج

رووووعــــــــــــــه



يا قلبـــــــــــي والله ..


نورتـــــــــــــــــــــ ــــي .. فديتج



__________________
{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ}

أستغفر الله و أتوب إليه

روايتي ثانويه بنات كلاسك
gala q8 غير متواجدة حالياً  
قديم 05-02-2011, 03:38:21 PM   #6
taboolaaaa
كــويــتــيــة بــرونــزيــة
 
الصورة الرمزية taboolaaaa
 
تاريخ التسجيل: Sep 2010
الدولة: beach
المشاركات: 630

افتراضي رد : روايتـي الثـآلثه (ثانويه بنات كلاسـكـ ) .. classic girls high school الكاتبه :ga


وناسه شكلها حدها تشوق
كملي حياتي كملي ناطرينج حبي




__________________


مااحلل اي وحده تنقل روايتي من غير ماتذكر اسمي taboolaaaa واسم المنتدى كويتيات !!!


شــوف طـــيـــبك ويــــن وداك .. شــوف يــاكـــبـــر الاهـــانـــه !!
شــوف تـجريــح بــســؤالــه .. مــنــهــو انــت .. ومــن تــكــون !!
taboolaaaa غير متواجدة حالياً  
قديم 05-02-2011, 03:55:33 PM   #7
gala q8
من كبار شخصيات كويتيات
 
الصورة الرمزية gala q8
 
تاريخ التسجيل: Apr 2010
الدولة: ب قلب يدي الله يرحمه 3>
المشاركات: 15,106

افتراضي رد: رد : روايتـي الثـآلثه (ثانويه بنات كلاسـكـ ) .. classic girls high school الكاتبه


اقتباس:
المشاركة الأصلية كتبت بواسطة taboolaaaa مشاهدة المشاركة
وناسه شكلها حدها تشوق
كملي حياتي كملي ناطرينج حبي


يــــــــــآقلبـي .. إن شاء الله راح اكلمها الحيــــــــــــن



__________________
{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ}

أستغفر الله و أتوب إليه

روايتي ثانويه بنات كلاسك
gala q8 غير متواجدة حالياً  
قديم 05-02-2011, 03:56:39 PM   #8
gala q8
من كبار شخصيات كويتيات
 
الصورة الرمزية gala q8
 
تاريخ التسجيل: Apr 2010
الدولة: ب قلب يدي الله يرحمه 3>
المشاركات: 15,106

افتراضي رد: روايتـي الثـآلثه (ثانويه بنات كلاسـكـ ) .. classic girls high school الكاتبه :gal


...

البــآرت الثانـي
...

بعد الفطور .. قاموا الطالبات .. و كل وحده راحت غرفتها .. و طبعا روان و غدير و لولوة و منيره بغرفه وحده ..


والبنات ادخلوا الغرفه و هم كانوا يسولفون و يضحكون ..

الكل : هههههه ..
روان : وله اقول حق غدير روحي مسكي عبود .. والله اشتقت له
لولة : فديته .. الحين جم عمره ؟؟
روان : الحين كمل 5 سنين ..
لولوة : يمه فديته ..
غدير طلعت صورت اخوهم عبود ..

غدير : لولو .. منور .. شوفوا هذي صورت اخوي عبود ..
لولوة و منيره يطالعونه كان وايد مملوح و اشقر ..
منيره : امبيه كلش ما يشابهكم .. انتوا شكلكم بدويات والعين مكحله اهوا كلش مو صوبكم اهوا اشقراني ..

روان : اي اهوا اخوي من ابوي .. امه امريكيه ..
منيره : اهاا ..
غدير : احنا عايشين عند ابوي و مرته .. و نروح حق امي بأخر العطل ..


طق الباب الغرفه .. طلعت لهم بنت لابسه نظاره طبيه و شعرها كاريه .. و حاطه شباصتين خضرا و حده يمين و وحده يسار ضعيفه و بيضه شوي .. و ماسكه اوراق ..

البنت ابتسمت : آ .. انا من جماعه الاخصائيه .. و حابه اوزع لكم اوراق لازم تملونها ..

لولوة مشت عند البنت و خذت 4 اوراق .. و قالت : مشكوره .. وين نوديها بعدين ؟؟
البنت : في صندوق اخر الممر عند غرفه رقم 11 .. حطوا الاوراق داخل الصندوق ..
لولوة : اوكي مشكوره ..


طلعت البنت و لولوة ووزعت الاوراق حق البنات ..

منيره قرت الورقه متوب ..

الاسم :
رقم الغرفه :
تخصص : (علمي – ادبي )
المواد الادبيه : لغه – رسم – فن – موسيقى – ازياء – اتكيت
المواد العلميه : المحاليل – علم النفس – علم الحيوانات – علم النبات
العمر :
تاريخ الميلاد :

...

منيره : زين .. منو بتدخل علمي و ادبي ؟؟

غدير : انا اكيد علمي ..
روان : نوو .. انا اكيد ادبي
لولوة : و انا بعد بدخل علمي ..
منيره : اها .. انا ادبي ..

روان تبتسم : اي زيييييييييين .. معااي ونااسه ..
لولوة : اي عاد الله يعينج يا منيره على روون .. ههههههه
روان : اقول جبي ..
الكل : هههههههههه ..

بعد ما كملوا الورقه ..

منيره هي تصكر القلم : زين .. الحين وين المبنى اللي ندرس فيه ؟؟
لولوة : اي .. انتي اول ما دخلتي كان في مبنى على يمينج و يسارج .. صح ؟
منيره : اي صح ..
لولوة : اي .. اللي على اليمين مبنى العلمي و اليسار مبنى الادبي ..
روان : يا الله امشوا خل نحط الاوراق بالصندوق و ناخذ لنا فره على المكان .. و منها نعلم منيره عن الاماكن ..
غدير : اي والله خووووش فكره ..


دخلت عليهم جوليار ,, و حدها معصبه ..


جوليار : اوووه ماي قوود .. مستحيل اوافق على اللي قاعد يصير .. ( و طبعا منيره و لولوة و غدير و روان .. يطالعونها و منصدمين من دلعها الماصخ ) ..

جوليار تطالعهم : وت ؟؟ شفيكم تطالعوني جذيه ؟؟ اممم .. شكلكم معجبين فيني .. اوكي نوتس بروبلممم .. امم ..

لولوة تضحك على مصاخه جوليار : هه .. مالت ( خذت شريطه سودا و طلعت ) ..
روان و غدير يطالعون بعض و بعدين : هههههههههههههههههههه .. ( و طلعوا ورا لولوة )
منيره اللي تمت واقفه تطالع جوليار
جوليار ترفع حواجبها و تطالع منيره : وت ؟؟
منيره : لا .. بس في شعره بيضا بين شعرج هالاشقر ..
جوليار قامت : اي شيء ,, ( راحت عند المنظره تطالع شعرها ) , و منيره تضحك على شكل جوليار و منيره طلعت من الغرفه ..

...

بعد ما طلعت منيره لقت البنات صوب الدري قاعدين ..
ولولوة البست الشريطه السودا ..

منيره : بنات ,, ابي اعرف اركان المدرسه ..
لولوة : لا خليها بعدين .. تعالي قعدي خلينا نعرف عنج اكثر ..

منيره قعدت : انزين .. شنو تبون تعرفون عني ؟؟
روان : يعني .. قولي لنا وين عايشه ؟؟ و مع منو ؟ جم اخت عندج ؟؟
غدير : و جم اخو ؟؟ وليش انتقلتي من مدرستج الاولى ؟؟
منيره : امم .. اولا .. انا البنت الوحيده و عندي اخو .. و اسمه خالد .. اكبر مني بسنه .. توه متخرج من الثانوي والحين اهوا باولى جامعه .. طبعا اهوا الحين ساكن مع فيجه ... و يزور خالتيلا بالعطل .. انا كنت عايشه بمنطقه بعيده عن منطقتنا و احنا عايشين بمزرعه يدي .. و تدرون صوب المناطق الزراعيه حياتهم جدا عاديه ماهي كلاسيكيه مثل هالمناطق الغنيه .. و ثنوياتنا عاديا جدا .. ام ابوي منفصلين وام ابوي متزوجه من ريال ثاني .. وغني .. و كان عندها شركات بدول ثانيه ..و توفت قبل اسبوع .. و بما ان ابوي وحيدها .. فأبوي و امي راحوا ياخذون الورث .. فأمي اتركتني عند خالتي اللي ساكنه بهالمنطقه .. وبس بعد شنو تبون تعرفون عني ؟؟

روان : كفيتي و وفيتي ..

غدير : انزين الحين بنقول لج عنا انا و اختي روان .. احنا بنات رجل الاعمال المعروف جاسم عبدالكريم الـ.. تعرفينه ؟؟

منيره : لا .. ما اعرفه

لولوة منصدمه : معقوله ؟؟ اهوا من اكبر رجال الاعمال ..

غدير : المهم .. ابوي غني جدا و عندنا اخوان من ابونا.. ابوي نوعه مزواج .. و عندي اللي اكبر منا ثلاثه اختي الكبيره متزوجه وعندها ولد .. و اخواني اثنين يدرسون بالخارج و بعدها انا و روون .. و عايشين عند ابونا و امي متزوجه من ريال ثاني ,, و عندنا اخونا من ابوي عبود و اهوا اصغر واحد ..

روان : واي زوج امنا انسان سخيف و مليغ و دايما يسوي نفسه انه بطل ههههههههههه ...

غدير : و بس ..

منيره : اهاا ,, وانتي لولوة ؟؟


لولوة تطالع البنات و نزلت راسها : انا .. آ ,

غدير : آآ .. شرايكم نروح نشوف منو معانا بالصف ؟؟
لولوة : غدير .. منيره وحده منا و فينا .. ولازم تعرف عنا كل شيء ,,
منيره : لا لولوة .. إذا انتي مو حابه تقولين عادي ,,
لولوة : لا ,, بقول ,, انا بنت عشت عند عايله .. بس اهما مو عايلتي .. اقصد .. آ .. إني لقيطه .. و عشت عندهم من صغري .. و حبيت حياتهم .. اهلي ماتوا بالحرب .. وهذي العايله تبنتني ..


منيره : الله يرحمهم ..


غدير : يا الله امشوا .. خل نروح ..

..


وبالفعل .. راحوا البنات و طلعوا برا المبنى الرئيسي ,, و دخلوا مبنى العلمي ..


منيره تفاجأت .. لان لمن دخلت لقت الكل لابس بالطو ابيض .. وفي مجموعه لابسين نظارات للاختبارات ..
و مجموعه يقرون الكتب .. و معاهم معلمه تعلمهم .. وبنات ماسكين انابيب و محاليل .. و مشت شوي لقت غرفه مصنوعه من زجاج .. و كلها انواع البناتات ,, و فيها معلمه تشرح لهم على البنات .. و مشت شوي لقت ممر الطوفه مصبوغ بلونين الاخضر و الاصفر .. و كله صور حيوانات ... و ابحاث عن التطور العلمي للحيوانات ..


لولوة تطالع منيره شلون منبهره : هه .. شكلج اول مره تشوفين صور حيوانات .. هههههه

الكل : هههههههه
غدير : منور عادي لازم تتعودين .. هذا مكانا انا و لولوة ..
روان : بس احنا احلى بوايد .. احنا ستايل هههههههههههههه

لولوة : يا الله ذلفوا يا الادبي هههههههههه

منيره : ههه .. يا الله روون .. امشي خل نروح ..

روان : يا الله ..

...


منيره و روان دخلوا مبنى الادبي ..

اول ما دخلوا .. كان المكان قمه و روعه بالجمال ..

الطوف كله الوان بناتيه .. وردي و فوشي و بنفسجي و احمر و ازرق المائل على البنفسجي ..


و كان اول باب على اليمين مكتوب عليه لافته { الاتكيت } .. و كان داخله كتب و قسم للمكياج و قسم للازياء .. مشت شوي وله باب ثاني مكتوب { الفن و الرسم } ,,

وكانت الغرفه كلها فيها الوان .. ورسومات معلقه .. و جاكيتات زرقاء ..

و كملوا على المبنى و لقوا الاقسام كلها تتكلم عن الفتاة و حياتها ..

...

و كل وحده خذت جدول مواعيد حصصها ,, و صار وقت الظهــــــــــر ,,


و كان اخر حصه للبنات ..

بحصه العلمي عند لولوة و غدير ..

الحصه : علم البنات ,,

لولوة و غدير و جدامهم نبات ..

غدير تطالع شكل النبات : هه
لولوة تطالع غدير : شفيج تضحكين ؟؟
غدير : امبيه مو صج .. شوفي المحاليل ,, شكلي بخرب البنات عدل ,,
لولوة : ههههههه .. لا يا الغبيه لا تسوين نفس قبل .. و تنزل درجاتنا بسبت نبات ..
غدير تغمز حق لولوة : ماعليج مني .. انا ابروحي هالمره بنفصل ههههههههه ..


غدير خذت المحاليل ,. و قامت تصب فوق البنات .. لين البنات عفنت و قامت تطلع منه ريحه المحاليل ,,


الابله اسمها ابله غنيه .. العمر 30 سنه .. ضعيفه و شعرها فاتح اللون تلبس نظاره طبيه مملوحه لاكنها ما تهتم بشكلها وايد .. تحب الكتب و خاصه عن الاشياء العلميه ( و تخصص علم البنات ) ..



الابله غنيه : اف .. شنو هالريحه ؟؟ .. بنات .. تأكدوا بالمحاليل .. اي وحده لاعبه بالمحاليل راح تتحاسب ..

غدير : ههههههه ..

لولوة : اششش يا المينونه ..

غدير : ابله .. انا ... انا خلطت كل المحاليل .. و شوفي

( غدير خذت المحلول و خضته كلهم مع بعض و قام يطلع فقاعات )


الابله اشرقت : انتي هييي يا المينونه .. خلي الانبوبه .. بنات بسرعه طلعوا .. هالمينونه بتحرق لنا المختبر ..


البنات طلعوا و يصارخون بدفاشه و يضحكون ..

لولوة : ههههههههههههههههههههههه .. يا المينونه ..
( لولوة طلعت تركض و غدير ميته ضحك ههههههههههه .. )



و طبعـآ انتهــت الحصه عند الناظره ..


الناظره : اسمها ابله خديجه .. انسانه سخيفه و مغروره و تتكلم بكل شموخ و ثقه و مخرعه الطالبات و المعلمات بعصاتها .. الابله تبلغ العمر بـ 60 سنه .. متينه شوي و شعرها اللون مايل على البني و البرتقالي ...


الناظره : زين .. ويعني لي متى هالشطانه عندج ؟؟
غدير تبتسم : احنا ملينا من الدمرسه قلت اونس نفسي شوي .. ليش ؟! فيها شيء ؟؟
الناظره : اممم .. انا ادري انج انتي تدرين مهما سويتي بالثانويه ممكن ما تتعاقبين لان ابوج مكانته مهمه بالمدينه .. بس هذا مو معناته انج ما راح تتعاقبين ..

غدير : امممم .. زين يا الله عاقبيني .. ( و شقت الحلج بإبتسامه )
الناظره تكلم غدير و هي صاكه على ضروسها : طلعي برا ..
غدير : هع .. زين ..


غدير طلعت .. و راحت غرفتها ..



و كان يوم شيق على البنات ...


و كان حال البنات .. اللي دخلت تاخذ شور و هذي غدير و اللي دخلت تنظم اغراضها هذي لولوة و اللي تدور مفتاح صندوقها هذي روان ..

اما منيره فكانت ماسكه دفترها الرمادي و القلم الوردي .. و تكتب عن يومياتهـآ ,


اليوم : السبت ..

التاريخ : 22-1-2020

اليوم اول يوم دراسي لي ,, تعرفت على اربعه طالبات و صج ارتحت لهم .. حسيت ان يومي راح يتحسن ..

وصج اشتقت حق رفيجاتي اللي بالمزرعه .. اشتقت حق ناديه والطاف وايد ,, ودي يمر هالاسبوع بسرعه عشان بس اقابلهم ..

بصراحه حسيت اليوم لولوة مو طبيعيه بعد ما قالت لي انها يتيمه ولقيطه ,, حسيت ان في ذكريات داخلها .. واتمنى انها ما تكون متضايقه من صراحتها ..

اما غدير فهذي انسانه طيبه و شكلها صريحه .. و كوميديه .. وارتحت لها وايد ..

اما روان .. فهذي نكته .. و دلوعه الثانويه .. مع انها تشبه غدير بالشكل ولكن من الداخل كلش ما تشبهـأ ,,

احس اني قمت اتألقم مع الجوو بهالمدرسه ..


روان لفت على البنات : اووووووووووف .. بنات تكفون منو شاف مفتاحي ؟
لولوة لفت على روان : اي مفتاح ؟؟
روان : اوووف مفتاح امي اللي عطتني إياه امس .. قالت لي لا تفتحينه إلا قبل لا تنامين ..


منيره صكرت الدفتر و حطته بالجنطه : تذكري وين حطيتيه ؟؟
روان تحاول انها تتذكر : ما ادري ؟ّ انا اخر مره حطيت المفتاح بجاكيتي الفروو .. الحين مو لاقيته لا بالجاكيت ولا بالجنطه ياربي ..

طلعت غدير من الحمام ( عزكم الله ) : شفيج ؟؟
روان : اووف .. المفتاح اللي امس امي عطتني إياه مو لاقيته ..
منيهر : دوريه عدل ..
روان : انا دروته من يينا لي الحين .. مو لاقيته ..
لولوة : قوموا بنات خل ندور ..


(( و قاموا البنات يدورون طول الوقت .. لين عفسوا الغرفه )) ..


...





راح اكملهــــــــــــــــآ بس ابي تشجيع




__________________
{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ}

أستغفر الله و أتوب إليه

روايتي ثانويه بنات كلاسك
gala q8 غير متواجدة حالياً  
قديم 05-02-2011, 04:27:59 PM   #9
Miss.blue berry
كــويــتــيــة ذهــبــيــة
 
الصورة الرمزية Miss.blue berry
 
تاريخ التسجيل: Jul 2010
المشاركات: 1,062

افتراضي رد : روايتـي الثـآلثه (ثانويه بنات كلاسـكـ ) .. classic girls high school الكاتبه :ga


waaaw al.89aa shaklha tshaweeg lool
a7es wnassa law yswounlna chthey
7ta mwadhum 7lwa :P
na6rech kmlay 7bebty




Miss.blue berry غير متواجدة حالياً  
قديم 05-02-2011, 04:46:58 PM   #10
gala q8
من كبار شخصيات كويتيات
 
الصورة الرمزية gala q8
 
تاريخ التسجيل: Apr 2010
الدولة: ب قلب يدي الله يرحمه 3>
المشاركات: 15,106

افتراضي رد: رد : روايتـي الثـآلثه (ثانويه بنات كلاسـكـ ) .. classic girls high school الكاتبه


اقتباس:
المشاركة الأصلية كتبت بواسطة Miss.blue berry مشاهدة المشاركة
waaaw al.89aa shaklha tshaweeg lool
a7es wnassa law yswounlna chthey
7ta mwadhum 7lwa :P
na6rech kmlay 7bebty


لوووووووول .. اي انا عندي احس لو جذيه مدارسنا .. لوول ..

لان وناسه مع رفيجاتي و وناسه ..

<<< لا تسمعكم الوزيره هع ..


نورتـــــــــــــــــــــ ـــــــــــي إن شاء الله شوي و اكمممممممممممممممل



__________________
{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ}

أستغفر الله و أتوب إليه

روايتي ثانويه بنات كلاسك
gala q8 غير متواجدة حالياً  
قديم 05-02-2011, 04:56:34 PM   #11
MeeMeeYoo_2
كــويــتــيــة ذهــبــيــة
 
الصورة الرمزية MeeMeeYoo_2
 
تاريخ التسجيل: Jul 2008
الدولة: عروس الخليج ( الكويت ) فديتهااا
المشاركات: 1,739

افتراضي رد: روايتـي الثـآلثه (ثانويه بنات كلاسـكـ ) .. classic girls high school الكاتبه :gal


اكيد تدش هذي شسمها جوليار مادري شنو وتعصب

واخر شي يلقون المفتاااح


ثنكيوووو



MeeMeeYoo_2 غير متواجدة حالياً  
قديم 05-02-2011, 05:14:26 PM   #12
Miss-Madry
*مصممة شعارات معتمدة في منتديات كويتيات*
 
الصورة الرمزية Miss-Madry
 
تاريخ التسجيل: Feb 2008
الدولة: غرْفتيُ الغٌاليهْ
المشاركات: 4,717

افتراضي رد: روايتـي الثـآلثه (ثانويه بنات كلاسـكـ ) .. classic girls high school الكاتبه :gal





كملي ..~ولا خلصتي من القصه بعلق لوول




__________________


اعتذر عن قلة تواجدي بالمنتدى بسبب الدراسه

Miss-Madry غير متواجدة حالياً  
قديم 05-02-2011, 05:38:11 PM   #13
【华】Miss Moodry
كــويــتــيــة فــعــالــة
 
الصورة الرمزية 【华】Miss Moodry
 
تاريخ التسجيل: Nov 2010
الدولة: بقلب ابووي :$
المشاركات: 305

افتراضي رد : روايتـي الثـآلثه (ثانويه بنات كلاسـكـ ) .. classic girls high school الكاتبه :ga


n!ce ..~
i love it .. ~
kmly 8lb ..~



__________________
【华】Miss Moodry غير متواجدة حالياً  
قديم 05-02-2011, 06:25:36 PM   #14
((قاهرتهم))
كــويــتــيــة ذهــبــيــة
 
الصورة الرمزية ((قاهرتهم))
 
تاريخ التسجيل: Dec 2010
المشاركات: 1,730

افتراضي رد : روايتـي الثـآلثه (ثانويه بنات كلاسـكـ ) .. classic girls high school الكاتبه :ga


رواااايه ممتعـــــــــــه تكفين كملي





__________________
يا رب ترزقني الذريه الصالحه
((قاهرتهم)) غير متواجدة حالياً  
قديم 05-02-2011, 07:16:55 PM   #15
rayona
كــويــتــيــة ذهــبــيــة
 
الصورة الرمزية rayona
 
تاريخ التسجيل: Apr 2010
المشاركات: 1,939

افتراضي رد: روايتـي الثـآلثه (ثانويه بنات كلاسـكـ ) .. classic girls high school الكاتبه :gal


89tech wayyyyyeeed '3reeba oo 7elwa bnfs el wgt

Shwgtene wayed el 9ra7a b3rf shb9er bhal thanaweya

Oooo mshkooraaaa 7yate 3ala el partat

Kmlay galbe na6renech ;*



__________________



~{..انسى لجلك هالجروح..}~
rayona غير متواجدة حالياً  
موضوع مغلق

اكثر الكلمات بحث
(ثانويه, .., :gala, الثـآلثه, الكاتبه, classic, بنات, girls, high, روايتـي, q8, school, كلاسـكـ

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 12:02:08 AM.