(( العناية بالبشرة و الجسم قبل المكياج من تجاربي مدعم بالصور ))

هاااااااااااااااي يا احلى كويتيات رجعت لكم من بعد مده طويلة ..




:wqedqw:




:wqedqw:





:wqedqw:



وبمناسبة رجوعي حبيت اهديكم هذا الموضوع اللي انا بصراحة استفدت منه و حابه افيدكم ..
وهالموضوع يعتبر موسوعه حق كل شي استخدمه واستفدت منه من
(( كريمات العناية بالبشره والجسم قبل المكياج - وانواع المكياج اللي استخدمه للوجه والجسم ))
راح يكون على جزئين منفصلين ..

اول شي ببدي معاكم بالجزء الأول ((العناية بالبشره قبل المكياج ))..
ماكو بنت ماقطت فلوسها على مستحضرات العناية بالبشره و الجسم و بالنهاية مااا استفادت ولا شي ..
وانا بعد جربت و جربت و جربت قطيت فلوسي عالفاضي ..
لين لقيت الحلول السحرية ..

الوجه :
1-كل يوم الصبح لما تقعدين تشربين كوب عصير برتقال فريش مع قفشه ماي ورد ونعناع .. ((يعطي نظاره و يورد البشره و يصفيها ))
2-اكتشفت ان (( نيفيا افضل و الطف ماركة تناسب كل انواع البشرة )) واذا عندج اي ماركة مناسبة بشرتج خليج عليها ..
3- نحتاج الى (( تونك للعين + قطن أذون + تونك للوجه + حليب + اسفنجة تنظيف + مرطب للعين (( حماية )) + مرطب للوجه او (سن بلوك مع مرطب) ))
طبعا في وايد بنات يستصعبون يسوون كل هذا الصبح .. ممكن تسوينه كل يمعه او سبت تتفرغين حق بشرتج ..
(((تنظفين العين بالتونك اذا كان فيها بقايا كحل او ماسكرا او شدو .. تنظفين الرموش بنفس التونك بقطن الأذون .. تنظفين الشفايف بتونك الوجه .. الحليب تحطينه على ويهج و رقبتج لمدة دقيقة وتغسلينه ..و تحطين التونك .. تنظفين ويهج بماي الورد بعدين ومرطب العين و مرطب الوجه ..)))

بالنسبة لي انا (( تونك العين و الوجه من نيفيا – الحليب من نيفيا - المرطب من نيفيا ))
بس لازم تختارين اللي يناسب بشرتج ..

البشره المختلطة :






البشره الدهنية :




البشرة الجافة :






الجسم :
الحين بنات الديرة هابين هبة بحبوب التبييض و أبر التبييض و للامانه خالتي توها بادية فيهم وبشوف نتيجتهم عليها و اقولكم

طبعا الجسم يحتاج عناية و ترطيب يومي مثل ما نعتني بالويه لازم نعتني بالجسم
شوفوا يا بنات العناية بالجسم مو معناته تفركين يلدج و تحكينه لأ اذا فركتيه حيل بتصير النتيجة عكسية لازم تفركين بشويش و بنعومة

يعني مثلا بالشهر عندج 4 اسابيع
كل اسبوع خصصي يوم سوي الاستحمام الكبير
اسبوع سوي حمام مغربي(( ويمدحون ترى خيمة السونا اللي بالبيت حق اللي ماتحب الصالونات وسعرها مايعدي 20-25 دينار وتتم معاج لمدة طويلة)) ..
اسبوع حطي خلطة بجسمج (( خلطة مزيونة و شقرا وغيرها من خلطات وانا عن نفسي اسوي خلطة وايد ارتحت لها * للأمانة انا ناقلة الخلطة من البي بي ام و سويتها و حدها حلوه و تنعم و تصفي

1-تغسلين شعرج بالشامبو و تحطين حمام زيت وتلبسين الكيس على راسج
2-تبللين جسمج و تطلعين عن الماي وتفتحين الماي الحار لين يصير بخار وتدهنين جسمج بصابون مغربي لمدة 10 دقايق او ربع ساعه و تغسلينه بدون تفريك
3-تفركين جسمج بليفة الصابون المغربي الخشنة مع ليفة الظهر وراح يطلع كل الوصخ بعدين تغسلين جسمج
4-تحطين خلطة رقم (1) (( 3 ملاعق حليب بودره – 3 ملاعق هردة – 4 ملاعق سنفره للجسم و يفضل المشمش – عصير ليمونه كامله – شوية ماي ورد لين تتماسك الخلطه )) تحطينها على جسمج و تفتحين البخار و تقعدين فيها 10 دقايق بدون تفريك
5- تحطين خلطة رقم (2) (( 3 ملاعق حمص مطحون-3 ملاعق اكسجين بودر -4 ملاعق سنفرة للجسم – عصير ليمونة )) ونفس الشي بالبخار ربع ساعه بدون تفريك

افضل نوع اوكسجين



6-تفركين جسمج كله بالسفيد اب الحجر الأبيض (( بالحواي )) من غير تذويب بالماي (( تمسخين الصخره و تفركين جسمج لين تذوب و بعدها الثانية والثالثة لين تفركين جسمج كله ))

هذي صخرة السفيد اب تلقونها بالحواي



7-تحطين الشاور جل العادي و تغسلين شعرج من حمام الزيت
8-تنشفين جسمج عدل عدل عدل ما تخلين فيه ولا نقطة ماي
9-تحطين خلطة رقم 3 (( نقطه من مسك العروسه – كميه من لوشن جرجنز او اي لوشن تحبينه – وتخلطينهم و تحطينهم على جسمج -))

لاتنسين ترطبين جسمج دايما عشان يبيض
وافضل لوشن يرطب فازلين زبدة الكاكا



ولاتنسين ريولج تفركينهم بسنفرة المشمش و تدهنينهم بالفازلين او كريم 21البرتقالي و لبسي دلاقات و شوفي النعومة




لا تنسين تستخدمين سن بلوك حق ايدج لانها معرضة للشمس و تصير سودا
وتقدرين بالسبوح الواحد تحطين خلطة 1 او 2 ..


لاتنسين بعد كل سبوح تحطين الديودرنت وافضل ديودرنت و مايسود (( سيكريت ))
وهذي صورته



وقبل ماتنامين دهني اظافر ايدج بفازلين المغذى بفيتامين إي .. عجيب ينعم و يطري الجلد اللي حول الأظافر

تابعوا الموضوع معاي لأني كل ما اجرب شي يديد و حلو ومفيد راح اكتبلكم عنه اهني ..

وبس سلامتكم و تعيشون .. ااااه تعبت والله بس عشانكم والله تستااااهلووون :*

نطروني بالجزء الياي :O_SHH_:​