ودي اعرف ليش ؟
اذا بدا الدوام الساعة 7.30 تبصم وتقعد ساعة تسولف بالممر ماتدش مكتبها ؟
اذ جت للموظفة بنت ماتعطيها وجة وتسوي الشغل بنفس خايسة والتافف مالي حلجها مع ان هذا شغلها؟
و نفس الموظفة اذا جاها صبي تفز والوجة مايخلو من الابتسامات والعبارات المعتاده آمر تفضل ان شاء الله مايصير خاطرك الا طيب,,؟
اذا سالتها مراجعه تسوي روحها مشغوله بالموبايل ومو فاضيه ؟
اذا قربت الساعة على 8 تهد مكتبها المكتض بالمراجعين وتروح غرفه على جنب وتقعد تاكل لمده 3 ساعات متواصله ؟
اذا ردت لمكتبها بعد الريوق تطالع المراجعين بطرف عينها و ريحتها بيض وفول وشباتي ؟
اذا قربت الساعة على 12 لملمت اغراضها وشنطتها و تحط المعاملات على جنب ف هذي الاثناء تقعد تسولف لغاية نهاية الدوام 1.45 ؟
اذا راحت تبصم للخروج تقول اف اليوم وايد تعبنا اف ؟
------------------------------------------
التالي عدة مشاهد شاهدتها اثناء تجوالي للوزارات وبعض الهيئات
المحافظة التعليمية الفروانية قسم لللشهادات موظفتين منشغلات بالكمبيوتر ويطالعون عروض الازياء ودون خجل يعلقون على الملابس الي يشاهدونها امام المراجعين !!
----------------------------------------------
لجنة اسلامية تابعة للاوقاف بمنطقة ا,,,,,,,,جنب المستوصف
تدخل البيت مال اللجنة ولا المكاتب خالية من الموظفات
المتبرعه : في احد
الخادمة: نعم ماما في
المتبرعه : وين
الخادمة: ماما فوق
المتبرعه: ابي اي احد ينزل انا مااقدر اروح فوق
الخادمة : ماما كله فوق
تصعد المتبرعه تشوف جلسات عربية لون احمر ولا الي نايمة نايمة والي تاكل والي تخز المتبرعه من فوق لتحت,,
المتبرعه : السلام عليكم
هدوووووء
المتبرعه: بصوت عالى السلام عليكم
ومازال الهدوء سيد اللموقف
المتبرعه: بصوت عالي يااخوات عندي مبلغ بتبرع فيه وين اوديه
موظفه 1 : اف
موظفه 2: امشي معاي "بغاية الاحترام"
موظفه 3 :لاتروحين شينزلج
موظفة 2: راح تنزلين صج!
موظفة 2: اي ,, امشي قدامي
في المكتب
المتبرعه: عندي مبلغ لافطار صائم و بعد ابي احط مبلغ حق اي صدقة جارية
موظفة 2:افطار صائم اقدر بس صدقه جارية مااعرف ا؟!؟
"الموظفه كانت في غاية التدين مما اثار استغراب المتبرعه"
تبرعت المتبرعه وانتهى اليوم في اللجنه
------------------------------------------------
بريد منطقة ال...... جنب الجمعية مقابل بنك الكويت والشرق الاوسط "تحت الانشاء" وبجانب البنك مسجد
موظفات لايعرفن القرائة والكتابه "حدث ولاحرج"
مواطنه: لو سمحتي عندي ظرف وابي ادزه على البريد المستعجل
الموظفه:"ماسكة الظرف وتقولبه يمين يسار فوق حدر" اشوف...انزين ..خذيه
المواطنه: وين اوديه؟
الموظفه : تعالي باجر
المواطنه: ليش هذا ظرف عادي وعندي رسوم اذا تبون
الموظفه : اي بس انا مااعرف اقرا لاي دوله ,باجر يداوم موظف هو يعرف
المواطنه: هذا عربي مكتوب البحرين, طيب علشان تتاكدين شوفي الموظفات الي يمج خليهم يقرونه لج
الموظفه: كلنا ماخذين محو اميه مانعرف بس الشباب الي يداومون هني هم يعرفون
المواطنه: تكفين هذا الظرف ظروري يوصل هالسبوع
الموظفه: خلاص انا راح احطه مع بريد البحرين بس اذا ماوصل مسؤليتج
المواطنة: اي ماعليه
الموظفه: تختم الظرف
المواطنه: حطيتيه مع بريد البحرين؟
الموظفه: اي حطيته مع الختم
المواطنه: شلون عرفتي انبريد البحرين وين؟
الموظفه : حنا يعطونا صناديق بالالوان كل لون دوله والاختام بعد بلالوان نعرفها !!!!!!!!
المواطنه تطلع من البريد وتقول انا عندي دبلون مو لاقيه وظيفه ..!!!! "لاحوله ولا قوة الا بالله"
---------------------------------------------
مستوصف بمنطقة ال...... بالمنطقه الرابعه بمحافظة الفروانية
موظفات كبار "تقريبا بالثلاثينات" تقريبا العدد7 موظفات بمكتب واحد مكتب السكرتارية يتحدثن عن ازواجهن والعلاقه بين الزوجين واثنتين على جنب يتكلمن عن حمواتهن والتسلط عليهن
والمرضى ينتظرون داخل المكتب نتائج تحاليلهم وختم الطبيات وختم التحويل للمستشفى
الغريب! ان مكتب المدير ملاصق لغرفتهن وشايف الازدحام ولا هامه!
------------------------------------------
الهيكلة بالضجيج
الرسبشن فيه جهتين جه للنساء وجهه للرجال في جهه ثالثه بس مو على طول مفتوحة
اذا جهة الرجال مافيه احد مواطنه تروح وتقول بس ابي رقم للقسم الفلاني
ترد الموظفه روحي صفي بدور النساء"مومشكله"بعد نص ساعة خذت ورقة الرقم
اذا جهة النساء فاضي بس انتي واقفه تعابلين بشنطتج علشان تطلعين البطاقة المدنية للموظفه
يجي رجال ويوقف قدامج ويكلم الموظفه يقولها عندي استفسار وابي رقمين وابي احد يودي اوراقي للقسم الفلاني لانهم طلبو مني الاصليه وانا ماعندي
لقيتي بطاقتج تقولين للرجال لوسمحت انا قبلك وبس ابي رقم القسم الفلاني
ترد الموظفة مو على كيفج نطري
"بعد نص ساعه"
تقول للرجال حاضر تامر على شئ ثاني!
واخيرا وصل دورج
انتي: ابي رقم للقسم الفلاني
الموظفة :تاخرتي بعد الساعة 12.30 مانعطي ارقام !
----------------------------------
نفس المكان الهيكله
شايب قدامج موظفة رسبشن "الشيطان تافل بوجها" تقوله انت جذاب بصوت عالي
يقولها الشايب يابنيتي انا ماجذبت بنتي شهادتها من بريطانيا وختمناها ووقعناها واعتمدناها
تقوله انت جذاب شلون تقولي بنتك تدرس ببريطانيا ماقلتلي ان عندها شهاده
الشايب والله يابنيتي موقصدي وانا اسف عطيني رقم ابي اسجل بنتي ولي يرحم والديج
تقوله لانك جذاب ماراح اعطيك يالله روح ولا اوديك المخفر واحطك اهانت موظف اثناء تاديت عمله
"لاحضو كل الي قالته الموظفة بصراخ وبصوت عالي"
------------------------------------------
انا ماذكرت اسم المنطقة بس حطيت بعض المواصفات الي قريبه من المكان علشان الموظفات الي مريت عليهم يتذكروني
ادري وايد موظفات بيكرهوني وبيسبوني لاني كتبت عنهم الله يعيني
وادري ان المشرفه جمااانه راح تمسح موضوعي من غير ماتقراه"عرفت حركاتها"
اذا بدا الدوام الساعة 7.30 تبصم وتقعد ساعة تسولف بالممر ماتدش مكتبها ؟
اذ جت للموظفة بنت ماتعطيها وجة وتسوي الشغل بنفس خايسة والتافف مالي حلجها مع ان هذا شغلها؟
و نفس الموظفة اذا جاها صبي تفز والوجة مايخلو من الابتسامات والعبارات المعتاده آمر تفضل ان شاء الله مايصير خاطرك الا طيب,,؟
اذا سالتها مراجعه تسوي روحها مشغوله بالموبايل ومو فاضيه ؟
اذا قربت الساعة على 8 تهد مكتبها المكتض بالمراجعين وتروح غرفه على جنب وتقعد تاكل لمده 3 ساعات متواصله ؟
اذا ردت لمكتبها بعد الريوق تطالع المراجعين بطرف عينها و ريحتها بيض وفول وشباتي ؟
اذا قربت الساعة على 12 لملمت اغراضها وشنطتها و تحط المعاملات على جنب ف هذي الاثناء تقعد تسولف لغاية نهاية الدوام 1.45 ؟
اذا راحت تبصم للخروج تقول اف اليوم وايد تعبنا اف ؟
------------------------------------------
التالي عدة مشاهد شاهدتها اثناء تجوالي للوزارات وبعض الهيئات
المحافظة التعليمية الفروانية قسم لللشهادات موظفتين منشغلات بالكمبيوتر ويطالعون عروض الازياء ودون خجل يعلقون على الملابس الي يشاهدونها امام المراجعين !!
----------------------------------------------
لجنة اسلامية تابعة للاوقاف بمنطقة ا,,,,,,,,جنب المستوصف
تدخل البيت مال اللجنة ولا المكاتب خالية من الموظفات
المتبرعه : في احد
الخادمة: نعم ماما في
المتبرعه : وين
الخادمة: ماما فوق
المتبرعه: ابي اي احد ينزل انا مااقدر اروح فوق
الخادمة : ماما كله فوق
تصعد المتبرعه تشوف جلسات عربية لون احمر ولا الي نايمة نايمة والي تاكل والي تخز المتبرعه من فوق لتحت,,
المتبرعه : السلام عليكم
هدوووووء
المتبرعه: بصوت عالى السلام عليكم
ومازال الهدوء سيد اللموقف
المتبرعه: بصوت عالي يااخوات عندي مبلغ بتبرع فيه وين اوديه
موظفه 1 : اف
موظفه 2: امشي معاي "بغاية الاحترام"
موظفه 3 :لاتروحين شينزلج
موظفة 2: راح تنزلين صج!
موظفة 2: اي ,, امشي قدامي
في المكتب
المتبرعه: عندي مبلغ لافطار صائم و بعد ابي احط مبلغ حق اي صدقة جارية
موظفة 2:افطار صائم اقدر بس صدقه جارية مااعرف ا؟!؟
"الموظفه كانت في غاية التدين مما اثار استغراب المتبرعه"
تبرعت المتبرعه وانتهى اليوم في اللجنه
------------------------------------------------
بريد منطقة ال...... جنب الجمعية مقابل بنك الكويت والشرق الاوسط "تحت الانشاء" وبجانب البنك مسجد
موظفات لايعرفن القرائة والكتابه "حدث ولاحرج"
مواطنه: لو سمحتي عندي ظرف وابي ادزه على البريد المستعجل
الموظفه:"ماسكة الظرف وتقولبه يمين يسار فوق حدر" اشوف...انزين ..خذيه
المواطنه: وين اوديه؟
الموظفه : تعالي باجر
المواطنه: ليش هذا ظرف عادي وعندي رسوم اذا تبون
الموظفه : اي بس انا مااعرف اقرا لاي دوله ,باجر يداوم موظف هو يعرف
المواطنه: هذا عربي مكتوب البحرين, طيب علشان تتاكدين شوفي الموظفات الي يمج خليهم يقرونه لج
الموظفه: كلنا ماخذين محو اميه مانعرف بس الشباب الي يداومون هني هم يعرفون
المواطنه: تكفين هذا الظرف ظروري يوصل هالسبوع
الموظفه: خلاص انا راح احطه مع بريد البحرين بس اذا ماوصل مسؤليتج
المواطنة: اي ماعليه
الموظفه: تختم الظرف
المواطنه: حطيتيه مع بريد البحرين؟
الموظفه: اي حطيته مع الختم
المواطنه: شلون عرفتي انبريد البحرين وين؟
الموظفه : حنا يعطونا صناديق بالالوان كل لون دوله والاختام بعد بلالوان نعرفها !!!!!!!!
المواطنه تطلع من البريد وتقول انا عندي دبلون مو لاقيه وظيفه ..!!!! "لاحوله ولا قوة الا بالله"
---------------------------------------------
مستوصف بمنطقة ال...... بالمنطقه الرابعه بمحافظة الفروانية
موظفات كبار "تقريبا بالثلاثينات" تقريبا العدد7 موظفات بمكتب واحد مكتب السكرتارية يتحدثن عن ازواجهن والعلاقه بين الزوجين واثنتين على جنب يتكلمن عن حمواتهن والتسلط عليهن
والمرضى ينتظرون داخل المكتب نتائج تحاليلهم وختم الطبيات وختم التحويل للمستشفى
الغريب! ان مكتب المدير ملاصق لغرفتهن وشايف الازدحام ولا هامه!
------------------------------------------
الهيكلة بالضجيج
الرسبشن فيه جهتين جه للنساء وجهه للرجال في جهه ثالثه بس مو على طول مفتوحة
اذا جهة الرجال مافيه احد مواطنه تروح وتقول بس ابي رقم للقسم الفلاني
ترد الموظفه روحي صفي بدور النساء"مومشكله"بعد نص ساعة خذت ورقة الرقم
اذا جهة النساء فاضي بس انتي واقفه تعابلين بشنطتج علشان تطلعين البطاقة المدنية للموظفه
يجي رجال ويوقف قدامج ويكلم الموظفه يقولها عندي استفسار وابي رقمين وابي احد يودي اوراقي للقسم الفلاني لانهم طلبو مني الاصليه وانا ماعندي
لقيتي بطاقتج تقولين للرجال لوسمحت انا قبلك وبس ابي رقم القسم الفلاني
ترد الموظفة مو على كيفج نطري
"بعد نص ساعه"
تقول للرجال حاضر تامر على شئ ثاني!
واخيرا وصل دورج
انتي: ابي رقم للقسم الفلاني
الموظفة :تاخرتي بعد الساعة 12.30 مانعطي ارقام !
----------------------------------
نفس المكان الهيكله
شايب قدامج موظفة رسبشن "الشيطان تافل بوجها" تقوله انت جذاب بصوت عالي
يقولها الشايب يابنيتي انا ماجذبت بنتي شهادتها من بريطانيا وختمناها ووقعناها واعتمدناها
تقوله انت جذاب شلون تقولي بنتك تدرس ببريطانيا ماقلتلي ان عندها شهاده
الشايب والله يابنيتي موقصدي وانا اسف عطيني رقم ابي اسجل بنتي ولي يرحم والديج
تقوله لانك جذاب ماراح اعطيك يالله روح ولا اوديك المخفر واحطك اهانت موظف اثناء تاديت عمله
"لاحضو كل الي قالته الموظفة بصراخ وبصوت عالي"
------------------------------------------
انا ماذكرت اسم المنطقة بس حطيت بعض المواصفات الي قريبه من المكان علشان الموظفات الي مريت عليهم يتذكروني
ادري وايد موظفات بيكرهوني وبيسبوني لاني كتبت عنهم الله يعيني
وادري ان المشرفه جمااانه راح تمسح موضوعي من غير ماتقراه"عرفت حركاتها"
التعديل الأخير:
