صباح \ مساء الخير
حبيباتي الاغلبية منكم يعرفون لزقات كرست لتبييض الاسنان اللي توفرها التاجرات هنيه
وللي ماتعرفها هذي صورتها ..
طبعا كلنا ندور على البياض والنظافه .. وانا ولله الحمد اسناني حلوه بيضا ونظيفه ومرتبه
لكن من شرب الكوفي والقهوه احس لونها مصوفر وحبيت افتحها وابيضها اكثر قبل العيد
طلبت من وحده من التاجرات هنيه وجزاها الله خير ماقصرت ووصلته لي وكنت طالبه علبتين
واستخدمت الاولى اول 3 ايام بدت اسناني تتحسس وتعورني بشكل مو طبيعي .. بس ماهتميت
لاني شفت في اليوتيوب انها ممكن تعور اول الايام وكملت استخدام ..
مع استخدام تاسع شريحه تقريبا رجع لي الالم بشكل أكبر .. والله كنا بالعيد وعندنا ضيوف وانا
ماقدر ابطل حلجي واتكلم لأنها اذا حاشها الهوا عورتني اكثر .. ورحت يومها للصيدليه وجبت
غرغره للأسنان الحساسه وصرت استخدمها وخف الألم .. وكملت العلبه ووصلت للشريحه 12
ورجع الألم اقوى الف مره لدرجة اني رحت للمستشفى الساعه 2 بالليل من قوة الألم والعوار
اللي مو طبيعي ....... والحين تركتها لكن الألم موجود على خفيف واسناني ماعادت مثل أول
صارت حساسه حتى من الهوا البارد تعورني \ على فكره انا بالاساس اسناني مو حساسه ابدااااا
القصد حبيباتي .. انا بقدم لكم نصيحه لاجربون كل شي تشوفونه ولاتنخدعون بالدعايات والله ماقصد
اقطع رزق احد والتاجرات الله يوفقهم برزقهم لكن .. انا كتبت لكم تجربتي من باب النصيحه وانتم
براحتكم ....... وملاحظه اخيره : اسناني ماتغير لونها ولافتحت ولا ربع درجه :wqedqw:
