حضانه الانجليزيه الثناءيه بالرميثيه ولا بليي قروورب شرايكم

الدانة-81 قال:

انا مدخلة بنتي هالشهر و كانت مشتطة حييييييييييييييييييل
بس من ثاني يوم قامت تبجي و يحوشها مغص
يعني صار فيها شي عكس اللي كنت ابي
و اختي مدخلة ولدها و تسمع بلاااااوي من الامهات

و تصدقين ولا مرة شفت ابلة طلعت مسكت الياهل و دخلته---كله فلبينيات


و بنتي تقول ان في خدامة قضبت ايدها حيل و عورتها----يمكن كانت تبجي و تبي تمشيها

لا و يقولج لي راحو الرحلة يلبسون كل اليهال بامبرز حتى لو اهو ما يلبسها اساسا
و الحضانة تعطي اليهال منهج روضة انجليزي----يعني هدفها تعليمي بحت
و انتو عارفين الياهل بهالعمر ما يهتم بالتعليم كثر اللعب

انا بس انطر يخلص اشتراكي شهر 10 و اطلع بنتي




حبيبتي مالج الا أفنان افنان افنان الرميثية---كافي انها مالت الدكتور ابراهيم الخليفي
و تييلج الابلة تاخذ الياهل بنفسها و ما تشيله او تمصع ايده

و الابلات عربيات و في منهم كويتيات


اهم شي انج تاخذين بنتج او ولدج و تودينه الحضانة قبل لا تسجلينه عشان يألف المكان

أنقر للتوسيع...

انا بنتي كانت فيها وطلعتها لاني قعدت مجلس طبي واموومه بالبيت واتعيز اقوم الصبح واوديييها ولو انه ماوراي سفر وهجره جان دششتها لي الروضه

بالعكسسسسس بنتي كانت تفرفر ماتبي ادش شنو يسووون لها علشان تسكت ولما اخذها القاها متاقلمه ومتعلمه هالحضانه حق التدريس واللعب حرام تقطين مبلغ وانتي بس تبينها تلعب في حضانات عااديه مو ثنائيه رسومها ارخص وهم زينيين

وكنت اروح انطر بنتي لانه يقولون قاعده تسوي الوورك شيييت مال الاسبووع وانطر بالنص ساعه اسولف مع صاحبه الحضاانه استفدت منها وااااااااااااايد واشوف الفلبينيات ومرات الابلات جدام عيني يغنون لليهال ويمشوونهم طابوور لين يدشوون الالعاب


وهم جدامي يدشوون الي توهم رادين من رحله وبعمر الي يقطون بالبامبرز واهلهم وياي قاعدييين ماتكلمو عن بامبرز
يشهد الله مااعرف صاحبه الحضانه بس قلت الي يرضي ضميري

بس موقصدي اجذب اكييد انتي ام وتبين الافضل لبنتج مثلنا كلنا وكل واحد يروح الي يريحه والله يخليلج بنووتج

ملاك العذاب قال:

بنات أي هي الانجليزيه الي قصدكم عنها

أنقر للتوسيع...