يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي تشجيع

حياتي فراغ · 8 أكتوبر 2010

السلام عليكم

هذي أول رواية لي بالمنتدى
أتمنى ألقى تفاعل من العضوات
خصوصا اني ما أعرف اكتب بالعامي لأني أفضل الفصحى
بس ابي رايكم بتجربيتي ...

يآسِنِينْ كِفـّـــي عَن الَّذْكـْــرى وَخلِيني

-----

أعرفكم على أبطال روايتي ...

(( بيت أم نوف ))
نوف : أكبر وحدة من خواتها وتوها متخرجة من الثانويه و دخلت كلية التربيه الاساسية تخصص فنية عمرها 17 و جم شهر.. ماهي حلوه حيل .. عادية لأخر درجة بس مملوحة

لدرجة أي احد يشوفها لازم يسأل عنها ..
عبير : اصغر من نوف ب 6 سنوات يعني عمرها 12..توها بالمتوسطة .. فيها شبهه خفيف من نوف بس ناعمة أكثر .. بنظري نوف أحلى بواجد
شوق: نسخة من أبوها .. تقريبا مو حلوه .. بس دايم يسمونها أم حظين .. دايما حضها حلو بكل شي .. أي نسيت اقولكم عمرها 9 سنوات ...
أم نوف : عمرها 40 سنه .. اجتماعية وكل بيت تدشة واخبار العالم عندها .. مايابت إلا ثلاث بنات و وقفت عن الحمال
أبو نوف : عمره 47 سنه .. حبوب وعلى نياته و يموووت في بناته .. طاح من الحصان قبل 7 سنوات و هذا الشي اللي خلاه ما يجيب عيال

(( بيت أم فيصل ))
أم فيصل : عمرها 42 سنه .. واللي يشوفها يقول 27 سنه .. قمر و تهبل و كشيخة و الماركة ماتطيح منها .. مدلعه عند زوجها بشكل جنوني لدرجة أن أهل زوجها من الغيره

انجنوا وظلوا يحفرون بطلقونها من زوجها ... بس ماقدروا والسبب أن أبو فيصل يبيع الدنيا على شانها .... طبعا قاطعين فيها ولا يزورونها وكارهينها خلقة .. بس اهي تدش

عليهم بالمناسبات
أبو فيصل : عمره 49 سنه .. طاير في ام فيصل ويحبها لدرجة الموت .. و طاير بعياله و مدلعهم ويموووت فيهم و يشوفهم لي اللحين يهال ..أغلب وقته مع عياله ولا مرته
فيصل : عمره 22 سنه.. أكبر واحد من خوانه ..طموح و حبوب و حيل ماخذ من ابوه بالطيب و الاخلاق و الهدوء .. متخرج من الضباط ... يعني ضابط
جاسم : عمره 18 سنه .. قريب من طبع امه يحب الكشخة و يحب العلاقات و اجتماعي و يحسب حساب قبل كل كلمة يقولها .. وبسنه اولى جامعه كلية الآداب
شهد : عمرها 10 سنوات .. مالها إلا مجلة ماجد و دراسة ... صغيرونه توها

(( بيت أم عبدالله ))
أم عبدالله : جيران بيت أم نوف .. و أرمله عمرها 44 سنه .. رفيجة ام فيصل ايام الدوام ,,, من مات بو عبدالله و اهي صاكة على روحها .. بس بيتها مايخلى من الحريم ..

ومرات تزور اذا كان في مناسبة مهمة ..
عبدالله : عمره 19 سنه يدرس بكلية الطب .. وخاطب بنت عمة وبيتزوجها بعد التخرج ..
منى : عمرها 17 وجم شهر .. توها متخرجة من الثانوية و انقبلت بالتربية الاساسية تخصص علوم .. رفيجة نوف حيل ... نقدر نقول انها عااادية حيل بس بياضها يهبل

----الاحداث تبدي سنة 2001 ...

في بيت (( أم نوف ))

نوف : منى .... !! منى ..
منى : نعم ؟
نوف : متى نتزوج ؟؟
منى : والله من حنتج بنعنس ..
نوف : فال الله ولا فالج .. يختج ابي احب مليت من العزوبيه
منى : اللي يسمعج يقول عمرج 30 مو 17 ..
نوف : لو سمحتى 17 و 9 شهور ..
منى : أنا بصراحة مفكره ما أتزوج إلا لما أخلص الكلية
نوف : تكفين بس اللي يسمعج يقول مو ملحقة على الخطاب
منى : اقول ابلعي العافيه ,,الشهر الجاي عرس غدير ..
نوف : يا حظها ..
منى : اقولج عرسها بعد شهر
نوف : ادري شنو تحريني
منى : لا يالخبله اكشخي بالعرس خلي الناس تشوفج عشان تخطبج
نوف : يوووووووو صج .. ابروح اشتري لي نفنوف .. اي لون آخذ
منى : و ليه ماتخيطين ؟
نوف : مايمدي ... و الجاهز ذرب و حلو ... بروح أفتر بالفروانية ..
منى : أنا بلبس نفنوف مال عرس خالي راشد ..
نوف : الاحمر
منى : ايه
نوف : ايه يجنن .. اسمعي عطيني الوردي اللي لبستيه بتحوال خالج راشد
منى : مايجي قياسج ...
نوف : لييييه شايفتني بطة
منى : لا بس انتي صدرج اكبر من صدري
نوف : اقول اسكتي كله اسفنج ..عطيني اياه و اذا مو قياسي ترى بروح أعدله .. بوفر فلوووس ..
منى : وين بتحطين مكياجج
نوف : مدري يمكن ساس ..
منى : الله شكو .. روحي صالون بوطقة
نوف : اقول ابي الناس تخطبني
منى : الزين زين لوقعد من النوم و الشين شين لو غسل بصابون ...
نوف : اقووووووووووول .. اسكتي هااا
منى : شرايج نروح وردة الجابرية ...
نوف : اللي ساره بنت عمج خالد حاطة فيه بالعرس
منى : اايه ... يهبل
نوف : خلاص نروح مع بعض ..
منى : انزين .. اسمعي بروح البيت اللحين .. بتسبح . واصلي و انام شوي
نوف : ماشي .. يالله توكلي ..
منى : باي
نوف : صكي الباب وراج
--------

بنفس الوقت

(( بيت أم عبدالله ))

أم عبدالله : ألووو ...
أم فيصل : هلا و الله
أم عبدالله : شلونج يا قلبي شخبارج
أم فيصل : بخير أسأل عنج وينج دقيت أمس عليج ماتردين ..
أم عبدالله : أمس عزمتنا أم فالح و تعزمج على عرس بنتها غدير .. الشهر الجاي و الله انها وصتي
أم فيصل : بأي صاله ..
أم عبدالله : بصالة السالمية ...
أم فيصل : يووه عاد جان زين أذكر .. موتنسين ذكريني قبلها ..
أم عبدالله : يووه عاد أنا الله بالخير بس ماعليج موصيتها تتصل علي قبلها
أم فيصل : اي والله بدور لفيصل مره .
أم عبدالله : ماشاءالله زين نويتي تزوجينه ..
أم فيصل : اي والله أمس كلمه ابوه .. قاله بعد شناطر وظيفة وتوظفت ... و شقتك زاهبة .. ماعلي إلا اصبغها و اسنعها و افرشها لك ..
ام عبدالله : اي والله فيصل يستاهل كل خير .. وماشاءالله ماشي سيدة ولا عنده خرابيط الله يحفظة ..
أم فيصل : تجين عندي اليوم تتعشين ؟
أم عبدالله : لا اليوم موعدي العيون .. و عقبها بروح اقص لي قطعة خام للعرس
أم فيصل : عجل خلاص يا عمري ماتشوفين شر
أم عبدالله : الشر مايجيج ...

-----

إذا شفت الردود الحلوه كملت ....

حلوه وبزين مبليه · 8 أكتوبر 2010

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

لية كمليها وربي انقهرت
حــــــــــــــــــــــــــــــرام عليج
واللة حلوة قهرتيني
وربي تهبل كمليها بسرعة
شوقتيني

PorscheGirl3 · 9 أكتوبر 2010

عجبتني كمليهااااااااااااا
ويعطيج العافية

taboolaaaa · 9 أكتوبر 2010

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

تهبل الرواية
كمليها حبيبتي

حياتي فراغ · 9 أكتوبر 2010

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

بطوطة امها قال:
لية كمليها وربي انقهرت
حــــــــــــــــــــــــــــــرام عليج
واللة حلوة قهرتيني
وربي تهبل كمليها بسرعة
شوقتيني

بنزل كل يوم بارت ...
شكراياقلبي على التشجيع

حياتي فراغ · 9 أكتوبر 2010

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

porschegirl3 قال:
عجبتني كمليهااااااااااااا
ويعطيج العافية

تسلمين يا قلبي

و شكرا على التشجيع

حياتي فراغ · 9 أكتوبر 2010

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

taboolaaaa قال:
تهبل الرواية
كمليها حبيبتي

مرورج اللي يهبل

شكرا على التشجيع ...

هيبة فتاه · 9 أكتوبر 2010

حياتي الرواية حلوة ,,,, وانا من المشجعين الحازمين وبقووووووووة بعد وبالتوفيق

حياتي فراغ · 9 أكتوبر 2010

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

هيبة فتاه قال:
حياتي الرواية حلوة ,,,, وانا من المشجعين الحازمين وبقووووووووة بعد وبالتوفيق

يا بعد قلبي
أي هذا اللي أحبة التشجيع ...
وسامحوني اذا الاسلوب ركيك او مبتدأ .. هذي اول رواية لي

وتسلمين

حياتي فراغ · 9 أكتوبر 2010

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

----

ثاني يوم الصبح
(( بيت أم فيصل ))
أم فيصل : فيصل يمآآ تريق قبل لاتطلع
فيصل : مستعجل يمآ بمر مشاري على طريجي
أم فيصل : ليش وين سيارته؟
فيصل : بعد ولد أختج ماتعرفينه يا مبنجره وماعنده فلوس يصلحها .. يا ماخذها أبوه
أبو فيصل : الله يعينه على هالابو ,,, مجنن عياله
فيصل : بعد مشاري الله يهداه رجال شكبره مايعرف يقول لأبوه مابي
أبو فيصل : بعد ابوه تبي يتناجر معاه
فيصل : لا يبا ماقلنا شي بس مو لدرجة ياخذ معاشه و حاط قرض على ظهره 14 ألف بالله هذا متى يخلص .. و حارمة من

السياره ...
أبوفيصل : الله يعين ..
أم فيصل : أبوهم هذا طبعه من خذه نادية أختي مجننها و ملعوزها ,, اهي من اول قلنالها تطلقي تطلقي .. بس ماكو فايدة
أبو فيصل : الطلاق بعد ماهو لعبه .. وبناتها سته مو وحدة ولا ثنتين وين بتربي و تشيل هذا غير الصبيان.. هذا نصيبها بعد شتسوي
أم فيصل : لا والله يا أبو فيصل هي من الاول غلطانه .. شافت الرجال مو صاحي قومي حطي جاهل ورى الثاني تحسب الجهال

يكسرون راس الرجال ,,, و يوم كبروا زادت جنونه قام ياخذ معاشاتهم و يلعوزهم ..
فيصل : عز الله خالتي حالتها تجيب الهم
أم فيصل : إي والله يا فيصل شرايك آخذلك وحدة من بناتها لك ..
فيصل : بلللل انجش لا يحوشك .. أقووووول تأخرت يالله تامرون على شي ..؟؟
أم فيصل : سلامتك يمآ
أبو فيصل : دير بالك على نفسك و تركد بالسياقة
فيصل : تآمرون < ويبوس راس امة و ابوه ويطلع

------

بنفس الوقت
(( بيت أم عبدالله ))
عبدالله : صباح الخير يا الغالية ..
أم عبدالله : صباح النور و السرور ..
منى : وأنا ماكو صباح الخير
عبدالله : الله الله انتي اهني و أنا اقول ليش ظلمة ..
منى : عادي نورك كسر نوري ..
عبدالله : ايه ايه على الكلام الحلو من صباح الله خير أكيد في طلب
منى : وصلني معاك..
عبدالله : نووو وييي ... طريجي مستشفى مبارك اليوم و أنتي الشامية يعني انسي
أم عبدالله : انا أوصلج بس خليه لاتعطلينه
منى : اي عاد هذا تموتين لو يتأخر دقيقة ..
أم عبدالله : و الله يمج ابيه يتخرج بسرعه ويصير دكتور .. إلا ليش اليوم بتروح المستشفى ..
عبدالله : الدكتور طالب منى أروح اسوي تقرير عن حالة هناك ...
أم عبدالله : توكم على التقارير ماصارلكم إلا سنه ..
عبدالله : والله يمآآ هدو حيلنا .. يالله ماشي أنا تامرون على شي ؟
أم عبدالله ومنى : سلامتك ..
وطلع عبدالله بعد ماباس راس أمه ..

أم عبدالله : أم فيصل تدور لولدها فيصل مره ...
منى : الضابط ..؟
أم عبدالله : إيه ...
منى : وليه ماقلتي لها تجي تخطبني ؟؟
أم عبدالله : وجع عيب ماتستحين مستعجلة على العرس
منى : وليش ما استعجل كل البنات قام يملجون وحدة ورا الثانية و بعدين أخطبي لبنتج ولا تخطبين لولدج ..
أم عبدالله : اسكتي عيب .. يالله أخلصي عشان اوديج
منى : انزين مو تنسين كلمي أم فيصل عني ..
أم عبدالله : يمآآ منكم بنات هالوقت ماتستحون ...

منى قامت من الريوق واهي تقول
(( ياربي عجل نصيبي يارب ))

-----

بنفس الوقت
(( بيت أم نوف ))
عبير : يالله نوووووووووووووووووف ....
نوف : وجع انزين عن الحنه .. كاني خالصة
شوق : كل يوم نتأخر بسبتج ..
نوف : اقول اسكتني انتي لا ابط راسج
أم نوف : بس يابنات ,,, عورتوا راسي
نوف : والله قلت لكم بدرب و اسوق مليت أروح الكلية مبجر و أنا محاضرتي 9 الصبح
أم نوف : اخلصي بس ماعندنا بنات يسوقون
عبير : يمآآ سوقيها وفكينا بعد احنا مايصير كل يوم نتأخر .
أبو نوف : خلاص يبآ عبير و شوق روحوا مع السايق و أنا أوصل نوف على طريجي
نوف : يبآآ منت مسوقني ..؟؟
أبو نوف : والله يبا ودي بس أخاف عليج الشارع زحمة
نوف : يعني انا بروحي اللي اسوق كل البنات يسوقون ..
أبو نوف : لارحتي عند رجلج كيفج .. أما عندي ماكو سياقة
نوف : وهالرجال متى يجي ..؟؟
أم نوف : وجع استحي على وجهج
أبو نوف : بنات هالوقت ماكو حيا أول الوحدة لاجابوا سيرت العرس نخشت لين يجي عرسها و اللحين تصيح تبي العرس
نوف : يعني حلال عليكم وحرام علينا ...
أم نوف : يالله يالله اخلصوا ... وعن العجلة رزقج بتاخذينه ...

أدري لحد اللحين ماكو أحداث بس حبيت تتعرفون شوي شوي على الابطال وطريقة تفكيرهم

أنتظر الردود عشان أكمل

حور^_^ · 10 أكتوبر 2010

الي جذبني فيها بصراحة كلامها البدووي :$

سجليني متابعه معاج :>:>:>

وناطرين البارت الياي :>

اميره الخجل · 10 أكتوبر 2010

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

تهبل تجنن كمليييييييييييييييييييييييييهااااااااااااااااااااا:eh_s(16)::eh_s(16)::eh_s(16):ا

حياتي فراغ · 10 أكتوبر 2010

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

حور^_^ قال:
الي جذبني فيها بصراحة كلامها البدووي :$

سجليني متابعه معاج :>:>:>

وناطرين البارت الياي :>

فديتج و فديت البدو كلهم ..
وتسلمين على المتابعه

حياتي فراغ · 10 أكتوبر 2010

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

اميره الخجل قال:
تهبل تجنن كمليييييييييييييييييييييييييهااااااااااااااااااااا:eh_s(16)::eh_s(16)::eh_s(16):ا

أفا عليج بكملها لخاطر عيونج

تسلمين على المتابعه

حياتي فراغ · 10 أكتوبر 2010

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

-----

بكلية التربية
( المبنى الرئيسي )
الساعة 1ونص الظهر
نوف : وينج خست بالشمس و أنا أنطرج ..
منى : زين بعد هالدكتور عيا يخلص
نوف : جبتي النفنوف
منى : ايه .. هاج وترى وصخ من تحت ومهتوت شوي
نوف: عز الله مامن وراج رجى .. جيبي أنا أوديه الخياط و المصبغة ... يالله بمشي
منى : اصبري وين رايحة
نوف : ابلحق على الباص محاضرتي بمبنى ثنين ..
منى : عجل بروح أنا الكافيتيريا بتغدى
نوف : متى تخلصين اليوم ؟
منى : اليوم اخلص الساعة 4 ..
نوف : اسمعي اذا خلصتي انطريني بكافتيريا كنوشه .. أنا أخلص الساعه 5 .. ردي معاي البيت ..
منى : مدري اشوف اذا كنت تعبانه برد و اذا لي خلق نطرتج
نوف : كيفج .. يالله يالله بمشي تأخرت
منى : يالله باي ...

----

بالكافتيريا

..... : منى منـــى .............
منى : تلتفت يمين و يسار .....
... : اهني جدامج ..
منى : يا هلاااااااا و الله سلمى .. شلونج
سلمى : هلا فيج .. عاش من شافج ..
منى :عاشت ايامج .. و لياليج ... وينج غاطة ما نشوفج ..؟
سلمى : اسكتي عجل مادريتي ؟؟
منى : خير ..
سلمى : أنا ملجت ..
منى : ( فجت حلجها كانه احد معطيها طراق على وجها ) هآآآ صج .. ايه مبرووو ,,, ووك ..
سلمى : الله يبارك فيج
منى : ومن خذيتي ؟؟<< تقولها بقهر
سلمى : عبدالعزيز ولد عمتي حصـه
منى : ايه هذا اللي تقولين يبيج من أيام الثانويه ..
سلمى : لا هذاك فهد ولد عمي أحمد ... كان محيرني و فجوا حيرتي ,,,
منى : اييييه .. الله يهنيج ,, ماحددوا عرسج
سلمى : لاتو الناس يمكن على السنه الجاية
منى : انزين تكلمينه ولا شلون ..
سلمى : يووه ودي بس قطيعه لادق ولا شي ..
منى : ولاقال لبوج بكلمها
سلمى : لا ياحظي الاخ طاق الثقل .. بس يوم عيد ميلادي اسبوع اللي طاف دز لي كيكة وعطر سالوران الجديد مع اخته
منى : وليه ماقلتي لأخته يدق عليج
سلمى : يويلي استحي .. اذا يبي اهو يدق ...
منى : ماعليج كلهم جذي شهر ولا اثنين و يدقون
سلمى : ان شاء الله .. اقول انا بمشي محاضرتي بتبدي ,, تبين شي
منى : لا سلامتج ..
شالت سلمى كتبها و طلعت بره الكافتيريا
منى تكلم نفسها : استغفر الله من بقى ماتزوج ...حتى سلمى ام خشم محفر تزوجت .. ياجعل اي حمار يجيني و يشلعني من بيت أهلي ...(( تحسون البنات متناقضين رغم انهم في

البداية يقولون مانبي العرس إلا بعد مانخلص الدراسة ,,, بس لاشافوا وحده من رفيجاتهم تزوجت غيروا رايهم ... تظل الغريزة تغلب الافكار ))

--------

الساعه 5 ونص العصر
بكافتيريا كنوشة
منى : ابج جاني النوم زين جيتي جان نمتي بالمحاضره
نوف : يختج جنني هالدكتور يبيني بيكاسو ..عشان اترس عينه
منى : اسمعي الخبر اللي بجيج مثل الصاعقة ..
نوف : شنو الله يستر
منى : سلمى محمد عرفتيها
نوف : ام عباية كلها كراكيش ؟؟
منى : ايه ... املجت
نوف : يووووه من صجج ؟؟ لا تقولين
منى : قلت وخلصت
نوف : وجع هالشيفة وين لقت لها رجال ..
منى : عبدالعزيز ولد عمتها ..
نوف : يويلي ابج الرياجيل اخلصوا خل نلحق على عمرنا .. شكلي بعنس ياحر جبدي .
منى :والله لردح ردح بعرس غدير اجيب المعرس اجيبه
نوف : يويلج ان جبتيه و أنا ماجبته
منى : أم فيصل رفيجت امي تدور لولدها الضابط مره
نوف : يويلي ضابط .. والله ما أخليه
منى : تخسين أنا برقص جدامها لين تاخذني ..
نوف : اقول انتي جدام عينها من سنين ليه ما خذتج ..
منى : انا ادري عنها هي والحمار ولدها شفته مرتين ..ما حبني الخبل
نوف : وشلون شكله ؟؟
منى : يقطع القلب ..
نوف: ابشري عجل خذيته ..
منى : اقول استريحي .. يالله يالله تعبت بروح البيت ..
نوف : يالله امشي ...

-------

(( في بيت أم نوف ))
نوف : يمآآآآآآآآآآ
شوق : أمي مو أهني
نوف : وينها ؟؟
شوق : راحت مع ابوي بيت عمي طارق
نوف : ليه ..
شوق : مدري اسألي عبير
نوف : وين عبير ...؟؟؟
شوق : بغرفتها ...
نوف : انزين ادرسي ادرسي يالله لا طرااق ...
شوق : انزين يعني أنا شقاعدة اسوي ..
نوف : عبييييييييييييييييييييير .. عـــبيييييييييييير
عبير : هاآآآآآآآآ..
نوف : وييييينج
عبير : بالمطـــبببخ
نوف : جآآآآآآآآآيتج

(( بالمطبخ ))
نوف : تاكلين يا البطة
عبير : جب قام اسوي قهوة ..
نوف : ايه يعنني ما أعرف ادرس إلا بقهوة ..
عبير : أفففف شتبين
نوف : أمي وينها ,,,؟؟
عبير : راحت مع ابوي بيت عمي طارق
نوف : ادري .. بس ليش
عبير : محمد ولده ملج على بنت خالته ورايحين يباركون
نوف : وجــــع .. مايستحي الجلب ..أنا بنت عمه وياخذ هالسحت
عبير : من زينج يبيج
نوف : اقول اسكتي اسكتي .. انا خاطبني ضابط عشان جذي رديت محمد
عبير : هاااااااااااهههههههههااااااااااي اخاف صج .. حتى راجو سايقنا ما خطبج
نوف : اقول اسكتي لا امحطج ... افففففف اليوم كلة يجيب المرض ما بقى أحد إلا وملج اعوذ بالله
عبير : تبين قهوه ؟؟
نوف : الخلا ... الخلا ...

------

يتبع

انتظر ردودكم ...

غـيوض · 10 أكتوبر 2010

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

حياتي فراغ قال:

عبير : تبين قهوه ؟؟
نوف : الخلا ... الخلا ...

...

أنقر للتوسيع...

حياتي فراغ قال:

أنقر للتوسيع...

هههههههههههههههههههههههه,,,~ :dddds:

مادري ليش يوم قريت هالكلمه تذكرت جدتي الله يطوول بعمرها ,, و ضحكت ,,
احس الكلام و الاحداث صج و بعفووويه و صج تصير معانا ,,, :eh_s(22):

و حتى الاسلوووب عفوووي و طبيعي

يا ويلي بس سجليني من متابعينج لبى روووحج ,, :eh_s(22): :eh_s(22):

عفيه كملي خلي باليووم بارتين مو باارت وااحد

,,

مــقــآآديــر · 11 أكتوبر 2010

ههههههه يونسوون

فعلاا احس كنج تتكلمين عنا اشياء واقعيه

يلا لاتطولييين

حور^_^ · 11 أكتوبر 2010

هههههههههههه ابج الرياجيل خلصو لوووووووووووووووووووووووووووول

يسلمو يا قلبي ع البارت وماقصرتي

بانتظارج كل يوم ولاتطولين يالغاليه

اي والله ياليت كل يوم بارتين :$

الا صج اهيا جم بارت ؟؟

@حلاوة الدنيا@ · 11 أكتوبر 2010

رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي تش

كملي ناطرينج الروايه عجيييييييييييبه

ام عبودي1 · 11 أكتوبر 2010

مبينعليها حلوة

ناطريج

يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي تشجيع

عضوه موقوفة

New member

New member

New member

عضوه موقوفة

عضوه موقوفة

عضوه موقوفة

New member

عضوه موقوفة

عضوه موقوفة

New member

New member

عضوه موقوفة

عضوه موقوفة

عضوه موقوفة

New member

New member

New member

New member

New member