بجو ثاني غير الديوانية كانت توها قاعدة من النوم دشت الحمام غسلت وراحت غرفة اختها ريم عشان تقعدها
نور : ريووم حبيبتي يلا قومي لا نتاخر
ريم : هممم شنو جم الساعة الحين ؟؟
نور : الساعة 10 يلا قومي مابي نتاخر بليييز ريووم
ريم : اوكي اوكي كاني بس دقي على رفيجتج اخاف ليلحين نايمة
نور : اي اوكي الحين ادق بس قومي
ريم : اي كاني الحين اغسل والبس
دقت نوور على هبه رفيجتها عشان تروح معاهم
هبة : الو ,, هلا بالعروس
نور : هلا فيج حياتي ها قاعدة ؟؟ من متى ؟؟
هبه : اي من زمان قاعدة ولبست الحين قاعدة اتريق واريق عزوز ولدي معاي .. مادري شفيه فاز من الصبح معاي
نور : يحليله بوسيلي اياه
الا وين ريلج ؟؟ بس انتي وولدج بالبيت ؟؟
هبه : ريلي بالحداق رايح من الصبح مع ربعه
نور : اييي .. انزين متى بتمرينا انا وريوم ترى مانبي نتاخر
هبه : يلا كاني نص ساعه واكون عندكم ,, خو اختج يبيلها ساعة على ما تخلص
خلصوني
نور : ههههههه انزين يلا نلبس وننطرج ,,, سلام ام عزوز
هبه : باي يا عروس
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ريم : عمرها 18 سنه اخت نور وايد قراب من بعض ونيسه وايد كلا مناجر مع اخوها طلال يعني اهما الاثنين مسوين جو بالبيت طيبة وايد حلوة وكتكوتة وناعمة ,, اخر سنة بالثانوية
فجر : عمرها 21 سنه رفيجة نور من المتوسط متزوجة من 3 سنين وعندها ولد اسمه عزوز ( عبدالعزيز ) عمره سنتين بس يتكلم ,, ونيسة ,, وايد مع نور ومهتمه بروحها وايد
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
لبسوا نور وريم ونزلو تحت يفتحون ريجهم بشي ,, لقو امهم وطلال قاعدين يتريقون بالصالة
نور وريم : صباح الخير
ام طلال : صباح النور يمه
طلال : اهلا اهلا شالصدفة انا وريم قاعدين من الصبح لالا ما اصدق
ريم : والله صج ؟؟ انا بروح مع هبو ونونو بطلع مو قاعدة لله يعني ههههههه !! انت شعندك قاعد ؟؟
طلال : اي انا اقول !!! انا مواصل ليلحين : p ولا انا طلال الي اموت عالنوم اقعد من الصبح
ريم : استغفر الله :S
نور : الحمدلله والشكر انتو الاثنين ,, والله يعني يعني انتو مو صج
ام طلال : يالله صباح خير .. المهم يمه متى بتمشون لا تتاخرون عالغدى
نور : كا 10 دقايق ونمشي بس قلت افتح ريجي بشي قبل لا نروح
ام طلال : اي احسن لكم يمه
اكلو وروحو
طلال : ريمو لا تاكلين صايرة بطة وييييييع مو حلو
ريم : جب انت مالك شغل
الكل : ههههههههههههه
دقت هبة على نور عشان تطلعلها برى ,, طلعت نور معاها ريم وصعدوا السيارة سلمو على بعض وراحو اول شي الصالون ياكدون الحجز وبعدها راحو السوق يخلصون باقي الاغراض ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ام طلال : عمرها 40 سنه تحب عيالها وايد وطيبة وايد عيالها كلهم وارثين الطيبة منها ومن ابوهم الله يرحمه ,, ما تحب تضايق احد من عيالها مو مقصرة معاهم بشي تطالع الله ثم عيالها مالها غيرهم بعد وفاة ابوهم ,, ومهتمه بروحها ....
طلال : عمره 17 سنه اخو نور مزيون وايد ودمه خفيف قعدته تنحب جسمه مناسب عمره يحب يهتم بروحه مجابل خواته كلا مناجر مع ريم اخته يحب يطفرها يحب وحده راح نعرفها بالبارتات اليايه انشالله
