أستغرب من الناس وخصوصا البنات اللي ما عندهم التزامات
تكون مو متزوجه وراتبها لها , الله يبارك لها فيه
تقطه كله عاللبس والمكياج والعطور والساعات وذيج السيارة اللي قسطها طاق بالعالي ..الخ من الشكليات
ميخالف الوحده ما تقصر على عمرها بس لا بد من التوفير
وما أشمل بكلامي البنات اللي ظروفهم صعبة وقايمين بأهلهم يساعدونهم الله يعينهم ويوسعها عليهم ..
اذا الوحده ما عندها إلتزامات كبيرة شنو المانع انها تخش وتوفر جزء من راتبها
اللي راتبها 700 ممكن تشيل منه 200 كل شهر واكثر بعد اذا تقدر ,,
خلال سنه تكون ميمعه مبلغ حلو ينفعها اذا اعتازت ويكفي تأمن مستقبلها
واذا استمرت على التوفير تقدر تستثمر فلوسها وتاخذ لها شقة تمليك تأجرها ويكون لها مصدر دخل ثاني , مافي شي مستحيل أهم شي الهمة موجودة ..
اللهم بارك لنا في أموالنا واغننا اللهم بحلالك عن حرامك اللهم آمين
قواج الله اختي