السلام عليكم
بنات انا حالي حالكم عانيت وايد من حب الشباب وكان من المستحيل
اخلص من حبة الا ثاني يوم طالعة وحده ثانية غيرها ..
وكنت دايم اراجع الجلدية اللي بمستوصف منطقتنا وكالعادة
يعطيني مضاد حيوي وكريمات مقشرة واخر مرة عطاني مضاد حيوي خلصته تقريبا كله الا حبتين وما حسيت بنيجة تذكر
لما قريت لوحدة يزاها الله خير تحط نفس المضاد اللي آنا اكله بالاسكينول وتمسح ويها فيه وتقول انه عالج المشكلة عندها
عاد انا طبعا بس بقالي حبتين وعندي اسكينول قمت بطلت الكبسولتين وحطيتهم داخل الاسكينول وكل يوم امسح ويهي من 2-3 مرات
والحمدلله يا بنات جنه سحر ودعت الحبوب صارلي اكثر من 3 سنوات مع انه سبحان الله كنت آكل نفس المضاد بس ما كان نافعني ونفعني بطريقة ثانية ..
بس واجهت مشكلة انه لما احف ما اقدر احط اسكينول لانه يحرق فقمت احط كريم اسمه فيسودين بعد كل مرة احف فيها
لمدة يومين والحمدلله الحبوب اللي كانت تطلع بعد الحف خصوصا اللي لونها ابيض ما قمت اشوفها ..
هذي الصور
صورة جماعية للاسكينول + المضاد الحيوي اسمه دلاسين سي +كريم فيسودين
وهذا اسم الكبسولة من ورا على فكرة آنا اخذها من محلات الفلبن الوحدة بنص دينار لأن الصيدلية ما تعطي هالمضاد الا بوصفة طبية شفتوا الاستغلال عاد .. والمحل اللي اخذه منه موجود بالمباركية عمارة السيارات فوق بممر ملابس المدرسة مجابل محل اكسسوارات ومحل مال الله مال الدلاقات ..
وهذا شكلها من قريب ...
وهذا الاسكينول الكلاسيك لازم الشفاف
وهذا كريم فيسودين لبعد الحف مدة يومين بس بعد الحف
مرة ثانية باختصار اقولكم طريقة الاستعمال ..
1- تشترون ديلاسين سي حبتين + اسكينول شفاف
2-تفتحون الكبسولتين وتفرغون اللي داخلها بالاسكينول .
3- تمسحين ويهج كل يوم 2-3 مرات
4- اذا بدت تروح الحبوب تستخدمينة مرتين
5-اذا اختفت الحبوب استخدمية مرة وحدة بس.
اما الكريم حق بعد الحف ليومين بس ..
وهذي تجربتي امانه ادعوا لي بنات ان الله يحقق اللي فبالي ما ابيكم تدعون لي هني ابي وانتوا ساجدين:eh_s(2): ..
ياليت المشرفات يثبتون الموضوع لفترة بسيطة عشان الكل يستفيد
المرفقات
-
Image00001.jpg -
Image00003.jpg -
Image00005.jpg -
Image00004.jpg
