كويتيات للطبخ

العودة   منتديات كويتيات النسائية > >

الأطباق الرئيسية أطباق الأرز .. معكرونة .. اطباق الدجاج .. اللحم .. السمك


الدرس الثالث عشر : المرقووووق

الأطباق الرئيسية



موضوع مغلق
 
أدوات الموضوع إبحث في الموضوع انواع عرض الموضوع
قديم 28-04-2005, 09:40:42 PM   #1
دندره
كــويــتــيــة نــشــيــطــة
 
تاريخ التسجيل: Apr 2005
المشاركات: 103

افتراضي الدرس الثالث عشر : المرقووووق




السلام عليكم يابنياتي .. شلونكم وشخباركم عساكم بخير وعافيه وعسى ريايلكم منثولين من طباخكم ومن خطط امكم العود دندره .. اي ماعلينا اليوم ياويوه الخير بنطبخ مرقوق .. والمرقوق شوي يبيله مقاقه ويبيله تبطلون عيونكم ومخوخكم هل مقفله معاي ..يالله نبدي

بسم الله بدينا وعلى النبي صلينا .. نحتاج حق المرقوق سلمكم الله .. طحين اسمر وابيض مع ان بالاول ماعندنا طحين ابيض ولا نعرفه .. اي نكمل .. والطحين الاسمر يكون اكثر من الابيض بمرتين يعني اذا بنحط قلاصين ا4 قلاصات اسمر نحط مقابلهم 2 ابيض .. ونبي بعد ربع قلاص زيت عشان تمسك العجينه وماي .. الحين نخلط الطحين مع بعض وفوقهم الزيت وشوية ماي عشان تتماسك وتخلط لما تصير عييينه .. نخليها نص ساعه عشان تصك .. وبهل فتره نروح نسوي المرقه مالت المرقوق .. ترى اهي نفس مرقة اللحم بس فيها تغير شوي يحطون في المرقوقه بيديان وفلفل اخضر بارد وغيره من الخضار وهذا طبعا على هواكم وعلى حسب ذوقكم ... وماراح اشرح طريقة اللحم لاني شرحتها .. المهم نحمس اللحم مع البصل والطماط والثوم والبهارات ونحط فوقها ماي ونخليها تقلب لمدة ساعه وبعدين نملحها وبهل فتره نرجع حق العيييينه ونسويها اكور صغار مدلقمين ونرقهم نخليهم يصيرون بليتااات ادري ماتفهمون هل كلمه يعني شرايح او صفايح او مادري شنو بعد .. ولما نخلص من رق العيييينه نشوف المرقه ونحط فيها الخضار والخرابيط كلها كوسه بيديان جزر فلفل في ناس اللهم ياكافي يحطون زهره وفي ناس يحطون ملفوف وفي ناس مادري شيحطون .. ماقول الا مالت حتى مالت .. ماعلينا واحنا نرق العييينه اللي نخلص منها نشوحها بالجدر ونسوي الثانيه ونحاول نشوحها في مكان ثاني يعني نوخرها عن رفيجتها وهلم جره .. بعدين لما نخلص نقصر على النار ونحط حديده تحت الجدر .. ولا تنسون تخلون الماي اللي باجدر قبل لاتحطون العيييينه يغطي الخلطه يعني يغطي اللحم والخضار اللي حطيتوها بشوي واذا قصر الماي زيدوا يعني تحت نظركم ..وعقبها يبيلها ربع ساعه مو اكثر وعليكم بالعافيه ..

الحين عرفتوا طريقة المرقوق .. عاد بقولكم طريقه اسهل واحسن .. ماعليكم من خرابيط وهذرة العيايز .. ترى المرقوق تعب على الفاضي روحوا الجمعيه واشتروا الخبز العربي قصدي اللبناني مال المطاحن وقطعوا صغار وحطوه على المرقه شوشوفا شلون يصير احلى من المرقوق ونفسه بالضبط .. واذا تبون بعد حطوا خبز ايراني وهذا يسمونه محروق صبعه .. ليس مسمينه هل اسم مادري !! طبعا مافي سبب

عموما هذي الطرق الثلاث عندكم وانتو وهواكم .. واللي امها تتفلسف وتقول دندره تخربط عليكم هذا ايميلي وانا اعرف شلون افطرها بعز صيامها


نصايح امكم العوده

اذا رقيتي العيييينه حطي شوي منها على عيونج يقولون انها تشيل السواد اللي تحت العين .. مادري عاد صج ولا جذب انتوا جربوا ومنتوا خسرانين وخبروني بالنتيجه

وشعارنا؟؟

كونوا معنا في حملتنا ضد الرجال ومحاربتهم من خلال كروشهم .. والهوايه حمايه

مع تحيات امكم العوده دندره




دندره غير متواجدة حالياً  
قديم 29-04-2005, 02:58:16 AM   #2
^^دموع الكويت^^
♥ المــراقبـــة العـــامــــه ♥
 
الصورة الرمزية ^^دموع الكويت^^
 
تاريخ التسجيل: Sep 2004
المشاركات: 16,616

افتراضي رد : المرقووووق


تسلم ايدج يا امنا العوده ومشكورة وايد عاد المرقوق طبقي المفضل مع القبوط



^^دموع الكويت^^ غير متواجدة حالياً  
قديم 29-04-2005, 03:26:45 AM   #3
جارة القمر
**مشرفة قسم مائدتك**
 
تاريخ التسجيل: Apr 2005
المشاركات: 64,020

افتراضي رد : المرقووووق


دندره



هلا يا قلبي

شخبارج


ومشكوره

والله يعطيج العافيه

وتسلم الأيادي





__________________







يمنع وضع اي مسابقة بدون علم مشرفات القسم

























جارة القمر غير متواجدة حالياً  
قديم 29-04-2005, 05:50:26 AM   #4
^^بنت الكويت^^
عضوه موقوفة
 
الصورة الرمزية ^^بنت الكويت^^
 
تاريخ التسجيل: Sep 2004
الدولة: ♥بيــان♥
المشاركات: 53,764

افتراضي رد : المرقووووق


تسلم ايدج امنا العووووووووده



^^بنت الكويت^^ غير متواجدة حالياً  
قديم 29-04-2005, 01:12:57 PM   #5
دندره
كــويــتــيــة نــشــيــطــة
 
تاريخ التسجيل: Apr 2005
المشاركات: 103

افتراضي رد : المرقووووق


هلا حبايبي شلونكم ..دموع يعله منزل العافيه قولي امين .. جارة القمر ياقمر انا بخير ويسرج الحال انتي شلونج؟؟ عساج بخير وعافيه ... بنتي بنت الكويت يسلم عمرج يارب عاد هذي الاكله تصلحلج خصوصا هاليومين ..
ام هيا .. اول شي بوسيلي هيونه وثاني شي.. حبيبتي هذا اسلوب العيايز اللي تعلمنا منهم كل تعلومهم تجعم وزف عاد انا قلت بزفكم شوي عشان تطبخون وماتعتمدون على الخدم الفاهيين اللي عندكم .. اي وطبقي وعطيني خبر واي شي تبين انا موجوده وبالشوفه وعليج بالعافيه يارب

امكم العوده
دندره



دندره غير متواجدة حالياً  
قديم 30-04-2005, 02:01:24 PM   #6
نسايم ليل
كــويــتــيــة فــعــالــة
 
تاريخ التسجيل: Apr 2005
المشاركات: 325

افتراضي رد : المرقووووق


صراحه طريقة المرقوق المختصره عجيبه

تسلم ايدك يا طباختنا الماهره



نسايم ليل غير متواجدة حالياً  
قديم 01-05-2005, 12:31:03 AM   #7
دندره
كــويــتــيــة نــشــيــطــة
 
تاريخ التسجيل: Apr 2005
المشاركات: 103

افتراضي رد : المرقووووق


يسلم عمركم حبايبي .. تقومين بالسلامه ام هيون وربي يسهل عليج وينولج اللي تبينه قولي اميييين ..
نسايم الليل عليج بالعافيه حبيبتي بس اهم شي تجربين وتخبريني



دندره غير متواجدة حالياً  
قديم 01-05-2005, 12:40:29 AM   #8
فروحة توحة
كــويــتــيــة ذهــبــيــة
 
الصورة الرمزية فروحة توحة
 
تاريخ التسجيل: Oct 2004
المشاركات: 2,779

افتراضي رد : المرقووووق


ماشالله عليج تسلم ايدج يا دندرة

امنا العودة واللي يسلمج ابي منج دعوة خالصة لي ان الله يريح اقليبي
ادعيلي الله يخليج

دعوة العيايز سبحان الله تصيب



__________________
فروحة توحة غير متواجدة حالياً  
قديم 01-05-2005, 01:22:57 AM   #9
دندره
كــويــتــيــة نــشــيــطــة
 
تاريخ التسجيل: Apr 2005
المشاركات: 103

افتراضي رد : المرقووووق


يعلج العافيه فرووحه سويتيني عيووز مره وحده .. لا عيوني انا توني بشبابي ولو يحصلي جان طلعت وغازلت بعد ..

روحي ربي ينولج مرادج ويحفظج من كل عين ويعمي عين عدوج ويحبب ريلج فيج ويريح قليبج باذن واحد احد .. يارب يتعدل حالج للزين ويطفش عنج الشين ووتتسكر اذن كل من تحش فيج بالطين .. روحي يابنت فلانه عسى الناس عليج ولهانه وعسى ربي يبعد عنج حانه ومانه ويطحن عين عدوج بمسحانه .... قولي اميييييييييييييين



دندره غير متواجدة حالياً  
قديم 01-05-2005, 01:26:40 AM   #10
فروحة توحة
كــويــتــيــة ذهــبــيــة
 
الصورة الرمزية فروحة توحة
 
تاريخ التسجيل: Oct 2004
المشاركات: 2,779

افتراضي رد : المرقووووق


آآآآآآآآآآآآآآآآآآآآمين

ادري اني اكبر منج بس يازين كلامج وحجيج ودي بس اسولف معاج

اكيد مربيتج يدتك صح ولا شو



__________________
فروحة توحة غير متواجدة حالياً  
قديم 01-05-2005, 01:57:16 AM   #11
دندره
كــويــتــيــة نــشــيــطــة
 
تاريخ التسجيل: Apr 2005
المشاركات: 103

افتراضي رد : المرقووووق


ياحلاتج انتي .. اكبر مني ... مافتكر يمكن انا اكبر منج بوايد بس بالقلب اصغر منج .. تدرين ليش؟ لاني اقط الهموم وراي ودايم اقول اللي مايعدني راس مال ما اعده فايده .. حاولي تاخذين اي امر بمرح وبضحك حتى لو كانت مصيبه حليها بشكل مرح وصدقيني كل شي راح يهون عليج



دندره غير متواجدة حالياً  
قديم 01-05-2005, 02:01:26 AM   #12
فروحة توحة
كــويــتــيــة ذهــبــيــة
 
الصورة الرمزية فروحة توحة
 
تاريخ التسجيل: Oct 2004
المشاركات: 2,779

افتراضي رد : المرقووووق


ما اقدر يا دندرة

الله كريم



__________________
فروحة توحة غير متواجدة حالياً  
قديم 01-05-2005, 02:05:30 AM   #13
دندره
كــويــتــيــة نــشــيــطــة
 
تاريخ التسجيل: Apr 2005
المشاركات: 103

افتراضي رد : المرقووووق


تقدرين ياعمري تقدرين .. بس اول شي قوي قلبج ولاتغضبين ربج وسوي كل الواجبات اللي ربي واجبها عليج والباجي قطيه بالبحر .. ترى العين الحمره تفيد والطناش يرفع المعاش ..



دندره غير متواجدة حالياً  
قديم 01-06-2005, 01:17:17 PM   #14
sky
كــويــتــيــة فــعــالــة
 
تاريخ التسجيل: May 2005
المشاركات: 277

افتراضي رد : الدرس الثالث عشر : المرقووووق


والله خوش شعار عن الرياييل بصراحه عجبنى وان شاء الله بتبعه



sky غير متواجدة حالياً  
قديم 16-12-2006, 12:21:15 AM   #15
حنـــــان
كــويــتــيــة ذهــبــيــة
 
الصورة الرمزية حنـــــان
 
تاريخ التسجيل: Oct 2006
الدولة: KUWAIT
المشاركات: 1,226

افتراضي رد: الدرس الثالث عشر : المرقووووق






__________________


حنـــــان غير متواجدة حالياً  
موضوع مغلق

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن حسب دولة الكويت : 05:42:58 PM.