عرايس لحم البقر الناطعة من مطبخي
المقادير :
نص كيس لحم بقر مفروم خشن امريكا ( الأكياس مو الأصابع المثلجة )
ملعقة كبيرة نعناع يابس
بصل مفروم
جزر مبشور وليس مفروم
1 طماطة مبشورة
شوية زيت زيتون
كركم
نص ملعقة بهارات لحم
لومي اسود
ملح
ربع ملعقة ص من ملح الليمون
دبس الرمان وهذا اللي يعطيه حموضة ( انا حطيت 3 ملاعق كبيرة )
ربع ملعقة فلفل احمر حار ناعم
نعناع طري مفروم ( ربع شدة )
ربع ملعقة كمون ناعم
ربع ملعقة صغيرة فلفل احمر بارد ( بابريكا )
ملعقة كبيرة معجون طماطم ( اختياري )
* تخلطينهم كلهم مع بعض وتتركينهم بالثلاجة ( انا سويته قبلها بيوم عشان الوقت )
صورة اللحم
حلاته ما يبيله تنقعين ولا شي
طلعيه من الفريزر وغسليه بالمشخال على طول
صورة الحشوة
اخلطي في وعاء منفصل قليل من الماء مع ملعتين زيت او زيت زيتون حتى نمسح فيه الخبزة قبل لا نضع الحشوة من الداخل والخارج
الطريقة :
- تقطعين الخبز اللبناني الى نصين
- ادهنيها بخليط الماي والزيت بالفرشاة من الداخل والخارج ووزعي الحشوة بالداخل بالكمية اللي تبين
- ضعيها داخل الشواية على نار هادية حتى تستوي اللحمة ( تقريبا 10 دقايق واقل ) سكريها وكل شوي قلبيها على الوجه الثاني
- قدميها مع البطاط المقلي واستمتعي بأحلى عرايس ناطعة وحارة نوعا ما للي يحب الفلفل والحاااااااااااااار
هذه صورة الشواية ( تيفال )
تحياتي وان شاء الله تعجبكم
اختكم / الهمبة
