سلسلة المعلم المبدع >>(1) أماكن مجربة ومضمونة للوسائل التعليمية

سبحان الله وبحمده

سبحان الله العظيم


:balo:


يشرفني هذي السنة إني أبدأ بسلسلة متكاملة خاااااااااصة للمبدعين والمبدعات

في هذي السلسلة راح تكون بإذن الله تعالى مواضيعي الجديدة لسنة 2010/2011م


وقبل لا أبدأ بأول موضوع في هذي السلسلة

أحب أحط لكم رابط جامعه فيه كل مواضيعي المفيدة لسنة 2009/2010م

http://www.q8yat.net/showthread.php?t=666421

عشان إللي حاب يستفيد منها
7


7




أماااااااااااااااااااانة أي وحدة تنقل المواضيع تحط

منقول من منتدى كويتيات بواسطة العضوة أبلة كويتية

مو محلله أي وحدة تنقل مواضيعي بدون ما تحط هالعبارة

هذي أمانة وبنفس الوقت حق والحق ما ينزعل منه






:balo:






بسم الله نبدأ موضوع اليوم

من خبرتي في شراء الوسائل وتجهيزها بحط لكم اليوم الأماكن إللي آنا مجربتها وأعتمد عليها بعد الله سبحانه وتعالى

وطبعا أكيد إللي عندها أماكن غيرها ياريت تحطها عشان تعم الفائدة للجميع







نبدأ


أولا ... المكتبة


بصراحة أحسن مكتبة بدون منازع ولا منافس هي مكتبة






فيها كل شي تبينه ..دفاتر تحضير ..صور ..لوحات للآيات والدروس .. مجسمات ..وغيره من الأشياء المفيدة

وهذي الصور بروحها تتكلم عن إللي في المكتبة












للأمانة الصور منقولة من هذا الرابط وفيه بعد صور إذا حابين تشوفونها

http://pinkgirlq8.blogspot.com/2009/03/blog-post_29.html


عنوان المكتبة
الاندلس قطعة 6 مجمع 236 تلفون 2486874 - 24806441 - 4806439 - فاكس : 24809918
مقابل مدرسة ابو موسى الاشعري لون المدرسة اخضر المكتبة على الشارع

إللي عندها بعد مكاتب خل تفيدنا






ثانيا تصوير الأوراق





تكبير ..وتصوير ..ونسخ ...وتغليف حراري ..وحلزوني

وغيرها من هالأشياء ..دااااااااااااايما نسويها عند مكتبة الطالب إللي في الجمعية ..وبصراحة غالي شوي

اليوم آنا يايبة لكم واحد بصراحة صار لي جم سنة أتعامل معاه تخيلي

إيي لج للبيت

سعره وااااايد رخيص

شغله حيل نظيف


تخيلي ينسخ الورقة بـ 5 فلوس ..إي والله 5 فلوس بس

التغليف الحراري عنده بـ 100 فلس ..التصوير الملون بـ 50 فلس

تكبير الصور للملون من 100 إلى 150 فلس

بنات إنتوا دايما نزلو بالسعر ..كاسروه ترى ينزل وااايد ويكفي إنه إيي لي البيت

تفضلوا رقمه

إسمه قريش عنده رقمين إذا ما طلع الأول دقوا على الثاني

99538647
60050464





بعد في تكملة للموضوع عفيه لحد يرد


7

:balo:


يلى نكمل


ثالثا جهاز التغليف الحراري






بصراحة ضرووووووووري جدا لكل معلمة هذا الجهاز

والأفضل إنها تشتري الحجم الأكبر إللي هو إي ثري

بصراحة برايي أرخص مكان ليما ألحين يبيع جهاز و أوراق التغليف الحراري

هو جمعية العديلية

هذي آخر أسعارهم لي تاريخ 17/8/2010م

جهاز التغليف الحراري حجم الإي فور الصغير بـ 12 دينار

جهاز التغليف الحراري الإي ثري الكبير بـ 18 دينار تقريبا

أوراق التغليف حجم الإي فور الصغيرة بـ دينارين ومعاها شوية خردة ما أذكر جم

أوراق التغليف الحراري الإي ثري الكبيرة بـ 4 دنانير ومعاها شوية خردة ما أذكر جم

طبعا ما شاء الله كل ما إييبون كمية تخلص ..إذا لقيتوه مخلص سألوا الكاشير متى تيي الدفعة الياية

الجهاز راااااااااااااااااااااااائع والأوراق أصلية ومتينة ...فيه بعض الأماكن يبيعون أوراق أرخص بس مو أصلية وخفيفة مع السنين ممكن تتبطل






رابعا جهاز البروجكتر






جهاز البروجكتر الداتا شو

بصراحة إللي عندها فلوس لاااااااازم تشتريه

عن تجربة راااااااااااااااااااااحة وإبداع لا حدود له


وإللي ما عندها فلوس لا تروح للسنافر ولا دسمان ..خل توفر فلوسها وتشتري لها واحد

والله آنا تحسفت على الفلوس إللي قطيتها على المكاتب ..

لو مجمعه فلوس الأغراض إللي شريتها يمكن تييب لي جهازين داتا شو

من خلال فرتي على هالجهاز ..اتضح لي إنه أرخص الأماكن إللي تبيعه


مكتبة جرير .. إلكتروزان ... يوريكا



شوفوا هالرابط عن موضوع كنت حاطته عن الداتا شو وشلون شريته

http://www.q8yat.net/showthread.php?t=608454






أتمنى الكل يستفيد

وإللي عندها أي إضافة لا تبخل علينا


ولا تنسوني من الدعاء



:hearting:



7

:33_1185028183:

حياكم الله جميعا منورين الموضوع ومشكورين على الدعاء




:33_1185028183:




نسيت أقولكم


خامسا الطابعة

الطابعة للكمبيوتر





أنصح كل معلمة تاخذ طابعة hp إللي ثلاثة بواحد

نسخ وطباعة وسكانر


بصراحة عجيييييييييييييييبة ورخييييصة وعملية حيل


يعني مرات تبين السكانر تبين تكبرين شي راح تفيدج

مرات تبين تنسخين ورقة مالج خلق تروحين المكتبة ..بسرعة تحطينها على الطابعة وتنسخين

طبعا هذا غير الطباعة من الكمبيوتر واااااااااضحة حيل

وسعرها ما يتعدى الـ22 دينار

بعد أرخص آنا ماخذتها من يوريكا بـ 16 دينار


موفقين يا أحلى أبلات


7


7

:aha:



حياكم الله جميعا منورين الموضوع

ومشكوووووووورين واااااااايد على الدعاء

gogona قال:

حبيبتي دايماااااااااا مواااااااضيعج مميزه وحلوووووووه عسى ربي مايرد لج دعوه ويشفي مرضاااااااكم
بعدين هذا قريش حده كسر خاااااااطري يتلي البجوووووووووه ليش واايد رخيص وعليه عااد انا بسرعه ينكسر خااااااطري وحبيت اسالج شنو جنسيته

أنقر للتوسيع...

تصدقين ما أدري ليش رخيص...هو أظن إنه هندي أوسيلاني ,,بس أتوقع هندي

بس ما شاء الله عليه ضغط ..وااااااااااااايد أبلات أعرفهم يسوي لهم شغلهم

بصراحة مريحنا حيييييييييييييييل حييييييييييييييييييييييييل لأنه إيي لنا لي المدرسة

تخيلي نجمع كل الشغل إللي نبيه وإيي لنا لي المدرسة وبعض الأقسام يصعد لهم لي الغرفة

ياخذ منا الشغل وإييبه من باجر ..مرات إييبه نفس اليوم بعد ساعة ,,ومرات العصر عند الحارس الصبح وإنتي ياية تاخذين الشغل من الحارس

ومرات إيي لي البيت ياخذ الشغل والصبح إييبه لي للمدرسة ..


بس صج راااااااااااااااااااااااااااااااحة ماكو منها

رد: رد : سلسلة المعلم المبدع >>(1) أماكن مجربة ومضمونة للوسائل التعليمية

ام طلال قال:

الله يوفقج ابله كويتيه
انا شاريه جهاز التغليف الحراري من يوريكا بس حجمين a4و a5 والطابعه شريت سامسونج اتينن واحسن من hp

أنقر للتوسيع...

حياج الله يا أم طلال

سامسونج حلوة

بس آنا متعودة على hpوصار لها ماشاء الله جم سنة عندي

مشكووووووووووورة يالغالية على المعلومات الحلوة