اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

SeLf^CoNfiDeNce · 13 أغسطس 2010

السلام عليكم هذي اول روايه لي و اهيا من خيالي و اتمنى تعجبكم

ابي ردودكم تشجعني و بحاول كل يمعه انزل بارت عشانكم

اسم الروايه :

اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)
3ZoZ oO DLoOL

البارت الاول :

بيت بو عبدالعزيز :
ام عبدالعزيز : اسمها منار بيضه عيونها حلوه و كبيره و طولها زين
بوعبدالعزيز : اسمه عبدالوهاب و طويل و اسمر و عنده شخصيه قويه حيييييييييل
عيالهم:
عبدالعزيز : اكبر واحد و عمره 21و يدرس بجامعه الكويت بكليه العلوم الاجتماعيه تخصص علم اجتماع و هو شخصيته قريبه من ابوه و وايد طيب و طويل اسمراني عيونه واسعه لونهم عسلي
مريم اخته الي تصغره بثلاث سنوات عمرها 18 و طيوبه بس عكس امها طالعه على ابوها حيل شخصيتها قويه و فيها عزه نفس كبيره و طولها حلو و ضعيفه وايد مو متحجبه شعرها اسود طويل و عيونها عسليه و بيضه بس البياض العادي
ساره : اخر العنقود عمرها 12 سنه ضايعه بالطوشه ما تشبه احد بالبيت كلش و عزوز و مريوم يحترون منها لانها اخر العنقود و مدلـله اكثر منهم

منار ام عبدالعزيز عندها اختين و اخو واحد بس
عبدالوهاب بو عبدالعزيز عنده اربع خوات و اخوين

خوات ام عبدالعزيز
منيره : اكبر من اختها منارو عندها 3 بنات و 3 شباب
ملاك : اصغر من منيره و منار و عندها ولدين بس
اخوهم
محمد: عنده 3 بنات و ولد واحد

خوات و اخوان عبدالوهاب ( بو عبدالعزيز)
حليمه : اكبر اخت له متزوجه و انفصلت و عندها ولد واحد بس
ساره : عندها طموح كبير للوصول للشهره بالدكتورا
شيماء : اصغر من بو عبدالعزيز و حيل تشبه و عندها 3 بنات
نور : عندها 4 بنات و ولدين
اخوانه
فيصل : فيصل اكبر منه و عنده صبيين و بنت
ماجد : اصغر واحد من الشاب و عنده بنت وحده و ولد واحد

يد الاحفاد : ابو بو عبدالعزيز متوفي و ام عبدالعزيز بعد متوفيه
لكن يد و يده ام عبدالعزيز منار متوفين من اهي صغيره عاشت بدونهم و عانت حرمانهم

اول حوار :
بو عبدالعزيز : ام عبدالعزيز نادي عيالج من بعد الغدا و انا قاعد بروحي !! شنو نايمين ؟؟
ام عبدالعزيز : لا يا بو عبدالعزيز مو نايمين .. و بعدين انا مو عاجبتك هني قاعده ؟؟
بو عبدالعزيز : لا يا يبا والله عاجبتني .. بس عيالج الله يهداهم محسسيني اني توني متزوج و البيت هدوء مافي الا انا و انتي
ام عبدالعزيز : يا حلات الايام الي راحت
بو عبدالعزيز : ماكو شي راح .. كل شي للحين موجود ... بس قومي ناديهم ابيهم بموضوع
ام عبدالعزيز : حاضر اخلص الي بيدي و اصعد ... قاعده تعدل الورد بالمزهريه
بو عبدالعزيز : ماشاء الله عليج فنانه بالتزين و الديكور مادري بناتج طالعين على منو وحده فنانه بالتسريحات و الشعر و البدليات و الثانيه ماكو شي من الاجهزه الكهربائيه الا وطلبته لو بيدها حتى خلاط تتحط بدارها ;p
ام عبدالعزيز : هههههه خلاص كافي حنه الحين بروحلهم
بو عبدالعزيزظل ناطر و يطالع T.V على ما ينزلون عياله
عبدالعزيز: السلام عليكم .. غريبه يبا مناديني
بو عبدالعزيز : لا مو غريبه مليت حدي من القعده هذا و انا للحين ما تقاعدت و انتو جذي هادينا انا و امك و كل واحد بصوب ... عيل شبسوي لي تقاعدت ؟؟ بجابل اربع اطوف
عبدالعزيز : اي والله يا ريت تتقاعد ابي فلووس
بو عبدالعزيز : انت تموت بالفلوس ,, بس راح تعرف قيمتها مو الحين لما يصير عندك معاش و تصرف على بيت كامل و ما تقصر بعيالك
عبدالعزيز : يخش ويه عن ابوه الله يسمع منك و اتزوج الي ابالي بكون اسعد انسان بالدنيا
بو عبدالعزيز : شتقول .. لا يبا اقول الله لا يبليني بوحده نسر كله تطلب فلوس فلوس ...
بو عبدالعزيز : ههههه
مريم و ساره : قاعدين يركضون عالسلم منو تبي توصل اول
بو عبدالعزيز : شفيكم .. لا تطيحون بس مريم خلي اختج بحالها لا تطيح
مريم : يبا خو مره وحده اوقف بصفي كله مع هالياهل ... شنو هذا البيت كله محد معبرني ..؟
بوعبدالعزيز : هذي البنوته الصغيرونه بس هم انتي يبا غير عندي
مريوم : يبا انا ما ابي اكون غير جذي و بس بالكلام ... ابي اكون غير بكل شي نفسها
# مريم حييل غيوره بس ما تحب تبين لاحد
بوعبدالعزيز : لا يبا هم انتي غيير محد ياخذ مكانج
عبدالعزيز : يبا جنك رفع بناتك بالسما .. وانا عشاني كبير مالي نصيب من هالحب ؟؟
مريوم : انت حبيب الماما بعد شتبي اكثر من جذي .. شايفها شكثر تحبك و تدافع عنك
عبدالعزيز : رفع المخده و قطها على مريوم اي بعد حسديني اكثر من جذي انا ناقصج
بو عبدالعزيز : وليييييييين انا يايبكم تتهاوشون و لا شنو ؟؟ مالي احترام عندكم
مريم و عبدالعزيز : لا يبا محشوم احنا اسفين
ام عبدالعزيز : انا قايله مخليهم يجتمعون على ولا شي هذا الي كنت تناديهم عشانه اثنين يتحاذفون بالمخاد و وحده تصفح بالجريده
بو عبدالعزيز : لا انا يابهم بقولهم ليش الظهر يصعدون لغرفهم .. الظهر وقت ان الانسان يجابل دروسه و يقراله شي يستفيد منه مو يروح ينام ... يا يبا اكثر شي يتعب الانسان نومه الظهر سمعوا كلامي و تعرفون قيمته مع الايام
مريوم : الحمدالله اني قاعد ادرس .. يبا حدي خايفه باقي جم اسبوع و اخلص الثانوي اخاف ما اييب نسبه حلوه عشان تقبلني جامعه الكويت
بو عبدالعزيز : لا يبا ان شاء الله بس انتي شدي حيلج و ضغطي على نفسج و بترتاحين بالنهايه .. لا انا و لا امج دامين لج الشهاده يا بنتي اهم شي
عبدالعزيز : هههههه مريوم عاد وين قلتيلي بدشين اي كليه
مريوم : خاطري بكليه الحقوق بس احسها مو ميولي احيانا .. محتاره اشوف النسب و اقرر بعدها
عبدالعزيز: استرييييييحي زين ما لقيتي الا الحقوق شايفه كتبهم انتي كل كتاب 200 صفحه لج خلق بعد الثانويه تدرسين 200 صفحه ؟؟
بو عبدالعزيز: ما طلعت على ابوك المفروض تعطيها دافع انها تقدر تسوي اي شي بالدنيا ترى ولا شي بالدنيا مستحيل
كل شي من المككن ان يصير
مريوم : فديتك يبا عسى الله لا يحرمني منك ... اي هذا الكلام السنع
اي صج عزوز بغيت اعرف اقل نسبه قبول لجامعه الكويت جم ؟؟ اي كليه بغض النظر ابي اعرف ادنى نسبه قبول
عبدالعزيز : والله على ايامي كانت 87 للأداب بس الحين مادري اذا تغيرت
مريوم: انزين اسألي اذا قدرت لان ....
عبدالعزيز : يرن تلفونه ... توهق لان الكل قاعد يمه بالضبط ممكن اذا رد الصوت يكون مسموع
قال اي كملي ما عليه هذا صاحبي ادق عليه بعد شوي
مريوم : لان ابي اعرف رفيجتي تبي كليه الاداب و سألتني و انا عطيتها وعد اني بسألك لانك تعرف بسوالف القبول اكثر منا
عبدالعزيز : اوكي راح اسأل ... طالع ابوه و قال : يبا انا استأذن بصعد غرفتي ببدل عشان بطلع
بو عبدالعزيز : وين يبا توك راد من الجامعه و من بعد الغدا صعدت ما قعدنا
عبدالعزيز: شسوي يبا لا تنسى ان ما بقى شي عالفاينل بستانس هل جم يوم
بو عبدالعزيز : على راحتك حط بالك يما و طمني عليك
عبدالعزيز : حاضر يا احلى ام بالدنيا
و صعد غرفته و متلهف بس يبي يرد على الموبايل

الي اتصلت فيه كانت بنت بعمر اخته مريوم عمرها 18 سنه و تعرف عليها بمركز الطالب كان يبي يودي مريوم تطبع تقرير فشافها هناك
تعرف عليها بطريقه غريبه
تابعوني مع الجزء الثاني

غ ــلا الــروح · 13 أغسطس 2010

رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

موووووووووووووووووووووووووووفقة

الرواية شكلها حلووووووووووة وتشووق بالتوفيق

:ggdw:

ننطر البارت الجديد

لاتطووولين عليناااااا _03BA:

SeLf^CoNfiDeNce · 13 أغسطس 2010

رد: رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

غ ــلا الــروح قال:
موووووووووووووووووووووووووووفقة

الرواية شكلها حلووووووووووة وتشووق بالتوفيق

:ggdw:

ننطر البارت الجديد

لاتطووولين عليناااااا _03ba:

تسلمين يا قلبي
ان شاء الله ما راح اطول وايد بس ابي تشجيعات منكم حبيبتي

و بالنسبه حق انها حلوه و لا لأ هذا تقييمكم الي انطره

هيونه دشتي · 13 أغسطس 2010

رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

بالتوفيق ياقلبي
بقراها وارد عليييج
لان شكلها وايد حلوه
بس سؤال طويله القصه ولا يعني؟
ويعطيج العافيه

SeLf^CoNfiDeNce · 14 أغسطس 2010

رد: رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

هيونه دشتي قال:
بالتوفيق ياقلبي
بقراها وارد عليييج
لان شكلها وايد حلوه
بس سؤال طويله القصه ولا يعني؟
ويعطيج العافيه

هلا حبيبتي مو طويله كبش زينه لأني مبتدئه ان شاء الله عشر او 11 بارت و مرورك اسعدني حبووووبه

SeLf^CoNfiDeNce · 14 أغسطس 2010

حبايبي احتمال كبير اني انزل بارت ثاني بعد يومين او ثلاث ايام عشان هالبارت كان حيل قصيره و احداثه قليله

البارت الياي احداثه اكثر بأذن الله

و اتمنى انتقاداتكم البنائه او تشجيعكم

و نطروني

=)

SeLf^CoNfiDeNce · 15 أغسطس 2010

السلام عليكم
الحين بزلكم بارت عشان ادري البارت الاول ما في احداث و عشان احصل ردودكم الحلوه

SeLf^CoNfiDeNce · 15 أغسطس 2010

الجزء الثاني :

دلال : لو سمحت ابي 60 نسخه من هالورقه ( و عطته الورقه )
العامل الي يشتغل : 3 دقايق و يكونون جاهزين
دلا ل: اوكي
عبدالعزيز: دخل مع مريوم اخته و قعد على ما تخلص مريوم اخته
قعد و طول الوقت يطالع دلال بس ما بين الشي
و مجابل الiphone على ما تخلص مريوم
فجأه رفع راسه على صوت اوراق طاحت ...
طاحت عينه على دلال و كان وده يساعدها عطاها جيس مال مركز الطالب عشان تحط الاوراق
و حطت الاوراق و رفعت راسها : مشكور اخوي
رد عليها : العفو .. ما سويت شي
لف ويهه و زاد اعجابه فيها شلون كلمته بطريقه محترمه
البنت بغت تطلع و مريوم للحينها قاعده تسوي شغلها
توهق عبدالعزيز ... شلون اروحلها ؟؟
كتب رقمه بورقه صغيره و حطها بالجيس الي قاعده تحط فيه دلال اوراقها بدون لا تلاحظ

*********************
‘‘( فرايديز )‘‘
يوم الخميس الساعه 8:40
عبدالعزيز : يالله خلوصوني حدي يوعان شنو بتاكلون
علي : انا ابي chicken fingers و سلطه سيزر و بيبسي
فواز : انا ابي باستا و بشرب منرندا
عبدالعزيز : ههههه فوازو طلعت من ربع الباستا
فواز : ملينا كل مكان نطلب دياي خل اغير شوي
علي : ههههههه خلصونا طلبوا بلا تعليقات
عبدالعزيز : عليوي جم ماده بتاخذ حق الصيفي ما بقى شي ع التسجيل
علي : من صجك انت يتسجل صيفي والله بروح اسافر شيقعدني بهالحر ..؟
عبدالعزيز : لاحق عالوناسه و السفرات خلنا نخلص نفتك ملينا والله
علي : بس هالصيف و بعدها لاحقين ان شاء الله
عبدالعزيز : ما قتلي وين بتروح ؟؟
علي : اسبانيا ان شاء الله
فواز : اي اي من قدك فديت اسبانيا و كل ما فيها و فديت برشلونه بعد
علي : اي والله فديتها انا رايح بس بشوف جوهم و ملعبهم عبالك ليش رايح
عبدالعزيز : يالله بالسلامه يالحبيب والله بيضيق خلقي بالصيف تعودت روحاتنا ورداتنا مع بعض صج بيضيق خلقي بس شسوي
علي : الله يسلمك لا تخاف اول ما ارد كل يوم الصبح نروح نتريق
عبدالعزيز : لا يبا ادوري زميله اطلع معاها مليت منكم ;p
الشباب : هههههههههههههههههه

***********************

بيت منيره اخت ( ام عبدالعزيز )

معاني الحب ما توفي لو بوصفلك مدى الاعجاب لا حروف الكلام تكفي و لا يكفيني فيك كتاب ...
لا تصدق اعيش دنيا حبيبي انت مو فيها (( حبيبي ‘‘ انت ‘‘ مو فيها ))
حسين يسمع هالاغنيه و يفكر بينه و بين نفسه ( يا ترى الفرصه عندي ليش ما ابين لها اني ابيها ... البنت كبرت و من الممكن انها تفهمني )
يقصد مريم بنت خالته منار
حسين عمره 23 سنه خلص الثانويه العامه و اشتغل على طول ما كمل دراسته
فجأه رن تلفونه
حسين : الو
عادل : هلا بهالصوت .. وينك ياخي ما تبين لا بالدوانيه لا تييلنا الشاليه شسالفه اد مزعلك
حسين : هلا والله هلا فيك ..لا ما فيني شي انت عزيز و اخو دنيا و سامحني ع القصور بس قالتها المغنيه نوال ( طبع الدنيا التلاهي )
عادل : مرنا اليوم حياك
حسين : ما يصير خاطرك الا طيب ان شاء الله بمركم
و قعدوا يسولفون لين خلص حسين و طلع من غرفته و شاف اخته الي اصغر منه اسمها انوار
ها نواره لابسه شكلج بتطلعين ؟
انوار : اولا صباح النور .. اي اكيد بطلع و مغصوبه بعد اووف مادري متى افتك و اخلص من المعهد مليييييت ابي انام عالراحه
حسين : بتخلصين معهد و بتشتغلين وين الراحه بالموضوع ؟
انوار : مابي اداوم الصبح ابي دوام العصر
حسين : والله ماخذه الدنيا سهالات عبالج كل شي على كيفج
انوار : خل اخلص يحلها الف حلال .. اكره الدراسه لو بيدي خلصت الثانوي و اشتغلت بس الله يهداهم امي و ابوي غصب يسوون الي براسهم
حسين : يا كثر ما تتحلطمين ... روحي و ديري بالج
انوار : اوكي .. يالله باي

********************
منيره من الامهات الي متساهله مع عيالها و معطتهم حريه تامه
ما حست انها بيوم من الايام صاحب كلمه قويه عليهم الي براسهم يسوونه من بنات و شباب بس منيره دايما تعالج الغلط بالغلط
كان ودها ان بنتها ترفع راسها و تييب نسبه حلوه عشان تدرس بجامعه الكويت نفس عيال خالاتها

منيره اتصلت بأنوار عشان تقولها بعد المعهد روحي بيت خالتج كلنا بنتيمع هناك
منيره : الو .. انوار
انوار : هلا يما
منيره : متى تخلصين من الدوام ؟
انوار: الساعه 1
منيره : اليوم تعالي بيت خالتج منار عازمتنا عندهم عالغدا
انوار : ليش يما تبيني ايي عشان اذا طلعت تعايريني بفلان و علان و ان بنات الناس دشوا الجامعه و انا لا ؟؟
منيره : خلاص تكلمنا بهالموضوع وايد و انتي انسانه عديمه احساس الكل يخاف على مصلحته الا انتي
انوار : انا اشوف مصلحتي بعيد عن الدراسه
منيره : هذا لانج ياهل و ما تعرفين مصلحه نفسج
انوار : يما انا اخليج الحين
منيره : لان كلام الحق يزعل روحي الله الحافظ
انوار : باي

*******************
بيت بو عبدالعزيز
الساعه 2:30

بو عبدالعزيز : يا الله يا ام عبدالعزيز متى بتحطون الغدا ؟
ام عبدالعزيز : قصر حسك بس باقي بيت اختي ملاك يايين بالطريج
بو عبدالعزيز : يالله الله يهداج روحي زهبي السفره على ما ايون
ام عبدالعزيز : ان شاء الله
مريم : يما شنو مسويته غدا
ام عبدالعزيز : بدال ما تقولين اساعد امي و اوقف معاهم شوي يايه سأليني عن الغدا
مريم : يما والله انا مفكره اصب الحلو و الجاي و بطلبلكم كنافه بعد شتبون
ام عبدالعزيز :و انا شمسكتني غير كلامكم الي تقصون علي فيه طالعه على ابوج عياره يما منج
مريوم : هههههه الله لا يحرمني منج يما
بو عبدالعزيز : عزوز يبا افتح الباب صوت الجرس
عبدالعزيز : ان شاء الله يبا
راح عبدالعزيز فت الباب و سلم على خالته ملاك
قالها : من زمان مو شايفتج صايره حلوه والله ;p
ملاك : اي ما عندي بنات تتغزل فيهم اطلع الحره فيني ههههههههه
لا تخاف حتى لو اييب بنت ما ازوجك ياها
عبدالعزيز : هههههه وي اذا يبتي بنت ازوجها ولدي ;p
ملاك : ليكون خاطب و انا اخر من يعلم
عبدالعزيز : لا خالتي للحين لا تخافين انتي اول وحده راح تعرفين

دشت ملاك اخت ام عبدالعزيز و سلمت
بو عبدالعزيز: ام بدر و بو بدركل هذا طريج وينكم صارلنا ساعه ننطركم
بو بدر ( زوج ملاك ) : الله ما رزقني ابنات بس ملوكه صارلها ساعه تكشخ انا على كشختها عبالي اليوم العيد ;p
ملاك ( ام بدر ) : لا هين بو بدر ... عيل كل يوم من ايامنا راح يصير عيد اذا ما خليتهم يتغدون عنا ما اطلع انا ملاك
الكل : هههههههههههههه
بو عبدالعزيز : يا الله يا يبا حياكم ع الغدا بعدين تناجروا

تغدوا و خلصوا

الساعه 4:30
يرن تلفون عبدالعزيز .... يشوف الشاشه رقمها و ما يرد
و حط الجيهاز سايلنت
بعد ربع ساعه يوصله مسج منها
~السلام عليكم ... عبدالعزيز حبيت اقولك شغله اذا انت لاهي و مالك خلق تدق قولي انا مشغول بس لا تحقر ..لاني قاعده افسر الامور على كيفي و اذا انت تبي هالشي على راحتك ~

عبد العزيز قره المسج و اعتفس ويه لان هالبنت بالذات الي حبها و احترمها و ما يحب يزعلها بشي و يبي يكسب حبها و رضاها
قال من مكانه يبي يدق عليها
بدور ولد خالته ملاك : ها عزوز وين على الله
عبدالعزيز : ماكو صاعد اييب شغله من غرفتي و بحط فوني ع الشحن
عبدالل اخو بدور : خل الولد على راحته
عبدالعزيز : شدعوه يبا شفيكم 5 دقايق و نازل ماني مطول
و صعد عبدالعزيز غرفته
شال التلفون و دق رقم دلال
ما ردت عليه
تابعوني بالجزء الثالث :

SeLf^CoNfiDeNce · 15 أغسطس 2010

عطوني توقعاتكم للجزء الثالث

انطركم =)

SeLf^CoNfiDeNce · 15 أغسطس 2010

اكمل الروايه ؟؟

شكلها مو عاجبتكم ؟؟؟

الي تبيها تكتبلي رد عالاقل عشان اكمل

FOOSHA · 16 أغسطس 2010

حــــــــــلووووة و يآ ريــت تكمليــنـآ دآم فيـهـآ برشلوونة و أسبـآنيــآ

!

بليـــــــــــــــز لآ توقفيــن يلآ كمـلي ,,,,,,

متآبـعــة بصمتــ ..

SeLf^CoNfiDeNce · 16 أغسطس 2010

foosha قال:
حــــــــــلووووة و يآ ريــت تكمليــنـآ دآم فيـهـآ برشلوونة و أسبـآنيــآ

!

بليـــــــــــــــز لآ توقفيــن يلآ كمـلي ,,,,,,

متآبـعــة بصمتــ ..

هلا يا قلبي

فديتج

ان شاء الله بكملها و بعد اربع ايام بحط بارت عشان لازم اشوقكم

و اتمنى اتابعين بس مو بصمتــــ عشان اعرف اكمل

Miss.blue berry · 16 أغسطس 2010

رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

انا ما قريت الروايه الحين بقراها و شكلها حلوه
اقراها و ارد عليج برب

Miss.blue berry · 16 أغسطس 2010

رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

واااو روااايتج وااايد حلوووه ~~
و من اول بارتين شكلها حلوه و عجبتني واايد ~~
و طريقتج بالكتابه حييل حلوه
و بلييييييز نبي البارت الثالث حدي متشوقه بعرف شبصيييييييير !

SeLf^CoNfiDeNce · 17 أغسطس 2010

هلا حبيبتي مس بلو ،،، لاز م اشوقكم شوي يا قلبي فديتك و ان شاء الله قريب انزل البارت نطرووووووني

SeLf^CoNfiDeNce · 17 أغسطس 2010

يوم الساعه 9 بنزل بارت نطرووووني

Miss.blue berry · 17 أغسطس 2010

رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

ناطرين

SeLf^CoNfiDeNce · 17 أغسطس 2010

رد: رد : اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

miss.blue berry قال:
ناطرين

ثواني و تقرينها

SeLf^CoNfiDeNce · 17 أغسطس 2010

الجزء الثالث :

ظل عبدالعزيز يدق على دلال
لين ردت عليه
عبدالعزيز : الو دلول
دلال : هلا عبدالعزيز
عبدالعزيز : ليش ما تردين ؟
دلال : كنت مشغوله شوي ... انت الي ليش ما رديت لما انا دقيت عليك
عبدالعزيز : كنت قاعد مع اهلي لان متيمعين ابيتنا
دلال : مممم ... خلاص على راحتك روح اقعد معاهم
عبدالعزيز : شفيج اقعد مع منو بكلمج ليش زعلانه
دلال : مو زعلانه بس عالاقل تدز مسج من الصبح ما شفت منك حتى مسج و لا قتلي ان اهلك بيون عنكم عشان لا ادق و انت عارف ما احب احرجك جدام اهلك و ما كان قصدي
عبدالعزيز : والله انا وصلت البيت تفاجأت ان اهلي موجودين حتى امي ما قالت لي انا اسف و حقج علي ... السموحه
دلال : مسموح
عبدالعزيز : احسج متضايقه فيج شي ؟
دلال : لا ما فيني بس بطلع الحين
عبدالعزيز : وين على الله ؟
دلال : بروح اشتري كامره ما باقي شي على حفله التخرج
عبدالعزيز : المفروض اني ادري من قبل مو الحين تقوليلي بروح
دلال : ليش هالشي ضروري عندك؟
عبدالعزيز : دلوول انا قتلج انتي غير عندي عن اي بنت مرت بحياتي و انا ابيج و من الاول قتلج هالشي و اتمنى اني اعرف كل شي يخص طلعاتج و روحاتج و حتى رفيجاتج ... و ابي اقولج شغله قبل لا يصير اي شي بيني و بينج انا اذا حبيت اسوي المستحيل عشانج .... مابي منج كلمه من ورا قلبج و اكتشف مع الايام انج مو البنت الي انه كنت متوقع اني احبها و اكمل حياتي معاها
دلال : عبدالعزيز ... ماله داعي تسأل ع طلعاتي بس كل شي بوقته حلو اذا صار بينا حب يصير خير لي وقتها
عبدالعزيز : انتي شايفه جذي
دلال : اي
عبدالعزيز : تبيني اكون غامض معاج و تبين يكون في بينا حواجز ؟
دلال : لا طبعا
عبدالعزيز: خلاص عيل تسمعين كلامي من البدايه
دلال : عبدالعزيز انت ناوي تحبني و لا تبي تفرض شخصيتك علي ؟
عبدالعزيز : لازم تسمعين كلامي عشان نكون متفاهمين
دلال : اوكي نتفاهم بس مو بالطريقه الي انت تبيها
عبدالعزيز: انا خل اروح عند عيال خالتي و اذا طلعوا ادق اتفاهم معاج
دلال : اوكي
عبدالعزيز : ديري بالج على نفسج
دلال : اوكي
عبدالعزيز : باي يا حلوه
دلال : باي

نزل عبدالعزيز حق عيال خالته و ظل تفكيره مشغول بالبنت الي خذت عقله من ساعه ما عرفها

*************************
غرفته دلال :
الساعه 5:36

دلال تفكر بنفسها (( معقوله راح احبه ؟؟ بس انا ادري ان شخصيته قويه و راح اتعب معاه ... حتى لو شخصيته قويه شفيها يمكن يكون خايف علي مثل ما يقول ؟؟ !! ))
رفت دلال السماعه عشان تدق على رفيجتها روح بالروح و حبيبه قلبها
دلال : الو .. كوثروا وينج اليوم ؟
كوثر : كاني موجوده انتي الي وينج ؟
دلال : موجوده , كوكو تذكرين عبدالعزيز الي قتلج عنه ؟
كوثر : ممم منو الي بمركز الطالب
دلال : ههههههههههه اي هذا اهوا
كوثر : شفيه ؟
دلال : احس اني بديت احبه
كوثر : و خلود و لد خالتج ؟
دلال : شدعوه خلود داري عني
كوثر : وين الي كانت تقول لو تنقلب لادنيا ما افكر بغيره
دلال : مادري بس عزيز خلاني احس ان في انسان مستعد يتملكني و يحطني بعيونه
كوثر : هههههههههه كلهم جذي
دلال : والله مادري ,,, انزين درستي حق الامتحانات ؟
كوثر : لا والله للحين ببدي من باجر حق الفلسفه و انتي ؟
دلال : انا من اليوم بدرس فرنسي
كوثر : اوكي يالله روحي و اي شي تبين دقي ما يردج الا الفون
دلال : هههههههههههههه من صجج اكيد بدق كل ما اوقف عند نقطه اشك اني مو فاهمتها بدق
كوثر : هههههههههه مو صاحيه روحي درسي يالله
دلال : اوكي يالله
كوثر : باي

دق عبدالعزيز على دلال الساعه 8:46
عبدالعزيز : ها دلوله شتسوين ؟
دلال : ماكو قاعده
عبدالعزيز : دلال ممكن سؤال ؟
دلال : تفضل
عبدالعزيز : انتي في انسان بحياتج ؟
دلال : لا ليش تسال ؟
عبدالعزيز : ابيج تكونين صريحه معاي احسج كله ساكته ما تتكلمين كله انا الي اسولف لج عن كل شي و انتي كله ساكته
دلال : انا طبعي جذي هاديه و ماحب اسولف
عبدالعزيز : حتى معاي انا ؟؟
دلال : مع الكل
عبدالعزيز : عادتني واحد غريب عنج من الناس ؟
دلال : لا بس
عبدالعزيز : بس شنوو ؟
دلال : احس ان لو قتلك راح تفهم غلط
عبدالعزيز باعصاب : قولي !! @@
دلال : انا كنت احب ولد خالتي لمن كنت صغيره بس ما صار بيني و بينه اي شي رسمي تقدر تسمي حب طفوله اول انسان وعيت عالدنيا و حسيته قريب مني
عبدالعزيز : كلمتيه ؟؟ او سولفتي معاه ؟؟
دلال : لا بس من كنت صغيره حبيته و اهوا ما يدري اصلا
عبدالعزيز : دلال انا بروح اخليج
دلال : قلت شي يزعل ؟
عبدالعزيز : لا بس انا بخليج شوي
دلال: انت لا تحبني و لا صار بيني و بينك شي ليش كل هالكلام و ليش كل هذا و انا من الحين قبل لا تحبني قتلك اني كنت مو للحين كنت احبه واذا انت واثق من نفسك تقدر تخليني انساه !!
عبدالعزيز : دلال انا عزيتج حيل و يشهد علي ربي اني عزيتج و حسيت انتي الانسانه الي انا اتمنى اعيش حياتي معاها ... غير عن كل بنت مرت علي ... بس مادري شقولج
دلال : قول الي يريحك
عبدالعزيز : مستعده تنسينه عشاني ؟؟
دلال : اذا انت تستاهل راح انساه عشانك
عبدالعزيز : و هذا الي راح يصير ان شاء الله صدقيني من البدايه قتلج راح اخليج اسعد انسانه بالدنيا بس تحملي عصبيتي انا انسان عصبي مثل ما قتلج من البدايه بس من داخلي غير طيب
دلال : يعني اقدر اقص عليك

عبدالعزيز : هههههه داشه بقوه
دلال : هههههههه
عبدالعزيز : فديت هالضحكه
دلال : .........
عبدالعزيز : ليش كل المستحى ؟؟
دلال : مافي شي مو مستحيه
عبدالعزيز : اي اي مبين عليج
دلال : انزين خلاص عاد
عبدالعزيز : يا حلات الي تستحي والله
دلال بخجل : عبدالعزيز اقدر اروح ادرس
عبدالعزيز : اي روحي و لج مني وعد اذا عديتي رابعه ثانوي بتقدير يدخلج الجامعه بسويلج شي ما يخطر ع بالج
دلال : يا ريت ادش الجامعه حلمي
عبدالعزيز : وين ناويه تدشين ؟
دلال : علوم اداريه
عبدالعزيز : اي اي من قدي يمي كل يوم اشوفج
دلال : هههههههه خل ادش اول
عبدالعزيز : ان شاء الله ضغطي على نفسج و بتدشين
دلال: اوكي اخليك خل ادرس
عبدالعزيز : اوكي يا حلوه
دلال: باي
عبدالعزيز : حطي بالج على نفسج باي

بيت بو عبدالعزيز :
يوم الخميس
تاريخ : 17- 5 - 2006

بو عبدالعزيز : ام عبدالعزيز اليوم لا تنسين تبلغين العيال بنتعشى برا
ام عبدالعزيز : ان شاء الله بقولهم الحين
بو عبدالعزيز : مو ناويه تسافرين هالسنه مكان ؟
ام عبدالعزيز : لا والله كلش مابي بس ابي تطلع نتيجه مريوم و يرتاح قلبي
بو عبدالعزيز : شدعوه مسويتها قصه بتبيض ويهنا ان شاء الله مو مقصره بالدراسه
ام عبدالعزيز : الله يسمع منك
دخل عليهم عبدالعزيز: يبا السنه اليايه اخر سنه لي ترى بس اخلص بتوظف و بتزوج
بو عبدالعزيز : انت تخرج بالاول و بعدين امك تدورلك بنت الحلال بس استقر بحياتك
عبدالعزيز : ان شاء الله يبا
ام عبدالعزيز : ترى اليوم ابوك عازمنا عالعشا تعال معانا تجز بعد الصلاه اوكي
عبدالعزيز : دام على حساب ابي اكيد بتجهز لو مسافر ارد هاذا الوالد مو شويه
بو عبدالعزيز و ام عبدالعزيز : ههههههه
ام عبدالعزيز : ها حبيبي بعد شمسوي مع الدراسه ؟
عبدالعزيز : يما حرررررررر و تعالي شوفيني اخر يوم بالصيفي يمكن ما تعرفيني بروحي اسود راح اصير شنوو @@
ام عبدالعزيز : هههههههه لو شنو تصير حلوو ماكو مثلك
بو عبدالعزيز : اي الحين ولدج هالجيكر حلوو .. و انا شنوو
ام عبدالعزيز : انت الزين كله
عبدالعزيز : يالله انا استأذن خل اصعد بعدين تغزلوا ابعض
بو عبدالعزيز : استح على ويهك شهالكلام ؟؟
عبدالعزيز : لا ولا شي يبا قلت ما بخرب عليكم
بو عبدالعزيز : قوم قوم اصعد دراك وايد احسن
عبدالعزيز : اي ان شاء الله يبا ( يساسر نفسه قول من الاول قوم فهمتها عالطاير )

عبدالعزيزصعد غرفته و دق على دلول
دلال : الو
عبدالعزيز : ساكت
دلال : الوو عبدالعزيز ؟؟
عبدالعزيز : ظل ساكت
دلال : عزيز !!
عبدالعزيز : ما ودي ارد عليج ودي اخليج طول المكالمه تناديني يا حلات اسمي على لسانج
دلال : لا والله
عبدالعزيز : اي شفيج
دلال : ما فيني
عبدالعزيز : تدرين دلوله اليوم يعنيلج شي بحياتج ؟؟
دلال : مممم لا ليش
عبدالعزيز : انا يعنيلي وايد اشياء
دلال : ممممم ( قعدت تفكر بينها و بين نفسها ليكون هاذا اليوم عيدميلاد وحده يحبها و يبي يصاحني بحبها .. لا مابسمع هالشي بديت احبه و اتعلق فيه )
عبدالعزيز : شفيج سكتي و تقولين ممممم بنفس ؟؟
دلال : لا ولا شي ... بس شسالفه هاليوم ؟
عبدالعزيز : والله و قمتي تسألين يهمج تعرفين الاشياء المهمه بحياتي ؟؟
دلال : ( توهقت ما تبي تبين الصج ) لا عادي بس قلت اشاركك افراحك
عبدالعزيز : دلوله انا اليوم صارلي شهرين اعرفج
دلال: واااي اشوه
عبدالعزيز : شنوو ؟
دلال : اقول يعني شدراك
عبدالعزيز : ليش انا اقدر انسى شي من عرفتج و انتي قالبه حياتي فوووق تحت
دلال : شدعوه
عبدالعزيز : دلال انا وياج صارلنا شهرين و بهالشهرين ما شفت منج كلمه مو بمحلها او شي يضايقني و شهرين يعني 60 يوم تعودت بهالـ 60 يوم اني اكلمج الصبح اصبح عليج و الظهر و بليل قبل لا تنامين و اكون انتي اخر شخص تعودت اسمع صوته والله يشهد علي اني اعتبرتج اكثر من حبيبتي بالايام ما توقعت اني بحبج جذي بس والله يا دلال انا مادري شقولج بس تقبليها مني ترى انا ....
احبــج

دلال : @@
عبدالعزيز : ليش سكتي ؟
دلال : مادري بس انت متاكد من الي تقوله ؟؟
عبدالعزيز : اي متأكد ما تمر لحظه علي بدون ما افكر فيج مشاركتني كل حياتي و انتي مو حاسه
دلال : مادري شقولك بس المسأله مسأله وقت .. راجع نفسك عدل
عبدالعزيز : صح المسأله مسأله وقت بس هالمره انا الي بنطر عليج و صدقيني راح اخليج تحبيني مثل ما حبيتج راح اطج بعيوني راح اكون سند لج بهالدنيا ... راح اشاركج حياتج و اتمنى من الله انج تكونين من نصيبي
دلال علامه تعجب على ويها : مادري شقولك
عبدالعزيز : لا تقولين شي من ورا قلبج بس انا شاريج
دلال : عبدالعزيز انا
عبدالعزيز : ممكن طلب ؟
دلال : امر
عبدالعزيز : ما يامر عليج عدو .. بس مابي يكون بينا رسميات و تقدرين تناديني عزوز , حبيبي , اي شي
دلال : عبدالعزيز لو سمحت خل بينا حدود و بعدين اذا مر يوم علينا و قتلك عزوز افهم وقتها اني حبيتك
عبدالعزيز : يالله يا رب متى تقرب هاليوم
دلال : عبدالعزيز ممكن سؤال ؟
عبدالعزيز : عيوني لج مو بس سؤال سطري اسألتج كلهم
دلال : اذا كنت بسجل حق الجامعه وين اروح ما باقي شي و اخلص الامتحانات و التسجيل بعد الامتحانات على طول
عبدالعزيز : تبين اوديج حاضر تحت امرج
دلال : لا تسلم بروح مع امي
عبدالعزيز : خلصي و ان شاء الله بدليج ..وشدي حيلج بالامتحانات الي بقولج
دلال : ان شاء الله
عبدالعزيز : يالله روحي درسي ابيج تكونين اعلى نسبه
دلال : ان شاء الله
عبدالعزيز : اي صح نسيت اقولج حبيبتي اليوم بروح اتعشى مع امي و ابوي و خواتي
دلال : اوكي
عبدالعزيز : ماكو بالعافيه .. ماكو حط بالك على نفسك .. ماكو كلمه تبرد الجبد
دلال : انت كبير و تعرف مصلحتك ... بس غلطتي ما قلت بالعافيه .. خلاص بالعافيه مقدما و اول ما يوصل الطلب بالمطعم دزلي مسج ان وصل عشان اقولك بالعافيه

عبدالعزيز : هههههه تنكتين بعد هااا راح تشوفين

دلال : خلاص يالله روح الله معاك
عبدالعزيز : خلاص حبيبتي حطي بالج على نفسج و ركزي بالدراسه لا تفكرين فيني وايد انزين

دلال : مصدق نفسك انا اصلا ما اتذكرك الا لما اشوف رقمك
عبدالعزيز : افا والله بسسسس مشكوره ايي منج اكثر 
دلال : هههههههه يالله خل ادرس
عبدالعزيز : اوكي عمري
دلال : يالله باي
عبدالعزيز : باي

دلال قعدت تفكر فيه تقول بينها و بين نفسها ( احس احلامي راح تتحقق مع هالانسان .. وين القى واحد مثله ... روحه حلوه و دمه خفيف و مستعد يحطني بعينه و يعطيني قلبه ويشاركني حياتي )

لا لا لا ليكون انا قااعده اصدقه ؟؟ يمكن له هدف بيوصله !!
بشوف اخرتها معاه

الساعه 8:30
عايله بوعبدالعزيز وصلوا المطعم
قاعدين ياكلون و اول ما شاف عبدالعزيز طبقه على طول تذكركلام دلول

تابعوني بالجزء الرابع

SeLf^CoNfiDeNce · 17 أغسطس 2010

مس بلو بيري كتبي توقعاتج حق الجزء الرابع

بنات اذا عجبكم البارت قولولي

=)

اول روايه لي ( ~ $ اكبر قهر لا صرتي تبيني و ابيج و الحظ لعب فينا $~)

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member