اللي يطبخون يدشون ضرووووري

الغاليه نونو قال:

تغسلوونه بماي وصابون تايد وفلاش هههههههههههههههههههه

شوفي يمه انتي معاها بعطيكم طريقة غسل السمج والدياي واللحم وشدوا حيلكم وراكم بيوت وريااااييل حمشين عن الرباده الزايده يالله رفعوا جموومكم وتعالي انتي وياها عند المغسل وشوفوني


اول شى الدياي لما يفج عنها الثلج تنظفينها زين مازين تشوفين عاليلد مرات بقايا ريش هذا تشيليلنه وعندج العصعص مال الديايه بالسجينه تسحتين الطبقه اللي بارزه فوق لانها مكان تجمع الوصخ تالي تبطلين الماي وتغسلينها وداخل بطنها تلاقين عالجوانب الرئتين ملوت الديايه ومثل دم متجلط داخل <<< ديايه فيها انسداد شرايين هههههههه المهمممممم تغسلينها زييييييييين وبعدين تاخذين شوية طحين وتفركينها بالطحين وتخلينها بوخمس دقايق علشان الطحين يمص كل الدم اللي فيها عقبها تغسلينها وتحطينها بالجدر عليها ماي تفوحينها نص فوحه وتكتين الماي وتبتدين تطبخينها تحطين ماي نظيف وراس بصله وكركم ودارسين وماجي وتفوحينها تطبخينها حسب رغبتج


انييييي حق السمج انا اخذ السمج منظف من السوق وجاهز مالي خلق الحوسه وتسفيط السمج وتنظيفه لا يبته البيت طبعا اغسله بماي عادي مووحااااااار ديري بالج لانه السمج ان غسلتيه بماي حار يخترب عقب ماتغسلينه عندج الملح الخشن ترشينه بالملح الخشن بره وداخل وتخلين السمجه بو ربع ساعه لييييييين الملح يمص الدم كله
تالي تغسلينها من الملح وتييبيين الطحين تحطين فيه فلفل اسود وكزبر وكمون وتفركين السمجه بالطحين وتخلينها فتره عشر دقايق تقريبا وتغسلينه وتبهرينه بطريقتج وتطبخينه حسب الاكله اللي بتسوينها

واللحم ترا يبيبله عيوون امبققه عدل تشوفين شلافيح الشحم اذا ماتبينها تقطينها والعروق والعضلات هذى كلها تنشااااال ومرات تشوفين زغاديد محقونه باللحم هذى تصير من شنوو هالزغاديد ياطويلات العمر الخروف قبل ماينذبح يعطونه ماي ولما يذبحونه يوقف الماي بعروقه وتتكون هالزغاديد مثل الفصوص لونها ازرق تقريبا
لازم لاااااااااازم بالتنظيف تشيلونها وتالي تغسلين اللحم عدل وتفوحينه نص فووحه وتكتين ماي الزفره وتحطين ماي نظيف ودارسين وهيل وبصله مقطعه ونتفة زنجبيل واذا عندج بهارات البرياني العدله موومطحوونه حطي مومشكله وشوفي ريحة اللحم ياسلاااااااام سلم
وعلي فكره بناتي اللحم لما تفوووحينه لاتحطيله ملح تراااااا مايستوي اللحم يصير مثل اليلده وتحملي بوعيالج ان هفج بهاليلده عالغدا ماتسوا عليج كلشششش

اللحم يحطوله الملح عقب مايستوي من الفووح ومع الطبخ ان جان مرق والامجبوس والابرياني والا اللي تبينه

هذى طرق التنظيف وعساها يازت لكم سامحوني اذا نسيت شي واللي تبي اي سؤااااااال حازرين للتيبين

أنقر للتوسيع...