حلوة ومملوحة الكويت
New member
مقادير العجين
4قلاصات طحين ابيض
2قلاص طحين اسمر
ملعقة أكل كبيره خميره
3 ملاعق اكل كبار حليب بودره
ملعقة اكل ملح
نص استكانه زيت زيتون او حسب الرغبه الزيت اللي تبينه
ماي دافي للعجن قلاصين ونزيد ليما تحسين صار عندج عجينه قوامهاا حلوو وتصلح للعجن
نعجن المقادير السابقه ونبداا في اضافة ماء العجن تدريجياا ويمكن يوصل معاج ل3 قلاصات
ولما ننتهي نغطيهاا بقطعة قماش و نخليهاا في مكان دافي .
بعدهاا نكورهاا لكور ونخليهاا ربع ساعه ترتااح
وهذي حشوتناا الاولى: حشوة بيتزاا عباره عن فطر مقطع وذره وطماط وفلفل اخضر بارد واريجانو وفلفل اسود وجبن بيتزاا
والخلطه الثانيه خضار مشكله عباره عن بطاط مسلوق مكعبات نحمسه مع بصل صغار وجزر
مكعبات وفلفل اخضر وبهارات مشكله واشبنت وبقدونس
ونسوي نوعين من العجين:
1-واحد للنوع الاول من السندويشات نرقه بالنشابه ليما يصير خفيف ونحطه على تاوه حاره او مقلاة مدهونه بشوية زيت مع التقليب على الوجهين.
2-النوع الثاني نرقها بس مو حيل خفيف ونحاول نقصها باي شي دائري مثل صحن او قطاعة البيتزا ونحط بوسطها الحشوه ونرجع نطبقها بحشوه ثانيه ونحطهاا على التاوه مع التقليب على الوجهين لين تحمر.
ونحطهاا على التاوه او المقلاة الحاره المدهونه بالزيت
وهذااا ياحبيباااتي الشكل النهااائي
وهذي السندويشات الاولى اللي سوينااها:
وبألف عافيه على قلووووبكم
التعديل الأخير:
