قصتي تحكيها لندن ... قصتي الرابعه بعد توقف الثالثه

تفاحة بيتنا · 8 أبريل 2010

بسم الله الرحمن الرحيم ...

طبعا لكل يعرف قصتي

http://www.q8yat.net/showthread.php?t=503231&page=23

انا وقفتها لاسباب خاصه وماراح اكملهااا واعتذر بنات .. لانه في بعض البنات ماحبوا اني اكملها ..

وهذي قصتي الرابعه اتمنى اتمنى تعجبكم ....

ماراح آعرف آحد وبالقصه راح تعرفون الابطال ... بس القصه حلووووه وابي متابعتكم ...

في شهر 6 وفي امتحانات الفاينل ..

الماس: مو مصدقه مو مصدقه آني بسافر لندن .. تعرفين شنو حلم وتحقق
ابرار :يؤؤؤ فكينا عاد ترى انتي الوحيده المشفووحه بينناا آخاف مصدقه عمرج انج بتلقين فلان ولد فلان الي شركاته تارسه الدنيا يباا آصحي من احلامج دوختيني لو رايحين لبنان ابرك...
الماس وهي واقفه وتلف "(يعني كانها آطير) آكيد راح القااه هو اصلا ينطرني وتعب من انتظارني(وتغمض عيونها) راح آمشي بالهايد بارك وبين كل الناس عيني بعينه يتلاقون ..ويقووول حلم عمرري لقيته وينج من سنين عني ونركض بالهايد بارك وآمسك آيدينه ......وآنتي بتموتين قهر بس لا تخافين بزوجج آخوه
آبرار واهي واقفه:لك الحمد يارب كل واحد يحلم على قده ابرك .. قومي ادرسي ابرك..
الماس تنسدح على السرير:طلعي برى بكمل حلمي مع فارس احلامي ...
آبرار واهي واقفه عند الباب:احلمي احلمي مدام الحلم بلاش ..ههههههههههه

آلماس عمرها 19سنه ثاني سنه جامعه من عايله عاديه بوصف شكلها الي شبه خيالي ...
الماس طويله وجسمها مقسم عيونها كبار وخشمها سلة السيف شفايف ممتليئه ولونها وردي ..بيضا وشعرها طويل للي نص الظهر وعندها غمازتين وكل من شافها شبهها بالممثله بريتي زينتا((بحط لكم الصوره عشان تعرفونها))

آبرار آكبر من الماس ..هي واختها متشباهين جدا بملامحهم ..ولكن الاختلاف انه ابرار ماعندها غمازه ..واشوي اسمر وعمرها 23

آنتهت آمتحانات الفاينل وبيوم السفر الى لندن ..
الماس لابس ملفع آسود وجاكيت اسود وجنز ..حاطه مكياج خفيف ونزلت الصاله ..
الماس شرايكم
لكل:ههههههههههههههههههههههههههههههه
الماس بعصبيه :شفيكم
ابو محمد:جاكيت بالكويت صجج مو مصدقه
الماس :ايييييييييييه نسيييت شسووي يبا مو مصدقه مو مصدقه بررروح لندن <<<بصراخ ..
محمد:مشكله اعيال الفقر عندهم لندن حلم ..
لكل:ههههههههههههههههههههههههههه
طبعا لكل تجهز والماس غيرت ملابسها ولبست شيء خفيف ..واخذوا معاهم شيء ثقيل لانه جو لندن يقلب فجأه

ابو محمد يشتغل بوزارة الكويت ..وام محمد وكيلة مدرسه ..ابرار موظفه في قطاع البنوك ..ومحمد ضابط عمره 26 ..والماس بجامعة الكويت

لكل سافر ماعاد محمد ..مايحب يسافر مع اهله ..

لكل كان ناطر حان موعد اقلاع طياراتهم ..

الماس من الفرحه واقفه اول وحده بتدخل الطياره ..الحجز كان على الدرجه العاديه كلهم ..
الماس بفضول :بعد شوي بروح الدرجه الاولى
ابرار:متخلفه والله متخلفه
الماس:ههههههههههههههههه بتشوفين ..بروح اشووف اشكال الي حاجزين 590
ابرار :اذكري الله بس ..
الماس:عادي قريب بكون معاهم ..اذا كانت بطيارتي الخاصه
ابرار :وبدات الاحلام اقوول ترى مالي خلق احلامج يعني جبب..

الماس تتذكر فهد.
فهد:الماس ترى الحب مو بالفلوس والغنى وصدقيني يمكن انا عايش على راتبي بس بعيشج ملكه بيتنا
الماس وهي تضحك :ملكه مابي اصير ملكه شكرا ..
فهد :صدقيني يالماس وباجر راح تتذكرين انه عمر السعاده ماتجي بفلوووس
الماس:خلاص اذا بغيت السعاده ادل بيتكم يا فهد ..وصكرت السماعه بوجهه..

فهد ولد خالة الماس عمره 25سنه يمووت بالماس ويبيها بس هي رافضته عشان على الله وعلى هالراتب ..و مازال متمسك بالماس ورافض يتزوج غيرها عندها آمل بتتغير وتخلي سوالف المراهقه هذي ..

وصلت رحلة الى لندن لتبدآ قصة من هناااا ..

وبانتظار ردودكم عشان احط البارت الثاني

امواج الكويت · 8 أبريل 2010

كملي حياتي

♥ الــزيــن ♥ · 8 أبريل 2010

كملي حياتي

روايتج من البدايه تينن

dlo3t^baba · 8 أبريل 2010

البدايه حلوه ^_^
كمليي واحنا نشجعج

b6ooo6a*_* · 8 أبريل 2010

ناطريينج حبيبتي لا طولين ابليييز

b6ooo6a*_* · 8 أبريل 2010

ناطريينج حبيبتي لا طولين ابليييز

spongebob93 · 8 أبريل 2010

بدايه تشوق

ناطرينج

تفاحة بيتنا · 8 أبريل 2010

البارت الثاني

وصلوا مطار هيثرو
_لندن

الماس وهي تتمشى بروحها وبمسافه بعيده عن اهلها وكان المطار مزدحم شوي وكنت شبهه مبهرومه ومبين اول مره تجي لندن

الماس تلفت يمين ويسار ومالقت اهلها ..وبخووف وبخطوات سريعه تبي ترجع للمكان الي خلت فيها اهلها ...وبدون لا تحسس دعمت واحد كان عريض وعضلات الماس بعصبيييه:اووووووووووووج
.........:انكتت القهوه على ملابسه بعصبيه ..::لاحووول وقتج انتي بعددددد
الماس بعصبيه:روووح بسسس كسرت كتفي
.....رفع راسه وبعصبيه ..بعدين هدى ..شاف اجمل بنت ممكن يشوفها بحياتي :اختي ..
الماس بعصبيه :لا اختك ولا اعررفك يلاا باي ..

وصلت عند اهلهاا والقهوه شوي موصخه ملابسها
ابرار :هههههههههههه هذي بداية دخولج الى لندن
الماس بعصبيه :عمى بعينه كسر كتفي دعمت طوفه مو رجال
ابرار :منو شفيج ..
الماس:واحد متخلف لا والمشكله معصب ...خلي يولي حتى شكله ما شفته

.....:سعود سعود وينك
سعود:كاني بالحمام ابدل ملابسي
...:اخلص يلاا ترى تاخرنا على القروب
سعود:خلاص رووح انا مابي اروح مع قروبكم الفاشل
....:مشكلتك باخر لحظات تطق الشرف طاقين درب من الكويت وغيرنا رحلتنا من باريس الى لندن عشان هالقروب واخرتها ماتبي الشره مو عليك الشره على الي يصدقك
سعود:عبوود تكفى توكل ترى مو ناقصك تدري اني ماحب هالسوالف قلت القروب مجرد شباب ماتوقعت في بنات لا وخليجيات بعد ..
عبدالله:اطلع من الحمام وانتفاهم برى احسن ...
سعود:هههههه شنو نتفاهم ...اخاف بتطقني بس
عبدالله يطلع من الحمام ويرقع الباب بقوه

الماس :اوووف كل هالدور عشان ننطر التاكسي ..شالنظام الخايس
ابرار:على بالج بالكويت كل من جاء ركب قبل الثاني لا حبيبتي اهني نظام ..عاد يكرهج للنظام انتي
الماس واهي تلفت :حددده

عبدالله وسعود طالعين من المطار ..
سعود:يابابا بتروح رووح آنت انا مو رايح قروب فيه بنات ما اطببه
عبدالله :تدري شلون ..بطقاق يلا مع السلامه ..
سعود :تووكل يلااا

الماس :ابرار شووفي جنتل مان هذاك وتاشر على سعود ..الي دعمته نفس جسمه
ابرار :اخخخ بس مزيووون
الماس :اييه ..بنشووف اي سيارره بيركب ..
ابرار:لا اتوقع تاكسي ..

سعوود :اووخ الحمار راح وخلاني ...اركب تاكسي ابرك ..

الماس :هههههههه طلع نفس حالتنا ينطر ..لا لا مو جنتل مان نعيد الحسابات
ابرار :تفكيررج خايس
الماس:جدا جدا
ابرار :ياررب يرزقج بغني يوريج نجووم الظهر
الماس:اميييييييييييييييييين
ابرار:متخلفه
الماس بغرور :جدا جدا

سعود كان واقف تقريبا ورى 10افراد والماس قبل هالــعشره
سعود لمح وحده بس تتحرك تروح يمين ويسار وابتسسم عرف انه هذي هي المطفوقه
سعود كلم العوايل الي جدامه وفهمهم انه هذيلا اهله وسمحوا له بالمرور

سعود واقف ورى الماس بالضبط ..
سعود:ترى ماخذنا تعويض على الملابس
الماس التفت بسررعه :انت
ابرار :منووو
الماس:الي قلت لج عنه الي دعمني
سعود:لا لا تزور الحقايق انتي دعمتني
الماس بغرور:انا انت المطلوب الحين
سعود ماحب طريقتها بالكلام :سلامتج واسف ع الازعاج
الماس:حياك الله اخووي ..بصوت واطي ناقصينك احنا بعد

وقف تاكسي ورحوا عايلة الماس

وسعود هم راح ..سعود بليز قوا توا هوتيل لاندمارك

طبعا لاندمارك من الفنادق الفخمه في لندن ...بعرفكم على سعود

سعود ولد مليردير كويتي اغلب حياته سفرات يعني الكويت يشوفها من سنه لسنه ,,اكبر اخوانه عمره 29سنه ومستثمر قوي في مصر وفي بريطانيا ..واغلب دول العالم يعرفونه..معروف عنه انه يحب الخير ويسااعد ..ومعروف بعد انه متواضع حيل
((بتعرفون ليش يسافر وايد بالقصه ..)) شكله طويل ورزه ومجسم عيونه حاده وخشمه شوي طويل ..لا هو ابيض ولا اسمر حنطاوي ..

في فندق يبعد عن شارع اجور ورد 6دقايق مشي

الماس:يباا مابي انام مافي نوم بقووم اطلع
ابو محمد :كلنا تعبانين منو بيروح معاج يعني ..
الماس :يبا الحين ساعه 10الصبح بلندن يعني وناااسه وناس وزحمه ..وابرار ماتبي تنام وتطلع
ابرار:جذاابه
ابو محمد :اذا ابرار بترووح روحوا اذا بروحج ماكو طلعه
ابرار بخباثه :افكر وارد لج خبرر
الماس ماردت على ابرار ورحت تتكشخ:لبست عدسات زرق ..وملفع لوونه فوووشيه ..وبلوزه ضيقه طويله لونه ابيض ..وعلى اطرافها رسم بالوان الوردي ..ولقينز لون وردي...((وردي بوردي))
حطت قلوس وكثرت مسكره ..صار شكلها واااو
الماس :يلا خلصت امشي
ابرار :ههههههههه كاشخه كاشخه مابي اروح
الماس:اووكي بااااي
ابرار :وربي مجنونه امشي امشي ..

الماس بدات رحلتهااا في لندن ..؟؟

شنو راح يصير ..؟؟ وراح تتغير نظرتها بسعود؟؟؟

وشنو المواقف الي راح تصير بلندن ...؟؟في اول يوووم ؟؟

كل هذا واكثر في البارت الثالث مش هئتدر تغمض عينيك لوووووووووووووول

تفاحة بيتنا · 8 أبريل 2010

امواج الكويت قال:
كملي حياتي

كــويــتــيــه قال:
كملي حياتي

روايتج من البدايه تينن

dlo3t^baba قال:
البدايه حلوه ^_^
كمليي واحنا نشجعج

b6ooo6a*_* قال:
ناطريينج حبيبتي لا طولين ابليييز

spongebob93 قال:
بدايه تشوق
ناطرينج

حياكم الله واسعدني مروركم ..

وناطره ارائكم بالبارت الثاني

spongebob93 · 8 أبريل 2010

ممممم اتوقع انه راح تتغير نظرتها حق سعود اذا عرفت انه ملياردير

وثانكس عالبارت

ناطرينج

b6ooo6a*_* · 8 أبريل 2010

حتن انا اتوقع اتغير رايها لانه ملياردير ووو ناطرينج

انجاد الكويت · 8 أبريل 2010

روووووعه روووووعه تشوق من بدايتها تكفين كملي...

تفاحة حبيبتي ممكن نعرف كل جم تنزلين بارت وممكن كم بارت تقدرين تنزلين باليوم وشكرااا

بانتظار البارت

!pink-card! · 8 أبريل 2010

Gwaaaa
W.b 7yate
W elg9a mbayen 3leha tynn
W8ing elpart eyay
;********

♥ الــزيــن ♥ · 8 أبريل 2010

حتى انا اتوقع انه راح تتغير نظرتها حق سعود اذا عرفت انه ملياردير

وثانكس عالبارت

ناطرينج حياتي

لا تطولين علينا

dlo3t^baba · 8 أبريل 2010

وناااسه بدت الاكشنات

حبييته سعوود مادري ليش

انجاد الكويت · 8 أبريل 2010

بانتظار البارت............

so_what · 8 أبريل 2010

ناطرينج ، و جانزين لو تقدرين تكلمين روايتج هذيج لان صج كنت ناطره نهايتها حديي

miss 3yara · 8 أبريل 2010

لايوووقف لايوووقف شكلها حلوووه

كويتية بحتة · 8 أبريل 2010

الرواية حلوة
بانتظار البارت الثالث

shmoo5 · 8 أبريل 2010

لا يوقف لايوقف لايوقف
قعد انطر احر من الجمر
خخخخخخخخخخخخ

قصتي تحكيها لندن ... قصتي الرابعه بعد توقف الثالثه

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member

New member