بنتي 5 سنوات وتنام بينا بالفراش...شنو الحل..؟

صبـــــــــــــــــــــاح الخيـــــــــــــــــــــــــر

أبي حل حق مشكلة بنتي لي الحين تنام عندي بالفراش ... مع العلم غرفتها جاهزه من كل شي ... والمشكله الثانيه والكبيره أن أبوها مدلعها وايد ويخليها تنام ومايرد لها طلب ... لأن ياها أخو بعد 5 سنوات من الأجهاض المتكرر وعماتها وجدها مدلعينها وايد ... وكل ما أزفها تروح فراشها تروح عند أبوها ويحضنون بعض وينامون:flower: .
شنو الحل أفيدوني عشان تنام بفراشها ؟

نفس بنتي عمرها سبع ونص ما تنام الا معانا ولازم تحضن واحد فينا وزوجي تكسر خاطره كله تخاف وتحلم فيخليها علي كيفها واخوها الأصغر بو 3 سنوات هم معانا ( سفينة نوح ) تخيلي اذا تضايقت انا او الأبو واحد فينا ينحاش ينام بدار البنت الي مثلج مجهزه بكل شيئ وابصراحه انا احب انام بفراشها حده يشوق والوان غرفتها مريحه وتلفزيون بلازما وستلايت غرفة النحشه امسمينها ومرات ترضي تنام بغرفتها بس ابشرط انام عندها واحضنها طبعا ارضي بس تروح علي نومه فأقوم متكسره لأن اخوها النزقه هم حاشر نفسه معانا
والله مرات اقوم من النوم تعبانه ومو شبعانه لأن الأخوان لازم كوع واحد فيهم بخاصرتي او انحاش منهم من غرفتهم لغرفتي اقوم من النوم شيئ امضايقني الا الأثنين لاحقيني وحده عند ريلي والثاني بخاصرتي وارد انحاش لغرفة البنت هم يردون يلحقوني

حاولي تقرين لها قصص عن البنات وغرفهم 00 في بجرير قصص عن البنات وطريقة تعلقهم باشياءهم وغرفهم وايد حلوه ان شاء الله ان رحت وشفت شي من هالقصص ببلغج 00تكلمي معاها وايد عن غرفتها وان البنت مثل الاميره لازم يكون لها خصوصيه وسرير الاميرات الحلو مايصير تنام عند امها وابوها ومن هالسوالف 00 عشان انتو بعد تحسون بطعم الحياة الله يعينج والله 00

انتى حاولي معاها لازم تتعود تنام بغرفتهاااا..يعنى وديهااا غرفتهاااا واقري لهااا قصص لما تنام..اذا حدهاااا معنده
وتبي تنام عندكم خليهااا لين تدخل بالنومه وبعدين وديهاااا غرفتهااا..

أكث من مره أدويها فراشها لما تنام وما اشوفها بالليل الا يايه عندنا الدار وشايله مخدتها ولا بعد على طول تنقز على ابوها اطب بالنص جنها مو مسويه شي وتخلينا أحنا الي نوخر

مي الحلوة قال:

انتى حاولي معاها لازم تتعود تنام بغرفتهاااا..يعنى وديهااا غرفتهاااا واقري لهااا قصص لما تنام..اذا حدهاااا معنده
وتبي تنام عندكم خليهااا لين تدخل بالنومه وبعدين وديهاااا غرفتهااا..

أنقر للتوسيع...

نفس مشكلتي مع ولدي ،،، صرت أروح انا معاه في غرفته واذا انحشت نص اليل يقعد ما يلاقيني يصرخ يناديني ،، ولا يجي عندنا
ومثل ما قلتي رجله في خاصرتي وراسه عند ابوه وحاله >>>لوووووووول يلف ويدور
>>> ولدي اسم الله عليه 3 سنين وما أدري شنو الحل ،، لانه يخاف

نفسسسس المعانااااااااااااااااااااااة


ولدي عمره سنتين و8 اشهر

انا عودته لان من عمره اشهر وللحين عنده امساك مزمن وكان باليل يحن ويبجي جان يقولي الدكتور الانساك يسويله صداع ومايقدر ينام جان يكسر خاطري واخليه ينام بالنص والحين مو قادره اوديه فراسهمع انه غراشنا بغرفتنا ويمي والوقه يمي وامد ايدي امسكه بس مايقدر ثواني ويرد يطب عندي


وطبعا جنه يلعب مصارعه وهو نايم يكفخ فين وبابوه والحين توني والده ويوم كنت حامل معاناتااااااة اخاف على ظهري وبطني وطول اليل يرفس فيني

انا بعد مشكلتي مو بس السرير جان زييييين انا متعود انه يلعب بالسير مال الستيان اللي عالجتف قبل لاينام ومرات يفز من نومه

يدخل ايده بهدومي يمسك الستيان وينام


الله يعينا بس هذا اللي اقوله

المشكلة مو في ولدي المشكلة فيني انا مااقدر اخلية ينام بروحة احس قلبي يعورني وهو بس وحيدي وعمرة 3 سنوات اقول حق نفسي احضن الكبير <زوجي> وخلى الصغير <ولدي> لا لازم ينام بحضني