.... [ من تجرأ من قطف هالياسمين ] ....

cute princess

cute princess

New member
إنضم
8 سبتمبر 2009
المشاركات
1,819
مستوى التفاعل
1
النقاط
0
هااااي يا حلوين
شلونكم شخباركم ؟ :$
انا قلت ماني منزله قصة يديده بس ولهت عليكم :$ وهم احس المنتدى مات شوي صارله جم يوم قلت اردله الحياة :$
المهم
القصه... فكرتها الاساسيه واقعيه ... بس التفاصيل من مخي المسكين :$ الي بتعبه وايد :$
المهم ... كل يوم انشالله في بارت الا الاثنين... مو سالفة اجازة او شي بس لانه دوامي من الصبح لي المغرب !!
طبعا وشي طبيعي ما تبوني ارد واكتب قصه ! :|
من سابع المستحيلات اسويها :|
والحلوين الي يقرون بصمت :$ ترا كلمة مشكوره او ناطرين ماراح تاكلكم ابدا وما تاخذ منكم غير ثانيه :$
والحلوين الي مايعجبهم شي بالقصه اتمنى يعلقون بذرابه :$ ما اقصد الكل انا اقصد البعض ! :×
واذا كلش كلش كلش ما قدرتي تمسكين نفسج الخاص موجود لوووووووول
المهم نبدي باول بارت.... ادري مو طويل بس ريريز تحن تبيني انزله الحين الحين الحين عشان تعلق عليه اول وحده :$ وبعدين هذي مجرد مقدمه :$




طالعت ويهها بالمنظره .... تتاكد من المكياج الي حطته .... تتاكد انه شعرها مثل ما كانت تبيه.... وقفت... وعدلت نفنوفها ...



حلم كل بنيه .... كل بنت تتمنى ايي هاليوم .... اليوم الي تكون فيه عروس ....
سمعت صوت من وراها ....


لين (خبيرة التجميل) : ست ياسمين ... انشالله كل شي تمام ؟؟
ياسمين : اي... تسلم ايدج .....
لين : شوو ؟ باينتك مو فرحانه
ياسمين: (تبتسم) لا كل شي تمام....
طالعت ياسمين شكلها بالمنظره اخر مره...
ياسمين ( غمضت عيونها ) : يارب يكون حلم .... يااااااارب يكون حلم
بطلت عيونها وتطالع المنظره بعين كلها حزن ومشت....
مر الوقت بسرعه على ياسمين ... ماحست بشي طول العرس ... كانت موجوده بجسمها بس مو بروحها ولا بقلبها ولا عقلها... كل تفكيرها كان بشي ثاني غير العرس ....
كانت تبتسم ... تضحك.. بس كل هالوناسه الي بويهها كانت مو صج.....
صار وقت دخلة المعرس .... ام ياسمين غطتها عدل .... وتغطو الحريم ... ودشو الرياييل...
رفعت ياسمين عينها تشوفهم واهمه داشين.... شافت ريلها ... (بدر)


بدر كان طويل... اطول واحد بين الرياييل.. لونه حنطاوي ... جسمه حلو... عيونه حلوه... كل البنات الي بالعرس ماتو عليه وعلى جماله... امه تطالعه واهوه يمشي وتقرا عليه بقلبها



قعد بدر يم ياسمين عقب ما سلمو عليه الرياييل وباركوله ومشو ... طالعها ... كانت قمة بالجمال... سمره شوي ... شعرها اسود غامج حيل .. عيونها كبار .. شفايفها متروسين شوي .. كان بدر حده مستانس ... عكس ياسمين الي كانت تتصنع الوناسه طول الوقت ....
صار وقت زفتهم... طلعو... راحو الفندق ... وياسمين ساكته... بدر عباله هالسكوت حيا وخوف لانه زواجهم كان زواج تقليدي وبفترة الملجه ماعرفو بعض عدل ...



كانت ياسمين تحس الوقت مو راضي يمشي ... الدقيقه مثل الساعه... كل شي قاعد يصير كانت تتمنى انه يكون حلم وراح تصحى منه بعدين ...
نام بدر ... وياسمين قاعده مو قادره تنام...طالعت بدر .. شافته نايم ومو حاس بشي يمه... قامت راحت تتسبح...
الماي ينزل على جسمها واهيه واقفه بدون لا تسوي شي ... فجاه .. بجت ... طلعت كل الي كانت تحس فيه ... قعدت عالارض ولمت جسمها والماي ينزل عليها واهيه تبجي ....
قعدت تبجي ليما حست نفسها ارتاحت شوي وطلعت الي فيها .... قامت غسلت عدل ولفت الفوطه على جسمها وطلعت ... لقت بدر بويهها ...
ياسمين : باسم الله ...
بدر : (بتسم) اشفيج ؟ اخرعتي ؟
ياسمين ( هزت راسها يعني اي )
بدر : ما لقيتج يمي .. ييت ادورج و..
ياسمين : مو يايني النوم .. رحت خذيتلي شور ...
بدر : فيج شي ؟
ياسمين : لا ... روح نام اسفه قعدتك...
راح بدر وقعدت ياسمين بالصاله الي بالجناح .... تفكر... ليما داخت ونامت بمكانها ...





ثاني يوم الصبح.....
بدر : ياسمين.. ياسمين !
ياسمين بطلت عيونها .. طالعت بدر وقعدت تطالع الغرفه... جنها تحاول تتذكر اهيه وين ..
بدر : ليش نايمه اهني ؟
ياسمين : مادري غفيت ..
بدر : قومي عيل غسلي وخل نتريق وعقبها نروح بيتنا وردي نامي اهناك شكلج وايد تعبانه وما نمتي عدل ....
قامت ياسمين بدون ما تقول شي ... غسلت وراحت لبست ... حطت ميك اب خفيف وراحت تتريق مع بدر .... مر الوقت بسوالف بدر ومحاولاته انه يضحكها بس اهيه كانت تبتسم وتسكت .. وكلماتها قليله .. بدر كان يحس في حاجز بينهم ومو عارف شلون يكسره...



خلصو ريوقهم .. شالو اغراضهم وراحو بيتهم ... كان البيت بيت بدر بروحه بدون اهله...
بس اهله بيتهم وايد قريب منهم... دشت ياسمين قاعده تطالع البيت... دش وراها بدر وبايده الجناط...
بدر : رااني راااااني
التفتت ياسمين تطالعه
بدر ابتسم .. ويت الخدامه : صعدي الجناط فوق...
رد التفت على ياسمين : تبين تصعدين ترتاحين ؟
ياسمين : ماراح نروح مكان ؟
بدر : بنروح بيت اهلي واهلج عشان تييبين باجي اغراضج ... بس ارتاحي اول وبعدين نروحلهم
ياسمين : اوكي.. وين الغرفه ؟
بدر : يلا امشي ..
صعدو مع بعض فوق ... دشو غرفتهم... كانت وايد كبيرة والاثاث وايد حلو ومرتب والغرفه معطره ومبخره ...
بدر : انشالله عجبتج ؟
ياسمين : اي وايد حلوه ..
بدر : يلا اخليج تاخذين راحتج انا بقعد بالصاله ..
ياسمين : اوكي ...
طلع بدر وخلاها ..
ياسمين طلعت اغراضها من الجنطه وحطتهم بالكبت ... بدلت هدومها وعدلت مكياجها وتعطرت وطلعتله...
بدر : ها ما نمتي ؟
ياسمين : لا مافيني النوم... تبي نطلع الحين ؟
بدر : اي يلا عيل نتغدا ابيت اهلي
ياسمين : اوكي.....



طلعو راحو بيت اهل بدر ... كانو وايد اهله فرحانين بييتهم... سولفو وضحكو وياسمين مثل كل مره (ساكته) ....
خلصو من الغدا وقعدو يشربون جاي وياكلون فطاير وحلو ويسولفون... وعقبها قامو عشان يروحون بيت اهل ياسمين...



بالسياره...
بدر: ياسمين فيج شي ؟
ياسمين : لا ليش ؟
بدر : مادري احسج متضايقه من شي او مو مستانسه...
ياسمين : لا شدعوه .. بس اول مره اقعد مع اهلك مو ماخذه عليهم
بدر : مو عن اهلي بس .. حتى معاي انا.. اشفيج قوليلي
ياسمين : ههه ماكو شي (ابتسمتله بدلع )
بدر التفت عليها وابتسم : كل هذا حيا ؟ بس ترا انا ريلج لي متى بتستحين يعني ؟
ياسمين ابتسمت وسكتت
وصلو بيت اهلها ... دشو داخل وشافت اختها بويهها ... ركضت لمتها وعينها دمعت..
ساره (اختها) : اوله اوله اشفيج !! ترا امس طلعتي من اهني ما صارلج سنه
ياسمين ( طقتها ) : جبي مليقه
ساره : شلونك بدر ؟
بدر : تمام الله يسلمج...
ساره : حياكم تفضلو خل اروح انادي امي ... ياسمين تدلين الصاله ولا نسيتي الطريج؟
ياسمين خزتها وبدر ضحك عليها ...
ساره : اشفيج تطالعيني جذي ؟ وييي نسيتي ! شوفي بس امشي سيده الصاله على طول بويهج
بدر ( يضحك ) : بس عاد لا تطفرينها
ساره : هههههه خل انادي امي ...



يت ام ياسمين واهيه تيبب...
ياسمين تطالع بدر وبدر قاعد يضحك...
ام ياسمين : تو ما نور البيت...
بدر : بوجودج عمتي.. شلونج ( باس راسها )
ام ياسمين: هلا يما هلا حبيبي .. انتو شلونكم انشالله مستانسين ؟
بدر : الحمدلله...
ياسمين (سلمت على امها وباست راسها ) : شلونج يما ؟
ام ياسمين : اشفيه ويهج قالب جذي ؟ بدر مزعل بنتي ؟
بدر : عمتي ما يمديني ازعلها امس عرسنا
ام ياسمين : اشفيها عيل ؟
ياسمين : مافيني شي اشفيكم علي اليوم
ام ياسمين : ما قلتولي انكم بتيون الحين ... فشله ابوج طالع
بدر : لا عادي عمتي مافيها شي
ام ياسمين : يما ياسمين جناطج كلهم محطوطين اهناك مو تنسينهم وانتي طالعه
ياسمين : اي انشالله...
ام ياسمين : عيل متى سفرتكم ؟
بدر : ليلحين ما حجزنا... قلت نقعد جم يوم اهني ونتفق بعدين وين نروح...
ياسمين: انا مابي اسافر
بدر التفت وما قال شي
ام ياسمين : ليش ؟ روحو استانسو ...
ياسمين : لا مابي ... ماحب
بدر : ماتبين تروحين اي مكان ؟ اي مكان انتي تبينه
ياسمين : لا مابي ... بقعد اهني


يتبع....


ناطره ردودكم الحلوه :$
 
التعديل الأخير:
ReRez

ReRez

New member
إنضم
28 أغسطس 2009
المشاركات
6,001
مستوى التفاعل
2
النقاط
0
الإقامة
BaYaN
ولللللللللللللللللللكم لأحلى كيوووت .. حجزت بالسطره الاولى خخخخخ
يللا بنات كل وحده تقعد من غير صوت خلونا نندمج
^_^

ياسمين اكسرت خاطري مادري احس مجبوره او مضطره او شي :( مادري بس اكسرت خاطري
وهم بدر كسر خاطري .. الله يستر ناطرييين التكمله حبييي ^_^

بنات تره انا اقنعتها تنزل قصه :eh_s(9): انا واهي مسوين شفتات انا اخلص اهي تبدي وانا ابدي اهي تخلص
خوش فريق بنسوي دويتو عن قريب :friends:


------

بنات خذيت اذن حبيبتي كيوت حق هالاعلان الرسمي :$

حق اللي تابع قصتي ( يادنيا ارحميني )

تره بعد ساعتين او أقل بنزل بارت ( مابعد الاخير )
 
التعديل الأخير:
3rbawia 7lwa

3rbawia 7lwa

New member
إنضم
4 سبتمبر 2009
المشاركات
618
مستوى التفاعل
0
النقاط
0
الإقامة
kuwait : )
الله وناسة نزلتي رواية يديدة يالله خل اقرة و اعلق بعدين :$
 
كاسبرينوو

كاسبرينوو

New member
إنضم
14 يوليو 2008
المشاركات
467
مستوى التفاعل
0
النقاط
0
يعطيج العافيه حبيبتي
واخيييييرا نزلتي
بدر مسكيييييين :)
وياسمين الله يهداج بس :)
 
كاسبرينوو

كاسبرينوو

New member
إنضم
14 يوليو 2008
المشاركات
467
مستوى التفاعل
0
النقاط
0
ريريز حبيبتي ليش اهيا ما خلصت ؟
مو اخر بارت اللي كان اسمه يادنيا ارحميني ؟!؟!؟..~~~
 
cute princess

cute princess

New member
إنضم
8 سبتمبر 2009
المشاركات
1,819
مستوى التفاعل
1
النقاط
0
rerez قال:
ولللللللللللللللللللكم لأحلى كيوووت .. حجزت بالسطره الاولى خخخخخ
يللا بنات كل وحده تقعد من غير صوت خلونا نندمج
^_^

ياسمين اكسرت خاطري مادري احس مجبوره او مضطره او شي :( مادري بس اكسرت خاطري
وهم بدر كسر خاطري .. الله يستر ناطرييين التكمله حبييي ^_^

بنات تره انا اقنعتها تنزل قصه :eh_s(9): انا واهي مسوين شفتات انا اخلص اهي تبدي وانا ابدي اهي تخلص
خوش فريق بنسوي دويتو عن قريب :friends:
أنقر للتوسيع...

لوووووووول كله منج خليتيني انزلها على عيله من حنتج :$
وانتو بسرعه ينكسر خاطركم ؟ :× الله يعين الي بياخذكم :×

3rbawia 7lwa قال:
الله وناسة نزلتي رواية يديدة يالله خل اقرة و اعلق بعدين :$
أنقر للتوسيع...

لووول يلا ناطرتج :$

كاسبرينوو قال:
يعطيج العافيه حبيبتي
واخيييييرا نزلتي
بدر مسكيييييين :)
وياسمين الله يهداج بس :)
أنقر للتوسيع...

الله يعافيج..
نزلتها من حنة ريريز :(




بنات قصة ريريز ( يا دنيا ارحميني ) اهيه خلصت.. بس ريريز بتنزل بارت بعد بتزيد عالنهايه جم شغله مايصير اتحجى بلسانها انا :$ لما ترد تقولكم كل الي عندها :$ بس نطروها ساعه وشوي او ساعتين وتنزل البارت :$
 
ba6re8a

ba6re8a

New member
إنضم
20 يناير 2008
المشاركات
3,199
مستوى التفاعل
0
النقاط
0
الإقامة
3end zojiiii 7abeebi
كيوووووووتو نزلتي روااااااااايه ونااااااااااسه


ريريييييييييييييي شنو مو خلصت روايتج؟؟؟؟؟
 
CuP__CaKe

CuP__CaKe

New member
إنضم
13 سبتمبر 2009
المشاركات
97
مستوى التفاعل
0
النقاط
0
aywaaaa nazaltay 8e9aa thanks rerez 3al 7ana :x :eh_s(9)::eh_s(9)::eh_s(9):

walaht 3alaaaaaaich :hjy5jewf:

abi a3aref shsalfat yasmen :080402ask_prv:
o bader kaser kha6ri masken :x

na6reenich :eh_s(15):

:fun:
 
zooz92

zooz92

New member
إنضم
30 أكتوبر 2009
المشاركات
943
مستوى التفاعل
0
النقاط
0
الإقامة
My SweeT Home ;$
مبروووك الروااية اليدييدة

شكلها من البدااية تشوووق

احس ياسمين فيها شي وغامضة =\

يعطييج العااافية على البااارت

ناااطرينج ..~
 
noof>>

noof>>

New member
إنضم
24 نوفمبر 2009
المشاركات
1,084
مستوى التفاعل
0
النقاط
0
مسكينه ياسمين تكسر الخاطر

و يعطيج العافيه حبيبتي

ناطرينج
 
بيـــشو17

بيـــشو17

New member
إنضم
10 نوفمبر 2009
المشاركات
2,218
مستوى التفاعل
0
النقاط
0
هلا وغلا بكيوت نور قسم القصص شكلها حدها اتينن القصه :ada: :p_03BA:
بس اهيا شفيها ياسمين وايد متنحه؟؟:confused:
مانبي نحن عليج وايد عشان لاتزعلين كلش ولازعلج وعلى راحتج نزلي البارتات حبي :wqedqw::e3:
بس شكلي ماراح اتحمل لان القصه حدها تشوق:sfg::balo:
 
cup-cacke

cup-cacke

New member
إنضم
27 فبراير 2009
المشاركات
11,336
مستوى التفاعل
2
النقاط
0
العمر
34
الإقامة
في قلبه وروحه
الموقع الالكتروني
www.q8yat.net
ولكمووووووووووووووووووووووووووش حياتو

وناااااااااسه قصه يديده..اممممممممممممممممم..يمكن ياسمين مو مرتاحه مع بدر<<مع ان شكله حبوب
لان زواج تقليدي..او يمكن ما ادري:d

ريريز..تصدقين ما قريت لج إلا الفتاه الهاربه:$
كل ما اقول بقراهم اليوم انسى:$:$..بس خلاص وعد اخصص عطله الاسبوع الياي لهم<<خخخخخخخخخخخخ خبرج سيده اعمال:p
 
dlo3t^baba

dlo3t^baba

New member
إنضم
24 مايو 2008
المشاركات
1,102
مستوى التفاعل
0
النقاط
0
حلوه البدايه
واختييارج حق الاسم مووووووووووووووووووووووووووووووفق (( ياسمين ))
احب هالاسم :p
وتسلم ايدج وناطرينج ^_^
 
3rbawia 7lwa

3rbawia 7lwa

New member
إنضم
4 سبتمبر 2009
المشاركات
618
مستوى التفاعل
0
النقاط
0
الإقامة
kuwait : )
يا ترى شنو قصة ياسمين امممممممممممممممممممممم يالله نشوف شنو قصتها لووول

اووف بديت اتنرفز منها خو قولي بقلبج شنو قصتج اووف خلتني اتعب مخي اووف شوفي كيوت كتبي شقصتها بقلب ياسمين علشان نعرف

بدر يكسر الخاطر شكله مسكين بس هم لازم ناخذ الحذر منه يمكن يطلع وراه سالفة

البارت حلوووو لوول تسلم ايدج

يلا ويت يوو كيووت
 
ReRez

ReRez

New member
إنضم
28 أغسطس 2009
المشاركات
6,001
مستوى التفاعل
2
النقاط
0
الإقامة
BaYaN
بنااااااااااااااااااااااااات شوفو نك كيوت شنو لونه

هذا معناته ان حسابها ناطر التفعيل من يديد لأن الحلوه الجميله غيرت الايميل اللي مسجله عليه النك

فلازم تنطر رحمة الله بعدين تنطر رحمة الاداره عشان يدزون لها التفعيل :$

انا دزيت حق ( بنت الكويت ) رساله وان شاءالله تفعل حسابها soon

خليكم صبورين

واللي تابع ( يادنيا ارحميني ) تره نزلت البارت مابعد الاخير شوفوه بالتوقيع

سي يوو
 
S

spongebob93

New member
إنضم
2 يونيو 2009
المشاركات
372
مستوى التفاعل
0
النقاط
0
wnaaaasaaa cute mnzla rwaya :eh_s(9)::eh_s(9):
loooool rerez dnely bG3ad ymech >> :p
mmm bdaya tshaweQ 7eeel :icon30: yasmen wraha sala kbera a3teQed ..,

thaaanx alot waiting u ;$
 
UNiQe^PRiNceSs

UNiQe^PRiNceSs

New member
إنضم
19 أغسطس 2009
المشاركات
1,805
مستوى التفاعل
0
النقاط
0
وخراااااو منااااااااك وسعو حقي

رورو وين نفيشي :botetoo:

كيوتو !! متى نزلتي البارت و انا مادري ؟!! وتروحين تنامييين وماتقوليلي :mad:

لو رورو مو حاجزتلي يمها بالسطره الاوله جان يا ويلج مني:eh_s(20):

انا اندمجت حدي ابي برت باجر قبل العرس :eh_s(9):

ناطريييينج :sfg:

احبج :friends:​
 
^ليلاس^

^ليلاس^

New member
إنضم
13 أبريل 2006
المشاركات
3,887
مستوى التفاعل
0
النقاط
0
بداية موفقه :)

ولهنا عليج وتسلمين :eh_s(15):
 
يجب تسجيل الدخول أو التسجيل كي تتمكن من الرد هنا.
أعلى أسفل