التلقيح الصناعي لاول مره

السلام عليكم..
ما عليه خواتي اذا بطول بسرد حالتي بس اكيد بلقى الاجابة الشافية عندكم..
هالشهر باذن الله قررنا انا وزوجي نبتدي علاج التلقيح الصناعي بعد 3 مرات اجهاض (كيس بدون جنين) :0bee2e8d89: باقل من سنتين عملنا بعدها كافة التحاليل والحمدلله احنا الاثنين سليمين :friends: وما فيه سبب واضح للي صار عدا كون عامل السن في حالتي (عمري 36 سنه) يمكن له تأثير على نوعية البويضة (poor egg quality) فالبويضات الملقحة تصدف انها تكون غير صالحة اصلا سبحان الله.

الدكتور قال نرتاح فترة وبعدها نقرر تلقيح صناعي او اطفال انابيب لان سني ما يساعد اني انتظر اكثر..توكلنا على الله وقررنا نبتدي تلقيح صناعي الاول ورب البيت كريم.

رحت للدكتور قبل الدورة هالشهر وكتبلي ابر puregon pen من ثاني يوم الدورة لغاية اليوم العاشر (9 ايام) بجرعة 50 iu تحت الجلد ويسوي بعدها سونار يوم ال11 من الدورة ويتابع التبويض..
واصلا انا ماشية على علاج (synthroid) للغدة مرة الصبح عالريج وكلوكوفاج (850) مرتين باليوم للتكيس رغم ان دورتي منتظمة الحمدلله ولا ظهر عندي بالسونار تكيس فاعتقد ان علاج وقائي لمنع التكيس من كثر ادوية التنشيط اللي خذتها بكذا حمل سابق (كلوميد وابر) ولانقاص الوزن..وطبعا آخذ الفوليك اسيد.

بسأل هل الجرعة اللي كتبها لي الدكتور مناسبة..لان كل ما اقرا تجارب التلقيح اشوف ان جرعتي قليلة مقارنة فيهم..وبالتالي خايفة ما ابي يقعد يجرب فيني ابي ابتدي مثل الناس..ما ادري مخاوفي طبيعية؟؟:080402ask_prv:

حاليا انا باليوم الخامس من الدورة..وشكلها خلصت امبجر ما ادري هل هذا عادي من تأثير الابر؟؟ انا اول مرة اجرب هالنوع من الابر شنو آثارها الجانبية اذا احد مجربها ؟ انا النوع اللي مجربته قبل Menopur ، Merional .
متى عادتا يتم التلقيح اي يوم من الدورة؟ وشلون مألم يعني؟ وآسفة على التعبير هل الزوج لازم يروح المستشفى عشان العينة ما يصير اييبها من البيت؟ زوجي محرج شويه بس عادي الله يسهل اذا تطلب الموضوع..
افيدوني خواتي برايكم وتجاربكم؟؟ جزاكم الله الف خير..:hjy5jewf: ..نسيت اقول اني بسوي التلقيح الصناعي مع د. اسامه صالحه بدار الشفا..الله المستعان
ودواي بالاول والاخير من رب العالمين ..الشافي المعافي

الله يرزقج يارب الذريه الصالحه عاجلا وليس اجلا يارب العالمين
وانتبهي لنفسج واهم شي النفسيه المقبله على التلقيح الصناعي
الله يرزقج حبيبتي وتبلغينا بولادتج

ما حبيت أدش وأطلع بدون شي..
ربي يسهلها عليج ويتمم عليج بخير وتنجح عمليتج وإن شاء الله البنات يفيدونج..

اختي ام عفاف الكويت..جزاج الله الف خير على دعوتج الطيبة..يا رب يخليلج عيالج عفاف وفهد ويباركلج فيهم ويصلحهم..
رب العالمين ما يقصر يشافي والدتج من مرضها ويكشف ضرها مثل ما شافى اختي من مرضها واخذ بايدها الحمدلله

واختي ام لطوف ربي يعطيج خير الدنيا والاخرة وايسر امورج على دعوتج الطيبة
اسأله سبحانه عفوه ورضاه وان يرزقني واياكم الفردوس الاعلى..

الله يرزقج حبيبتي بالذريه
وتنجح العمليه وتجملين يارب
انا بعد ان شاء الله ع الشهر الجاي راح اسوي تلقيح صناعي لاول مره
إن شاء الله نستفيد منكم

أنا مجربة مرتين تلقيح وهالأسبوع بعد عندي تلقيح
الأبر خذيتها لمدة خمس أيام والحبوب بعد ةالموعد عطتني تاريخ 11 الدورة
عشان تحدد موعد الأبره التفجيرية ومن ناحية الآلم ماراح أقولجأن مايعور لا والله يعور عوار بسيط وكل المده الألم إذا طولت 10 دقايق
وإذا عندج أستفسار دزيلي عالخاص

الله يرزقج بالصالحة ويقر عينج بشوفتهم يارب

ماعرف بهالسوالف بس ما حبيت اطلع بدون لا ادعيلج

وان شاء الله تبشرينا قريب

الله يرزقج ويرزق كل محروم يارب
الجرعه حسب حجم البويضات وانتي تبويضك زين
ليش ما سوويتي حقن مجهري عشان يشوفون نوعية البويضات لا تكون غير صالحه
لا تستنزفين بويضاتك بالتلقيح

ميمي_21 قال:

أنا مجربة مرتين تلقيح وهالأسبوع بعد عندي تلقيح
الأبر خذيتها لمدة خمس أيام والحبوب بعد ةالموعد عطتني تاريخ 11 الدورة
عشان تحدد موعد الأبره التفجيرية ومن ناحية الآلم ماراح أقولجأن مايعور لا والله يعور عوار بسيط وكل المده الألم إذا طولت 10 دقايق
وإذا عندج أستفسار دزيلي عالخاص

أنقر للتوسيع...

السلام عليكم
..مشكورة اختي ميمي انا للحين مستمرة بالابر puregon..اليوم خامس يوم آخذهم ..بس شقولج احس بنغز بالمبايض والم خفيف..واحس بانتفاخ وكله تعبانه وابي انام :ch12: ما ادري هذا عادي من الابر ولا انا يتهيألي جذي..ما ادري؟!
وباذن الله راح اراسلج عالخاص لاني تعبت وانا ادور بالنت على اي شي يخص التلقيح الصناعي والمثل يقول اسال مجرب ولا تسأل طبيب :080402ask_prv:.. باذن الله يوم الخميس موعد السونار اليوم 11 وبنشوف :yaaaaaarb: وربج يسهل للجميع..
يا ربي لا تحرمنا الذرية الصالحة..ربي لا تذرني فرداً و أنت خير الوارثين
ربي يعطيج كل ما تتمنين..

L.a.v.e.n.d.e.r قال:

الله يرزقج بالصالحة ويقر عينج بشوفتهم يارب

ماعرف بهالسوالف بس ما حبيت اطلع بدون لا ادعيلج

وان شاء الله تبشرينا قريب

أنقر للتوسيع...

اللهم آمين..اللهم آمين..اللهم آمين :yaaaaaarb:

ربي يعطيج خير الدنيا والاخرة ..ويباركلج في بنيتج ويصلحها..ويرزقني واياكي الفردوس الاعلي

:eh_s(2):

شمخانيه قال:

الله يرزقج ويرزق كل محروم يارب
الجرعه حسب حجم البويضات وانتي تبويضك زين
ليش ما سوويتي حقن مجهري عشان يشوفون نوعية البويضات لا تكون غير صالحه
لا تستنزفين بويضاتك بالتلقيح

أنقر للتوسيع...

عندج حق سبحان الله هذا الشي اللي كنت افكر فيه..لان حصل قبل هالمره رحت لماجدة اليتامي وعطتني ابر وطلعت 4 بويضات مرة وحده ومستانسة تقولي تبويضج ممتاز ما راح اطلع بويضات اكثر لان اللي جذي نسويلهم اطفال انابيب..انا ما استوعبت وقتها بس فعلا جذي استنزاف لمخزون البويضات :080402ask_prv:..وسبحان الله ما تلقحت وثبتت الا وحده وهم كانت كيس بدون جنين..:eh_s(2):
اذا لا قدر الله حصل نفس الموضوع هالمرة او ما حصل حمل شكلي جذي بريح وما بجرب اكثر..منها اطلع مفعول الابر من جسمي ومنها انظم المادة عشان موضوع اطفال الانابيب او الحقن المجهري..والحمد لله على كل حال

رب العالمين يرزقج اللي تتمنين..ويعطيج من واسع فضله
ربي لا تحرمني ..سبحان الله وبحمده سبحان الله العظيم

الله يرزقج ويرزقني معاااااااااااااااااااااج

انا نفس الطريقة الدكتورة عطتني كلوميد 4 يوم الدورة حبتين في اليوم لمدة 5 ايام و 6 ابر بيورجن بن حجم 100 استعملهم في البيت وعندي مراجعة السبت الجاي الله كريم

الحمد للةالذي لايحمدعلي مكروه سواة

اناعندي ضعف حاد بالمبايض وسويت 6 مرات تلقيح صناعي 4مرات بطيبة عندالدكتورمحمدسعيد و2في السلام عند الدكتورخاد عبالمنعم

وكلهم عطوني نفس ا لعلاج وكلة كوم والتعب النفسي كوم بس عليج بالاستغفار وان شاللة ماتجربين اللي جربتة بعد فشل العملية

وانا الحين بسوي حقن مجهري واللة يكون بالعون ويتم لج ولي ولكل محرومة ويزقناالذرية الصالحة

واتمني اكون افدتج واي سؤال انا جاهزة

للحين مستمرة على الابر..باجر باذن الله آخر يوم..وبعدها سونار يوم الخميس نشوف التبويض اشصار معاه
ما ادري اذا اللي فيني من الابر ولا النفسية..احس كأن علي الدورة..الم ببطني ولوعه والنفسية ..اضحك واسولف مع البنات بالدوام بس داخلي مالي خلق شي ومقفلة يعني كل اعراض الدورة بس من غير ما ينزل علي شي..يمكن من المحاتاه؟!
سؤالي للي سوو التلقيح الصناعي..
لازم في امتناع عن الجماع قبل التلقيح الصناعي ولا عادي؟
في احد سوا التلقيح يومين ورا بعض يعني back to back iui يقولون يزيد فرص الحمل باذن الله؟
يعني ما ادري شنو اتوقع اول مره تصير غامضة..على كل حال ..يا رب بس الدكتور ما يستعمل البطة..ما احبها..تهقون بيستعملها؟
انا يالله استحمل السونار الداخلي..الله يستر
يا رب لا تحرمني ..ربي لا تذرني فردا وانت خير الوارثين

يا رب لا تحرمني ..ربي لا تذرني فردا وانت خير الوارثين

الله يرزقج الخلفة والذريه الصالحه ..
وصدقيني وخلي عندج يقين ان اذا فشل التلقيح فسبحااانه له حكمة في الارض ..

انا سويت تلقيح مرة وفشل والى الان لم افعل شيئااا والله كريم ..

التزمي بالاستغفاااار وسبحانه برزقج من فضلة ويسهل امووورج

ربي يرزقج ويسهل علييج يارب

ماعندي فكره

تم بحمد الله..امس خلصت الابر..وبعد شوي على الساعة 12 الظهر باذن الله موعدي مع الدكتور نشوف التبويض
ادعولي بالذرية الصالحة..المحاتاة كلتني..ودي انسى وما افكر واشيل الموضوع من بالي..شلوووووووووووون؟؟؟؟؟؟
يا رب العالمين يسهل