مهتمه إنج تجتازين إختبار الآيلز أو التوفل ؟؟ حياج معانا

حياج معانا أختي دكتورة نوف ..

والله الجامعه الأمريكية فعلا سمعت إنهم يعطون آيلز بس مادري والله شلون طريقتهم ياليت وحده من البنات تفيدنا ..

والبريتش كاونسل أول شي يسوونلج إمتحان مستوى .. مايعطونج الآيلز على طول ..

ولما يحددون مستواج يمكن تكونين محتاجه دورتين أو ثلاث دورات قبل دورة الآيلز .. وكل دورة شهر ونص

لما إمتحنت إختبار المستوى عندهم مع إني أدري إن إنجليزيتي ممتازه لكن للأسف ماحسبت حساب الوقت قالتلي يبيلج 5 دورات قبل دورة الآيلز .. وكل دورة بعد بـ 200 دينار ومدتها شهر ونص .. مادري على ج1ي متى بناخذ الآيلز من عندهم ..

فأحسن طريقة تدرسين بروحج والا تدشين سايتات بالنت والا تسحبين كتب بالنت براكتسنغ للآيلز

وتروحين تقدمين الإمتحان وخلاص

والله يوفقج ياربي

وحياج الله معانا بالقروب

رفع رفع
لانه ابي امتحن ايلتز بس صج ماعندي وقت

انا حاليا قعد اداوم اب دورة ielts بالمعهد البريطاني bite بالشعب ، ماشي حاليا ، الإسبوع الياي تخلص الدورة مدتها اسبوعين سعرها 105 دنانير شامل الكتاب الخاص بالتدريبات

بيــــــــــــــه شدعوه سي دي ب 310 !!! اقوول زيديهم 190 و دقوو تذاكر حق لندن انتي و ريلج و اهناك بتصيرووون بلابل بالانجليزي لوووووووووووول

حبيبتي اشدعوه هالفسق 310 على سي دي مادري 400 ,,,اهو الانجليزي شنو يبيله ؟؟ ممارسة بس ,,, تابعي افلام و اغاني و اقري كتب بالانجليزي و قعدي جم سااعة في الويك اند حفظي كلمات انجليزية ,,,بلا معادلات حسابية بلا خرابيط ,,,بعد اقعد في امتحان الايلتز احسب و مادري شسوي !!!


انا مقدمة الايلتز 9 مرات و قدمت التووفل مرة ,,,,تبين تنجحين فيهم ؟؟؟
الايلتز اشتري كتاااب تعليم الايلتز ب 10 من المعهد البريطاني و جابليه و تدربي على تمارينهم شهر كااامل و بتلاحظين انه الامتحان اسلووبه ما يتغير ,, خلال شهر راااح ترفعين مجموعج نقطة وحدة ,,يعني انتي اذا قدمتيه اول مرة و يبتي 5 ,, بهالتمارين رااح اتيبين 8 خلال 3 شهور ,,,,8 يعني مستوى native speaker ,,,

التوفل يبيله تمارين قوااااعد وااااااااااايد و اتعودين على السرعة بالتفكير و هالشي ما اتحصلينه و لا توصلين له الا بالتمرين المستمر ,,, اشتري اي كتاب قواعد من المكتبة و تعلمي منه و تمري عليه ,,,,و خلي يصير عندج جرأة انج اتحجين بالانجليزي,,,

و خشي هال 390 بجيبج ,,,و اذا كلش كلش ايدج اتحكج تبين تدفعينهم ,,,عطيني ياهم

لوووووووووووووووووووووووووووول
لوليتا موتيني ضحك على ردج

أنا اليوم كلمت دكتور أحمد .. وبصراحه هالريال كل ما أتكلم معاه يزيد إحترامي له أكثر وأكثر

دخلت على سايته وحضرت محاضرته الـ free إلي حاطها بالسايت
وحسيت إني ضايعه

على طوووووول دقيت عليه وقتله دكتور أحس إني ضايعه ومافهمت شي من إلي قلته

قالي هذا شعور كللللللللللللل إللي درسوا عندي لأول مره .. لأن طريقتي يديده وبتمسح كل مفهوم وقاعده درستيها وتبنيلج قواعد يديده

قتله كأني قاعده أدرس الـ ABCD قالي بالضبببببببببببببببببط هذا إللي أبيه

وعندي كلاس درسوا عندي 15 طالب كلهم من مختلفي الأعمار .. أعمارهم من 15 سنة لي 60 سنة .. وتغيرت مفاهيمهم لتعليم اللغه الإنجليزيه

وصج هذا إللي حسيته

بس والله يالوليتا إنه موفسق لما حسبتها بالوقت والفلوس إللي بدفعها بالمعاهد طلعت حسبتي بهالسي دي أرخص وايد سواء بالوقت والا المجهود والا الفلوس

بصراحه .. هالدكتور رهيب بإبتكاره لطريقة تدريس اللغه الإنجليزية بهالطريقه

وقالي بعد ماتخلصين السي دي .. راح يتولد عندج شعور إنج فوق واللغه الإنجليزية كلها تحت سيطرتج

وهالكلام قاله لي زوجي لما حضر المحاضره الأولى معاي

وعطاني الدكتور أوفر يهببببببببببببببببببل الله يوفقه يارب

وإن شالله نبي ناخذ هالسي دي أنا وريلي وندرس منه

دعواتكم لنا بالتوفيق

عاد حدددددددددددي بصير نحيسه وماراح أعطيكم ياه لوووووووووووووووول

امبي هاذا دكتور محمد اعتدالي يدرسني بالجامعة !! خووش واحد عاد

هلا اختي شسويتي تدربتي قدمتي امتحان؟
يالله بيعي علينا السيدي والا اجريه

سي دي !! مممم مادري انا اذا مو دوره من جامعه الكويت احس ماراح استفيدد لانهم يعرفوون طريقه الامتحان عدل

و حده مبالغ فيه سعره شدعوووه :/ اذا جربتيه و نجحتي فيه قوليلنا

اكيد برفع بالسي دي و بقولج هالحجي .. انا ماعرف هالدكتور صراحه بس احسه مادي وايد على هالاسعار و حتا بالنت ياخذ 20 @@

ليش مكبره الموضوع ياقلبي

يا تشترين كتاب او دشين دورة

وهم اصلا اثنينهم لهم تكنيكات معينه بس اذا انتي اصلا لغويا مو متمكنه ماراح تحسين او تقيمين اللي تاخذينه عدل

لان مايعلمونج انجلش - قاعدين يتعاملون مع ناس على انهم ملمين باللغه - عرفتي .

التووووفل بالمعهد البريطاني علي جممممم بنات ؟

up

up

ابي اللي اختبروا الايلتز
شلون مستوى الاختبار ؟
وكم طلعت نتيجتكم ؟

-----------------------------------------------

انا توني ممتحنة ايلتز
انا مستوآي متوسط وزين يعني افهم بس لي ييت ارد اعرف ارد لكن لآزم افكر قبلها
يعني اترجم بمخي واركب بعدين ارد لووول فهالشي خلآني ارتبك بامتحآن السبيكنج + ان الموضوع الي ياني غبي وانا ياهل ماعرف فيه ( يآني عن الزوآج !!! ) + ان مو متعودة اقول بريزنتيشن بالمدرسة صارلي سنتين او ثلاث مو مقدمة لان اسوي لها بروجكت بداله

فهالشي خلآ السكور ينزل بس الحمدلله طلعت بنتيجة حلوة يبت 5 كآن بقالي بس نص درجة وأعدي تمهيدي الجامعات الخاصة اهني لكن الله ما كتب والحمدلله
بس الفقرات اقولج اياهم مآ قريت الا اول جم سطر من الفقرة الاولى جآن انحول خخخخخ حدها صعبة وطويلة وما يمدي واهما يبونج تحلين اسئلة كل فقرة بثلث ساعة والفقرات مثل ما قلت طوال وصعبين عشان جذي الوقت ما يمدي ( لازم تستخدمين مهارات اللغة ) حآولت استخدمهم ماعرفت اولا لاني مو متدربة على هالجزء وثانيا الفقرات صعبة
بس يعني حليت من فهمي و قريت جم سطر من كل فقرة عشآن افهم الطبخة p;
الاستماع اول وحدة كآنت سهلة والثانية لج عليها واخر ثنتين صعبين
الكتابة اعلى سكور يبته فيه p; وانا جذي بالمدرسة بالكتابة ما انقص وايد وساعات اييب فل مارك فهالشي خلاني اييب فيه اعلى من جميع الاقسام

بنات الجامعه يبون 500 توفل يعني جم بالأيلتس ؟

الأيلتز سهالات..

يبت 6 ومودارسة عدل خرابيط مرابيط ..!

بس مستواي زين من قبل



التوفل ماجربته