دلوعة فواز
New member
دشي وشوري علي
بنات أنا قلبي يعورني
حايشتني حالة تخبط بعواطفي .!!
تكفوون لاتضحكون علي .. وربي أتكلم جد وحيل أرتاح للأغلبية هنااا ..!!
بسألكم : اللحين عادي أحب خطيبي وأعطيه وأبين له عواطفي ..!!!
بقولكم نبذة بسيطة عشان تعرفون وش أقصد ..!!
كانت عندي قناعات سوداوية قبل الأرتباط مثل :
مافي حب قبل الزواج .. الرجال ماينعطى وجه .. الرجال نصاب وخوان ..
المكالمات وقت الملكة تقلل من قيمة البنت ويمل منهااا .. الرجال الخليجي ماله أمان
يعني كان الزواج من أخر أهتماماتي لعدم ثقتي بالرجل ..!!
وفجـــأة صرت أول عروس ببيتناا قبل خواتي الكبار والصغار ..!!
ومرينا بظروف لما تكلل أرتباطناا بخيــــر .. وتحدد زواجنااا بعد 8 شهور
خطيبي بادر بالمكالمة وكلمني مع تحفظي بالبداية .. بس مع الأيام صرت مثله ..!!
نفس طبايعه سبحان الله أنا مستغربة من نفسي صرنا كأننا واحد
حتى هو صار يقتبس مني من صفاتي .. وكلنااا بـ عفوية ..!!
أستمرت مكالماتناا 6 شهووور إلى الأن ..!!
في بداية المكالمات كنت نكد بس ساكتة وإيه ولا وبس ..!!
وهو مايطول معاي ويسكر وكله هو يسولف .. حتى هو يقول بس أنا أسولف ..!!
ومع الوقت وطولة بااله وخفة دمه صرت أتفاعل معااهـ
أضحك وأسولف وأعلق وأسأل عنه .. بس بحدود لأني حيل أستحي منه ..!!
وصااار يموووت ولا أسكر الخط .. ويقووول ماشبعت منك ..!!:stars:
ومرت الأيام وصار يبين لي مشاعرهـ بصريح العبارة :/
أدري خطيبي وزوجي ومافيهاا شي .. بس أنا أستحي وأغير الموضوع ..!!
يعني مثلاً :
حبيبتي أقوله هلا يقول أحبك لوووووووووووووول
أنا أرد : وين بتروح اللحين :eh_s(13):
وهو يدري أني صرفته .. بس مقدر الحياء عندي ..!!
حيل فرض أحترامه علي : خفيف دم .. صريح بقووة .. يهتم بأدق تفاصيل حياتي
حنووون حيل .. يضحي بشغلات كثيرة عشاني .. معجب بأسلوبي مرررة ..:33_1185028183:
ومع مرور الوقت صارت تكثر صراحته معي وأنا حيل أحبه ..!!
يعني صار يطلب بوسة .. صار يقوول كلام حيل كبير علي
أحبك مالي غنك أنتي قلبي أنتي سحرتيني أنتي أنتي أنتي .....
وأنا أخاف وربي أخاااف .. مدري ليش ..!!
وصار يضغط علي يبيني أنطق لما نطقت وعطيته بوسة وبادرت بالكلام الحلو مثلاً :
حياتي .. عمري .. صباحك ورد .......
وهو يدوخ وتعلق فيني أكثر وأكثر وينتظر زواجنااا بكل شوووق ..!!
أدري طولت عليكم بس أنا أحبه وهو يحبني وحيل نمون على بعض
أحياناً أنسى أني العروس وهو المعرس ونسولف كأصدقاء .. أنسان متفتح أبعد حد
طلب صورتي ولما رفضت قال لاتقولين أحبك مررة ثانية ..!!
جرحني بس قلت له مابيك تشوفني ..!!
قال مصيري شايفك وحناا مو عهد جدي وجدك .. حنا بعهد وتفكير ثاني
أنتي تفكيرك عام أول .. يعني أنا زوجك ومشتهي شوفتك ..!!
يقول عطيني مبرر للرفض .. قلت أستحي ..!!
قال : وغير الحياء .. أنا زوجك وودي فيك اليوم قبل بكرة ..!!
قلت : مقدر .. قال أقنعيني طيب .. !!
المهم مالقيت سبب للرفض .. وأرسلتهاا له وزعلت حيل ..!!
وهو أنبسط فيهااا ومدحني وووو وقعد يقول لي :
أن الحب تضحية وهذي تعتبر تضحية ودليل حب وثقة وأنه زوجي ويخاف علي أكثر من نفسي
وبدت طلباته تكثر :
صار يبيني أنومه كل ليلة ولاينام إلا كذا ..!!
يعني أكلمه وأسولف عليه وأقص له قصة لما يدوخ ويدوخني معه وننام :cxxxp:
حسيته رومانسي مرررررة .. وأنا حبيت هالشغلة فيه ..!!
أدري بتقووولوون وش المشكلة اللحين ..!!
المشكلة عااادي أتفاعل معااهـ وهو خطيبي يعني ..!!
أبادله هالمشاعر وأصرح فيهااا اللي يطيييييييييييييير لماا يسمعهااا ..!!
أو أتحفظ معاهـ لما أصير زوجة رسمي ..!!
مرررة قلت ببعد عنه ومابيه يمل ..
مامداني إلا هو يقول وينك ومدري شنو ..!!
قلت مابيك تمل مني ..!!
قال أبوك مل من أمك .. قلت لا ..!!
قال كم صار لهم متزوجين .. قلت أكثر من 30 سنة ..!!
قال أختلفوا وتهاوشوا وتراضوا ماملوا من بعض .. ماتطلقوا ..!!
قلت لا للحين مع بعض ..!!
قال هذي العشرة .. وحناا ببداية عشرتنااا نبي نخلي فترة خطوبتناا ذكرى نتذكرهااا ..!!
اللي فهمته منه أن بيعيش لحظاتناا كلهااا .. ومافي شي أسمهه زوج يمل من زوجته ..!!
يقول أنا أبي أتعود على وجودك كـ زوجة .. وتتعودين على وجودي كزوج !!
وصار يلزمني نتبادل : ننوم بعض .. نقوم بعض .. نسولف عن يومناا بالتفصيل ..
نشاور بعض باللبس والعطر وووو تفاصي دقيقة وكأننا تحت سقف واحد ..!!
بس أنا مدري :
يعني أفهموني يابنات عادي اللي حناا نسويه ..!!
كل اللي ذكرته تشوفونه عادي مافيهاا شي أو أبعد عنه وأسوي روحي ثقيلة بزيادة
وكل شي بعد الزواج أبدى فيه ..!!
يعني هو نظرته : مانبي من أول ليلة خوف وحواجز .. يقول نبي ننبسط يوم بيوم ..
وهو مايجبرني على شي إلا من نفسي الحمدلله ..!!
وهو عودني كذااا .. وأنا مرتاحة .. بس كلام الكبار اللي اسمعه عيب عيب عيب
وصار قلبي يعورني .. مابي أكرهه فيني وأصير نكد ..!!
قلت أخذ شوركم هنااا ..
أنا حيل رومانسية وهادية وعفوية وخطيبي جاء مثل ماكنت أتمنى ..!!
بس كلام الناس وأن البنت لازم تستحي عيب .. !!
اللي أسويه مع خطيبي يعتبر عيب وقلة حياء .. !!
