ام منصور الله يسلمكم هذي كانت اشهر حفافه على مر العصور ..
حتى يدتي كانت تحف عندها قبل
يدتي صغيره مو كبيرة حيل يعني ام منصور من عمرها تقريبا
فيها 60 سنه يمكن
و معروووووووووووووووووووووووفه
و احلى ما فيها انه عينها متروسه والله و نفسها مو دنيه عالفلس و ما تحسونها طماعه والله و عشان جذي الله فاتح عليها و يزيدها و حتى الي يشتغلون عندها محترمين و هادين و مالهم حس مو مبلتعات مثل هالصالونات و نفسيتهم حيل حلووة و تحسين و انتي قاعده انهم يسولفون وياج و يسألونج شتبين ما تبين على راحتج
انا الي جربته عندهم الحف حواجب و ويه .. و الشيره .. و شيرتهم عجيبه ما تعور مادري ليش بصراحة و أهي اصلا تسوي شيرتها بنفسها يعني ما يشترون شيره جاهزة .. و مادري اشوف حريم اييون الصالون بس يشترون منها شيره تسوي قواطي و تبيعهم
و جربت عندها سشوار شعر
و نقش حنه
بس مادري عن التسريحات و المكياج بس اعتقد حلوين لان حاطه صور بالصالون حق شغلهم و شكله مظبوط و نظيف و حلو على الرغم من ان الصور قديمه شوي فالموديلات قديمة بس اتوقع اذا قلتيلها الي تبينه بالظبط يسوونلج ياه .. بس مادري ما جربتهم
و عندها حتى غير الشمع الاخضر العادي مال الويه شمع لونه اصفر مادري شلون صاير يرططططططططططططب البشرة و ما يطلع حبوب ، انا العاده يطللعي حبوب عقب الشمع صوب رقبتي .. على هذا ما صار عندي و احس بشرتي رطبه ..
و اول مره جربتلي ياه مجانا شافت بويهي جم شعره جان تقولي تعالي انظفلج ويهج .. قلتلها اوكي .. و قعدت تشيللي بهذا الشمع اليديد و تقولي عنه ان توها يايبته و زين وايد و فيه شمع نحل مادري شنو ...
الي صج عجبني ان وانا بحاسب ما حاسبتني على التنظيف مال ويهي تقولي ماكو الا جم شعره احاسبج عليهم شحقه !
حاسبتي والله بس على حف حواجبي و اسعارها رخيصه ما تبالغ
و حتى مره رحت بسشور شعري عندها و غسلته .. حاسبتني بس على السشوار تقولي ما تسوى احاسبج عالغسيل شعرج قصير ما يكلف شي
يعني والله والله مو سالفه اني ماحب اصرف او شي بس بصراحة قلبي ارتاح حق الصالون حسيت ان راعيته مو جذابه ولا طماعه و عينها متروسه و تشتغل بضمير مو بس تبي فلوس
اسم الصالون مالها تاج الاميرات مادري تاج الاميرة ... بالسالمية ...
وين الشارع الي يصير كله محلات ورد .. و يصير فيه مطاعم يم بعض ( صبواي - نيثنز - فيلاز - بابا جونز ) .. نفس الشارع فيه بوظه فارس .. اهي العماره الي يم بوظه فارس ..
----------------
انا بعد سمعت عن صالون موس يقولون اكثر شي قصاتهم حلوه و مظبوطه
