يا بنات ساعدوني بتجهيزي ماني عارفه اقسم مهري ولا يكفيني

السلام عليكم ورحمة الله وبركاته

انا بتزوج وان شاء الله بملج واسوي حفله بنفس الوقت

المشكله ان المهر اللي بيدزونه ما يكفي وعلي كل شئ (حفله - شبكه - نفنوف - كل شئ)
يعني بيعطوني 6000بس

مادري شأسوي

ابي محلات للشبكات تكون حلوه وسعرها مناسب
وهم بآخذ ساعه وطقم عالأقل وابي سعرهم مناسب

ابي محلات للبدلات (بدلات عروس ) سعرها مناسب
وبصراحه كنت مفكره اطلع موديل حلو واييب انا الخام واوديه عند واحد شاطر يخيطه تطلع البدله ارخص والا اشرايكم؟؟
وتره اللي باوديله مصمم يعني مو خياط عادي :eh_s(9):

وهم البدلات اللي باطلع فيهم اروح اشتري خامات من البلوكات اللي يصيرون زينين وكشخه وافصلهم عند خياط زين :eh_s(15):

والدراريع قلت باروح العربيد واليشمك وماني ماخذه وايد

والحفله حسبو معاي اشكثر تكلف وشسوي واي

ابي دي جي اسلامي وسعره مناسب ورخيص
وابي الكوشه انا مفكره بديزاينها بس ابي محل ورد شاطر وسعره زين

والكيكه من وين آخذها ويكون سعرها زين خو محلات كيك الاعراس ميانين

والبوفيه قلت ابي من الطيبات

وبعد وبعد .... اممممممم

اي وشفت هارموني كاتبه عن اللي ترتب الحفلات يليت تعطوني فكره اكبر عنها

وابي مصوره زينه

المكياج والشعر اعرف وين اروح

وقمصان النوم والبجايم من وين؟؟

يالله بنات لا تطنشوني صج صج صج محتاجتكم
يالله ناطره ردودكم

الله يكووووووون في عونج اختى

ديري بالج لاتسوين نفسى
انا في كل سوق لازم اشتري حتى لو مااساسي عجبنى اخذته





قسمي مهرج عدل




لان انتى راح تنصدمين من التجهيز
وان شالله البنات مايقصرون وياج


نصيحه قبل قص الخام اختاري الموديل وروحي للخياط وساليه جم متر تبي يكون احسن لج


المصورة معرفي والمرايم حلوين والله وروعه
قمصان النوم لاتسوين نفسي مجنونه
ماسمعت كلام البنات وشريت كله غالي اخذي 4غالي والباقي مثل ماقالوا البنات من المحلات العاديه الجميع وبيت اولادنا

انا اول ماشريت القمصان وقطيت كل فلوسي عليهم الله لايخسر ان سالله واتهنا فيهم


دي جي عندج الكادي والله روعه



ان شالله البنات مايقصرون


دعاؤج لي

نصيحتي لج لاتبذريييييين

على حفله ونفنوف بزود

اشتري بالعقل

وراح يكفيج ويزيد

بس اهم سب لاتبذرين

قمصان النوم
تلاقين بالطاهر والقاسم واكسفور ولاسينزا واوشو وومن سيكرت وانور

تسلمون يا بنات

شذروان حبيبتي انتي اشلون كانت تقسيمتج واشكثر احتجتي؟؟


الاسطوريه
اشلون ما اصرف عالحفله انا حطيت اقل الأحتمالات ولا يكفيني
يعني انا مابي بدله تأجير وهم البدل غاليه علشان جذي قلت افصلها


الفرحه السجينه
اشكثر تقريبا اشتري تره مادري ناس يقولون لي لا تاخذين وايد وناس يقولون ما يصير تاخذين شويه وكل يومين تلبسين نفس الشئ
والله احترت
وهذا وين مكانه بالضبط بالرقعي؟

مشكورين حبايبي وننتظر الباجي ان شاء الله ما يقصرون

وينكم يا بنات
بليز انا متعشمه فيكم

الله يعينج وان شاء الله تكفيج وتزيد شوفي سوي تصور

يعني البدله اختاري موديل يناسبج واشتري الخام وديه حق صمم زين وشغله نظيف وترا صج تطلع عليج ارخص من التاجير حلاة البدله بصراحه يديده لو كانت بسيطه

الساعه روحي روائع جنيف في ساعات حلوه وايد وتحصلين يعني ساعات غاليه وتلقين شغلات هم اسعارهم حلوه بميه ولا ميتين

بنسبه حق المكياج اذا مراح تلبسين ابيض وكليل لاتقولين لها انج عروس وسوي مكياج كامل وتسريحه حلوه ترا والله نفس الشي مايفرق بس اذا بتحطين كليل شي ثاني انا يعجبني بصراحه شغل رشا شيك عند منار

بنسبه حق البدل اذا تحبين الخياط روحي مجمع الاوقاف خياطهم نظيف وشغله مرتب وراقي والخامات لاتكثرين وايد لان داش علينا الصيف

اخذي جنطه ماركه واخذي بدله حلوه روحي نورا مينا حلوه سوالفها والباجي فصلي خامات حلوه وذربه

بالنسبه حق الشبكه على حسب ميزانيتج جم حاطه حق الشبكه ميزانيه تبينها الماس ولا تبينها زركون عادي روحي الاربش في فرع حق الالماس وحق الاطقم العاديه وهم المبرقعه ودماس وترا اذا انتي مو لبيسه ذهب ترا الالماس بسرعه سعره يطير حرام لاتاخذينها اذا مراح تلبسينها

بنسبه حق العشا الوطنيه حلوه بوفيهاتهم واسعارهم حلوه

الدي جي كلش ماعندي فكره اختي اعذريني

اذا تبين ورد سعره مناسب ومو غالي عندج الريف الهولندي في حولي صوب بياعين الورد تحصلينه ويسوي مسكات

طبعا في اشياء اسعارهم اغلا من جذي بس صدقيني ساعات يكون الشغل بسيط وناعم ومرتب احلى من الغالي وعسى الله يتمم عليج ان شاء الله

ليش انتي وين بتسوين الحفله اول؟

بالعكس الحفله اذا دبرتي كل شي بذكاء ماراح تكلف وايد

اخذيلج صاله الصاله ب100
وبوفيه وديجي ومصوره وكوشه ودوري سعر زين وشغل زين

البدل دوري تلقين انا بعرسي طحت على بدله من ليلى جاليري ب600 بعد الخصم

دوري تلقين

حبيبتي ان شالله تتهنين يارب ...... اقول بالنسبه حق الشبكة اذا تبين الماس مالج الا الاربش او لامركيز بليلي جاليري شغلهم راقي جدا و حددي ميزانية الشبكة.

نفنوف العرس انصحج بالتفصيل تنقين الموديل و تشترين الخام و تروحين عمحل خياط بس مو الحيل معروفين لانهم بيسونه غالي او اذا تبين روحي عليلي جاليري بتلاقين بدلات حلوين و ناعمين بحدود 600 و اعتقد التفصيل بيكون ارخص بعد.

قمصان النوم: انصحج تروحين اولادنا، سناء، مجمع سندس السرداب، الطاهر بالتنزيلات ، انور "مسوي خصومات الحين"، لاسنزا و نوعي بين الطويل و القصير و بعد عندج بمجمع منيرة بالسرداب فاشن ميل عنده اشياء حلوة بعد و عندج محل بمجمع بيت اولادنا بالسالمية بالارضي عنده اشياء حلوة .

حق الاندروير القطنيات بفاشن ميل و اللانجيري بسنتربوينت و الاتحاد التجارية.

و اذا تذكرت شي برجع اكتبلج..... الله يوفق كل عروس و يهنيها "و انا بعد"

بيكفيج ان شاء الله ..

الحين موسم تنزيلات .. و فرصة لج ..

قمصان النوم ذكروها البنات .. لا تكودين واايد لأن راح تييج هدايا ..
و اذا تقدرين تطلبين من فيكتوريا سيكرت ترى رخاص قمصانهم و حلوين ..

اخذي لج روب ذرب .. و لا تنسين الكفر .. و البدلات لا تخيطين عند مصمم ما يسوى ..
انا اقول يا تاخذين جاهزين و الا تخيطينهم عنج خياط سنع بس مو شرط مصمم ..

من اهم الأمور بدلتج و لا تشترين أجري .. و اذا تبين انا عندي بدلة بأجرها
و رفيجتي بعد عندنا خوش بدلات ههههه

و عندج بعد حجز الصالون حق الحفلة ..
اي صج على طاري الصالون اشتركي في فندق هوليداي ان اليديد
عندهم عرض تدفعين 75 دينار و يسوون لج كل شي حف و شيرة و حمام زيت
و صبغ و منيكير لمدة شهر كامل .. حلو حق عرووس كل ما تميتي رحتي هناك دللللع
بس اعتقد ما فيه ميك اب و لا تسريحة ..

و عندج مهم ماركة الجنطة و الساعة و حجز الصالون و الطقم ..
الطقم و الساعة انا انصحج تاخذينهم اللي يصير على لونين يعني ذهبي و فضي ..
علشان يلوقون مع كل شي .. شفتي لون اوميغا و ايبل ..
يلوق مع الطقم الذهب الأبيض و الأصفر و الألماس .. جذي قصدي ..

اخذي طقم خفيف بس شكله كبير ..

و من ناحية الحفلة انا اقول لو تسوين ا ستقبال بالبيت احسن اذا في مجال و عندكم مكان ..

و اخذي لج اكسسوارات و فناتق حقج قعدتج بالبيت

و مدي ريولج على قد لحافج .. تصدقي من مهرج علشان الله يبارك فيه ..

و مبرووك يا رب الله يتمم عليج بخير :eh_s(17):

دلووعة امها وايد حلوين .. منين ؟؟

الدي جي سويناه بعرس اختي عند خالد 5710644-9817230

الراية الكويتية .. سوى لنا دخلتها على كيف كيفنا

و كل من سألنا عنه و حتى الكوشة خذناها منه و للأمانة شغله واايد حلو و اهو محترم و باله طويــل في اختيار الزفات و هالسوالف .. بس مالت الدي جي مالته الهندية كانت تبط الجبد اذا غيرها اخذوه


وييي تعالي بعد نسينا الحلوو يا حلوو

صج صج صج الله يعينكم على اللوية كتبي كل شي بورقة و شكثر المعازيم و تكلفة العرس و الباجي يصير حق جهازج

يا بنات ياريت تكتبون الاسعار مالت كل شي الدي جي و المصورة و جذي

مشكورين واااااااايد وايد يا بنات
والله ماني عارفه اشلون اشكركم

راح اقولكم ردا على الكل بنسوي الحفله بالبيت وابي شبكه الماس وبحدود 3آلاف بس ابيها حلوه
وساكنه ببيت اهل ريلي بس دور كامل لي وبروحي مع اصنصير
بس تره انا للحين ماتوظفت لوووول هي هي هي

الحين باكتب كل اللي قلتوه واول ما يوصل المهر بافرفر بكل مكان واشوف وافصفص(هم شويه وهم ما وصل لوووووول)

الله يعينج وان شاء الله تكفيج

أولاً عسى ربي يهنيج ويوفقج ويرزقج بالصبيان والبنات قولي آمين

شوفي يا عمري اول شيئ تقسمين المهر بحيث اول ما تفكرين تشترين الالماس "لا تنسين النك مالي" انصحج تروحين حق الشرق للألماس بمجمع ليلى غاليري عقب ما تشترين الشبكة تفكرين بالساعة هل في بالج ماركة معينة خليني اقولج على شغله القي نظرة على كل محالات الساعات وانتي بعدها تحددين.


تدورين البدلة اما ان تلقين نظرة على محلات السهرة وتشوفين جم سعرهم وتقارنين تالي شنو الارخص الخياط او الجاهز وانا انصحج بالجاهز ويمكن مرة وحدة تروحين الاسطورة بمجمع ليلى غاليري والمحلات اللي يمها مجرد نظرة سريعة والراي رايج بالاخير .


تحجزين الكوشة و المصورة والدي جي وانصحج بالكادي

تحجزين الصالون حنان دشتي

عقب عرفتي كل التزاماتج وعرفتي الباجي شنو بقى عندج بعدها تقدرين تروحيون الحين السوق لانه في تنزيلات من الطاهر وانور ولاسنزا حق قمصان النوم.

والحين السوق كله تنزيلات تقدرين تشترين بدلات وانتي بكرامة جواتي واسمحيلي هذا اللي بالي الحين.:eh_s(17):