المعرس ما يهمه كشختج ولا لبسج يهمه شي ثاني

طرقية · 24 يناير 2007

عرايسنا وانا منهم

ابي اسألكم سؤال
شكثر سمعنا وشكثر قرأنا عن عدم رضا الزوج عن شكل زوجته وجسمها
يعني اللي متينة واللي صدرها مترهل واللي سواد في مناطق حساسة
واللي شعرها منتف واللي بشرتها مدمرة واللي ركبها سود والكرش شكبرها

احنا قاعدين نقط المهر وفولسنا على اللبس والدراريع وكشختنا على اهل المعرس

بس الزوج ما يهمه الا الجسم والشكل
صج يهمه التنوع في اللبس
لكن رتى لبس الشقة ارخص منه مافيه
كثري منه لانه ما يعرف السعر ومحد راح يشوفه الا هو
بديات وتنانتير بيجامات وشورتات جميع الالوان واكبر عدد
متروسين بالاسواق الشعبية ولاند مارك خان خليلي وغيره

وقطي فلوسج على شكلج
عالجي بشرتك
وكثري من الحمامات االمغربية خاصة في البيت تفيد حيييل في تبييض الجسم
وعالجي شعرج
واهتمي بأكلج والرجيم

والله هذا اللي يهمهم

ولا تنسين تتثقفين عن الزواج وكيفية التعامل مع الزوج
وسوي لج ملف مسجات رومانسية دزيها له كل فترة والثانية
والطبخ لا تنسينه تعلميه مع فناتك في التقديم

ترى هذا اللي يهم سي السيد

marioom · 24 يناير 2007

ايييي والله صح كلامج

تلقين اللي ماخذ متينه يبيلها عصااقل
واللي ماخذ عصااقل يبيه متيينه
ولطويلة قصيرة والعكس

احسن شي اتسوينه انج اتحطين في بالج (( رضا الزوج غايه لا تدرك))
لووول يمكن تهدم بيوت هالعباره اتغشمر

بس صج الوحده راح تتعب واايد ويالله اتصير مثل ما يبي زوجها

مشكوورة عسوولة على النصيحه

* مـذهـلـه * · 24 يناير 2007

اي و الله صدقتي بس هذا ما يمنع انه الوحده تشتري لنفسها و تجهز بمهرها بس هم تلتفت حق روحها شويه ..

تسلمين و ما قصرتي على هالموضوع

*ستايل* · 24 يناير 2007

عدل كلامج ياطرقيه

julanar · 24 يناير 2007

والله طااااااااااااااااااف
انا بسوي اللي أبي واهوا قصبن عليه يتقبلني

على قولت المصاروة ابنك على ماتربيه وجوزك على ما تعوديه

فتون علف · 24 يناير 2007

ههههههههههjulanar
تعجبيني والله

مسك · 25 يناير 2007

مـــعــــاج حــــق واللـــــه

طرقية · 25 يناير 2007

julanar قال:
والله طااااااااااااااااااف
انا بسوي اللي أبي واهوا قصبن عليه يتقبلني
على قولت المصاروة ابنك على ماتربيه وجوزك على ما تعوديه

من صجج؟؟؟
اكيد تتغشمرين؟؟

انتي ما سمعتي عن اللي طلق زوجته او اللي تزوج عليها بسب الاشياء اللي قلتها
يعني ما يبي متينة
والثاني ما قدر يتحمل ريحة فمها
ترى الرجال بيده كل شي
اذا ما اعجبتيه اما الطلاق اويتزوج عليج او يطنش فيج

ومشكووورين على المرور
بس انا وحدة بأقط فلوسي على هالشغلات وناوية اسوي شفط للكرش
ادري المهر ما راح يكفيني ومبلغ العملية كبير

لكن شنو فايدة اللبس والكرش شكبرها

كتكوته551 · 25 يناير 2007

صاجه بس هذا مايمنع ان الوحده تقط على كشختها جدام
حمولتها يعني العروس لازم تهتم بالناحيتين

ملوكه · 25 يناير 2007

قووه بناااااااااااات شخباركم
فيه شي مهم بعد للي ما يعرفون يطبخون لازم تعلمين كم طبخه على الاقل الاساسي عشان ما توهقين لان في بعض الرياجيل ما يحبون اكل المطاعم والخدم
ترا فعلا شي محرج
صح ولا لأ!!

قـلب من ثلـج · 26 يناير 2007

من قال ان الزوج مايهمة كشخة زوجتة ولا لبسها بالعكس
تخيلى انتى طالعة ويا زوجج (مادرى انتى متزوجة او لا) ويشوف وحدة كشخة او ذوق باللبس بيطالع ولا لا؟ طبيعى بيطالع لا تقولين لا حتى المرأة بعد نفس الشي
وفى نقطة انا معاج فيها ان الاهتمام بالنفس ضرورى يعنى حمامات ووووالخ
حلو ان الوحدة تجمع بين الشيئين نظيفة ومرتبة وشيك

شهدQ · 26 يناير 2007

صحيح كلامج

ووايد طلاق يصير لنفس السبب !!

آخر ذكرياتي · 26 يناير 2007

كلامج صحيح
لكن كل شي نصيب
مرت حماي ما تدش مع الباب ومو حلوه
شوفي حظها عند ريلها ما شاءالله
الله يهينها
بس صراحه تستاهل خوش مره حبوبه واخلاقها عاليه جدا
الرياييل مو كلهم مثل بعض
في اللي يهمه الشكل وفي اللي يهمه اللبس والمظهر
وفي الله يهمه روح المره نفسها
وكل وحده ويا حظها

Petite_Chica · 26 يناير 2007

laish 7aram wa3alaya!! tara elrayal y7e6 balh 3ala kelshay o latsadgon ena ma yadri 3an shay o may7e6 balh!! wela chan maybageg 3yona 3ala haifa o nanci o '3airhum la6la3aw!! o thani shay entai etha keshakhtay tekshekhen 7ag nafsich o ham 7ag raylech o bait 7amooltich welmarh 3ala 6abe3ha etha mn 6abe3ha elkashkha eb tekshakh 6ool elwagt o etha la2 mara7 yhemha a7ad wla ra7 eta3eb ro7ha o tekshakh

o betgol be6agag

moors · 26 يناير 2007

ايه والله صج مشكورة ع النصيحة

LaSt WoMeN · 26 يناير 2007

سوالف التبييض و ا لعناية بالجسم المفروض البنت اللي على وش جواز على قولتهم تسويها قبل لا تتزوج .. الحمام المغربي و ما شابه .. لأن اللي اعرفه ان المفروض ما يزيد عن مرة او مرتين بالكثير بالأسبوع ..

بس كلامج بشكل عام عدل .. البشرة و النعومة و النظافة أهم شي ..

و بنفس الوقت اتفق مع " قلب من الثلج " في ضرورة الموازنة ..
الرياييل الحين يعرفون الكشخة .. و يلفت نظرهم الشكل بشكل كبير ..

الله يعيننا

شكراا لج

الجــادل · 26 يناير 2007

اهم شي الموازنه بين الاهتمام بالجسم والاهتمام باللبس والكشخه

وبصراحه انا استغرب من البنات بالمنتدى اغلبيتهم ما تفكر بنفسها وجسمها الا اذا ملجت

ليش ؟؟

المفروض العنايه بالجسم والتبييض وما خلافه تسويها من اول ما تصير بسن زواج عساس اذا الله كتب وتزوجت توفر وقتها كله للتجهيز ومشاويره

وما تضغط نفسها وميزانيتها

وبالتوفيق للجميع

[]نهاوند[] · 27 يناير 2007

أنا رايي من راي الأخت الجادل
المفروض البنت من تكبر وتصير بسن زواج تهتم بنفسها هذي غريزة بالمرأة مو بس تعتني بنفسها اذا ملجت وقرب عرسها

اما من ناحية النظاة فيدنا الحنيف حثنا على النظافة والمفروض الرجال والمره يهتمون فيها بمختلف الاعمار يعني مو بس المره تهتم بنظافتها اذا كانت متزوجه واذا مو متزوجه تصير وصخه

والرجال نفس الشي لازم يهتم بنفسه مو بس زوجته تتزين وتتكشخ له وهو مقطن وريحته ريحة زقاير

يمامة · 27 يناير 2007

صاجه بس هذا مايمنع ان الوحده تقط على كشختها جدام
حمولتها يعني العروس لازم تهتم بالناحيتين

ام_بدر · 27 يناير 2007

انا معاج الريال يبي وحده نظيفه ومرتبة وكيوووت وهذا يزيد من جمالها طبعا مرتبه ونظيفه وتخلي هشييين طبع فيها وبجذي كل شي بيصير عليها حلو دامها مرتبه ونظيفه اي شي تلبس بيطلع عليها حلو اهم شي الاهتمام بشكل مثل البشرة الشعر والجسم عشان حتى لو لبست لبس اي شي بيطلع عليها روعه والله شي يغطي على شي بس الشي المهم النظافة والترتيب وشاكرتلج اختي

المعرس ما يهمه كشختج ولا لبسج يهمه شي ثاني

New member

New member

** عضـوة شـــرف منتديات كويتيات **

New member

New member

New member

New member

New member

New member

New member

New member

Active member

New member

Petite_Chica

Guest

New member

New member

New member

New member

New member

New member

عضـوة شـــرف منتديات كويتيات