مزيونه وشقره
Active member
بسم الله الرحمن الرحيم
حبايب قلبي شخباركم واشلونكم
يبتلكم اليوم طريقة تخلي ويهج نظيف وصــافي ونــاعم والاسـاس يطلع روعــه عليه وحتى البودره بروحها تطلع حلوه على الويه لانه بيصير ناعم ورطب مو محتاجه اساس وبعد الاساس بيطلع حلو اذا بتحطينه
وهالطريقه انا اسويها اذا كنت بروح استقبال ومناسبه او كعنايه ونظافه وحتى لو تبين ويهج يصير ناعم وصافي ورطب بدون اساس حلوه وااايد هالطريقه
والطريقه هي خلطه خفيفه وحلوه لا وبعد لذييذه
وهي عباره عن :-
1- ملعقتين صغار زبدة فول سوداني
2- ملعقه صغيره هرده ( طحينه)
خلطيهم عدل وحطيهم على بشرتج لمدة اكثر من 20 دقيقه وشوفي النعومه والبشره الصااافيه
:eh_s(6): ملاحظه :eh_s(6): : انا استخدم هالماركة موجوده بالجمعيات amercan garden غطاه احمر:eh_s(21):
ولنتيجه اكثر واحلا سوي هالخطوات:eh_s(7):
1- غسلي ويهج في صابون وسوي سنفره وافضل سنفره هي سنفرة المشمش للوجه للتبييض
2- بعدين في قناع منظف ومنقي للبشره من جيرلان اسمه (( issima MASQUE RESSOURCE-PURIFYING MASK ))
يهبل فعلا روووعه وتحسينه ينعش البشره وينظفها خلي القناع اكثر من ربع ساعه بعدين غسليه عدل وحطي خلطة الفول السوداني والهرده
واذا ما عندج او ماتبين هالماسك من جيرلان سوي سنفره وبعدين حطي خلطة زبدة الفول السوداني والهرده
ولكن هالقناع روووعه ويهبل اللي من جيرلان حلو
والحين نرجع حق خلطة زبدة الفول السوداني والهرده بنات هالخلطه تهبل شي عجيب تعطيج نعومه عجيييبه بشكل وااايد حلو وانا لمن اغسلها والله ما احتاج مرطب بعدها خدودي تصير ناااعمه
وساعات احط هالخلطه واغسلها واحط بودره بروحها بدون اساس تطلع بشرتي غير جني حاطه اساس خفيف لانه البشره بتكووون ناااعمه ورطبهوانتي بعد اذا تبين نتيجه احلا جربيه مرتين بالاسبوع او متى ما حسيتي ان بشرتج محتاجه نعومه وترطيب وخصوصا في جونا البارد هذا
واذا بشرتج دهنيه عند الانف خففي الخلطه على هالمكان او لا تحطين منها لانها اهيا ترطب والمنطقه بتكون دهنيه اساسا للعمل انا بشرتي مختلطه واسوي نفس الطريقه اللي قلتلكم احط الخلطه على ويهي كامل وبشكل مركز الا الانف اخخف الخلطه اشوي او ما احطها لان المنطقه دهنيه اشوي
وهالقناااع مناااسب وااايد وااايد للبشره الجافه
انطر تجربتكم
انطر ردودكم حبايبي
و
مع
مع
مع
مع تحياتي يا حياتي
مزيونه وشقره
![[]نهاوند[]](/data/avatars/m/10/10135.jpg?1621060227){kind=avatar}
