كله يجرحني بس هالمره .. ماعديتها و لا راح اعديها

*دموع الذهب* · 5 ديسمبر 2009

السلام عليكم

حبايبي كل مرة ادش فيه القسم اقول الله يعين اللي تكتب مشكلتها اهني لي هالدرجه ماعندها حيلة .. انا وصلت لي هالمرحلة و اكثر انا تعبت .. ابي جد احد يساعدني

صار لي انا و ريلي بمشكله حيل عودة .. بس مو هذي سالفتي ..

ريلي كله يجرحني و كله انا مو غلطان ؟؟ كله انتي الغلطانه ؟؟ انزين مايصير ؟؟

سمعوا السالفه ..

اليوم زوارتي في بيت اهله ..رحنا عادي تغدينا اهووو قام قبلي .. و انا تميت مع اخته نسولف على السفرة ..

اللي قاعدين بالصالة اامه و ابوه و اخوه و مرته و عيال اخته ..

قاعد ياكل حلووو قاعد يسال .. منو سوااا هالحلووو جان تقول امه فلانه اللي اهي مرت اخووه

جان يقول انا اقوووول ليش لذيذه .. تسلم ايدج .. اول مرة اذوق كيكة جذي تييب راسي @@ و كله من الحلووو مالي جان يقول والله فرق @@

و اخوووو يقول لا مرتي سنعه تحووف الحلووو .. انزين امدحني .. كله يدقرني جدامهم .. و قاموا يضحكون و يطالعون بعض و ربي بقيت امووووت

بتقولون شنووو المشكلة يتغشمر لا انا زهقت من تصرفاته مو اول مره .. انا تعلمت اسوي حلو عشانه لانه يحبه مو حريفه بس دايم يذوق من الحلووو مالي و يذمه مع انه الكل ياكل من الحلو مالي .. يمدحه الا اهوووو

و اخوووو يقول لا مرتي سنعه تحووف الحلووو .. انزين امدحني .. كله يدقرني جدامهم .. و قاموا يضحكون و يطالعون بعض و ربي بقيت امووووت

حتى يعطيج العافيه ما يقول تسلم ايدج ما يقول .. بصراحه حيل تضايقت ... حيل حيل و قمتها لما طلعناااا يوم سالني و بطيت السالفه جان يقولي انتي ياهل و معقده و ماعندج ثقه بنفسج @@

انا سكت قطني و راح و الله للحين اغلي من داخلي على بروده

انتوا اشراااااااااايكم ؟؟؟؟؟؟؟؟؟

*دموع الذهب* · 5 ديسمبر 2009

سوووري الكلام مو مرتب .. بس والله من كثر ماني محتره

maha684 · 5 ديسمبر 2009

حبيبتي لا تحرين عمرج ولا شيي الرياييل ما يحبون يمدحون عشان مرته لا تموق علييه عاد انتي طوليي بالج واذا ما مدحج هذا معناته انه شغلج عدل وعاجبه مالج شغل فيه مدح ولا ما مدح المهم انتي شنو راييج والي كلو شقالو واذا تبين رايه قوليله اي نوع حلو تبيه وانا اسويلك وانشالله الله يهديه بس هدي الامور ولا تكبرين السالفه ولا تبينين له اذا يه انج محتره لى الحين

ام حسون · 5 ديسمبر 2009

بعد عمري ولاتحرين عمرجانتي تغشمري وياهم ماي زمزم مايطهرج
وهذا الريال الكويتي وصلي على النبي كللللللوش استانسي وضحكي وطوفيله شتسوين بعد

ريم الصبايا · 5 ديسمبر 2009

حبيبتي حقريه ولا تحرين نفسج

اذا شافج حاقرته وماناقشتيه بالموضوع راح يناقشج من كيفه بدون ماتتكلمين

والله يسخره لج ويوفقكم

المدينه · 5 ديسمبر 2009

الله يعينج انزين خلي يجامل عالافل وااااي صج احتريت والله مالومج

ba6bo6a1 · 5 ديسمبر 2009

عااادي طوفي يا ما بين المتزوجين مشاكل اكبر من جذي قولي حمدلله انها بس جذي

شموخ 88 · 5 ديسمبر 2009

حياتي لاتحترين
ولاتشرهين عليه يبه ريايلنا مايشوفون شي فينا عدل كل شي بغيرنا حلوو مدري ليه
شوفي حياتي لما تشوفين مزاجه حلو ورايق كلميه وقوليله كلش تدقرني قدامهم وشدعوه جذي مو زينه بحقي
عدين قوليله راح تخليني علج بحلوج الناس اذا ضليت جذي

&&ديلارا&&86 · 5 ديسمبر 2009

حبيبتي يمكن اهو يذمك يبغاك تكونين احسن من كذا يعني يبغاك حريفه
لا تضيقين خلقك ولا شي الرجال انوااااع خلاص لازم تعودين عليه واذا ذمك مره ثانيه عطيه طااااااااف
بعدين يمل ويسكت

*دموع الذهب* · 5 ديسمبر 2009

واي حبايبي والله ادري لو اول مره جان والله أحلى طاف

بس انا فيني تراكمات منه

الحين قاعد يدق علي ما ارد مالي خلقه شنو يعني ماكو احساس ما يحس فيني .. كلش كله انا ياهل و انا ماعندي سالفه

مو اول مره

الله مره بالخيران بين اهله كلهم قاعدين نلعب من غير كلام مستانسين انا ماعرف اشرح الاغنية

يصرخ بصت عالي غبيه غبيه و يضحكون و يحذفني بعلبة الكلينكس يضحكون

و لي مديت بوزي يقولي اتغشمر انتي ياهل

والله مو قاعده ارد و بيقلب السالفه علي

*دموع الذهب* · 5 ديسمبر 2009

ba6bo6a1 قال:
عااادي طوفي يا ما بين المتزوجين مشاكل اكبر من جذي قولي حمدلله انها بس جذي

بينه مشكله اكبر من جذي بس اهوووو قاعد يسوي جذي عشان ينسيني اللي بينه

BiiShOoO · 5 ديسمبر 2009

الله يهديه ان شاء الله

قعدي معاه و قوليله انا ما يعجبني اسلوبك جدام اهلك تبي تجرب اني اعاملك مثل ما تعاملني و شي طبيعي ماراح يرضى

نـــوره · 5 ديسمبر 2009

الله يعينج بصراحه حره ماشاء الله عليج قويه شلون تحملتي
بس ودي اقولج عادي كل الرياييل جذيه بس كاهو اخوه يمدح مرته
ليش ريلج ما يمدحج
بس لو انا منج ما اسوي حلو حقه خلاص
واذا قالي ليش ما تسوين اقوله ما اشوفه يعجبك
ولا تحرين روحج ولا شي هدي بالج
ضحكي واستانسي ولا تتأثرين بكلامه يكن اهوا شافج تتنرفزين من طريقته يحب يطفرج

y7lok_7loho · 5 ديسمبر 2009

حبيبتى سوى الى بقولة لج هههههههههههههههه

اذا سوا الحركة هذة قدامج يمدح مرت اخوة قولى اى والله ام فلان سنعة ما قصرت والله يعطيهاا العافية امدجيهااا انتى بعد هههههههه وخلية يشوف انج مو مهتمة لكلامة

الصنف هذا من الرياجيل يقلون جذى عشان يحرج ويبيج تسوين وتسوين لو تشبين اصابعج كلهااا الارضاااة ما ينفع معاة كل الى تسوينة قليل ومايشوف الا غيرج وشغل غيرج ارتاحى وقولى حق نفسج انا طبعية وعادية وماعندى مشكلة

والله يوفقج

سيدة الذوق · 5 ديسمبر 2009

والله لازم تكلمينه مايصير جذي

موكا بالكراميل · 5 ديسمبر 2009

حبيبتي جم فارق العمر بينج وبين زوجج ؟؟

chanel N22 · 5 ديسمبر 2009

حبي ربي يهدي زوجج ان شاء الله بس كلميه بهدوء وفهميه ان الوضع مو عاجبج بس بكل هدوء وادب وموفقه يارب

Maryam · 5 ديسمبر 2009

مرة ثانية لا تسوين حلو
و اذا قال لج قولي له الله يخلي فلانه دام حلوها ييب راسك

bintmishref · 5 ديسمبر 2009

حبيبتي قريت موضوعج وماقريت ردود البنات يمكن يكون ردي مكرر..
اول شي بقولج اياه دايم الريال الي ما يمدح لان يغار على مرته ما يبي يطلع زينها جدام الحريم..
ثاني شي.. اذا تكرر هالشي طنشي حتى لو تحترين خليه بقلبج وطنشي السالفه عشان ما تكبر و يقولج الحجي اللي بالسياره..
وسوي عمرج واثقه و قولي مي خالف الحياه تجارب نتعلم:d.. >> ردي بردود هاديه و تسكت.. وبيني ان مو هامج عجبه ولا لأ..
صدقيني راح يتغير معاج.. جربيها لو مره..
والله يعينج.. دايما ادعي (ربي حببني في قلبه وحببه في قلبي)

بناتى هم حياتى · 5 ديسمبر 2009

العاده الزوج يفتخر قدام اهله بشغل زوجته بس هو الظاهر يبيج تجيبن كل طاقتج عشان يفتخر فيج

كله يجرحني بس هالمره .. ماعديتها و لا راح اعديها

New member

New member

New member

New member

New member

New member

New member

New member

New member

New member

New member

New member

New member

New member

*مساعدة مشرفات تأخر الانجاب*

New member

New member

New member

New member

New member

مساعدة مشرفات تأخر الانجاب