( المـلاك )
New member
- إنضم
- 27 أغسطس 2009
- المشاركات
- 32,479
- مستوى التفاعل
- 4
- النقاط
- 0
السلام عليكم ..
.
.
.
.
.
شلونكم كويتيات عساكم بخير ..
انا اليوم يايبتلكم خووش شي ..
مثل ما وعدتكم .. اني كل فترة اكتبلكم بهالقسم موضوع يفيدكم .. اعطيكم خلطات أو كريمات أو منتجات وووو ..
أعلمكم عليها و أفيدكم فيها ..
المهم ..
موضوعي اليوم ..
.
.
.
شفايفج لونها باهت ؟
شفايفج دوم ناشفة و متشققة ؟
ودج بشفايف نااااعمه ؟
تبين شفايف لونها مووورد ؟
تبين شفايف ملمسها مو طبيعي ؟
تبين ترطيب قوي للشفايف ؟
ودج بلون عجيب و دايم لشفايفج ؟
تبين شكل شفايفج شوي منفوخ ؟
حياكم ..
و الاغراض متوفرة بالحواي و بالجمعيات ..
و ماراح تكلفج وايد حتى 4 دنانير ما تكلف ..
يلا نبدي ..
* الأغراض :
1- الحمرة السحرية
2- مرطب لابيلو الوردي
3- جل جود لايف ليب بروتيكت
4- فازلين العادي ( الحجم الصغير )
* طريقة الاستخدام :
1- الصبح اول ما تقعدين من النوم حطي مرطب لابيلو الوردي
2- الظهر أو العصر حطي جل جود لايف ليب بروتيكت
3- المغرب أو بليل ردي مرة ثانية حطي مرطب لابيلو الوردي
4- بليل وقت النوم حطي الحمرة السحرية و نامي
5- كل ويك اند .. يعني كل جمعة و سبت .. حطي الحمرة السحرية و حطي فوقها فازلين و نامي ..
* تعليمات الاستخدام :
- الاستخدام يكون يوميا و بشكل منتظم
- لما تحطينهم مو تمسحينهم بعد فترة .. لأ خليهم عليج عادي لين ينشفون على شفايفج ..
- و الفازلين مثل ما قلتلكم مو كل يوم .. بس كل ويك اند ..
* كمية الاستخدام :
بسييطة جدا ..
يعني الحمرة السحرية بس مشيها على شفايفج مرة وحده ..
و المرطب لابيلو بعد مشيه على شفايفج مرة وحده ..
و الجل اخذي كمية بسيييييييييييطة بيدج شوووي بس و مشيه على شفايفج مرة وحده ..
و الفازلين بعد كمية بسيييطة حيل بيدج شوي و مشيه على شفايفج مرة وحده ..
* الكمية :
بتكفيج شهر الى شهر ونص تقريبا
والحين بقولكم ليش اخترتهم و شنو فايدتهم و شنو يسوون ..
اول شي الحمرة السحرية ترطب الشفايف و تعطي الشفايف لوون احمر او وردي غااامج طبعا على حسب الكمية اللي تحطينها .. و مرطب لابيلوو يعتبر افضل نوع يرطب الشفايف حييل و يمنع التشققات و الجفاف و من اول اسبوع يشيل الطبقة الجافة و تتقشر و تطيح .. و الجل جود لايف ليب بروتيكت ينعم الشفايف حيييييل يعطيهم ملمس حريري مو طبيعي و مع الاستخدام المنتظم ينفخ الشفايف بس مو يتفخ يتفخ صج و اوفر لألألألأ بس يعطيهم نفخه بسيطة يعني شكل حلووو ..
و بجذي بتكون الشفايف لونهم مورد و ناعمه و منفوخه شوي و شكلها حلوو و مترطبة و معتنيه فيها عدل
و اذا داومتي عليها كل يوم بتشوفين اللون و النعومة و الملمس و التفخ دوووووووووم
و بشكل دايم لا ينمسح ولا يروح الصبغه و الملمس داايمة .. و هذا احلى شي =)
و طبعا انا جربت وايد اشياء للشفايف ..
بس هالعناية من افضل الاشياء اللي جربتها ..
و نتيجتها حلوة و واضحه ..
و نتيجتها تبين من اول اسبوع .. بس التفخ البسيط اللي قلتلكم عليه يبيله شهر و فوق جذي ..
منتو خسرانين شي .. الوصفة هذي مو طبييييعيه .. خلوها عنايتكم اليومية .. و بتشوفون النتايج عقبها ..
و هذي الصور
جود لايف ليب بروتيكت
الحمرة السحرية
مرطب لابيلو الوردي
الفازلين العادي
و هذي الاسماء بالانجليزي كاملة ..
1- جل الجود لايف ليب بروتيكت :
Good Life
Lip protect
lip volumizing treatment
2- الفازلين العادي :
Vaseline
pure petroleum jelly
3- مرطب لابيلو :
Labello
lip care
velvet Rose
4- الحمرة السحرية :
ترجمتها الحمرة السحرية لوول
بالنسبة لاسعارهم ..
الحمرة السحرية 0.250 دك
مرطب لابيلو 0.500 دك
جل جود لايف ليب بروتيكت 2.500 دك
الفازلين 0.500 دك
و بالنهاية احب اقولكم .. جربوا و استفيدوا ..
وانا انشالله ماراح اقصر معاكم ..
و لنا لقاء ثاني بإذن الله ..
انتظروا جديدي ..
اختكم /
( الـملاك )
ملاحظة :
لا احلل ولا اسمح لأي أحد نقل مواضيعي بدون ذكر اسمي و المنتدى ..
التعديل الأخير:
