هديه حق رمضان

[السفيرة عزيزة]

بنات اشلونكم و شخباركم


ابي مساعدة بليييييييييييييييييييييز

ابي هديه حلوة

حق رمضان
حق امي و خالتي

تدرون حريم كبار
و ودي اعطيهم شي بمناسبه الشهر الكريم

عطوني افكار

يلا بروح السوق

 

[Dancing^Queen]

رد : هديه حق رمضان

انا خذيت حق خالتي ام ريلي خذيتها وافترينا واهي اختارت
شرت الجدور اللي يحفظون الحراره ثلاثه كبار ومطاره قهوه
وامي انا شايفه لها مطارتين خشب وياهم صينيتهم ومرسوم عليهم منظر طبيعي عليههم كلهم ماعدا الغطا طبعا اتينن اتشوق وشكلها يديد مو مثل ملوت اول

 

[سمسميه]

رد : هديه حق رمضان

كوين شفتهم الي عليهم منظر طبيعي حلوين
عزيزه...انا شريت لهم هيل و زعفران و هالسوالف ادري فيهم طافحين مطاطير واماعين

 

[Dancing^Queen]

رد : هديه حق رمضان

سمسميه
غشاااااااااااشه
راحه الباشا ومو معلمه؟؟
اعترفي


عيل شنو بتاخذين لامج؟

 

[سمسميه]

رد : هديه حق رمضان

لا رحت المعلم.الي بحولي.........جكيتيني..ترى المعلم عنده اشياء حلوه..وبعد سمعت الحين ان في معرض اماعين بارض المعارض

 

[السفيرة عزيزة]

رد : هديه حق رمضان

مطاطير صاجة طافحين منهم

بس هيل و زعفران توة اخوي يايب لهم من السعودية و ايران

يعني هم طافحين ابي شي غير

بللللللللللللللللللللللللللللليز

 

[سمسميه]

رد : هديه حق رمضان

انزين ليش ما تييبين لهم من المحل الي بالجابريه الي يبيع غريبه ودرابيل داخل طاسه معدن يعني غبقه اول يوم رمضان فكره حلوه

 

[السفيرة عزيزة]

رد : هديه حق رمضان

صراحة سمسميه هذي خوش فكرة

دليني مكانه بروح اليوم

يلا بسرعه

 

[Dancing^Queen]

رد : هديه حق رمضان

اتعرفين صالون استر؟
تحته علي طول


يعني صوب تشامبينز
وزين قلتليلي سمسميه انهم بالمحاميد علشان ماشتريها

 

[سمسميه]

رد : هديه حق رمضان

مكانه يم النادي الصحي تشامبيون ..عرفتيه؟؟
بس انا موذاكره اسم المحل بالضبك انتي لما تروحين هناك عند النادي حوسي يمه شوي وتلقينه ان شالله

 

[سمسميه]

رد : هديه حق رمضان

تشامبيون=تشامبيز
كوين بالمعلم مو المحاميد

 

[السفيرة عزيزة]

رد : هديه حق رمضان

سمسميه كوين
شنو اللي بالمحاميد؟؟؟؟؟؟؟؟؟؟؟؟؟؟

 

[سمسميه]

رد : هديه حق رمضان

المطاطير والصواني

 

[Dancing^Queen]

رد : هديه حق رمضان

شوفي روحي الجابريه
لفي عند بنت الديك وهارديز
وامشي سيييييييييييييييدا اللفه اللي قبل تشامبينز (علي يمينج)
(قبل مس تريزور)
وقبل لتل جيم
حلو؟
امشي سيدا
بعدين اول ا دخله يسار امشي تلقين استر واهو تحته

اخذي وياه صندوق خشب سنع وحطي فيه قش حطي عبايه حلوه زينه ووياها هالحلو (بيض القطا حلو مالهم وعندهم كيك برهش عنونو)

 

[السفيرة عزيزة]

رد : هديه حق رمضان

مرسي اوي كوين

خوش حركة

ان شاء الله اليوم بروح

ثانكيو سمسميه

 

[سمسميه]

رد : هديه حق رمضان

ويلكم يا حبيبتي

 

[mooolaaa]

رد : هديه حق رمضان

دهن العود حلو بهالمناسبة

 

[السفيرة عزيزة]

رد : هديه حق رمضان

مولا
دهن العود عطيتهم منه وايد وايد


فكرت سمسميه حلوة

اذا ما جربتيها جربيها

ترى وايد حلوة

مرسي على المرور

 

[جوريه]

رد : هديه حق رمضان

بعد تييبون شي برمضان اممممممممممممممممممممممممممممممممممممم هذا ماكان بالحسبه يالهوووووووووووووي

كوينو من وين المطاطير وبجم؟

 

[Dancing^Queen]

رد : هديه حق رمضان

لمطاطير من سوق الباشا (ياباشا ياباشا) بخيطان وسعرهم تقريبا 17 اهم ويا صينيتهم اول ماتنزلين وين المحاسب ؟ قباله بالضبط
وساليه عن طقم الصحون البرازيلي اللي من كل شي درزن هذا شريته لي بمناسبه رمضان
والله و بس اشتري هدايا للناس لي بعد