السلام عليكم
:68_asmilies-com:
عاد طقيتي على الوتر الحساس
انا لي جوي الخاص بالطياره اموت على الطياره بشكل فظيع مع اني خوافه نوعا ما بس اعشق الطيران
لا تستغربون من اني راح اقرق بس بعيشكم جوي
طبعا اول ما اصدر التذاكر احط لي لسته بجنطة الطياره وجنطه الشحن وشنو احتاج
طبعا لازم ابرمج اجهزتنا iphone o ipad o ipod وانزل برامج يديده وانزل حق بنتي افلام
اضبطهم هذيل بروحهم يبيلهم وقت وحوسه بالستور
اضبط نومتنا على الرحله قبل السفر بيومين او ثلاث
اشحن الكاميره والبطاريه السبير
افضي الميموريات او اشتريلي 16 جيجا لان الفيديو ياخذ سعه كبيره ومن كثر ما نصور لازم انجل بنص الطلعه يا ماكو بطاريه او الميموري فل :eh_s(13):
اول ما ندش الطياره ساعه نتهاوش انا وخواتي :23_asmilies-com: منو يقعد يم الدريشه
الحين بنتي قامت تفهم استحلت المكان :eh_s(1):
من تطير الطياره نقعد نسولف على ما اييبون الاكل :082502bye_prv: وبعدها بشوي القهوه :nbptr:
وبعدين يسكرون الليتات ويصير هدوء انوم بنتي:ch12:
واقرالي سورة البقره ادري بالسفر الواحد يلهى
عقب اطلع دفتري والعب مع خواتي لعبه الاحرف والاسماء اللي اختار حرف واكتب جماد حيوان نبات وجذي نفصل عليها :krkrkr:
ونسوي جدول نمشي عليه طول السفره وين بنروح ويين نيي وشرط لازم نزور 3 اماكن باليوم
طبعا اجنا من نوصل لندن ما ندري عنه :eh_s(8):
ندش تكرمون الحمام نغسل نتنشط عشان نغير جو ما نمل
وكل وحده فينا تطلع كامرتها وتصور بعض و بكل مكان نطق فره بالطياره ولازم نطلب منهم ندش عند الكابتن نصور بالكبينه :friends:
عقب هاللويه
اروح مطبخ الطياره اترس قلاصي العود ثلج
نطلع وجبة الكويتين الشهيره
:eshrab::botetoo:Movie time
بطاط عيدان او بفك وفلفل قراش الاحمر وقلاص بيبسي وثلج ويا حلو ثلج الطياره له طعم خاص
واتلحف مع بنتي لازم كمبلها معاها الناعم كبير شوي عرفتوه
واقعد افرفر بهالموجات عاد يا حلو طيران الامارتيه مع المسرحيات فوق 80 قناة
ولا اطالع الدي في دي يا سيف العرب ولا صح لسانك ولا انتخبوا ام علي
طبعا اللي غصبن عليهم يسافرون على الكويتيه:s142: خل ينسون التلفزيون لازم ياخذون دي في دي معاهم وخاصه حق التاخير بالمطار وحق النجلات اللي يسوونها فينا
بعدين اطلب لي قهوه واطلع كاكاوي:nbptr: اقعد راسي واقعد بنتي العب معاها وادرسها شوي بنتي باولى روضه اسم الله عليها لازم بجنطتها دفاتر النسخ والمربعات بالاحرف والارقام
اذا شفتها ملت نلون بالكراسات الجاهزه واكيد ما تخلى جنطتها من العاب بو 100 طين ولزقات وخرابيط
وتطلع الاي باد مالها اكون انا مجهزته قبل السفر العاب يديده ومنزلتلها برامج وافلام :icon30:
تارسته حق الاماكن اللي فيها نطره اليهال يمل لازم تلهينه بهالسوالف عشان ما ينكدون علينا بجي وصراخ خاصه بالسفر
شوي ولا يايبين لنا الوجبه الثانيه خفيفه :082502bye_prv: ناكل واودي بنتي الحمام ونغسل ويووهنا ونصحصح شوي من التعب
اهني يكون الوالد الله يحفظه توه قاعد من النوم :eh_s(20): مزهبلنا اجتماع صغير ينصحنا ويوصينا
بابا اهناك ما ابي نجره ما بي قيل وقال خلكم كله مع بعض كلكم تتعاونون الكبير يساعد الصغير والصغير يسمع كلاك الكبير ومن هالحجي :eh_s(3):
نلم اغراضنا والعفسه ونقعد نسولف انا وخواتي ونضحك ونسولف عن ذكرياتنا قبل بالسفرات ووحدتنا تضغط الثانيه :j013: على ما تبين مناظر الديره هم نجكجك بهالكاميره
الا احنا واصلين الحمدلله من غير تعب ولا حنه يهال
بس جد الله يعين اللي يقعد يمنا من صوت الكاميرا
ومشكوره يعطيج العافيه على هالموضوع الحلو المتميز