انا محتاره وابي ريلي يردلي مثل الاول

gourges قال:

تقووله التالي .. بهدووء طبعا لان مستحيل تحل شي بالعناد اوو بالالزام اوو بالصراخ .. معروف هلشي بهدووء تقوله

انا احبك وشاريتك وبالعكس انا اشجعك واعينك بالدين وانتا تعيني والله يثبتنا على هدايته اجمعين .. بس عمره ماكان الدين بالصراخ ولا بالكلام القااسي .. بالعكس كان الرسول صلى الله عليه وسلم ايحبب اهل بيته بالدين ويحبب الناس بالدين لان الدين سهل وحلوو ... ويسر .. الله يسر علينا كل شي وبالعكس نقدر نعيش الدنيا بدون لا نعصي الله واحنا مستانسين وانا مرتاحه وانت مرتاح .. بس لاتييني بالصراخ وبالعكس تناقش معاي انا انسانه واغلط وانتا انسان وتغلط انبه بعض .. بس لاتسكر الدنيا علي وتحسسني اني بمصيبه مو بالدينا .. !!!

عمره ماكان الدين جذي ... والاعتدال حلوو ... نسوي الي علينا من واجبات .. وفرووض وسنن .. ونحاول ان انعدل من نفسنا شوي شوي ... وانا بكون انشالله لك عوون وتكونلي عون بس مو بالطريقه الي تعاملني فيها

أنقر للتوسيع...

اشتياق قال:

عيل اقروا قصتي وانصدموا



التزم ريلي بعد سنه من العرس واستانست وقلت الحمدلله من فضل ربي

صلاة وصيام وحج وعمره واعتكاف ولحيته لي سرته صرت بالغصب اشوفه والحمدلله على كل حال


بدت طبعا سلسلة الحرام ورجس من عمل الشيطان كالتالي:

كسر التلفزيون والرسيفر واهو يقول الله اكبر اللهم العن الشيطان<<انا اقول لو بايعهم ابرك

حرق البومات عرسنا وكسر كل الافلام<<قلبي قام يعورني قلت عالاقل مخلي صورة لولدنا يشوفها لي كبر

كسر افلام ذكريات طفولته اللي امه محتفظه فيهم من 20سنه عشان لاكبر تواريه<<المسكينه بغى قلبها يوقف من الصدمة وبجت

ممنوع العروس ممنوع الاغاني ممنوع اكل المطاعم وخاصة المنتجات الامريكيه <مقاطع الريال

ماكو زوارات بيت اهله لان رياييل وحريم والاختلاط حرام

سوتلي المدرسه حفل تفوق وتخرج من الثانويه ومنعني اروح لان في اغاني وبلعتها ومارحت

نقبني طبعا ودسوس وغطوه ودلاغ وكذا مره اتعرجب في سبيل الله واطيح ماشوف:eh_s(6):

السوق للعيدين فقط او للضرورة القصوى ومرات اهو يروح اييب جوتي وعباية وقميص نوم على ذوقه ويرد يقول هاج

اذا ولد عمي والا ولد خالتي حتى لو يهالو سلموا علي ياويلي وياسواد ليلي يقيم علي الحد
واخوانه قاموا اذا شافوني ينحاشون محذرهم يسلمون لايقتلني


اذا رحنا الجمعية بقدرة قادر امشي وراه وان تكلمت خزني واياني واياج تحطين ايدج على شي اكسرها انا الريال وانا اختار ومره بالغلط طلع جفني من النقاب قط كل الاغراض وطلعني من الجمعية وبعيونه نار وشرار


الميك اب والعطورات واللوشن ممنوعين الا بالبيت ومره حطيت لوشن بزور صب علي بطل ماي صحة يقول تأدبي وسمعي الكلام


الاعراس ممنوعه ولمن رحت عرس اختي من وراه ماكلمني اسبوع وهجرني في المضاجع ههههههه


الزبده وانا اقول يالله من فضلك ريلي من هالغرباء اللي بيدشون الجنه ركض :ggdw:


سمعوا عاد الطاااااااااااااااااااااااااااااااااامه:0bee2e8d89:




دش علي بورقة عقد زواج تزوج علي وحده كبيره يقول بقضي عالعنوسه واخذ أجر وارجو تعاونيني على طاعة الله :eh_s(1):

تزوج علي تخيلوااااااااااااااا؟؟؟؟؟؟؟؟؟؟؟؟؟؟؟؟؟


تدرون والله وبالله وتالله وبكل القسم اللي اعرفه كانت ردة فعلي شنو؟؟؟

قلت الحمدلله على كل حال والله يبارك لك ولايحرمك الاجر

بجيت وبجيت وبجيت وفوق كل هالقمته اللي قامتني ومتحملة هم سكت وقلت دام مافيها معصية لربي ونعم باللي كتبه لي الله


سكنها بشقه وانا بشقه ويوم عندها ويوم عندي وانا ان قعدت بروحي بليلتها اطقطق من الخوف وابجي من الغيره ومن كثر حبي له والقهر ياكل بقلبي


عقب اشترا بيت وسكنها فوق وانا تحت واهني عاد صارت العيشة مستحيله معااااااااااااااااااااااااه صج صج صج

انا عندي ولد وعمري حزتها 18 زهقت وتعبت وضقت ذرعا باللي عانيته وقلتله فمان الله ياشيخ الاسلام مع السلامة انت لاتخاف الله ولاتخشى عقوباته حطمت قلبي وكسرته ولعنت خير كل شي حلو فيني


لله الحمد كملت دراستي وتخرجت معلمة واهو طلقها من بعدي وتزوج ست مادري سبع حريم وتم يتزوج ويطلق لين هد الالتزام وصار عادي وتدرون يابنات يدق على امي يبجي يقولها ماحبيت بعمري كثر بنتج وضيعتها من ايدي


بس الحمدلله انا تزوجت وصج صعب علي فراق وليدي اللي خليته بحضانة ابوه بس ولا عيشة الجحيم مع شريجتي وبلاويها ومع الحسرة والحكره والقهر



لايضيق خلقكم انا بيني وبينكم للحين ابجي على حياتي كل مااتذكر شلون تحملت وتحملت وحرمت نفسي من كل شي وبالاخر اطلع بلوشي بس ماتدرون وين الخيره

وانتهى زواج دام 5سنين وهذا امر ربنا وصارلي 3سنين متزوجه والحمدلله حامل وطالبه ربي بهالايام الفضيله يعوضني كل لحظة حرمان وقهر


وسلامتكم

​

أنقر للتوسيع...