الاكزيما المزمنه ...ابر الكورتيزون

الـخـشـفـ الـنـداويـ قال:

حبيبتي

اختج مثل حالتي بالضبط ما البس الا جم طويل واستحي اطلع ايدي او افج شعري

انا مليت من المراهم والكريمات وجرت العلاج لضوءي وما نفع ..
اما الابر ماعرف عنهم شي ..ياليت لو احد يعرف يعلمنا ..

بس عفوا شنو مضاعفات الكرتزون ..؟؟


والله يشافي كل مريض .

أنقر للتوسيع...

soo_soo قال:

الله يشفيهااا ويشفيي كل مرييض

مره قريت عن الصباار انه علاج له

أنقر للتوسيع...

colorfull قال:

الله يشافي اختك يارب ويشافي كل معتل

انا حالتي مثل اختك وعن نفسي جربت كل شي وكل علاج ومانفع معاي اي شي

خل تجرب اسلوب حياة جديدة راح يخفف عنها شوي (انا جربت هالطريقه والحمدلله خففت اشوي )

1- لازم تمارس الرياضة لانها تخفف التوتر وبالتالي راح تخف عليها الاكزيما .. واليوغا وايد مفيدة وممتعه
2- تشرب ماي بكميات كبيرة تزيد عن حاجتها
3- تبتعد عن المشروبات الغازيه نهائيا
4- ترطب جسمها اكثر من 3 مرات باليوم "يظل الجسم طول اليوم رطب"
5- تحاول تتبع نظام غذائي "مثل الرجيم" تقلل من المقالي - تزيد من السلطات والفاكهه- تقلل من البهارات والفلفل بالاكل -
6- تلبس ملابس قطنيه

ادري ان كل هذي الاشياء تعرفها بس لازم تسويهم كلهم مع بعض وان شاء الله راح تلاحظ الفرق .
الله يشافيها ويشافي الجميع

أنقر للتوسيع...

live.love.laugh قال:

الله يشفيها و يشفي كل مرضى المسلمين
شوفي حبيبتي قوليلها خل تقنع نفسها ان اللي فيها عادي
يعني انا كنت نفسها ما البس نص جم بالبيت تخيلي من كثر الاكزيما اللي تخرع
عقب برمجت نفسي ان اللي فيني عادي
شوفي ممثلات هوليوود جسمهم كللللللللللللللللللللللللللللله نمش يخرررررررررررررع
و يلبسون علاق و شورتات و يطلعونلج بباكيني , واثقين من نفسهم
شحقه احنا ما نثق بنفسنا
ترى نص علاج الاكزيما نفسي خل تحس ان اللي فيها عادي
و ترى الابر مثل ما قلتي مضاعفاتها وايد
لا تجازف و تاخذهم , لا اسم الله عليها يحوشها فشل كلوي عاد عقبها شترقّع بعمرها
شوفي حبيبتي روحي اي حواي و قوليله ابي كريم بو توقيعين
القرشة صغييييييرة شفافه و داخلها كريم ابيض و غطاتها خضرا
عادة ألقاه بحواي جمعية بيان القديمة ( ما لقيته بالسالمية و لا الفيحا و لا الشامية )
خل تاخذ لها 4
و بليل قبل لا تنام تحط على مكان الاكزيما بس كمية قلييييلة
و الصبح تغسل جسمها و تحط مرطب قوي بس مو معطر , مثل كريم فازلين زبدة كاكاو او الابيض المثبت للرطوبة
خل تسوي جذي لمدة 3 ايام بتبين النتايج اللي تبشر
و خل تكمل اسبوع و تقطع تدريجي
و في وحدة بالمنتدى يزاها الله خير دلتنا على شراب الاكسجين حيل تمدحه ينباع بدبي
تقول ريلها حيييييييييييل خفت الاكزيما منه و على وشك تختفي ما شالله
انا ان شالله اذا حصلتلي فرصة بروح اييبلي او بوصي اي احد رايح و انتو سوو نفس الشي
اسم الدوا ماي الاكسجين , لونه اسود بعنابي
ينباع بدبي بصيدلية السندس رقمها 043460660
و رقم الدكتور عشان تكلمونه و ينصحكم شكثر تحتاجون 00971558081344 اسم دكتور احمد عباس
و ان شالله ما عليها شر
و بنات امانه اي وحده تستفين من ردي تدعيلي ان الله يشافيني و يشافي كل المسلمين

أنقر للتوسيع...

خالة حبيبتها قال:

الله يشافيها ان شالله
انا فيني اكزيما مائية وترى انا سامعه ان الكرتزون وايد مو زين انا وامي واختي واختي الثانية فيهم اكزيما وحساسية امي جربت دكتورة بالجلدية راح اييب لج اسمها ان شالله وايد وايد نفعت امي وترى لازم جسمها يكون مرطب وما ينشف مولية
وانا اختي سامعه ان اذا شربتي وايد ماي راح تروح عنج المشاكل اللي تصير لج بالجلد ابد ما تشوفينها
والحين بدز لج الصيدلية اللي فيها دكتور عدل اهو اللي معطيني علاجي وخوش علاج ترى
وبنات اللي تبي تعرف الصيدلية خل ادز لي عالخاص اوكي

أنقر للتوسيع...

^حلاوه^ قال:

الله يشافيكم وتروح عنكم الاكزيما

أنقر للتوسيع...

zain-alq8 قال:

اللهم رب الناس اشف انت الشافي شفاءا لايغادر سقما ..اسال الله العظيم رب العرش العظيم ان يشفي اختك عاجلا غير اجلا يارب العالميين ..علييكم بمااي الزمزم هالماي معجزه عالج اكثر من حالت اختج مع الاستمرار وتصدقوا لو بنص دينار كل يوم بنيه الشفاء

أنقر للتوسيع...

%ام النورين% قال:

اسأل الله العظيم رب العرش العظيم ان يشفيك

بشوف قرشه الكريم اللي قلتي عنهااا ..وبالنسبه لماي الاكسجين مو اهي نفس اللي عندنا اللي غرشه بطل بني عليه سكتر اخضر ..؟؟
جزاج الله خير ع الرد
ياارب يشفي الجميع

أنقر للتوسيع...

مشكووورة حبيبتي على هالدعوة
هذي صورة الدوا

و ماي الاكسجين عبارة عن شراب ينشرب قبل الاكل بفترة , مو موجود بالكويت
لونه اسود بعنابي