نصايحكم ياللي تخرجتوا من 12 أدبي .. شلون اخذ درجات عاليه ؟ وشنو السهل وشنو الصعب ؟

مشاعر خجوله قال:

هلاااااا فيكم حبايبي ..

اول شي عسى ربي يوفقكم ان شاءالله ويسهل عليكم وتتخرجون وترفعون راس اهاليكم بإذن الله






صعيفه وعصله.. انتي تقريباً نفس نسبتي بـ11 ..

بس والله نصيييييحه إذا صــج تبون النسبه العاليه ادرسوا عدددل .. و 99% من مواد 12 حيييييييييل اسهل من 11 وبسهوووووله تقدرين تحصلين على الدرجات والنسبه العاااليه ..


انا بتكلم عن ماده ماده وشالمطلوب فيها عشان اوضح لكم اكثر وما تحاتون ^_*


العربي - الانقليزي - الديـــن - الدستور

نفس دراستج لبااجي المراااحل .. يعني العربي يبيله تشدين حيلج بالقواعد .. الانقليزي، احفظي الكلمات والسيت بوك اهم شي وتضمنين 3ارباع درجات الامتحان .. والدين، مايبيله شرررح لان اساساً دين 12 اغلببببه نقاااااط وسهلــــــــه .. وهم الدستور نفس الحاله



.. المواد الاجتماعيه ..

الجغرافيا: اسهــــــــل من 11 حيييييييييييل .. ولاتخافون من اسم الكتاب والا شكله ترا السنه كله تتكلم عن 5 مشاكل بيئيه .. التصحر والامن الغذائي والتلوث والطاقه و الاخيره نسيتها والله .. بس جــــد جـــــد حيـــــل حلووو وبتحصلوون على درجات عاليه فيه .. ولا تخترعون إذا شفتوا نسب مئويه وارقام سنوات بس ترا كلــــــــه عالفااااااااااااضي .. بس يكثرون فيه عدد الصفحات، وهم بتشوفون كل نقطه تحتها 3 او 4 نقااط!! هالنقااط الفرعيه قليـــــــل ما يجيبونها بالامتحانات الفترتيه ..


التاريـــخ: هم بعد اسهل و حتى اوضح من 11 .. لان الدروس بكتاب 11 خصوصا الكورس الثاني كان كله حااااايس على بعضه وكله اسامي الفتوحات والفاتحين :s اما 12 لااا بالعكـــس موضحه سواء بالنقاط او الفقرات اللي على صوب .. وماتمر عليج صفحه الا فيها صووور .. والكتااب اصلاً ضعيف ويفتح النفس ..بس حبيت انبهكم .. تلاقون في اسئله في مربعات اظن اسمها اذا ماني غلطانه اسئله تقويم او غيره مو ذاكره بالضبط ولازم الابله تحلها معاكم لان هالمربعات حييييييييييييييل مهمه ودايم يجيبون اسئله الامتحان منها يعني ركزوا عليها عددددددددددددل مددددددددددددددل :d



الفلسفه: هالماده مابي اخرعكم منها بس جد يبيلها دراسه اول بأول اكثر من غيرهاا ونصيييحه مني لكم لاتطوفون اي حصه لهالماده خصوصا بفصل المنطق لان الدروس متراكمه على بعضها .. بس انتوا انتبهوا مع الابله وركزوا معاها بالحصه واذا مافهمتوا شي اسألوا ولا تستكون ( ياكثرررر ما كنت العوووز ابلتي.. ابلــــــــــه هذا شلووون؟؟ لا يا ابله مايصير لازم يصير جذي )



وخلصنا من المواد الاجتماعيه وبنرووح لـ ...

الفرررنسي: حلووو و مو نفس 11 .. لان 11 كان نفس النظام التراكمي اما 12 لااا بالعكس كل فصل مستقل عن اللي قبله .. يعني فصل عن الحلويات والشوكولاته ( <<هذا اول شي اذكرره هههههههههههه ) وفصل عن العمل وفصل عن الالعاب، وفصل عن البيئه ..باختصاار حلووو و اسهل من 11



الرياضيات: هم هالماده حلووووة والدروس تحسين انها نفس بعضها بس في اختلاف شي بسيييط بين بعضها اما الكورس الثااني سهههههههههل واحنا على دفعتنا بشرررونــا بقرار من التوجيه ان في امتحانات الثانويه العامه مانحفظ القوانين لان كل القوانين جايبينها لنا في آخر صفحه من الامتحان وان شاءالله تستمر هالبشااارهـ وتكووون من حظكمـ



اما الحاسووووب: انتبهي عددل عالتطبيق العلمي لان المشرووع + الامتحان العملي عليه درجات اكثر من النظررري


و الالعاب: ناخذ مقرر الكارتيه و تقريبـا نفس التايكوندو الماده الاختياريه (للي ماخذ هالماده)


وبــــــــــــــ^.^ــــــــــــس




عسى الله يوفقكم ان شاءالله و عقبــــال ماتبشروووني بالنسبه الحلوووهـ و العااااليه وتدخلون الكليه اللي تبونها بإذن الله ..



وإذن تبون اي شي لا تردكم الا اصابعكم اسألوا وما يصير خاطركم إلا طيب ^_^



][ أختكمـ : مشـاعـــر خجــووولــه ][

أنقر للتوسيع...

ضعيفه وعصله قال:

حيييييييييييل حييييييييييييييل حييييييييييييييييل
شجعتيني الله يعطيج العااااافيه يارب وقوااااااااااج الله حبيبتي
ما قصرتي .. وان شاءالله اقدر اييب درجاات عاليه وحلوه​

أنقر للتوسيع...

هذا المطلوووب

ربي يسلمج و يعاااافيج

وبإذن الله بتاخذين احلى واعلى نسبــــــه ياااااااااااارب ^_^



اي صح اخذي بكلام (وايت انجل) ..

لا تحطيـــــــــــــــــــن فبالـــج كلللللللللللللللش انها آخر سنه و إلا كلام بعض الابلات انكم ثانويه عامه و آخر سنه وتوتركم اكثر من انهم ينفعونكم .. اذا سمعتي جي سمعي من اذن وطلعي من الاذن الثانيه :eh_s(6):


حطي فبالج انها نفس باجي السنين اللي طافت ولا بعد بتكون احلـــــى واسهـــــــــل سنـــــــه بتمر عليــــج <--- وهذا الصج والله




^_^ عسى ربي يوفقج ان شاءالله ^_^