أنا رايحة لمصر ...تعالوا قولوا لي؟؟؟؟؟؟؟؟؟؟؟

مسا الخير والورد لكل حبيباتي الكويتيات...............
ان شاءالله بروح مصر قريب:eh_s(6): أول مره:ggdw:

ابي تنصحوني بأفضل الأماكن السياحية ( أحب الطبيعة والهدوء والتاريخية يعني شوي)
و ألاشياء اللي لازم اشتريها من مصر حقي وحق العيال ... شي مو موجود شي غريب شي حلو عاد فيكم البركة كل وحده وخبرتها... وبعد لا تبخلون علي بكل النصايح عشان تكون سفرتي حلوة ومميزة ... أبي اسمع منكم كل شي عندكم
يلا خواتي انتظركم :ada:

اذا تحبين الخلطات والاعشاب والزيوت والكريمات الطبيعية روحي لاشهر عطار في القاهرة : حراز ، عنوانه: ميدان باب الخلق .

اذا تحبين التذكارات والمشغولات النحاسية لا يفوتك : خان الخليلي ، وفيه بعد بدلات رقص شرقي ( اذا انتي تحبي ترقصي لزوجك )

اذا تحبين الجلابيات ، موجودين في منطقة : كرداسة .

المطاعم : مطعم ابو شقرة ، ومطعم الباشا ( هذا سفينة عايمة على النيل ) .

المتحف المصري .

الصوت والضوء عند ابوالهول بس بالليل عشان يعتمد على الاضاءة ،يصور لك بالصوت والصورة كل تاريخ الفراعنة .

القرية الفرعونية : الاشخاص يمثلون حياة الفراعنة اليومية ، انتي تمري من قدامهم وتشوفيهم جنهم فراعنة يمارسون حياتهم اليومية .

ثانك يو سوزيتا

ماقصرتي حبيبتي ... الله يجزاك خير ويحقق لك كل اللي تبين
بالنسبة للمعلومات جدا جدا مفيدة

الله على مصر

صج ام الدنيا

بالنسبه للاماكن التراثيه الاهرامات اكيد والقرية الفرعونيه
الاسواق ستي مول , اركيديا وفيه السوق التابع للفور سيزون وسوق تابع لفندق هيلتون رمسيس فيه محل للجلابيات اسمه " الدكان "
عندي الاماكن الترفيهية دريم لاند و 6 اكتوبر

المطاعم انصحج تروحين البواخر اللي عالنيل اما الفنادق ترى اكلهم مو نظيف
واذا مطوله في مصر روحي شرم الشيخ او الساحل الشمالي

بالنسبه للمشتريات ترى مصر اسواقها ماتنفع للخليجيات اللي يحبون يخمون السوق بكبره يعني ماعندهم زود عن اللي عندنا
بس القطنيات عندهم رووووعه
روحي مجمع اركيديا عنده بيجامات قطن مريييحه ومفارش للسرير هذا اهم شي في مصر مفارش تجنن ونوعيات ممتازه

انا عندي من 4 سنين وللحين استخدمهم كأنهم جداد

واي استفسار انا بالخدمه

واي صبا ........... معلومات حلوة وايد ...وعندي استفسار بالنسبة للمفارش وين احصلهم وما ادري لوسويت شوبنج وايد شسوي بالاغراض ...افيدوني
ايه بغيت اسأل سؤال بس مو تضحكون علي ....أحد راح الفيوم وبحيرة قارون اللي فيها

شكراااااااااااااااااااااااا صبا

وينكم كويتيات حبيباتي .......
انصحوني بالنسبة للفنادق ....

لو عايله كبيره اخذي لج شقه احسن ولو تبين فندق انا انصح وبشده انتركونتيناتيل سيتي ستار وهوليدي ان سيتي ستار

هلا بالعالمة الجيولوجية .... احنا كبلز يعني تو بس فندق أحسن ... سمعت كثير عن كونراد يمدحون فية ومعروض على حجز بقراند حياة وبدور صور الفنادق اللي قلت عليهم .......... شكرا

ما شاالله كويتيات راعيات فزعة تسلموووووووووووووووووووووون
دلوعة أبوها ... والله أدري أن مصر مو حق هدوء طبيعة وراحة بس قلت اقول ذوقي تفيدوني على مودي يعني اللي راحت أماكن مناسبة هالشي ممكن تقولي
وفورشور احب التسووووووووووووق
ماحد جاوب سؤالي عن الريف والفيوم واشكركم

up up up

يلا كويتيات وينكم :0bee2e8d89:

:krkrkr:

انا سكنت بانتركونتيننتال سيتي ستاارز و الفندق حلووو ونظيف و الحلو فيه ان مجمع سيتي ستارز
تدخلين له من لوبي الفندق يعني ماتحتاجين تاكسي ابد . وفيه سينمات و كافيهات و محلات وااايد ومطاعم طبعا هم كثيره ,,

انصح بهالفندق وفي محل انا احبه اسمه حتحوت يبيع بجامات قطنيه و شراشف و غيره هالمحل لهم فرع ثاني في الملحق مال رمسيس

وبالسلامة وسامحيني عالقصور بس هذا الي عجبني بمصر

يعطيك العافية ايمان ... ماقصرتي

هلا عندج المكياج كريم اماندا وبودرته وكريم لونا حق التشققات وكريم بنج موضعي املا
و الخام الشتوي في محل اسمه المونيكان على ما اظن او مونيكا

شنو تقصدين بالمفارش اذا قصدك مفارش السرير عندك محل اسمه زهرا تكس في شارع شهاب حيل راقي وحلو شغلة ويسويلك طلبية اذا بغيتي واحلى شي في مصر الجلابيات والفضة والمواعين وانا اقولك مصر مو مالة جو واسترخاء لا يعني كلش مو نظيفة واكلهم موشي بس ونيييييييييييييييييييييييييييييييييييييسسة حيل وكسر روتين .

أولا شكرا لكل من ردت وافادتني ..........رحت لمصر قبل ما اركب الطيارة .هههههههههههههه
بنات ... سافرت لمصر ورجعت بالسلامة وما في مكان او معلومة قلتم عليها الا واستفدت..... مصر أم الوناسة وام الدنيا ...زحمة بس حلوة والله ضحكت فيها ضحكات من كل قلبي ومواقف جدا حلوة ...اكرر الشكر لأحلي كويتيات

هلا زوجة متقاعد
الاشياء اللي شريتها:
من الصيدلية:كريم اماندا اساس رقم 3و رقم 18
بودرة الكريم رقم 23
امبولات ايفا للشعر
امبولات ايف للوجه
كريم ايف الصبار للشعر
كريم لونا تشققات
جلابيات من كرداسة: افضل المحلات في المجمع الصغير اللي اسمه كرداسة مول ومحل الدكانه ومحل الاندلس لجلابيات البنات الصغار رووووووعة
جلابيات من خان الخليلي ولا تنسين فطاطري الحسين امممممممممم روعة الفطاير والمشلتت بس القطاوة بيضايقونك اعملي حسابهم في الطلب( مو هالدرجة ههههه......ترا السوق شعبي في الهواء الطلق)
ملحق الهليتون رمسيس::
شنط وجزم
ستارزستي :
طبعا مجمع ضخم وكل الماركات موجودة وأكثر ما عجبني تنظيمه ولا تنسين بعد التسوق ريحي في كوفي شوب سينابون
أما المطاعم اللي تحت زحمممممممممممممممة ما ترتاحين
وسوق وسط البلد:
الجزم (جواتي) الجلد وهالشغلات حلوه خاصة الرجالي واسعارهم من 100جنية وفوق
مجمع اركاديا :
:klhfl:
هذا اللي يحضرني الحين
اما اللي ضحكني ............الحلقة القادمة انتظروونييييي_03BA:

الحمد لله على سلامتك وانبساطك