احلا السمر
New member
- إنضم
- 19 أبريل 2007
- المشاركات
- 1,195
- مستوى التفاعل
- 0
- النقاط
- 0
صباااح الخير حبيباتي
ادري رمضااان للعبادة بس ما ادري ليش به يحلوووو السهر
حبيباتي مشكلتي مع بشرتي بلشت لما قمت اتفرفر بين منتجات الماركات التجارية ( جفينشي - شيسدو -،،، ) للعناية اليومية من غسووول - تقشير - لوووشن - تونك
بس ويهي شببب.. وكل ما اغير الماااركة .. الاقي بلاوي يديدة .. ماادري ليش مع انه علا قولتهم طبية
جااان احول لي منتجااات الحوااي .. تالي تجارب المنتدياااات ... وكلام رفيجاااتي ,و .. و ,, ,
المهم لييييييييييين قبببب ويهي وقال ارحميني
و اروووح واشتري غسول نتروجينا .. و المقشر..والماااسك
المهم الحبووووب الكبااار خفووا ..وراحوا .. وبقالي هالصغااارية ... لووول
وكنت احس جنه طبقة ثااانية علا ويهي حده تضااايق.
ليييييييييييييييييييييين ما الله نطق اخوووي وشااار علي ارووح الطبيب احسن من هالجرايم .. قمت افتر .. واسال عن احسن دكتوور خاااص .. طبعا زهبت نفسي برووح .. والااستخيير بين الحكومة والخاااص
قلت اذا ما فادني الحكومة بروح الخاص .. خاصة ان مشكلتي مو جااايدة ولله الحمد
جااان ارووح اسعد الحمد مركز الجلدية بالصباااح وعطااني الدكتووور المنفس جنه محد صايم الا هو (( اللهم اني صايمة ))
هالادوية
اللي علا اليمين لووووشن صباحي والاثنين الباجي اخطلهم .. بالليل
وعطاني حبوب.. مرة باليوم
وبالطريج ذكرت اني ما سالت عن .. الغسول اللي لازم استخدمه .. واللوشن .. من الخرعة نسيت ..
(( استخدمت سيبا ميد .. عااد ما ادري عدل اللي استخدمه او لا )) شرايكم؟؟
والله بعد 3 ايااام .. صاارت بشرتي غييييييييير .. ودي اقوول وردية (( بس قوية قوية ))
عااد انا بكمل العلاج شهر تالي اراجعه ..
بس حبيت انقل تجربتي .. ترااا الحكومة يطلع منها .. و احسن شي تروووحون الطبيب .. ولا تعتمدوون علا تجارب غيركم .. لان كل وااحد له مشكلة غييير.. مع تشاابه الاعراض
وبغيت اسال اللي انا استخدمه صح او لا .. (( السبيا ميد ))؟؟ لان ما فيني ارووح له مرة ثاانية =)
طولت عليكم
فديتكم
.....
