مو قادرة تحبه والملجة قربت

[أم طه الحولة]

بنات ااختي صج متوهقة وحيرانه مو قادرة تتخذ قرار ..
مخطوووبة صارلها شهر ونص .. المشكلة ان الريال اللي خاطبها وايد زين والكل يشهدله بهالشي يعني محترم وشهم وخلوق ويحبها ويموت فيها لكن ماادري لش مو قادرة تبلعه يعني باختصار تلوع جبدها منه مع انه حلو مزيون لكن على قولتها ان تبي واحد ارقى من جذي تبي رجل اعمال مثقف والريال اللي يايها على قد حاله فقير وماعنده ولا راح يعيشها العيشة اللي تبيها .. تخاف تتزوجه وتتحسف ويغربلها وتبتلش فيه وهم تخاف تهده لا تجرح مشاعره لأنه وايد يحبها .. واهله ناس زينين ويحبونها ويسوونلها الف حساب واهو بعد يسويلها الف حساب .. بس اهي خايفة من حالته الاقتصادية انها وايد ضعيفة ... انا من ناحيتي احس ان ماعندها سالفة بس اهي طلبت ان نطرح موضوعها عشان تعرف كل الآراء .. يعني هل ترضى بمستواه ..؟؟ او تفكر وتنطر يمكن اييها نصيب احسن من جذي .. ؟؟

 

[om ahmad]

حبيبتي00000قبل لا أقول أي شي, إخذيها نصيحة من أخت أخذي اللي يحبج, مو اللي إنت تحبينه,00000 الحب شي وااااااااايد حلو ولذيذ, بس الحب ماهو زرار أول ما ندوسه نصير نحب00000 ولا هو شي مادي نربطه بالامكانيات المادية للريال00000ولا بالشكل والكشخة0000 الحب شي عجيب ينزل من الله سبحانه وينزرع بالقلب 00 شلون؟ ماتدرين00000أقولج عن قصه حلوة 0000 وحدة خطبها واحد بس لما شافته , قالت صغير وشكله يستحي ومن هالحكي0000 ورفضته00000بس ما انتهت القصة000 بعد أربع سنوات رد خطبها مرة ثانية, واهني عرفت اشكثر اهو يحبها ومتمسك فيها00000 مع انها ماتعرفه0000 فوافقت واهي مستانسة بهالحب00000 والحين بعد مرور عشر سنوات على هالزواج, متحسفة على كل دقيقة ضيعتها بعيد عنه0000متحسفة على الاربع سنين اللي ضيعتهم من عمرها وعمره00000 لأنه صار موبس حبيبها 0000 لا ألا نور عينها وتاج راسها00000 لما الواحدة تنخطب لازم تحكم العقل والقلب 0000 وأهم شي تستخير رب العالمين0000 فماخاب من استخار000000 وترى الحب عمره ما يتحقق بالماديات000000 وعرفي إذا كنت تدورين على الكشخة والماديات0000 تراج ما تبين حب 000 ودايما الرزق من رب العالمين 000000نسيت أقولج إني لما تزوجت كان زوجي موظف عااااااادي0000 والحين الله يحفظه ويبارك فيه الغالي مدير 00000ويجنن بعد 0000عسى الله يعيشج بالحب اللي عايشه فيه 0000قولي انشالله

 

[حلم السنين]

السلام عليكم ورحمة الله وبركاته

اذا اهي ما متقبلته واهم للحين مخطوبين حرام تتزوج واهي حاسه انها جابره نفسها عليه ........................... خل تكون جاده بقرارها وتشوف نفسها عدل


بعدين اهي مو موظفه؟ تشيل نفسها شكو ماديه كلش عاد الحين الرياييل يصرفون علي حريمهم صارت العكس يالغاليه

 

[^ليلاس^]

بس اذا مو قادرة تبلعه خل تفكر وانشالله تتوفق مع غيره والصراحه الحاله الاقتصاديه مهمه للزوج لان الحياة صعبه وكل ماله الاسعار بازدياد مو شرط تتزوج رجل اعمال بس على الاقل حالته الماديه جيده مو ضعيفه ..يمكن تفكيري مادي بس انا هذا رايي والله يوفقها بكل الحالات

 

[* مـذهـلـه *]

حبيبتي نصيحه مني لج هالشي يخصها اهيا بروحها و بس يعني لا تدخل اي طرف ثاني لانه مستقبلها و اهيا لازم تفكر فيه و تاخذ قرار يعني لو شافت راي الاغلبيه انها تستمر معاه و باجر خذته و ما قدرت تستمر او انه الاغلبيه قالوووو تهده و تاخذ احسن منه وتتحسف ..

انا اقول الراي الاول و الاخير لها خليها تفكر بينها و بين نفسها و تلجأ لله سبحانه اللي مالنا غير و ماخاب من لجأ لرب العالمين ..

موفقه يارب ​

 

[اتكيت]

يسلموووووووووووو مذهله انا من رايج بعد ويسلموو صاحبه الموضوع والله يهدي بال اختج ويكتبلها الخير وموفقين جميع تحياتي

 

[بدوره]

شوفي انا مع اختي ام احمد لما قالت اخذي اللي يحبج مو اللي تحبينه
لأن اذا على قولتج يحبها ويموت عليها كافي انها تعرف انها بتعيش معاه مرتاحه وماراح يضايقها غير حالته الماديه ويمكن تتعدل باذن الله ماتدرين..

بس اذا على قولتج مو بالعته... لاتتزوجه لأن صراحه محد يقدر يعيش مع انسان مايبلعه
لو انها ماتحبه بس، اقولج يمكن تحبه بعدين بس اذا على قولتها مو بالعته ترى صدقيني ماكو اكره من ان وحده تتزوج انسان مو بالعته
يمكن تتحمله يوم وتمثل عليه الحب
يومين
ثلاثه
اربعه
بس ماردها بتطق جبدها منه
واهو ماله ذنب وعليه فخل تقوله من الحين، يمكن يتضايق شوي بس احسن من انهم اثنينهم يبتلشون بعدين​

 

[سبائك]

خل تستخير وعسى ربي يكتب لها الي فيه الخير والصالح

وترى مو شرط يكون غني في بداية حياته!!!!!!!

باجر ربي يغنيه ويبارك له في رزقه ان شاءالله

 

[تفاخيه مبطوطه]

يايه بكتب نفس كلام اختي سباجه بالضبـــط

خل تستخير .. وربي يكتب لها اللي فيه الخير

 

[أم طه الحولة]

مشكورين حبايبي ماقصرتوا .. ابي اسمع اراء اكثر بليز ابي تفاعل اكثر من جذي

 

[محتارة]

خل تصلي استخاره ... قصتها مشابه لقصتي وانا وافقت عليه يعني شوي شوي قاعده احبه بس مادري ,,, خل تصلي احسن

 

[الشيماء]

كل هالصفات فيه ومعترضة يا اختي الرزاق في السماء
يرزق من يشاء بغير حساب توكلي على الله بس
والحب يجي بعد الزواج

 

[LaSt WoMeN]

مذهلة صاجة .. و البنات كلهم ما قصروا ..

سلمي عليها و قوليلها بالنيابة عني .. و اذا يالج رجل أعمال و مليونير و بخيل ؟ ما يندي و لا تحصلين منه فلس ؟ شنو بتستفيدين ؟

و ترى الدنيا ما تسوى .. و الرزاق موجود و محد بيموت من اليوع ..

اذا اهي تدري انها ما راح تتعايش مع وضعه المادي لا تاخذه و تستاثم فيه و تضغط عليه .. لأن اهو راح يتعب و اهي بعد ..

خلتحط لها اولويات .. اهم المواصفات اللي تبيها بفارس احلامها و خلتتأكد ان ما في أحد كامل ..

و الله يوفقها ان شاء الله

 

[LaSt WoMeN]

و ذكريها بقول الله عز وجل :

" وَأَنكِحُوا الْأَيَامَى مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ " (32) النور

 

[طوق البنفسج]

اختي الاصيله

هالشي قرار مصيري الواحد لما ياخذه لازم ينظر له من كل الجوانب مو يشوف جانب واحد و على هالاساس يقرر يعني بحاله اختج اهي خلت سمعه الولد الي الكل يشهد له و انه يحبها و اهله شارينها و ركزت على شي واحد حالته الماديه الي اهي بالاساس مو مقياس

على فرض خذت واحد مستواه المادي اكثر من العادي و صار له ظرف و خسر و صار مستواه المادي اقل من العادي شبتسوي بتهده

و الله عز وجل قال بما معناه ( خذوهم فقراء يغنيهم الله من فضله )

والله يهديها و تتخذ القرار الصحيح

 

[LaSt WoMeN]

عفوا طوق ..

بس بغيت أصحح الآية اللي ذكرتيها ..
و اهي نفس ما انا كاتبتها فوق

 

[-Bello-]

انا اول شي اقوووول خل اتصلي استخاره واااااااااااااااااااايد وانشاءالله ربج يعطيها الحل...ثاني شي لا تغصب عمرها لانها اذا خذته وما ارتاحت راح تندم طووول حياتها .. اليوم ترفضه وهو ينجرح يومين ويروح يتزوج وحده ثانيه ولا انه اهي تنجرح العمر كله هذا زوااااج ومافيه جرح احساس احد خل تكووون جاده اب موضوعها وانا حاسه فيها لاني انحطيت نفس موقفها .. والحمدالله توفقت وبيني وبينج ماكو ريال كامل انا ريلي لما خطبني كلشي فيه حلو وبس في شغلات ماكانت تعجبني اني مو راضيه عنها ما احسها تحقق طموحي وكنت حدي محتاره صليت استخاره وااايد احس الامووور قامت تمشي وانا بقلبي اقوووول لأ مابيه مو هذا اللي ابيه واطمحله والله لما تزوجته انصدمت اننه والحمدالله صج خوووش ريال والحمدالله اني ما ظيعته من ايدي ونقاط الضعف اللي كانت مو عاجبتني فيه عدلتها والحمدالله الحين ..بس اذا اهي مو بالعته لااااااااااااااااااا تاخذه نصيحه والله راح تندم طووووول حياتها هذا زووااااااااااااااااااااااااااااااااااج والله مو شي سها خل اتكر ابنفسها لا ااتفكر بمشاعر احد لانه اذا فكرت اب مشاعره ومافكرت اب مشاعره راح اتظل طووول العكر جذي...والله يوفقها انشاءالله

 

[أم طه الحولة]

مشكورين حبايبي ما قصرتوا والله ... انزين انتوا رياييلكم ما يمنعونكم من اللبس ؟؟ لأن اهو وايد متشدد باللبس واهي تحب تلبس .. !!!!

 

[Filakawyia]

انا اقول خل تستخير اول شي . . .و ثاني شي خل تكتب ايجابياته بورقه و مساوئه بورقه و تقارن . . و مثل ما اهوه فيه مساوء "الفقر مثلا" لا تنسى ان اهيا بعد مو كامله
و بعد ما راح تلقى واحد كامل
يمكن تاخذ واحد غني . . بس بخيل . . او يطق "اسمالله عليها " . . او ماعنده اخلاق
و بيني و بينج اللي عنده الف مايكفيه واللي عنده امية دينار مايكفيه . . يعني بكلا الحالتين سواء غني او فقير . . الحاله تعتمد على حسن الصرف
و اذا على اللبس تقدر تتفاهم معاه . . يعني اشوي اشوي بالتدريج
و بالاخير يا اهيا بتقتنع او اهوه بيقتنع
و هالحياه لازم فيها تنازلات اذا كل واحد تمسك برايه ما راح تمشي الدنيا

 

[dima]

khal etsali salat el estekhara wenshalah alah ewafeg'ha

o ba3dain eb rayee a3esh ma3a wa7ed 3ala gad 7ala bs e7bni o 7a6ni eb 3aina o ahala ye7tarmoni a7san men ma akheth wa7ed ghani yemken may7ebni weshof nafsa 3aley wekharbee6 men waray

aham shay bl zawaj el7ob wel ra7a wel e7teraaam shfaydat rayal ghani madri 3ana o ma ashofa kela lahi 3ani

yama nas khathat reyayel 3aala gad 7alhom o ma3a layam alah rezag'hom o saraw aghneya mashalah

ana hatha raye wenshalah alah ewafeg'ha o yakteblaha ele feh khair o saleee7 laha