ما هقيت الطالبات لهالدرجه مأثره عليهم يذكرون مواقف صغيره ههههههههههه انا ناسيتها :)

(كويتيه عسل) · 30 يوليو 2009

آخر السنه الطالبات قعدو يحنون علي نبي رقمج انا رفضت

قالو انزين نبي ايميلج نبي نسلم عليج بالعطله

معنى كنت معاهده نفسي مااعطيهم بس قتلهم على غشمره اللي يضايقني بعطيه بلوك

عطيتهم بس للامانه ماشفت منهم الا كل خير

من جم ساعه وحده من طالباتي قعدت تسولف معاي بالماسنجر عن العطله ومواقف المدرسه

شوي ولا تيي طالبه ثانيه وتقولي ابلاااااااااااااااااااااااااااااااااااااا (يعني ابله )

<<<وين ابلة العربي :krkrkr:

ابلااااااااااااااااااا شلونج ترا انا الحين في لبنان وكنا طالعين مع اهلي

حنيت على ابوي الا يردني الفندق علشان اشبك واسلم عليج

لان توها فلانه دزتلي مسج قالتلي انا الحين قاعده اسولف مع ابله كويتيه عسل في الماسنجر

<<<<< تصدقون ماعرفت شقولها

وتقولي الطالبه تذكرين لما في الامتحان نسيت مقلمتي وعطيتيني قلم

وتذكرين لما انا كنت واقفه صوب سيارتج وقتلج ابله باي باي

ابتسمتي وقلتيلي باب باي حبيبتي

وتذكرين لما مره يتلج عقب حصة الالعاب علشان اعطيج دفتري عطيتيني قلاص ماي

وقلتيلي لا تشربين ماي وانتي تناهدين موزين

والسالفه الثانيه من جم اسبوع شفت في السوق

ام طالبه انا اذكر انها ام طالبه بس ناسيه ام منو من الطالبات الام سلمت علي

وتقولي بنتي ذبحتني الا تشتريلي نفس شيله ابله كويتيه عسل حق العيد

معنى الموديل صار عتيج مادري شتبي فيه

والام قالتلي الموقف هههههههههه :dddds:<<<<صج البنات كل شي يقولونه لامهاتهم

انا مره كنت واقفه بالمناوبه وبنتها ياتلي وطلبت مني ابطلها عصير في بطل زجاج

وانا احاول ابطله لانه يابس انكب على شيلتي وقميصي

وبنتها قالت وي ابله كلا مني دمرت ملابسج

انا قتلها مومشكله فداج <<<<هالموقف انقص ويهي لما قالته لي الام

وبنتها ميته عالشيله مادري شعليه

doooora · 30 يوليو 2009

شنو المطلوب ؟؟؟؟؟؟؟؟

(كويتيه عسل) · 30 يوليو 2009

doooora قال:
شنو المطلوب ؟؟؟؟؟؟؟؟

المطلوب ابيكم تعرفون ان الطالبات ينسون الدروس وكل اللي في الكتب والدفاتر

بس مواقف بسيطه تصيرلنا احنا الابلات ونشوفها عاديه وتمر مرور الكرام وننساها

بس الطلبه يتأثرون فيها ولا ينسونها حتى بالعطله ذاكرينها

وياريت كل ابله تحط عيالها او اخوانها مكان هالطلبه

ولا تكون قاسيه وقلبها صخر وتذكر انها في يوم كانت طالبه مثلهم

وتحط روحها مكانهم عرفتي حبيبتي شقصد

doooora · 30 يوليو 2009

كلام جميل ،،، مشكورة وهاذي لج :tek:

خذاني الشوق · 30 يوليو 2009

الله المستعان في مدرسات ودج تحفرين حفره وتحطينهم فيها وتشبين فيهم نارمن تعاملهم يكرهوونج بالمدرسه ........< وحده حاقده

وفي مدرسات تنحط علي الجرح يبرئ من تعامل راقي واسلوب حلوو

زهرااا · 30 يوليو 2009

ماشالله عليج والله شكلج انج حبوبه و صج عسل

رضاهم جنه · 30 يوليو 2009

الله وناسه شابكه مع طالباتك ,, ويقولون لك سوالف >>> اموت على سوالف بنات المراهقه

مومثلي يا حسره ابتدائي وبنين بعد

وكثر الله من امثالك

ام عفاف الكويت · 30 يوليو 2009

انا عندي جم طالبه بالمسنجر
ماكو شي يمنع التواصل بين المعلم والطالب
بالجامعه تعاملنا مع بعض الدكاتره بالايميلات
فعندي جم طالبه سوالفهم عسل
ولكل شي حد
وصاجه في مواضيع ترسخ في بالهم ومواقف مالها اي شغل بالمنهج او محتوى المدرسه

لآلئ الكويت · 30 يوليو 2009

شكــلج ابلة حبوبه وتهبلين
من جذي كل البنات يحبونج

الله يخليهم لج ان شاءالله
واحنا فعلا بعد عندنا ابلات يهبلووون ما شاءالله عليهم

mi corazon · 30 يوليو 2009

صح الطالبات ما ينسون الابله خصوصا لمن تفهمهم

آنا مشكله عندي طالبات امهاتهم معادي مدرسات بس مواد غير

كله ايوني .. انتي شمسويه ابنتي؟ كله ابله فلانه وابله فلانه اذتني

ابله فلانه تفهمنا .. احسها تنزل لي مستوانا مو انتي يمه .. قلتلهم بنات امهاتهكم اكبر منهكم وقاعدين افكرون بأشياء ثانيه تهمكم آنا ما افكر فيها نفس مستقبلكم ومشاغلكم وهمومكم .. أما آنا غير

ياحلاتهم كان ودي ادرس ابتدائي بس اشوه ماصار كل ما اسمع سوالف بنت خالتي وشلون يلصقونلج ما يخلونج اتنفسين اقول اشوه يامعوده متوسط ومو عاتقيني

عالعموم الطالبه تقضي نص يومها الفعلي بالمدرسه يعني بيتها الثاني .. فا لزم تختار لها ام بديله هناك

وشكلهم اختاروج كويتيه عسل .. موفقين

**ريــــــــم** · 31 يوليو 2009

حلو ان الوحده تنحب

ماشالله عليج يا كويتيه عسل

انا جربت في فترة الميداني لما كنت

مدرسه ثانوي

بس الحين ابتدتئي صبيان

بس ما يمنع ان لهم بعض السوالف

الواحد يبين تأثيره على كل اللي حوله

مهما كان العمر او الجنس

مشكورة على الموضوع يا عسل

درة أهل الطولات · 31 يوليو 2009

هـــــذا يدل على حبهم لج وحنيتج عليهم

الله يكثـــــر من أمثـــالج

tmtmt · 31 يوليو 2009

ان شاءالله على طول يحبونج جذي ..

انا كنت ابي ثانوي عشان الطالبات كبار وفاهمين وعلاقتج معاهم تصير حلوه ..

بس الحمدالله رحت متوسط ونفس الشي البنات يحبوني لني صغيره فيحسون مو كبيره عليهم

*قلب جابر* · 31 يوليو 2009

ابله "
كويتيه عسل "شكلج حبوبه.....
و انا طالبه بالثنويه..و في ابلات الصراحه يهبلون بتعاملهم الراقي
و حتى تعاملهم مع الابلات يكون روعه.......................
و الصراحه هالنوعيه من الابلات يستاهلون منا كل تقدري و احترام
و انا عندي كذا ابلهيعدوني كاني بنتهم الصغيره...و يفضفضولي عن اي شي مضايقهم..........
"من النوع الي اقط الميانه و مااخلي حواجز بيبني و بين الابله اللي صــج قدو لنا في تعاملها و في اشياء ثانية""
و اتمنى تجين عندنا اشرايج......"يا ابله كوييتيه عسل"؟؟؟؟؟

لازوردي الكويت · 31 يوليو 2009

انا أشوف اهم شي الرحمة بالتعامل واحترام الطالبات وهم بعد لازم يكووون في حدود بعلاقة المعلمة بطالباتها

بدوره 22 · 31 يوليو 2009

والله انا حاسه فيج ... شعور وايد حلو لمن تعرفين ان طالباتج يحبونج

ويتذكرون ابسط المواقف الطيبه اللي تسوينها لهم ... مع انج تنسين انج سويتي هالشي

انا وايد استانس لمن اشوف طالبات درستهم من زمان وتخرجوا ولي الحين ذاكريني بالخير ويسلمون علي الحمدلله

ترى المحبه نعمه وعسى الله يدومها على الجميع يارب

..ليالي.. · 1 أغسطس 2009

ماشاء الله عليج اختي كويتيه

انا بصراحه احب البنات اللي عندي واحترمهم حييل واقدرهم

وبعضهم ماشاء الله عليهم يبردون القلب

والله احيانا استانس لما اكون باحتياط اسمع سوالفهم وخرابيطهم <<ابرك من مقابل بعض الابلات تلوع جبدج من كثر مايتشكون من حياتهم وازواجهم

بس بحدود علاقتي تكون مع البنات

وبالممرات ما الحق اسلم عليهم
مع اني احيانا اكون متشدده معاهم من ناحية الالتزام بالزي المدرسي
لان والله هذول بنات اصغار وما يعرفون الزين من الشين
لازم احنا نوقف معاهم وانفهمهم الصح من الغلط

ويكون بطريقه حلوه انج تنزلين لي عمرهم وتفكيرهم
مو بالصراخ واللسان الطويل

والله البنات يكرهونج ويدعون عليج بعد
ماتسوى علينا

والله يهدي الجميع

قيثارة إحسآس · 1 أغسطس 2009

لووووووووووووول فديتج ابلا حبيتج لووول .. انا طالبه فعلااااااااا ماننسى المواقف حتى العاديه اللي ممكن الابله تكون ناسيتها

تصدقين لو شرحتي شي ثاني يوم مانتذكر

الحين يمر علينا كل شي فعلا اشتقنا للمدرسه ولابلاتنا

يآحلآآآآآآتكم وربي تهبلون خصوصا ابلآتي الخليجيآت

انا مدرستي كلهم ابلات مصريات بس مايمنع حليوآت ساعات لووووووووووول

واذا اكو ابله كويتيه ماتدرسني

املى كبير · 1 أغسطس 2009

يعطيج العافيه

الرهيييفه · 2 أغسطس 2009

خوش كلام

أنا أول مادرست كانت علاقتي بالبنات قوية جدا

لدرجة ان المدرسة الأولى قامت تكلمني وتقوللي خلي بينك وبين البنات حدود

بس بعد ماتزوجت وعيلت صرت ماني فاضية لهم

بس لازالت علاقتي معاهم حلوة
وليما ألحين طالباتي يكلموني بالتلفون بس طبعا منهم اللي تخرج من الجامعة ومنهم اللي تزوج

ما هقيت الطالبات لهالدرجه مأثره عليهم يذكرون مواقف صغيره ههههههههههه انا ناسيتها :)

New member

New member

New member

New member

New member

New member

New member

**مشرفة قسم كويتيات مول**

New member

New member

New member

New member

New member

Member

New member

New member

New member

New member

New member

New member

مشرفة قسم كويتيات مول