شنو الاشياء اللي تخللي ريلج يمل....؟ دشوا و تعرفون :)

3eeMia~CooL · 22 يوليو 2009

قوة يا احلى متزوجات ....انا حبيت اكتب موضوع نعرف فيه شنو الحركات او الافعال اللي تخللي الزوج يمل من الزوجه ؟ يعني مثلا شنو الشي اللي يخللي الريال يتغير من انه يساحل زوجته حزت الزعل و يراضيها عشان ترضى عنه و بعدها يصير اهو عاااااادي و مايهتم و اهيه اللي تراضيه؟؟؟

كل وحدة فيكم تدش و تقوووول شنو الاشياء اللي تملل الريال من المرا و شنو الطرق اللي لازم نتبعها عشان نتحاشا هالشي ؟؟؟

miss abrar · 22 يوليو 2009

لمااا الوحده تتزعل وااايد احس الريال يمل ويبتدي ما يراضيها بسرعه وبعد لما يكووون وايد واااثق انها تموت فيه وما تقدر تستغنى عنه واذا كانت من النوع اللي لما يراضيها تمصخها وما ترضه بسرعه واذا كانت مطوله لسانها عليه وجرحته ما يحب يراضيهااااا .... والله لا ايب زعل انشااااااااااااء الله حيااااتكم كلهااااا عسل

amoonaa85 · 22 يوليو 2009

اذا يبتي طاري ربعه يتزعل ما ادري ليش

ولازم تخلينه يعيش دور انه عزوبي ما ادري ليش متزوج:eh_s(14):

eman12 · 22 يوليو 2009

شوفي حبيبتى وايد اشياء :
1- الزعل وايد يخليه يبطل يصالح
2- الحنه علي شئ معين تخليه يكشت
3- لما تعودينه كل شهر تصبغين شعرج وتبين في كل مره يقولج حلو طبعا انسي لانج كثر ماتغيرين مايحس عن تجربه
4 - لما تعودينه انج تلبسين لبس معين بالبيت انا اقصد لبس عادي او حتي دايم تحطين مكياج بكل وقت
مارح يقولج هذا حلو ولا راح يلفت انتباهه
ووايد اشياء بس هذو اللي مروا ببالي

ام جناتي · 22 يوليو 2009

اذا يبتي طاري الدوانيه حمدالله والشكر

الناااااادره · 22 يوليو 2009

اذا طلبته فلوس ابسرعه يزعل ويعصب

مادري ليش هههههههههههههههههههههههاي ما يبيني اطلب يبيني كله ساكته لوووووووووووووووووووووووول

سفيرة السعودية · 22 يوليو 2009

amoonaa85 قال:
اذا يبتي طاري ربعه يتزعل ما ادري ليش

ولازم تخلينه يعيش دور انه عزوبي ما ادري ليش متزوج:eh_s(14):

كلامك مية بالمية

قرص عقيلي · 22 يوليو 2009

اذا زعلتي من اهله وشكيتيله

ام ثامر وطلال · 22 يوليو 2009

كثر الحنة تملل الزوج منج أنا عن نفسي حنانة وإذا بغيت مشوار أحن كل وقت لين قال لي مرة وتقول ليش ما تقعد عندنا والسبة طلباتج ما تخلص ( يعني قد ماتقدرين لا تكثرين طلبات وتحنين قمت كل أسبوع أو أسبوعين أطلع بشغلة )

الماسة · 22 يوليو 2009

هاي .... بنات ........... تخيلوا زوجي طب علي وانا اقرا هالموضوع ...

واصر على انه يشوف شنو اقرا وقعد يقرا ... وقال تدرين شنو الشي اللي

مايخلي الريال يمل هو انك تقومين تسوين لي مساج الحين ....خخخخخخخخخخخخخخ

باي اردلكم بعد شوي باسويله مساج........

العفاسيه · 22 يوليو 2009

انا بطييئه بالمشي واذا رحنا السوق يعصصب ويمل بسرعه

واي شي يتملل منه اتحاشاه مع انه يمللني بكل شي

الله يعين

غلا أحمد · 22 يوليو 2009

هاي يأحلا كويتيات م تزوجات انا اول مرة اشارك وانشالله بشارك على طول عجبني الموضوع حيل لان انا ماره في التجربة الزوج مايحب كثرة الحنة والعصبية والصراخ كثر ما نحن على ازواجنا يعاندون أكثر جربي لاتحنين وشوفي كل طلباتج مجابة من تجربتي :ggdw:

كويتيه شقره · 22 يوليو 2009

انا ريلي اول كاان دايم يراضيني لازعلت بس الحين صار يقولي انتي دلووعه وبصرااحه انا مليت !!!

@ام ضاري@ · 22 يوليو 2009

الماسة قال:
هاي .... بنات ........... تخيلوا زوجي طب علي وانا اقرا هالموضوع ...

واصر على انه يشوف شنو اقرا وقعد يقرا ... وقال تدرين شنو الشي اللي

مايخلي الريال يمل هو انك تقومين تسوين لي مساج الحين ....خخخخخخخخخخخخخخ

باي اردلكم بعد شوي باسويله مساج........

اخ لا تجبين طاري المسج ع طووول اصابعي شغاله بالمساج ولا حكي ظهري بعد اووف يومي والله

وانا اذا زعلت منه اروح لداري وانطشه ولين اهو يجي يتحرش عشان يطيح الحطب

عيون ظبيانية · 22 يوليو 2009

eman12 قال:
شوفي حبيبتى وايد اشياء :
1- الزعل وايد يخليه يبطل يصالح
2- الحنه علي شئ معين تخليه يكشت
3- لما تعودينه كل شهر تصبغين شعرج وتبين في كل مره يقولج حلو طبعا انسي لانج كثر ماتغيرين مايحس عن تجربه
4 - لما تعودينه انج تلبسين لبس معين بالبيت انا اقصد لبس عادي او حتي دايم تحطين مكياج بكل وقت
مارح يقولج هذا حلو ولا راح يلفت انتباهه
ووايد اشياء بس هذو اللي مروا ببالي

وياج بالراي:gathering:

ام حلومي · 22 يوليو 2009

الحنه تخلي الريال يمل
وكلمه مالي خلق تخليه يمل
يبيج دوم مبتسمه
وكلمه امي قالتلي وابوي قالي مايحب جذي
النكد بعد يخليه يطفر
يبيج دوم كاشخه ومبتسمه ماكو الا انحنط روحنه لؤؤل

حرم راشد الماجد · 22 يوليو 2009

مايدور عندي هالكلام
اذا زعل ذمبه على جمبه محد بيعبره لين بروحه ايي يراضيني
متسلطة لووووووووووووووووووووووووول

هديل الروح · 23 يوليو 2009

صج الحنه على رايس الريال تطفرة من عيشتة
والحمد لله انا مو من هالنوع والله يخلينا حق بعض ويخلي كل زوج لزوجته

um jojo · 23 يوليو 2009

انا من ناحيتي احس ان الريال يمل من :
1- كثرة الزعل ... يعني بيي يوم و ما يراضيج
2- يمل من كثر ما اهوه مجابلج يعني خليه يطلع و يروح حق ربعه .
3- يمل من ستيلج او ستايل شعرج يعني اذا كنتي كلا تسوين كيرلي كسري و سوي ناعم سوي عنقوص جذي لان الريال احب يشوف الشي الجديد بس مو بسرعة تغيرين عشان ما يمل
4- يمل من الروتين مو بس الريال حته احنه و كل الناس

بسايل الرشيدي · 23 يوليو 2009

للــــــــــــــــــــــــــــــــــرفع

شنو الاشياء اللي تخللي ريلج يمل....؟ دشوا و تعرفون :)

New member

New member

New member

New member

New member

New member

عضوه موقوفة

New member

New member

New member

New member

New member

New member

*مشرفة قسم الحياة الزوجية*

New member

New member

New member

New member

New member

New member

مشرفة قسم الحياة الزوجية