الحقووووووووووني خايفه من الزوجه الثانية &&&

شموخ الحلا · 6 يوليو 2009

قوة بنات شلونكم وشخباركم وعساكم طيبين ان شاء الله
:
:
:
:
:
:
:
:
اليوم اول مرة اكتب بالهقسم مع اني من المتابعات والردود

حبيت اسولفلكم عن قصتي ... انا متزوجه من سنتين ونص ... صارتلي ظروف جدا قاسية من اخو زوجي

منها السب والشتم ... والطرد ... وانا صبرت علشان عيون الغالي ... لاعلمت اخو ولا ابو ...

زوجي كانت ظروفه جدا صعبه ... وساعدته حيل .. لين تعدلت ظروفه ...وظحيت علشانه بحاجات كثيره

والحمدلله جبت ولد معاق ذهنيا ... بس هذي مو مشكلتي ...

المشكله هي وابي الحل يابنات ... ان المشاكل بيني وبين زوجي اكثرت صارت كل يوم تقريبا ... لين قام يهددني بالزواج

الثاني ..والسبب كله اخته .. دايم اتدق عليه تعال واهله برا الكويت .. وعلاطول مسافر .. ومهمل مواعيد ولده

والشي الثاني علاطول تاخذ فلوسه وهو يعطيهم بالهبل ولاهمه .. يتسلف عشانهم ... امس قلت خل اغير تفكيري

وبالطقاق فيه وفيهم ... وفعلا تصافت اقلوبنا ... بس للحين خايفه من شبح الزوجه الثانية مع ان الكل يشهد لجمالي ونظافتي

وذرابتي بس انا الي اوسوس .... خايفه منهم يزوجونه .. مثل ما اقدرو يغيرونه علي ...

امس بجيت عنده وذكرته بحبنا .. وكني شفت حبيبي الي فقدته من زمان ... بس للحين خايفه

وشلون اصرف نظره عن اخته .. تصورا كل ماجاب لامه خدامه اطردتها وخلته ايجيب غيرها

وغير وغير وغير

تكفون يابنات انا زهقت قولولي وش اسوي .. وشلون ارجع حبنا من جديد

|حنطاويه| · 6 يوليو 2009

انا ماقدر اقول غير الله يعيينج .. وخليج بقراءة القران وكثري من الدعاء ..

وماتدرين يمكن هاذا ابتلاء من الله ويبي يشووف صبرج ..
ماعليه حبيبتي صبري والله معااج .. بس لاتقولين حق اي احد من اهلج لاتطلعين اسرار بيتج برا ..
واذا عن اهله خلي تعاملج معاهم راقي وبأسلوب حلوو صدقيني في يوم راح يحسون ويندمون .. عشان اذا فكروا يزوجونه مايلقون لهم عذر .. خليج احسن منهم وارقى منهم .. ودايما خلي الكلمه الطيبه والحلوة والراقيه بعد على لساانج .. واهتمي في زوجج عشان مايقول او يفكر انج مهمله ! !
خلي كل اهتمامج في بيتج وريلج .. ولاتنسين خلي الكلمه الحلوة على لسانج في تعاملج مع اهله .. مثل مايقولون " الكلمه الطيبه مفتاح القلوب "

الله يعيينج .. وربي يهدي زوجج واهله .. ويوفقج ياارب ..

اتمنى اكون افدتج ..
عاد لاتنسيني بالدعاء

شموخ الحلا · 6 يوليو 2009

ياقلبي ياحنطاوية

عسا ربي يوفقج انشالله ويحقق كل ماتتمنين

ردج ريح بالي والله يسمع منج ويوفقج ويوفق كل بنات المسلمين ويوفقني مع زوجي

دعواتكم يابنات

بسمة خجل · 6 يوليو 2009

|حنطاويه| قال:
انا ماقدر اقول غير الله يعيينج .. وخليج بقراءة القران وكثري من الدعاء ..

وماتدرين يمكن هاذا ابتلاء من الله ويبي يشووف صبرج ..
ماعليه حبيبتي صبري والله معااج .. بس لاتقولين حق اي احد من اهلج لاتطلعين اسرار بيتج برا ..
واذا عن اهله خلي تعاملج معاهم راقي وبأسلوب حلوو صدقيني في يوم راح يحسون ويندمون ..خلج احسن منهم وارقى منهم .. ودايما خلي الكلمه الطيبه والحلوة والراقيه بعد على لساانج .. واهتمي في زوجج عشان مايقول او يفكر انج مهمله ! !
خلي كل اهتمامج في بيتج وريلج .. ولاتنسين خلي الكلمه الحلوة على لسانج في تعاملج مع اهله ..

الله يعيينج .. وربي يهدي زوجج واهله .. ويوفقج ياارب ..
اتمنى اكون افدتج ..
عاد لاتنسيني بالدعاء

فعلا كلام الاخت حنطاويه عين العقل

|حنطاويه| · 6 يوليو 2009

الله يسلمج .. بعد عمري والله ..
ونصيحه .. ديري بالج انج تسمعين بعض الردود اللي تفرق بينكم .. لاتهدمين بيتج بإيدج

اقري ردي مرة ثانيه ترا عدلته لوول ..

شموخ الحلا · 6 يوليو 2009

بسمة خجل تسلمين علمرور ياقلبي

حنطاوية وربي انج اصيله واوعدج اني احاول اصبر واريح نفسي من التفكير

والله لايحرمني منج

|حنطاويه| · 6 يوليو 2009

اي والله عفيه شموخ اصبري والصبر مفتاح الفرج تكفين لا تهدمين بيتج بإيدج تكفييين ..
ماعليه اصبري شوي واتعبي شوي عشان بالمستقبل يمكن ترتاحين صح ولا لا ؟؟
وخلي دايما الكلام الحلو والاسلوب الراقي بلساانج عند اهله وتعاملي معاهم باسلوب رااقي ..

واذا صار شي يديد قوليلي عطيني خبر ..

واتوقع مسأله الزوجه الثانيه كلها وسواس في وسواس

يلا عاد الحين ريحي نفسج وضحكي

اتمنى اكون افدتج ياقلبي

------------
عاد عطيني دعوة حلوة منج

بتبوتااا · 6 يوليو 2009

حياتي الله يصبر قلبج ان شاء الله صج خير تفعل شر تلقى

اهم شي ريلج وولدج ومالج شغل بالباجي ..

النور الهادي · 6 يوليو 2009

عيش أيامك عيش لياليك

لاتفكرين بالمستقبل بتتعبين
والله يهدي سركم ولا يغير عليكم وإن شاءالله بتكونين شاغله باله على طوووووووووول ومايفكر بغيرج

eman84 · 6 يوليو 2009

دامج صبرتي و تحملتي ربي باذن الله ماراح ينساج و يضيع تعبج جذي
وان شاء الله بتلقينها خير بدنيتج ياااااااااااااااااارب

ونصيحتي عيشي يومج ويازوجج و اهتمي بولدج و الباجي لاتحاتينهم دامهم اصلا بره الديره

شموخ الحلا · 6 يوليو 2009

حنطاوية

تصدقين اكبر غلط مني ما كتبت لكم ...

كنت دايم افكر واقول الكلام صعب يوصلني لكن لقيت كلامكم هو الي وصل

ياحياتي تقولين تكفين علشان ما اتحطم ويتحطم بيتي ... وغيرج قالي هذا مايستاهلج خليه وراح يجي الي احسن منه

تصدقين ... الحين حسيت ان عندي خوات وفيه ناس قلوبها نظيفه ..

اختي .. وحبيبتي .. اشكرك على كلامك الطيب وصدقيني راح اتذكره دايما دايما لانه اكيد بصبرني

ويارب يارب يرزقج بلي تفكرين فيه ويكثر خيركم ويصلح حالكم وعيالكم

يالبا قلبج

شموخ الحلا · 6 يوليو 2009

يتبوتا الله يعطيج العافية انشالله يارب ويديم السعاده عليكم

ويجريكم خير عن الكلام الطيب الي قلتوه لي

شموخ الحلا · 6 يوليو 2009

النور الهادي

الله يعطيج العافة ان شاءالله ويقبل منك يارب

راح ادعيلك دايم وبحاول ابعد الوسواس عني

ايمان 84

يكفيني دعوتج الصادقه الله يسمع منج ويكفيج شر الدنيا ومافيها

ويعطيج من غيرها

انتي وكل خواتي الطيبات الي ردوا علي

|حنطاويه| · 6 يوليو 2009

شموخ الحلا قال:
حنطاوية

تصدقين اكبر غلط مني ما كتبت لكم ...

كنت دايم افكر واقول الكلام صعب يوصلني لكن لقيت كلامكم هو الي وصل

ياحياتي تقولين تكفين علشان ما اتحطم ويتحطم بيتي ... وغيرج قالي هذا مايستاهلج خليه وراح يجي الي احسن منه

تصدقين ... الحين حسيت ان عندي خوات وفيه ناس قلوبها نظيفه ..

اختي .. وحبيبتي .. اشكرك على كلامك الطيب وصدقيني راح اتذكره دايما دايما لانه اكيد بصبرني

ويارب يارب يرزقج بلي تفكرين فيه ويكثر خيركم ويصلح حالكم وعيالكم

يالبا قلبج

حيااتي شمووخ .. شفتي يوم قتلج لاتسمعين الردود اللي تخرب بيتج .. << انا قصدت شي والحمدلله فهمتييه

والعفو حبيبتي انا ماسويت شي ..
انتي طيبـه وقلبج ابيض عشان جذي الله سخرلج ناس طيبـبين ..
يااحياتي والله مشكوورة على هالدعوة الطيبه منج وربي يوفقج يالغاليه ..
يالبا قلبج < اموت على هالكلمه :dddds:
لووووول

حصووونه · 6 يوليو 2009

اسمعيني ياقلبي دام ضحيتي وخذيتي الرجال وصبرتي عليه وعدلتيه وتعبتي عليه لاتفرطين فيه بسهوله لاتصدقين كلام الحريم قطيه وبتلاقين غيره ترى البيوت مترسه ملكات جمال وكل وحده تقول الزود عندي والحريم عاضين بالرياجيل بضروسهم امسكي رجالج وحاولي فيه لاتيأسين احفري بالصخر عشانه ولاتشمين فيج علانه وفلانه باجر لي تطلقتي منو بيراكض في وليدج المعاق من ديره لي ديره يعالجه على الاقل الرجال لو كان ماامنه فايده وعله وغثيث يبقى محرم وتحتاجينه بالحياه يسهل لج الكثير من الامور...امه وخواته دام برا الديره باذن الله الشر بره وبعيد ان بر فيهم هذيلا اهله لاتردينه وانا اختج والدنيا كما تدين تدان وخليه يروح لهم ويعطيهم مافيها شي بس اهم شي لايقصر معاج وانتي دلعيه واهتمي فيه اكثر وعلقي قلبه بالطفل اللي بينكم وربي يهديه يارب وانصحج بقيام الليل والدعاء والتضرع لربج لانه هو سبحانه بيفهم شكوتج وبيحس فيج وبيساعدج صدقيني لاتسمعين قول احد شي سويتيه وانتي مقتنعه كمليه للاخر وانتي قدها ان شاء الله..اكثري الاستغفار

حصووونه · 6 يوليو 2009

اي نسيت اقول لج اللي يخاف من العفريت يطلع له لاتفكرين بانه بيتزوج عليج ان سواها صدقيني هذا قدرج مكتوبج وحزتها لكل حادث حديث لاتعيشين في كأبه وانتي تترقبين شي يمكن يصير ويمكن مايصير وترى ياكثر اللي هددو وماسووها وياكثر الساكتين وخبط لزق ولا مدخلين حريم على بيتهم متزوجين يبه عادي عيشي حياتج وخليها للايام فديتج لاتشيلين هم كافي هم ولدج عسى الله يفك عوقه..

نــعــوومــه · 6 يوليو 2009

الله يهديه ويسخره لج

آجمل نسآء آلدنيآ · 6 يوليو 2009

آللـه يكـآفيــج شــررر كـل مـن نــآآآويــلج .. بشــــررر

..

و عســى ربـي يهـــدي لـج زوجـج و يســخـره

«قطـــر موطــني» · 6 يوليو 2009

ان شاء الله انها ظرووف وتعدي

وترا كثره المشاكل هي الي تفرق بالعلاقاات

تقبلي اي شي فديتج

ولما يجيج ريلج سوي له جو عشان يرتاااح ويشتاق انه يجيج

والله يكوون في عوونج وويوفقكم

سيدة الذوق · 6 يوليو 2009

اهل زوج عمرهم مايطهرون

واذا عن النظافه والكشخه في ناس قمه بالسنع وذرابه وخذوا عليهم يعني لاتخلين الشبح هذا يتعب صحتج ونفسيتج

جدتي تقول اميرات طوال الرقاب خذوا عليهم مايخذون علينا

يعني اميرات وجمال وسنع وذرابه وفلوس وجاه ويجي زوجها وياخذ عليها قرويه

خلج بحياتج واللي بيصير بيصير يعني زعلج هذا بياخر شي لالالالا

خلج بزوجج وحبيه وحبي عيالج وبس

الحقووووووووووني خايفه من الزوجه الثانية &&&

New member

New member

New member

New member

New member

New member

New member

**مشرفة قسم الحياة الزوجية**

New member

New member

New member

New member

New member

New member

New member

New member

New member

New member

New member

*مساعدة مشرفات تأخر الانجاب*

مشرفة قسم الحياة الزوجية

مساعدة مشرفات تأخر الانجاب