أرجو النصيحة من الأخوات العزيزات

مسائكم معطر بأريج الحب والإحترام

أنا متزوجة من تاريخ 1/8/2008، وعمري 36 سنة، وللآن لم يحصل حمل (الحمدلله)

علما بأنني أجريت الفحوصات الخاصة

وكل شئ جيد .. عدا السونار الداخلي لم اقم به

أرجو منكن النصيحة

قررت البدء بمراجعة دكتور نساء وولادة

من هو أو هي الأفضل لديكن .. مع جزيل الشكر والإمتتنان

الأمر ضروري جدااااااااااااااااااااااا

أنا في اليوم الثاني من الدورة ..

روحي حبيبتي عند فوزيه القطان اوناهض حماديه بالمواساة وايد زينين

هلا فيج عاشقه السهر انا اراجع عند دكتوره فوزيه القطان لانه اتعامل معاها ووايد زينه وشاطره وفاهمه ،،، واذا دكتور عندج منصور العرف وايد اسمع عنه و يمدحووونه ،، ولازم تسوين سونار داخلي علشان يشوفون عندج حجم البوويضات واذا عندج التهاب ولا لأ ،، وبالتووفيق حبوبه

مشكورة حبيبتي حورية عالنصيحة

والكل يمدح بالدكتورة فوزية.. فياريت أشوف راي الخوات بدكاترة غير

وياريت بعد اعرف اسعارهم

وشنو لازم اسوي بالضبط من تحاليل او اشعات او سونار

يعني كل شي؟؟




كل الحب حبيبتى

يم يمي قال:

هلا فيج عاشقه السهر انا اراجع عند دكتوره فوزيه القطان لانه اتعامل معاها ووايد زينه وشاطره وفاهمه ،،، واذا دكتور عندج منصور العرف وايد اسمع عنه و يمدحووونه ،، ولازم تسوين سونار داخلي علشان يشوفون عندج حجم البوويضات واذا عندج التهاب ولا لأ ،، وبالتووفيق حبوبه

أنقر للتوسيع...

هلا حياتي يم يمي

د. منصور العرف الكل يمدحا .. بس المشكلة وايد بعيد

فوزية القطان هم ممتازة بس المشكلة عندي بدوامي

صبح وعصر .. ومعظم العيادات دوامهم مثل دوامي

هذي مشكلة كبيرة عندي


كل الشكر على الرد

تحياتي ومحبتي

حبيبتي انتي اذا راجعتي الدكتووره هي تشرح لج كل شي
العلاج يبدي من ثاني يوم الدوره فيه تحليلين واحد تسوينه ثاني يوم او ثالث يوم الدوره هذا حق الهرمونات وواحد تسوينه بيوم 21 من الدوره حق التبويض
اذا بتعرفين بويضاتج صالحه للحمل والتلقيج تسوين سونار يوم 11 من الدوره

والله الكويت مترووسه دكااتره وكلهم شطار ماشالله

وموفقه ياارب

اهم شي تسوين تحاليل الهرمونات .. و وريهم الدكتوره تشوف مضبوطين ولا لا
و اشعة الصبغه .. و الاحسن منها المنظار ...لانه بالمنظار يبين اشياء ما تبين بالصبغه
انا الصبغه سويتها مرتين قالوا ما فيج شي بس لما سويت المنظار بين انه كان فيني لحميات زايده
الدكاتره ... يمدحون .. منصور العرف و اسامه صالحه و فوزيه القطان و باتريك بمستشفى لندن و ناهض
نصيحه .. العمر يركض .. أبدي بالتلقيح المجهري عند الدكاتره اللي قلتهم لج ...
كل فتره سوي تلقيح
ولا تيأسين
ناس كثيره نجحت عملياتهم بالمحاوله العاشره و 12
و خلي زوجج يحلل
و قدمي علاج للخارج و افتحي ملف بالصباح وحدة طفل الانبوب ... يعني سوي بالخاص و خليج مع الصباح الى ان يجي وعد العمليه لانها تجي بعد سنه تقريبا
الله يرزقكم و يرزقنا

ما دامج بثاني يوم للدورة بسرعة اليوم او بكرة سوي تحليل الهرمونات وسونار ثاني يوم الدورة
راجعي ماجدة اليتامى