قطرية كوول
New member
- إنضم
- 27 ديسمبر 2008
- المشاركات
- 1,204
- مستوى التفاعل
- 0
- النقاط
- 0
قووووه بنوتاااات
اليوم يبت لكم وصفه لذيذه بشكل لا يوصف
اتمنى تنفع الكل
اوكي يالله نبدي بالمقادير (هالمقادير تكفي 4 اشخاص وانتي تزيدين وتنقصين حسب الافراد)
ا ملعقة طعام زيت زيتون ( انا استخدم الزيت البخاخ من كريسكو احس بجذي نستهلك كميه اقل)
نص بصله مقطعه قطع صغيره
فص ثوم مدقوق
4 صدور دجاج بدون عظم وبدون جلد (اخذي المجمد بالثلاجات اسهل لج)
شوية ملح وفلفل اسود
نص كوب مرق دياي (ابتعدي عن الماجي المذوب بالمااااي خصوصا للبنات اللي يبون يخففون وزن.. اخذوا مرق سلق الدياي لو متوفر عندكم حزتها والاحسن انكم تخلونه يبرد بالثلاجه وبعدين تطلعونه بتكون طبقة الدسم متجمده فوق وبسهوله تنشال.. واللي مو حابه ممكن تستخدم مرق خضار يعني ماي مسلوق فيه خضااار)
والحين اهم شي ملعقتين الديجون مسترد اللي هو الخردل
الديجون من اشهر انواع المسترد الفرنسي ومعروووف بطعمه القوي اللاذع يميييي
_03BA: ولونه يكون ابهت شوي من الاصفر العادي
اللي ماعندها مو مشكله تحط المسترد الاصفر العادي الامريكي طعمه اقل حده وهم يوفي بالغرض
يعني كل وحده واللي تحبه
والمسترد مو دسم ولايمتن مثل الكتشب والمايونيز فلا تخاافون :ggdw:
معليه وانا اقول المقادير طولت وهذرت وتفلسفت بس اللي يطري على بالي اقوله ولا المقادير بسيطه والطريقه ابسط
الحين الطريقه:
بهري الصدور بالملح والفلفل الاسود وخليهم على جنب
هاتي مقلا تيفال ورشي شوي زيت زيتون على نار متوسطه وحطي البصل وقلبي لين يشقر
الحين زيدي الحراره شوي بين المتوسطه والمرتفعه وحطي الدجاج وخليه يتحمر على كل وجه لمدة دقيقتين
بعدها تضيفين المرق وتخلين الدجاج يستوي وتخلينه لين يقل المرق الى النص ويصير اثقل
اخر خطوه تضيفين المسترد وتقلبينه وعلى طول تشيلينه من على الفرن وتقدمينه
وبس
قدميه وتلذذي بالطعم يمييي
السموحه منكم طولت بالهذره ويمكن الشرح ما كان واضح بدون صور بس طريقته وايد سهله وسمبل
اي صح قبل مانسى شوفوا الجدول اللي يبين لكم كل السعرات الحراريه والفات وكل شي :eh_s(1):
اليوم يبت لكم وصفه لذيذه بشكل لا يوصف
اتمنى تنفع الكل
- تنفع البنوتات اللي يتبعون رجيم معين لأني مثل ما لاحظت اغلب الرجيمات تلقين وجبه تكون صدر دجاج مشوي
وانتي مليتي من الدجاج المشوي واذا دلعتي نفسج حطيتي سلطة ولا خضار سوتيه
سوي هالوصفه واستمتعي بالطعم وبسعراااات منخفضه
- تنفع البنات اللي يتبعون نظام حساب السعرات الحراريه لأني بالنهايه بحط لكم جدول يحتوي على عدد السعرات الحراريه
- تنفع البنات اللي يدورون وجبااات خالية من الكوليسترول :ggdw: وهذا من اهم النقاط الايجابيه اللي بالوصفه
- واخيرا تنفع البنات اللي يبون يسون عشا حلو ولذيذ ويشبع بس مايغث وبوقت سريع مايتعدى الربع ساعه
اوكي يالله نبدي بالمقادير (هالمقادير تكفي 4 اشخاص وانتي تزيدين وتنقصين حسب الافراد)
ا ملعقة طعام زيت زيتون ( انا استخدم الزيت البخاخ من كريسكو احس بجذي نستهلك كميه اقل)
نص بصله مقطعه قطع صغيره
فص ثوم مدقوق
4 صدور دجاج بدون عظم وبدون جلد (اخذي المجمد بالثلاجات اسهل لج)
شوية ملح وفلفل اسود
نص كوب مرق دياي (ابتعدي عن الماجي المذوب بالمااااي خصوصا للبنات اللي يبون يخففون وزن.. اخذوا مرق سلق الدياي لو متوفر عندكم حزتها والاحسن انكم تخلونه يبرد بالثلاجه وبعدين تطلعونه بتكون طبقة الدسم متجمده فوق وبسهوله تنشال.. واللي مو حابه ممكن تستخدم مرق خضار يعني ماي مسلوق فيه خضااار)
والحين اهم شي ملعقتين الديجون مسترد اللي هو الخردل
الديجون من اشهر انواع المسترد الفرنسي ومعروووف بطعمه القوي اللاذع يميييي
_03BA: ولونه يكون ابهت شوي من الاصفر العادياللي ماعندها مو مشكله تحط المسترد الاصفر العادي الامريكي طعمه اقل حده وهم يوفي بالغرض
يعني كل وحده واللي تحبه
والمسترد مو دسم ولايمتن مثل الكتشب والمايونيز فلا تخاافون :ggdw:
معليه وانا اقول المقادير طولت وهذرت وتفلسفت بس اللي يطري على بالي اقوله ولا المقادير بسيطه والطريقه ابسط
الحين الطريقه:
بهري الصدور بالملح والفلفل الاسود وخليهم على جنب
هاتي مقلا تيفال ورشي شوي زيت زيتون على نار متوسطه وحطي البصل وقلبي لين يشقر
الحين زيدي الحراره شوي بين المتوسطه والمرتفعه وحطي الدجاج وخليه يتحمر على كل وجه لمدة دقيقتين
بعدها تضيفين المرق وتخلين الدجاج يستوي وتخلينه لين يقل المرق الى النص ويصير اثقل
اخر خطوه تضيفين المسترد وتقلبينه وعلى طول تشيلينه من على الفرن وتقدمينه
وبس
قدميه وتلذذي بالطعم يمييي
السموحه منكم طولت بالهذره ويمكن الشرح ما كان واضح بدون صور بس طريقته وايد سهله وسمبل
اي صح قبل مانسى شوفوا الجدول اللي يبين لكم كل السعرات الحراريه والفات وكل شي :eh_s(1):
