شافين البحر شو كبير----بحبكن اده اطباقي البحريه بالصور

الحالة
مغلق و غير مفتوح للمزيد من الردود.
ريم الصبايا

ريم الصبايا

New member
إنضم
25 نوفمبر 2008
المشاركات
7,397
مستوى التفاعل
0
النقاط
0
العمر
42
الإقامة
بقلب زوجي
السلام عليكم ورحمة الله وبركاته


اليوم كان عندي ضيوف وحبيت غير من الروتين بالاكل

تعالو معاي شوفو شنو سويت لهم


ماشاء الله تبارك الله

مشخول عيش بالرمان+سمك صافي مقلي






المقادير والطريقه:

-سمك صافي نظفته وتبلته ب(ليمون-خل -ملح-بهارات-صلصة صويا)لمدة ساعتين

-شوحت جوانح بصل وشرايح فلفل باردبشوية زيت بعد مااذبلت حطيت عليهم رمان ناشف
وبهارات مشكله وملح وقلبتهم حتى تجانسو ورشيتهم بكزبره مفرومه
-شخلت العيش وحطيته فوق الحمسه ورشيته بشوية زيت وليمون وزعفران
-حطيته على نار هاديه حتى نضج وقدمته مع السمك المقلي




الربيان المحشي







المقادير
ربيان ويفضل جامبو
ملعقتين جبن كرافت سايل
ملعقة مايونيز
كزيرة مفرومة
رشة فلفل اسود
مكعب ماجي
ثلثين اصبع زبدة
4 فصوص ثوم مفرومين فرم نااااعم

الطريقة
يغسل الجمبري ويفتح من الظهر من غير مانشيل القشر بعد مانشيل خيط الظهر وينظف بالماء والليمون والملح ونراعي اننا نعمق الفتحه عشان نحشي الجبن في هالمكان
نحضر الحشوة
(( الجبن والماينيزو والكزبرة ورشة الفلفل الاسود ))
ونحشي الربيان ونصفهم بصينية بايركس
ونجهز صوص الزبدة
(( في مقلاة صغيرة نذوب الزبدة ونحط معها الثوم ومكعب الماجي الى ان يتحمر الثوم))
ونحط صوص الزبدة فوق الربيان ونغلف الصينية بقصدير ونحطه بالفرن ثلث ساعة

وقدميه حسب ذوقج انا قدمته
فرشت الحن بالكزبره المفرومه وحطيت الربيان وبالوسط شيبس مقلي رشيته بالكاتشب

وزينت الصحن بشرايح الليمون


وبالعافية




الربيان المشوي




المقادير والطريقه:

-نظفت الربيان وشلت الخيط الاسود وخليت الذيل
وتبلته (بليمون-ملح-خل-بهارات مشكله-صلصة صويا)
وخليتها بالتتبيله ساعتين
-شكيت الربيان باعواد الشوي مع مكعبات الفلفل الباردوالبصل

-حطيتهم بصييه مدهونه ودخلتها الفرن مع الاسمرار بتقليب الربيان حتى نضج

-قدمته مع الشيبس وزينته بالبقدونس والليمون




المحار بالصلصه






المقادير والطريقه:


-نغلي المحار بالماي ربع ساعه

-نشوح جوانح البصل بشوية زيت بعد ماتذبل اضيف لها المحار بعد ماشخلته
-اقلب المقادير مع بعض واضيف لها بهارات جاينيز
-واقلب-اذوب قفشتين طحين بكاس ماء واضيفها للمحار واخليها
على نار هاديه حتى تثخن قبل ماسكر عليها ارشها بعصير ليمون والملح
-عند التقديم رشيته بالبقدونس وزينتها بشرايح ليمون




سلطة فتوش





المقادير والطريقه:


-خس-طماط-جزر مبشور-خيار بقدونس-بربير مقطف- زيتون اخضر شرايح خبز مقلي
الصوص
-ليمون-ملح-زيت زيتون-سماق


انتي وشطارتج بطريقة التقديم




سلطة البيوقلز





المقادير والطريقه:


-خس شرايح

-ذره -حمص حب
-توضع طبقات وترش بصوص الرانش الجاهز او(روب-طحينيه-مايونيز-ليمون-ملح)

تزين بطاط البيوقلز بنكهة الجبن
وقدميه حسب راحتج




سلطة السوتشي





المقادير والطريقه:


-خيار شرايح طوليه خفيفه

-زهره مفككه صغار مقليه-جزر مبشور-ملفوف شرايح رفيعه نتبلهم بفلفل اسود وملح

-ناخذ شريحة خيار ونحشيها بالخلطه ونلفها بشكل اسطواني ونثبتها بعود اسنان

-بعد ماننتهي من الكميه نرصها بصحن التقديم ونزينه حسب ذوقنا
-نرشها باي صوص رانش او البرتقالي او الايطالي او حسب رغبتنا


وعليكم بالعااااااااااااااافيه









واخيرا

ماننسى الحلى العصريه مع القهوه


حلى السميد







المقادير:


-(أ)كاس سميد-كاس حليب مطحون

-(ب)بيالة جوزهند-ملعقه كبيره بكنج بودر-بيضه-علبة قشطه-نص كاس زيت-كاس سكر
-(ج)علبة حليب نستله كبيره-4كيري-ظرف كريم كرامل

الطريقه:

-نحمس مقادير (أ)على نار هاديه حتى تشقر
-نخلط مقادير (ب)بالخلاط ثم نضيفها الى مقادير(أ)ونحطها بصينيه مدهونه
-نخلها الفرن حتى تنضج
-نخلط مقادير(ج) بالخلاط ونطهم فوق الصينيه ونرهم للفرن حتى تتماسك
بعد ماتتماسك ندخلها الثلاجه تبرد وتقطع وتقدم












وماننسى نقدمها مع






وهذا لاول وحده تشرف موضوعي

مع قطعة حلى

وماتنسوني من دعواتكم الحلوه

وردودكم الروووووووووووعه​
 
التعديل الأخير:
bambena

bambena

New member
إنضم
11 نوفمبر 2005
المشاركات
19,744
مستوى التفاعل
0
النقاط
0
الإقامة
Beladina el7ilwa
ماشالله تبارك الرحمن اطباقج حلوه ويديده تسلم ايدج

ماتعزميني باجر غدا وعقب باجر عشا !؟

:)
 
ج

جارة القمر

**مشرفة قسم مائدتك**
إنضم
2 أبريل 2005
المشاركات
64,020
مستوى التفاعل
5
النقاط
0
العمر
46
ماشاء الله


تبارك الرحمن



تسلم هالأيادي



والله يعطيج العافيييييييييييييية


أبصراحه


ابداع
 
Miss-LuLu

Miss-LuLu

*عضــوة شرف في منتديات كويتيات*
إنضم
24 أكتوبر 2008
المشاركات
8,085
مستوى التفاعل
18
النقاط
0
الإقامة
Kuwait
لا مابي الحلو والقهوه


ابي الربياااااااااااااااااااان واي عذاب


تسلم ايدج حبيبتي
 
كادي سويت

كادي سويت

New member
إنضم
21 أبريل 2008
المشاركات
1,254
مستوى التفاعل
0
النقاط
0
حسافة طافتني القطعة وايد شغلج يهبل ماشاء الله عليج
 
A7bni_1

A7bni_1

New member
إنضم
22 يناير 2009
المشاركات
1,070
مستوى التفاعل
0
النقاط
0
الربياان يشهههههي ..

تسلم ايدج
 
ا

الوكيله

New member
إنضم
9 يونيو 2009
المشاركات
4
مستوى التفاعل
0
النقاط
0
ماشششششششششششششششششششششششششششششششششششاء الله تبارك الله خطييييييييييييير::ggdw:
 
حواء الكون

حواء الكون

New member
إنضم
7 يونيو 2005
المشاركات
6,706
مستوى التفاعل
0
النقاط
0
الإقامة
عمري كله الكويت
تسلم الايااااادي

صراحه اشتهيت المحار

ماتدرين من وين احصله ؟ اهوا وبلح البحر

من وين اشتريتيه حبوبه وتسلمييييييين

:)
 
الحالة
مغلق و غير مفتوح للمزيد من الردود.
أعلى أسفل