خشم ولدي كله يطــــــــلع دم :(

بتبوتااا · 7 يونيو 2009

السلام عليكم ورحمه الله وبركاته

عندي ولدي عبدالله عمره 4 سنين ونص ومن واهو صغير خشمه كله يطلع دم اذا كح كحه يطلع دم واذا عطس دم واذا نط دم
واذا احد حاشه دم

وديته قبل سنه دكتور وسويت له تحاليل وكل شي قالي مافيه شي او يمكن يحتاج كوي ومادري شنو

ريلي خاف قال صغير على العمليات وجذي ..

الحين انا متلعوزه معاه من شهرين لي اليوم يمكن يوم وترك كله دم ولمن يقوم من النوم دم على الفراش من خشمه

مادري شسوووي ووين اروح اخاف اروح خاص يلعبون فيه وهم اخاف اروح حكومه يلعوزونه

والي خلاني اكتب الموضوع لاني زهقت توه قاعد يكلمني ومره وحده خشمه فيضان دم !! جذي بروحه !!

يبته ونومته وحطيت كلينكس ودم ما وقف لمن صعدت راسه وبس ينزلهاا ينزل مع قطع وحيـــــل

شسوووووووووووووي ومنو نفس حالت ولدي ؟؟؟

شنو الحــــــــل طلبتكم !!؟؟

ابي اعرف اذا وحده من عيالهاا صار فيهم جذي وين راحو وشنوو سووو؟؟؟

giuo · 7 يونيو 2009

والله حبيبتي مادري شقولج مالى الا انج تودينه الطبيب و صار معاه هل الشي انا اشوف امي اول كله ترفع راس اخوي واهو على حظنها

وانشاء الله بيساعدونج البنات

ارض الاجواد · 7 يونيو 2009

هلا قلبي كا عليه شر انشاء الله
انا واخوي من كنا صغار واحنا من اي شي ننزف وتقوم امي تحط ادينها على صوب فتحة الدم ونرفع راسنا وكانا احنا الحين الي بالعشرينات والي بالثلاثينات نصيح حبيبتي على اتفه الا سباب يروح فيها خليها على الله
وصج حتى ولد اخوي كله جذي سوله تحاليل وقلوله ماكو شي والحمد لله الياهل مافيه شي

mooomooo · 7 يونيو 2009

كيفك بتبوت

انا ولدي بعد نفس الشي من يينا الصيف واهوا جذيه مرات يقعد من النوم بليل عشان الدم

بس مرت حماي قالتلي عادي لان بنتها كانت حذي

دام مافيه الا العافيه لا تحاتين و تخترعين

اذكر مره الهادي عطونا كريم بس عادي

ماتشوفون شر ان شاء الله

mooomooo · 7 يونيو 2009

حذي = جذي هههههههه

mooomooo · 7 يونيو 2009

تدرين شنو اسوي انا مارفع راسه مادري ليش يتراوالي هذا دم فاسد ولازم يطلع كله ههههه

امسك خشمه من فوق واضغط عليه واخليه يطلع الدم اللي بخشمه كله وبس

كوارين · 7 يونيو 2009

مفس مشكلة بنتي بالضبطونفس عمرها
كل يوم معاناة اتقعد تصارخ واهي نايمة نافورة مو دم

ويهها صار اصفر مسكينة

بتبوتااا · 7 يونيو 2009

giuo قال:
والله حبيبتي مادري شقولج مالى الا انج تودينه الطبيب و صار معاه هل الشي انا اشوف امي اول كله ترفع راس اخوي واهو على حظنها

وانشاء الله بيساعدونج البنات

اهلين حبيبتي انا وديته وقالولي لازم كوي وبنت حماتي جذي بعد وخفــت بصراحه يلعبون فيه بروحه معصقل

ارض الاجواد قال:
هلا قلبي كا عليه شر انشاء الله
انا واخوي من كنا صغار واحنا من اي شي ننزف وتقوم امي تحط ادينها على صوب فتحة الدم ونرفع راسنا وكانا احنا الحين الي بالعشرينات والي بالثلاثينات نصيح حبيبتي على اتفه الا سباب يروح فيها خليها على الله
وصج حتى ولد اخوي كله جذي سوله تحاليل وقلوله ماكو شي والحمد لله الياهل مافيه شي

الحمدلله انا بس احاتيه ووايد والله اهو بروحه مسكين تعقد عسى ما حاشه شي حط ايده على خشمه يججيك اذا في دم ولا لاا

mooomooo قال:
كيفك بتبوت

انا ولدي بعد نفس الشي من يينا الصيف واهوا جذيه مرات يقعد من النوم بليل عشان الدم

بس مرت حماي قالتلي عادي لان بنتها كانت حذي

دام مافيه الا العافيه لا تحاتين و تخترعين

اذكر مره الهادي عطونا كريم بس عادي

ماتشوفون شر ان شاء الله

مومو يااقلبي شلونج لج وحشه والله وينج غاطه مو مبينه؟؟

انا عطوني كريم لولدي واحط له منه بس المشكله بالدم الي من اي شي يطلع والله بروحه ضعيف نتفه :\

وشر ما ايلج ياقلبي وعلى البدليه عادي كلنا بالهوى سوى :dddds:

كوارين قال:
مفس مشكلة بنتي بالضبطونفس عمرها
كل يوم معاناة اتقعد تصارخ واهي نايمة نافورة مو دم

ويهها صار اصفر مسكينة

حياتي والله ما ادري شسوي من اشوفه جذي اقول بوديه وماكو حل غير الكوي وسمعت شكثر سوو وما فاد معاهم :\
ابي وحده جربت كوي ومكان زين حتى لو خاص مو مشكله بس تكون واثقه فيه :\

@Miss Dio@ · 7 يونيو 2009

قوه يا حلوه
شوفي انا كنت بالضبط نفس ولدج ومخدتي أذكر كلها دم ظليت لين عمري 20 وانا حامل واتصير لي هالاعراض وبروحها وقفت كنت احط ثلج وارفع راسي
زوجي نفس الشئ بس لما كبر وهو يدرس بكليه الشرطه وسوو له كوي تدرين شنو كوي اسمه يخرع بس اهو الهيدروجين البارد يحطونه بعصايه وداخل الخشم ما تحسين فيه وويقف بكل بساطه جنه ثلج
انا قلت لج عن تجربتنا انا وزوجي بكل الحالتين الوضع طبيعي

بتبوتااا · 7 يونيو 2009

زين طمنتيني يااقلبي انا مره مسويه كووي على جرح الولاده بس مادري انه كوي تصدقين !!

اذا المسأله سهله اوديه وان شاء الله افتك من هالسالفه حيل مأزمتني :\

المنظره العجيبه · 7 يونيو 2009

حبيبتي انا بنتي جذي من تلعب بالجو الحار ينزف خشمها
وديتها الصباح الطواري وسوولها كي بارد مثل ما قالت الاخت ماده مثل الثلج تنحط بعود ويحطونها بخشمها
والحمد لله بس تقريبا كل صيف يرجع ينزف خشمها ونرجع نسوي الكي مره ثانيه

شوشه العسوله · 7 يونيو 2009

اولا ما يشوف شر حبيبي الغالي ولدج
عادي ياقلبي انا سويت حق بنتي كي بارد بالطواري ما اخذ مني وقت بس الحمدلله ارتحت بعدها

بــدويه · 7 يونيو 2009

أنــا كنت جذي أختي .. كان خشمي كله يصب دم وكنت متلعوزه تخيلي حتى وصلت ثالثه ثانوي ولازالت المشكله مستمره .. بس خفت طبعا .. عقب ماصرت بالعشرين
أول مآ يمر أسبوع إلا صاب خشمي وعقبها من شهر وبعدين من سنه واللحين نادر ..
بس السبب كان دمي زايد جدا وفيه حديد بنسبه كبيره ..
فا قمت اتبررع بالدم من فتره لفتره لبنك الدم.. والحمدلله ماشي حالي

أنفاسي دخون · 7 يونيو 2009

ما يشوف شر ان شاء الله

والله ما عندي فكرة ان شاء الله البنات يفيدونش بس احسن شي تروحين اكثر من دكتور وضعه مو طبيعي بسم الله عليه

ما حبيت اشوف موضوعش وما ارد عليش

78MariMar78 · 7 يونيو 2009

ماشاءالله البنات ما قصروا
وربي يشفي أولادكم

بتبوتااا · 8 يونيو 2009

تسلمون حبيباتي ما قصرتوو ياارب :tek:

LADY~O$CAR · 8 يونيو 2009

قوه بنات

ترا انا بعد اخوي نفس الشي
بس امي دايما تقول لا ترفعون راسه موزين كلش

عشان الدم ماينزل على الرئه

ام عيالها الغاليين · 8 يونيو 2009

أنا ولدي كان تقريبا جذيه ووديته حق الدكتور عبدالله العلي طلع مع ولدي انحراف بالغضروف والحين كل سنه تقريبا نسوي له كوي

وقال إذا تم جذيه نسوي له عملية لما يصير عمره 17سنه

بتبوتااا · 9 يونيو 2009

لميس زين قلتيلي بس مرات انزل راسه

ام عيالههاا !!

الطبيب قال شعيرات مادري شنوو ويمكن غضروق اخاف اهو نفسه ؟!

مي الصغيره · 9 يونيو 2009

انا ولدي نفس الحالة ونفس عمرة بس اشوى شوي من ولدج قالولي يبي كوي بس رحت للخاص المواساة عند دكتور انف و حنجرة اسمه صادق اخذت منه جل وشراب حساسية قال عشان ينشف الدم شوي و الحمدلله احسن من اول
حرام يخسر دم ولدج جذي انا ولدي كان يزيد علة بالصيف و ينزف ليمه يترس الفوطة حرام مو زين جذي يخسر دم
و الكوي ليزر مو جراحه و الله يشفينا امييين

خشم ولدي كله يطــــــــلع دم :(

**مشرفة قسم الحياة الزوجية**

New member

New member

New member

New member

New member

New member

**مشرفة قسم الحياة الزوجية**

New member

**مشرفة قسم الحياة الزوجية**

New member

New member

New member

New member

New member

**مشرفة قسم الحياة الزوجية**

New member

New member

**مشرفة قسم الحياة الزوجية**

New member

مشرفة قسم الحياة الزوجية

مشرفة قسم الحياة الزوجية

مشرفة قسم الحياة الزوجية

مشرفة قسم الحياة الزوجية

مشرفة قسم الحياة الزوجية