حبيبتي الله يوفقج يارب
بس بغيت افيدج إن إنت مخلصة من ثانوية عمة او مقررات لان في فرق
إذا مخلصة ثانوية عامة تعيدين بس الثاني عشر ( رابعة ثانوي )
إذا مخلصة مقررات تعيدين الحادي عشر والثاني عشر ( ثالثة ورابعة ثانوي )
وأنصحج مسائي مثل الاخت إلي فوق على شان توزيع الدرجات
بس إذا انتي موظفة انصحج بمنازل لان راح تتعبين وايد
وأنا على فكرة مثلج مخلصة بعد الثانوي وعندي دبلوم
ومفكرة اكمل بجامعة الكويت
وللأسف لازم اعيد حادي عشر وثاني عشر لاني مقررات
وإن شاء الله من السنة الياية على ما اخلص ثالثة ورابعة اكون متوظفة صار لي 5 سنوات واخذ تفرغ دراسي براتب كامل
والله يوفق الجميع
انا عدت المنازل مرتين قبل لا يغيرون النظام..
وكنت بعيده للمره الثالثه بس ما عرفت حق النظام اليديد
لإن قالولي في رسم والعاب اجباري واشياء يبيلها حضور
وانا صراحه مكمله دراستي اللحين وتعبت.. ضيعت سنتين من عمري وانا اركض ورا طموحي وما حققت شي؟!
من البدايه من تخرجت كانو يقطوني بأي مكان يوم كنت اقدم بالتطبيقي 3 مرات غيرت مكاني اسحب اوراقي واقدم
وماكنت ابي .. كنت ملزمة جامعه الكل ينصح فيني بسج اقتنعي غيرج مو حاصله
مادري صكوني عين اعوذ بالله اعتفس كل شي بس تي الإمتحانات كل البلاوي تصير فيني
استغفرالله العلي العظيم .. الله الله ربي لا اشرك به احدا
!ليلحين كلما اتذكر السالفه تصير فيني أزمة نفسيه!
لأني انا وحده طموحه مااحب انقط بمكان ما أبيه! وتخصص مو عاجبني!
انا مو نظام ادش الجامعه عشان ينادوني جامعية ولا ابي افتك من الثنويه واخذ دبلوم عشان اشتغل وبس نفس تفكير العامه؟
للأسف الله ما كتبلي.. مع ان اللي ابالي شي كبير واني اوصل لهدف بحياتي .. بس قدر الله وماشاء فعل والحمدلله على كل حال..
شدو حيلكم خواتي والله يوفقكم وديروا بالكم لا تغلطون غلطتي..
قلت سالفتي يمكن تستفيدون من تجربتي !
شوفي حبيبتي ...
انتي ما شا الله عليجـ مبين عندجـ طموحـ وان شا الله بتوصلييين لهدفجـ ...
وانا بصرآحهـ انصحجـ بالمسآئي لانجـ تقدين تجمعييين درجآت من بدآيهـ السنهـ اسهل لجـ عرفتي ...
بس انا والله ما اعرف شلووون نظآمـ علشآن تعيدن السنهـ انتي روحي ساليهمـ احسسسن
وانا اعرف بنآت ما شا الله عليهمـ متزوجآت وعندهمـ عيآل ومسؤوليآت ويدرسوون مسآئي عـاد انتي نظمي وقتجـ وان شا الله الله يوفقجـ ...
واتمنى اني فدتجـ ...
وموفقهـ ان شا الله
