سر من اسراي الجماليه..لعيون الكويت واهلها

بصراحة انا كان لي حرب ضروس مع اسناني وماخليت شي ماجربته وعلى فكرة اسناني مو صفراء لكن كان يغيرني بياض اسنان الفنانات الاجنبيات وسويت ليزر بلازما الضوء ب1200 ريال حلو بس مشكلته سنة ونص رجعت اسناني زي قبل..وفنانات الخليج زي مثلا حليمة بولند اسنانها جنان يستخدمون تلبيس سيراميك وطريقته انه يكحت جزء من السن يعني يشال طبقه من السن ويوضع عليه تلبيس اسمه سيراميك مساؤه اكثر من محاسنه والسبب انه تخييلي يشيلوا طبقه من السن وبالتالي يصبح ضعيف وهش والشي الثاني التلبيسه السيراميك بعد عدة سنين اطرافها يتحول لسواد ويطلع منها ريحة كريه والفنانات ماعندم مشكله معاهم فلوس بتشيل التلبيسه السيراميك وتحط ثانيه لكن احنااا راح نتعب لانه تخيلي بعد كم سنه راح تضطري انك تشيليهااا بسبب ريحة الكريه وبسبب سواد السن وفلوسك تطير وعلى فكرة التلبيس السيراميك السن الواحد 200 ريال..وشفت بنات كثير تندموا انهم سوا السيراميك للاسنان..المهم انا اشوف المواقع الاجنبيه لان بناتهم عندهم حركات كثيرة حلوة زي طريقة تشقير الجسم وةطريقه عمل الشعر وانا في احد المواقع طحت على طريقة لتبييض الاسنان يستخدمونهااا كل من بيونسيه وبراد بيت وانجلينا وتخلي اسنانك بيضا بياض الثلج..وجربتهاا انا لي 6 شهور عليها الكل يسالني عن اسناني لدرجة اني خفت ان الناس تعطيني عين ويحسدوني المهم الطريقة فيه بالفيديو وحدة اجنبيه تشرحهااا باللغه الانجليزي وهذا الرابط انسخيه حطي لصق
How To Get Really White Teeth (bleaching - whiteningواللي زي ماتعرف لغه انجليزي راح اشرحهاا بالصور. الادوات:جل للتبيض الاسنان من بلس وايت لازم المعجون ذا لاتجيبين غيره اسمه plus white 5 minute speed whitening gel وقيمته 7 دولار


(على فكرة انا من القصيم مادورت بصيدليات السعوديه لان خالي رايح لامريكا وجابه معاه يعني دوره بالصيدليات)
وشي بلاستيك للاسنان يستخدمونه الملاكمين واللاعبين اسمه toothpicse
وقيمته 2 دولار وبس

الطريقة اول شي:1-تجيبين مويه دافيه وتحطين فيها البلاستيك حق الاسنان لمدة خمس ثواني بس عشان تلين البلاستيكة لاتخلينها اكثر من كذا.

2-بعض الاحيان يجي شي زايد مع البلاستيكة حقت الاسنان بعد ماطلعينها من المويه قصي الزايد

وبعض الاحيان تجي البلاستيكة من غير الزايد ذا يعني انت حاولي تشتري البلاستيكه حقت الاسنان من غير القطعة الزائده ذي اذا مالقيتي الا الشكل هذا اللي فيه قطعة زائدة قصي الزايد بعد ماتطلعينها من المويه...
3-واول ماتطلعي البلاستيكة من المويه على طول اخذي الجل حق التببيض الاسنان وحطي طبقه على اسنانك منها وحاولي تمسحين من كل الجهات حتى الفراغات حاولي تدخلي الجل فيها اتوقع فهمتوني يعني امسحي على سطح السن وداخل الفراغات بعدين حطي البلاستيكه وانتي تحطين البلاستيكه اخذي شهيق قوي عشان تثبت ومايصير فيه فراغات بالسن ((شوفي الفيديو تلاحظون البنت تاخذ شهيق )بعدين خليه لمدة 10دقايق الجل مكتوب عليه خمس دقايق لكن انا اخليها لمدة 10 دقايق ولاصار شي والبنت الاجنبيه اللي بالفيدو تقول بعد انهاا تخليه 10 دقايق وماضرهااا)....بعد العشر او الخمس دقايق شيلي البلاستيكة وجيبي فرشه بس من غير معجون وفرشي اسنانك عشان يطلع بقايا الجل.
4-مدة الاستخدام:مرتين يوميا لمدة اسبوعين وبعد كذا...خليه للحاجة يعني اذا صار فيه مناسبه سوي الطريقه ذي..حبيت انبه مدة الاستخدام لمدة اسبوعين بس لاتسون اكثر من كذا بس اسبوعين عشان ماتجي وحدة وتقول اسناني صارت حساسه او حسيت بالم بس لمدة اسبوعين وبعدين خليهاااا اذا صار عندكم زواج او مناسبه ..انا استخدمتها لمدة اسبوعين وبعدين صارت اسناني بيضا وجلست تلات شهور رجعت واستخدمته مرة ثانيه وعلى فكرة بعد الاسبوعين استخدمي معجونك العادي عشاان تحافظي على اسنانك مو تجلسين بعد الاسبوعين ماتفرشين اسنانك ولاشي يعني عادي استخدمي معجونك العادي اللي هو كرست او سيجنال...
5-بعض الاحيان تلقون الجل المبيض والبلاستيكة في علبه وحدة ينباعون مع بعض ومعاهم جل ازرق هذا يحط لتهيئه الاسنان قبل وضع جل التببيض لكن انااا ماستخدمته ولاحطيته حاذفته بالدرج يعني بس الجل المبيض والبلاستيكة اما الازرق ذا ماحطيته وهو ماله فايدة بس تهيئه للاسنان قبل وضع الجل. المبيض والبلاستيكة والجل الازرق بعلبه وحدة تباع ب11 دولار الظاهر.]


والمشرفات اللي يعرفون ينزلون الفيديو هنااا عشان يكتمل الموضوع والصور ياليت ينزلونها هنااا على طول

والنتيجة مضمونه بلاخلطات بلا خرابيط الخلطات مؤقته وذبحتنا
اتمني تدعولي بالنجاح والتوفيق ويسخر لي زوجي ومااحلل اي وحدة تنقل موضوعي من غير انها تقول انه منقول ياكثر ماللقي مواضيعي ولاحتى يتكرمون ذكر اسمي..الموضوع ذا فاد كثير بنات وزميلاتي وحل مشكله وحدة زوجها كان بيتزوج عليها بسبب ان اسنانها صفراااا....بنات الله الله بالردود الزينه وثبتوا موضوعي او طالبوا بالتثبيت

موضوعك يجنننننننننننننن تسلمين حبيبتي
الله يوفقك ويسخر زوجك ومايشوف غيرك..

جزااااااااااج الله الف خير وماقصرتي غلاتي

جزاك الله خير بس ما ادري هالمعجون موجود عندنا بالكويت ولا لأ

الصور طالعه ومشكورة وجزاج الله خير

شكرا

مشكووووره على الافاده

مشكوره على المعلومات المفيده انا رفيجتي مسويه بقيمه 2000 دينار بالكويت والله حرام فلوس الي دفعته لا بعد نصف اسناني يهشونه

شكرااااااااااااااااااااااا

ميرسسسسسسسسسسسسسسسسسسى

بنات الرياض اللي تحصل المعجون تقول اي صيدليه ضروري ..

مشكورة ميمي



متلثمة بدورة في السعودية واقولك

مشكوره فديتج

مشكووووره

تسلم ئيدج حبيبتي مشكوره على الافاده

شكرا الغاليه على طرحج الرائع


تقبلي مروري

مشكوورة ويعطيج العاافيه

والله يسخر لج زوجج

نفوطه قال:

مشكوووووووووووورة بس هذا يخلي الاسنان حساسه حتى لو اسبوعين لان فرق ترى بين شخص واشخص ثاني انا سويت ليزر بالميدان ب70 والحمدلله النتيجه كانت زينه بالدبدايه بس عقب رجع اللون بس مونفس اول لا يعني طبيعي اللون صار

أنقر للتوسيع...

لا حبيبتي هذا اذا سويتي نفس الطريقة اللي انا قلتها مايسبب حساسيه لاسنان وعلى فكرة اسناني حساسه زمان اذا فرشتها بالفرشاة الللثه يطلع منا دم ومع ذلك استخدمت المعجون هذا والبلاستيكة ولاحصل شي.......وحبيبتي النتيجة كذا:ggdw: الكل بيسالك عن اسنانك.................