Lady-_-fushia
New member
- إنضم
- 8 سبتمبر 2008
- المشاركات
- 580
- مستوى التفاعل
- 0
- النقاط
- 0
السلام عليكم ورحمة الله و بركاتهشلوووونكم بناتنا الحلوات:tek:
اول شي ادري العنوان يخرع و يمكن كل وحده بتدش تزفني هههههههه:eh_s(6):
بس سمعوني و ان شاء الله الكل بيستفيد
انا عروس حالي حالكم و قاعده احوس بالمنتدى صارلي جم اسبوع ادور صالون يناسبني لتسريحه العروسه والمكياج و اسال و استفسر
وماشاء الله الكل ماقصر بالردود
بس لاحظت شغله خطيــــــــــــــــــــــره و قلت لازم احط موضوع شامل و اشوف
يعني بسوي دراسه صغيرونه لول
ثاني شي الحضر سنه وعيم و البدو جميع القبائل كلكم و النعم فيكم ان شاء الله و احترامي لكم كلكم
انا لاحظت ان الاراء تختلف
و احنا يعني مادري نشوف الردود و نضيع
يعني انا صراحه مدحولي و ذمولي بصالون اللي سالت عنه فماني عارفه الحين شقرر
من الاخير ليش يعني الحين الحضريه تقول الصالون الفلاني وايد حلو و تلقين مثلا بنت بدويه تقولج لا ويع مو حلو
و تلقين بدويه تقول الصالون الفلاني وايد حلو و الحضريه تقولج لا مو حلو
واحنا نتوهق عبالنا كلنا اذواقنا مثل بعض ولا اللي ردوا ذوقهم مثلنا
العادات و الذوق هم لها دور كبير في المكياج
يعني المكياج مايعتمد علي بروحي حتى اهلي و شنو يبون يشوفون شكلي بيوم عرسي صح ولا لا
فحرام يعني مثلا وحده يقولون لها الصالون الفلاني حلو و تروح تحجز بعدين تتوهق يطلع مو مثل ذوقها او يذمونلها صالون ويروح عليهاا شيء طيب
فبنات عشان كل ناس و طريقتهم و ذوقهم يستفيدون من ناس ثانيه طريقتهم و ذوقهم مشابه لهم
بحط اسماء بعض الصالونات اللي حسيت في اقبال عليهم و ابي البنت تدش تقول مثلا انا بدويه واحب المكياج (الناعم - الالوان - الاوفر - اللبناني - الخليجي- الثقيل -الخفيف...) اختاري نوع وارشح هالصالون (..اسم الصالون..) بانه احسن صالون عشان اللي مثلها يستفيدون و الثانيه تدش تقول انا حضريه وبنفس الطريقه افضل هالصالون و عشان اللي مثلها يستفيدون
ولا شرايكم؟
_03BA:والحين بعد قصه حياتي
هذي الصالونات (الصالونات اللي كاتبتتهم انا مو وايد لان انا حاطه ببالي هالاثنين لكن اللي ببالها صالون واحد غيرهم تكتبه)
(كونتننتال - رشا شيك - صالون من اختياركم الخاص مانعرف عنه)
يعني اختاري صالون من اللي فوق و اذا مو عاجبج ولا واحد و عندج واحد ببالج كتبيه لنا
بس مو تحطون مليون صالون لان راح نضيع نبي صالون واحد و يفضل من اللي فوق لان الاستبيان ابيه بين هالاثنين
عشان عرسي
و مشكوووووووووووووورين و اسفه طولت عليكم
ملاحظة: بنات بليز بليز عشان ما ينلغي:eh_s(14): الموضوع راعوا ان الاجابه تكون فقط بالطريقه اللي انا ذكرتها عشان مايكون في غلط او تجريح لاي انسان فرأيج قوليه بطريقه سلسه ومن غير غلط على غيرج وشكرا
كلنا بشر و كلنا كويتـــــــــــــــــــــــــــــيات والنعم بالكل
