ساعة غروب
New member
- إنضم
- 26 مايو 2006
- المشاركات
- 265
- مستوى التفاعل
- 0
- النقاط
- 0
- العمر
- 48
مشرفة القسم ( جارة القمر )
قوة كوتيات
اليوم يابه لكم طبق الكل يحبه وهو حالي بس ما ادري اذا جربوه وهو مالح
الدونات
المالح
بصراحة طرت في بالي هالفكرة وقلت اجرب اسويه مالح وخصوصاً ان العجينة موجودة في كل مكان في النت وهي العجينة السائلة اللي تستخدم للبيتزا
قلت اجربها في ماكينة الدونات واشوف النتيجة وما توقعت الصراحة اني احصل على سندويشات لذيذة وذربة وشكلها يهبل
ما اطول عليكم
المقادير للعجينة السائلة
كوب ونص دقيق ابيض
اقل من نصف كوب زيت
1 م ك خميره
كوب وربع ماء
1م ك بيكنج باودر
3 ملاعق حليب بودره
بيضه
ذره ملح و1م ص سكر
تخلطين كل المقاديرماعدا الدقيق بالخلاط الجك (الكاس)
بعد ذلك نصب الخليط على كمية الطحين ونخلط بالشبك..او بالخلاط حتى تتكون عجينة(بتكون العجينة قريبة من سماكة عجينة الكيك
وبس تدهنين القوالب في الماكينة وتصبين مقدار ملعقة اكل في كل قالب وتسكرين الماكينة وتنتظرين لما تنضج وبس
خليها تبرد وبعدين احشي باللي تبين
انا سويت منها نوعين نوع بالسمسم ومحشي بالجبن والنوع الثاني بالزعتر ومحشي لبنة وزيتون
وانتي كيفج تفنني بالحشوة
اخليكم مع الصور
هذي بالسمسم ومحشية جبن سلايس
وهذي بالزعتر بس حسافة ما صورتها وهي محشية باللبنة
وهذي بالسمسم
وبس كل ما بردت السندويشات صارت الذ يعني هذوله مسويتهم البارحة واليوم خذت منهم للدوام بصراحة احلا من امس بألف مرة
اتمنى ان هالفنتق يعجبكم
