احلى ما خلق ربي (قصة سعودية )تجنن بمعنى الكلمة

: : :

ريما: بنات بكرى ذكرى ميلاد نواف..!!
ندى:احلفي..وش بتسوين؟
ريما:والله مدري..
الهنوف:هو طيب ييعرف ان بكرى ذكرى ميلادة ؟
ريما:ماعتقد..
نوف:وش راح تسوين تحتفلون لحالكم؟
ريما:لا أنا بكرى ان شاء الله راح اسوي حفلة كبيرة بس لحد يعرف بالسالفة بنات تكفون
البنات:ابشري..
ريما:ابي اقوم الصبح واروح للرياض واشتري اغراض ضرورية للحفلة.
الهنوف:ياسلام بكرى حفلة والله انك خطيرة..
ريما:شفتي شلون

رن جوال ريما وكان نواف
ندى:الطيب عند ذكره

ريما:هلا وغلا
نواف:هلا فيك ..ريومة حبيبتي انزلي مشتاق لك
ريما:طيب
نواف:استناك تحت..

البنات كانوا في غرفة ريما والنافذة تطل على المزرعة..
ريما راحت ولبست تنورة قصيرة شوي طبقات لونها اسود ومشجرة بالاخضر..وبلوزة لونها اسود شيفون..البنات يضحكون عليها وعلى خبتها وحوستها..



نزلت ريما وقف عند نواف..كانوا واقفين قبال نافذة غرفة ريما..
ندى والهنوف..شغلوا المسجل وطولوه لين ماسمعوا نواف وريما...!!

اجيك يسلم راسك وشلون ماجيك وياك أنا بالذات صعب اتغلى..والله مادري من الغلا وين اوديك تسوى عيوني ولا بعد يمكن اغلى..

نواف:هههههههه يقصدونك
ريما:اكيد ههههههه
نواف:تعالي خلينا نبعد عنهم..

مسكها وجلسوا يتمشون ويسولفون..ريما ماجابت خبر لنواف ان بكرى راح تسوي له حفلة كان ناسي ان بكرى ذكرى ميلادة..!!

ماطولت مع نواف لان البنات ازعجوها بالاتصالات..رجعت لعندهم..ونواف راح للشباب..

ريما:هاه وش تبون ازعجتوني؟
ندى:مشتاقين
الهنوف:لك
نوف:حيل
ريما:ههههههههههه..
نوف جابت تشيبسات وشاكلت وجلسوا ياكلونها وهم يضحكون..ندى تقلد لهم الحريم وتصرفاتهم..وهم ميتات من الضحك..
الهنوف:بنات سمعت لكم ان الشباب بكرى الصبح راح يلعبون كورة..وراح تصير منافسة لان الي يخسر من احد الفريقين يقول راح يكون لهم عقاب..!!
نوف:وشو العقاب؟
الهنوف:يتمشون ويلعبون مع مها وعبودي طول اليوم
ندى:ههههههههههههههه
ريما:لقيتها وش رأيكم ما دام الدعوى فيها تمشي ندخل اروحنا معاهم..نقول موب بس عبودي ومهاحتى احنا يتمشون فينا
الهنوف:والله انك جبتيها

نوف:بنات وش رأيكم ننام اللحين..علشان نقوم الصبح وعلى طول للمسبح فلــــّة نبي نجلس طوويل في المسبح..وبعدين نحضر مباراة الشباب ونضحك عليهم
الهنوف:والله انك روعة يابنت خالي..
ندى:خلاص اجل اول وحدة تقوم تقومنا
ريما:لا بنات تونى على النوم نبي نسولف وننبسط
ندى:تبي تمطر !!غريبة؟ريما تقول تونى؟
الهنوف:لا اكيد البنت مصخنة؟
ريما:ههههههههه بسم الله علي..لا بس لاحقين على المسابح نبي نسولف
نوف:من الصبح واحنا نسولف..مشتاقين حق السباحة الجماعية من تزوجتي ما سبحنا مع بعض..
ندى:أي والله..يالله أنا بنوم..قود نأيت
الهنوف:وأنت من اهله ههههههههه
نوف:ههههههههه

ناموا البنـــــــات..با استثناء ريما الي طفشت وهي تتقلب بالسرير ماجاها نوم..نزلت تحت مافيه احد بالبيت الكل نأيم جلست عند التلفزيون زهقت مافيه شيء..راحت وقفت عند القزاز الي يطل على المزرعة شافت المسبح كان منظرة رأيق اغراها..

راحت للمسبح كان الجو برى روعة والمسبح الأنارة حقته هادية..!!جابت معاها شموع وحطتهم على جال المسبح وجلست وحطت رجولها بالمسبح..ومشغلة اغنية نوال "أنت طيب"
خلنا مني..طمني عليك..
ما أنام اليل من خوفي عليك..أنت طيب هذا هو الي يهم..

أنت طيب..وغير هذا مايهم..أنت طيـــــــــب

وش في صوتي؟مافي صوتي أي شيء..كنت ساكت ونامت عيوني شوي..

كنت احلم بي معاك..كنت تحكي واسمعك..

: : :

نواف جاء من وراها..وحط يديه على عيونها..ريما كانت مرعوبة..لإنها عأيشة جو مع الاغنية..ريما لمست اليدين..عرفت إنه نواف
ريما:حبيبي..ما نمت..؟
نواف:كيف أنام وأنا حتى ماسمعت صوتك
جلس معاها...ريما حطت راسها على كتفة وهو ماسك يدها..<معاريس!!

: : :

الساعة 11 الصبح ..

البنات صحوا وراحوا يسبحون ماعدا ريأما الي راحت مع السواق للرياض واتفقت مع شركة بالوني..يجون للمزرعة (هذي شركة خاصة تسوي بالونات اشكال والوان للحفلات..) واشترت التورت والعصيرات والشاكلت والجاتوهات..واكيد مانست الهدية..كانت ساعة رولكس داخل علبة من الخشب السويدي الراقي..غلفتهم بالابيض والاحمر..وفيها وردة احمر..

رجعت للمزرعة ولاقالت لاحد عن موضوع الحفلة غير البنات وأمها.. دخلت للفيلا بدون محد يدري ودخلت الاغراض ..

الحفلة بستويها برى في بيت شعر كله قزاز ويطل على المسبح..جوا العمال حقين البالونات وجلسوا يصلحون البالونات اشكالها روعة للحفلة..راحت ريما بعد ماطلعوا العمال ويا البنات لبيت الشعر

الهنوف:واااااااو روعة
نوف:أيه تهبل الصراحة صدق حفلة
ندى:ريما جنان ياليت لو كل الحفلات كذا..
ريما:صدق؟ أيه الحمد لله أنا اخترت البلونات الونها ازرق وابيض علشان الهلال
ندى:ياربي حتى هنا هلال
نوف:والله انك جبتيها فكرتي صح!!
ريما:على طاري الهلال مين فاز اليوم في مباراة الشباب؟
الهنوف:صارت سالفة تخيلي رحنا هناك ويجي فيصل ويهاوشني وش تبين هنا جايه عيب كلهم شباب..تفشلنا وطلعنا!!رجعنا للحريم...صارت الطقة براسي
ندى:هههههههه والله لو تسمعين هواش فيصل
نوف:مسح في كرأمتها الارض
ريما:ياحبي لك يالهنوف ههههههههههههه
الهنوف:ابشرك كلهم تعادل 2/2
ريما:زين التعادل حل سلمي..

جلسوا البنات يرتبون الطاولة.. جابت ريما مفرش ابيض كان تل وفيه لمعة ونازل من عندها دناديش..وفوقها مفرش دأنتيل لونه ازرق..وجابت شمعدأنات وشموع كلها ازرق وابيض..

بخرت بيت الشعر ورتبته..ريما راحت تلبس ..لبست تنورة برمودا لونها اسود وفضي ..وبلوزة شيفون لونها اسود وفوقها بدي لونه فضي (هأي نك) مشجر..رفعت شعرها بمشبك فضي..!!


راحت ريما عند قسم الرجال..وقفت عند باب المجلس..نواف يوم شافها قمز من مكإنه خاف مو من عوأيدها تجي..راح عندها..
نواف:خير وش فيك؟
ريما:مافيني شيء..بس جاية اعزمك حبيبي أنت وعمامي
نواف:تعزميني؟أنا وعمامك؟على أيش؟
ريما:كل عأم وأنت الحب!!ذكرى ميلادك اليوم ..عقبال 100 سنة
نواف ابتسم:اهاااااااا..وأنت بخير..ياحياتي ياريومة والله ماتذكرت..
ريما:كنت حابة نحتفل في ذكرى ميلادك سوى..بالله قول لعمامي..
نواف:طيب
دخل نواف وقال لعمامه وأبوهـ والشباب ..
أبو نواف:والله ان مرتك ذوق الي فكرت فيك
نواف:أيه يالبى قلبها
العم طلال:احم احم
نواف:هههههه العذر والسموحة
فيصل:نسى نفسة العم!!
تركي:ولايهمكم راح نجي للحفلة
نواف:يالله قوموا
أبو ريما:والله ان رجولي تعورني والمسافة بعيدة روحوا أنتم.
نواف:لا عمي تكفى
أبو نواف:أنا بجلس مع اخوي احنا كبرنا على الحفلات تاركينها لكم يالشباب
العم طلال:أنا تراني بعدني شاب بس ابي اجلس مع اخواني هههههههه
نواف:هههههههه والله انك اشب منا ياعمي..
عبد الرحمن:ياعيني ياعيني على ريما والله إنها شيء!!
نواف:توك تدري!!


ريما راحت وقالت للحريم..الكل جلس يبارك لريما بذكرى ميلاد نواف وطبعاً ماسلمت من تعليقاتهم..الحريم رفضوا يروحون يقولون الحفلة شبابية..!!

ريما وندى والهنوف ونوف كانوا ينتظرونهم داخل بيت الشعر طفوا الانوار...

الشباب راحوا يمشون لبيت الشعر..
محمد:يوه نواف طالع بيت الشعر ظلام..
تركي:هماهم قالوا لك الحفلة فيها.
نواف:أيه الريم قالت لي إنه في بيت الشعر الي عند المسبح
فيصل:يمكن بيت الشعر الكبير..؟
عبد الرحمن:ياذكي يقولك الي عند المسبح..وش فيك
فيصل:اقول انطم بس
نواف:تعالوا نفتح الباب..

اول مافتح الباب نواف شغلوا الانوار والاضواء الملونه الي تدور فوق ..وطاحت البلونات من فوق على نواف..والورق الملون نزل عليهم..
انبسطوا الشباب...على الحركة..كانت الحفلة رأيقة..الوان والبلونات كانت فيه تورتة كبيرة فيها صورة نواف جنان شكلها...والتورتة الثانية مكتوب عليها كل عأم وأنت بخير عقبال 100 سنة

البنات:كل سنة وأنت طيب نواف
نواف:تسلمون..وين ريما
ريما:هذا أنا
نواف:تعالي عندي
وقفت ريما جنب نواف وهم يقطعون التورتة محمد مانزل عينه على نوف يراقب تحركاتها..راحت تشيل صينية كبيرة كلها عصيرات ماقدرت لها ثقيلة بشكل..

محمد جاء وشالها من عندها
محمد:ثقيلة اعطيني أياها!!
نوف:لا معليش أنا اشيلها
محمد:لا أنا قلت أنا الي اشيلها مارضى على بنت عمي تتعب وأنا موجود..
ابتسم لها..نوف ذابت معاه..

ريما راحت وشغلت اغنية غنوا لحبيبي..

غنوا لحبيبي وقدموا له التهاني..
في ذكرى ميلادة عساها مية عأم..

افرح حبيبي واطلب اغلى الاماني..
الليلة ياعمري تناديك الاحلام..

الهنوف كانت تأكل عبودي ..تركي جاء وسحب الصحن من يد الهنوف
تركي:ممكن أنا أوكل عبودي؟
الهنوف:براحتك
عبودي:أيه أيه أنا احب تلكي (أنا احب تركي)
تركي:الهنوف شلون رجلك اللحين؟
الهنوف:لا الحمد لله..ماشاء الله عليك شكلك بتصير دكتور شاطر
تركي:ههههه يسلموو شهادة اعتز بها..

فيصل وعبد الرحمن كانوا ياكلون ويعلقون على نواف الي اخذ ريما وطلعوا برى..
ريما اعطت نواف الهدية
نواف:وبعد هدية؟
ريما:تستاهل اكثر يابعد عمري...
نواف:عساني مانحرم منك..هديتي انك معاي..هذي اكبر هدية لي يالغلا
ريما:ولا منك..يالله افتحها..
نواف فتحها وشاف الساعة..اعجبتة
نواف:ياسلام والله ان ذوقك راقي..ممكن طلب؟
ريما:أنت تأمر
نواف:تسلمين ممكن تلبسيني أياها..؟
ريما:من عيوني..
ريما لبست نواف الي ماشال عيونه من عليها..يوم خلصت باسها من على خدها....
ريما انحرجت ودها لو الارض تنشق وتبلعها..مها شافتهم

مها:عيب عليك يانواف أنت ماتثتحي تبوثها(عيب عليك يانواف أنت ماتستحي تبوسها)
نواف:كيفي؟وأنت ماتجين الا بالاوقات الزينه!!
ريما:ههههههههه
نواف:أيه اكيد اعجبك كلامها..!!ااكيد راح توقفين معها
ريما:لا وش دعوى..قوم خيلنا ندخل لهم..
نواف:تونى
ريما:لا فشلة احنا العازمين ونطلع ونتركهم؟
نواف:يالله علشانك..

دخلوا عندهم الكل كان مبسوط ويضحك والي يسولف والي ياكل والي يلعب في البالونات..يعني انواع الوناسة....

آخر لليلة لهم في المزرعة..لان بكرى السبت وراح يرجعون للرياض..!!

البنات سهروا للفجر..ويوم صارت الساعة 4 العصر الكل مشى لبيته!!


خلااااااص معد بقى الا جزء ونخلص..


انتظروني..

يله هذا آخر جزء

تفضلوو

الجزء الخأمس والعشرون

الفصل الثاني

(الاخيـر)

: : :

محمد راح لابوة في الشركة ودخل عليه..!!
أبو نواف:ياحي الله محمد تو ما نورت الشركة
محمد:منورة فيك يأبو نواف..يبه أنا جاي وحبيت اقولك ان خلاص موعد سفرتي نهأية الاسبوع هذا..
أبو نواف:طيب أنا رتبت لك كل شيء من سكن وغيرة وصيت عليك واحد من اصدقائي عأيش في كندا وأنت كل يومين اتصل وطمنا عليك.. وكل شهر راح ارسل لك مبلغ تدبر فيه نفسك..وركز على دراستك وأنا أبوك..!!
محمد:الله يكثر خيرك يبه..وآسف إذا سببت لك تعب
أبو نواف:لاتقول هالكلام يا محمد كل الشركات والمشاريع والمباني الي أنت تشوفها راح تكون لك ولاخوك..
محمد:بعد عمر طويل..يبه الصراحة أنا جاي وابي اكلمك في موضوع..
أبو نواف:تفضل تكلم أنا اسمعك..
محمد:يبه أنا راح اسافر وراح اطول بسفرتي يعني مو سنة ولا سنتين راح اتغرب عنكم مدة طويلة..وراح احتاج لاحد يراعيني يحرص علي يونسني بغربتي..وأنا اللحين رجال وقادر على كل شيء بعون الله..
أبو نواف:وضح اكثر مافهمت المقصود..
محمد:بختصار ابي اتزوج
أبو نواف:تتزوج؟
محمد:أيه اتزوج وش فيها؟
أبو نواف:بس أنت بعدك صغير..!!والبنت بتسافر معك 8 سنين صعبة إنها بتوافق؟
محمد:يبه أنا صغير في نظرك أنت تشوفني أنا ونواف مهما كبرنا صغار..أنا كبرت وفهمت وصرت عارف كل شيءوعارف مصلحتي وراح اسافر 8 سنين برى يعني راح تعلمني الغربة الكثير والكثير تكفى لاتحطم أمالي..
أبو نواف:لا ماراح احطم أمالك..أنت في بالك وحدة معينة؟
محمد:بنت عمي طلال.."نوف"...اتمنى من كل قلبي تكون زوجة لي...وأنت يايبة كنت تتمنى ان عيالك لبناتك..هذا نواف اخذ بنت عمي وأنا اللحين حاب اخذ بنت عمي..ونوف اللحين في الثانوية العأمة يعني بعمر ريما يوم تزوجت نواف مافيه خوف عليها وتربية عمي طلال..والبنت حابة تكمل تعليمها وتسافر برى دأيما عمي طلال يقول ان نوف تتمنى تسافر برى علشان تدرس..يعني أنا لما اتزوجها راح اراعيها وتراعيني وراح نكمل تعليمنا برى..ومافيه خوف علي ان شاء الله ولا خوف عليها.. وش قلت يبه؟
أبو نواف:والله يا محمد أنت فاجئتني بالموضوع ومدري كيف راح ارد عليك ..طيب قلت لامي؟
محمد:لا أنا حبيت أفاتحك قبل..وأمي اتركها علي..
أبو نواف:شوف ياولدي أنا راح افكر بكلامك وارد لك بعدين..
محمد:خلاص..بس قبل لا أسافر ابي الرد..توصي شيء أنا بروح
أبو نواف:لا سلامتك..

أبو نواف كان يفكر بعمق(يالله كبر محمد وصار يفكر صح !!يبي يتزوج يارب تطول بعمري واشوف عياله..أنا فرحت ان عيالي راح ياخذون بنات عمامهم..محمد ولدي من كان صغير وهو عقله سابق عمره كبير في عقلة واخلاقة..هذا نواف وفرحنا فيه وتحقق حلمي اني اشوفه هو وريما في بيت واحد..واللحين دور محمد..وماراح نلاقي مثل بنت طلال ويكفي ان الولد يبيها..!!لازم أفاتح نواف بالموضوع واشوف وش رأيه...!!)

اتصل أبو نواف على نواف الي كان في شغلة..وطلب منه يجي لشركتة اللحين..نواف على طول جاء لابوة ودخل عليه..وقاله أبوهـ عن موضوع محمد..!!نواف كان متفاجئ في محمد وقرارة ماكان يتوقع بالسرعة هذي راح يتزوج..

أبو نواف:أنا مادعيتك ياولدي وخليتك تترك شغلك الا ان الموضوع محيرني أنا موافق على الفكرة بس لسى محمد ونوف صغار..وش رأيك أنت؟
نواف:والله يايبه ما دام محمد يبي الزواج ويبي نوف بالتحديد لاتحرمونه منها..لإنه راح يتعذب كذا وترى هو صادق في كل كلمة قالها الغربة صعبة وتتعب الواحد أنا يوم كنت في أمريكا حسيت بلوعة فراقكم ماكان احد عندي يبسطني يهتم فيني إذا مرضت يحرص علي إذا ذاكرت بالامتحأنات يراعيني..
أبو نواف:أيه أنا معاك في كل كلمة قلتها..بس هم صغار وراح يتحملون مسؤولية كبيرة الزواج مو لعبة..وأنا خايف طيشهم وصغر سنهم يضيعهم يعني مايقدرون يتحملون السؤون الزوجية هذي!!
نواف:يبة محمد ماشاء الله عليه رجال بمعنى الكلمة كلنا عارفين ان محمد عند كلمتة يعني عارف تصرفاته ويعرف وش يبي ويفكر زين قبل لايقدم على خطوة ويدرسها بتمعن..والغربة يايبة راح تخليهم يتفاهمون مع بعض اكثر وراح يحسون ان كل واحد ماله غنى عن الثاني راح تقربهم من بعض وراح تفهمهم وتوعيهم..
أبو نواف:كلامك منطقي بس وش رأيك في بنت عمك؟
نواف:شوف أنا ماعرف عنها أي شيء بس راح اسئل ريما عنها
أبو نواف:أنت قول لريما عن الموضوع وش رأيها في نوف وأنا ابي اقول لامك..!!
نواف:خلاص اجل..يالله ان اسئذن تأخرت على الشغل
أبو نواف:حياك الله...

: : :

نواف قال لريما عن الموضوع...!!
نواف:هاه وش رأيك بنوف؟
ريما:والله نوف اختي الصغيرة..ماشاء الله بنت عاقلة وثقيلة ورزينة وربي إنها بعض الاحيان تعقلنا أنا والهنوف وندى احنا الي اكبر منها..ويكفي بس إنه يحبها وهي تحبة وإذا سافروا راح يتعلقون بعض اكثر
نواف:والله هذا كلامي..بس ماكإنهم صغار.؟
ريما:لا والله مهم بصغار محمد رجال ماشاء الله عليه يعني من يوم كنا صغار واحنا نعتبرة العاقل هو صحيح خفيف دم بس يعني مو رجة يكفي إنهم راح يرحون للدراسة..بس وش توقع خالتي راح توافق.؟
نواف:هذا الي خايف منه..هي تحب محمد وآخر العنقود يعني ماتوقع تزوجة وهو صغير!!
ريما:الله يستر والله ان نوف بنت ماتتفوت
نواف:والله أنتي الي ماتتوفتين!!والحمد لله والشكر انك من نصيبي!!

: : :
أبو نواف:وش قلتي يأم نواف؟
أم نواف:هههههههه محمد يبي يتزوج؟
أبو نواف:لي ساعة اتكلم معاك وبالاخير تسئلين؟
أم نواف:مادري احس إنه شأيل فكرة الزواج من راسة..والله وطلع ولدي عاشق ومغرم
أبو نواف:أي شكلة يحب بنت عمة
أم نواف:خووش وطيب ليش ماقالي؟
أبو نواف:هو كان يبي يقولك بس أنا فاتحتك بالموضوع قبلة
أم نواف:أنا ابيه هو خلاص راح أتكلم معاه..

اتصلت على محمد وقالت له يجي في للبيت جلسوا بالصالة..محمد على اعصابة خايف من ردة فعل أمة
أم نواف:ماشاء الله ولدي يبي يتزوج
محمد:هاه!!
أم نواف:وش فيك مرتبك؟
محمد:لامانيب مرتبك..يمة وش رأيك؟
أم نواف:اصلا أنا يوم السعد لما اشوفك أنت واخوك كل واحد مع مرته وعيالة
محمد:يعني موافقة؟
أم نواف:أيه ماعندي مانع..وبعدين أنا فرحانه علشان ماتجلس بروحك يعني تلاقي الي يراعيك ويداريك
محمد راح وباس راسه أمه:ياحبي لك يايمة..عسى الله مايحرمني منكم
محمد:متى نخطب؟
أبو نواف:هههههههه وش فيك مستعجل؟
محمد:ابي اسافر وأنا مرتاح ابي ارتب كل شيء!!
أبو نواف:خلاص اجل بكرى ان شاء الله..
محمد:تسلم يأبو نواف

نواف وريما جوا للصالة..
أم نواف:باركتوا لمحمد يبي يخطب..
نواف:لا لا الف مبروك يأبو سعود
محمد:الله يبارك فيك
ريما:مبروك محمد
محمد:الله يبارك فيك..
نواف:ومتى ناوين تروحون؟
أبو نواف:اخوك مستعجل يبي بكرى علشان نهأية الاسبوع راح يسافر كندا
أم نواف:ياربي لاتجيبون طاري السفر!!
ريما:ياخالتي هذا حال الدنيا تودعين من تحبين وتلتقين فيهم ان شاء الله ونفرح فيه وفي شهادته
محمد:بس أنتم ادعوا لي..
الجميع:الله يوفقك...!!

: : :

راح أبو نواف ونواف ومحمد وأبو ريما لبيت العم طلال يخطبون نوف لمحمد..!!
العم طلال كان مصدوم وحس إنهم صغار على الزواج بس أبو نواف وأبو ريما وقفوا مع محمد..!!
العم طلال:الرأي رأي نوف..!!والله أنا سعيد ان بنتي راح تروح لولدي
أبو نواف:أيه حقك وخل البنت تفكر عدل..
أبو ريما:ومحمد رجل بمعنى الكلمة.!!
نواف:الله يكتب الي فيه الخير..
عبد الرحمن:والله أنا المصدوم مو قادر استوعب محمد يبي يتزوج ومين اختي؟
نواف:ههههههه ليش وش فيك علشان ماتستوعب
عبد الرحمن:والله مدري مو قادرة الفكرة تدخل براسي
محمد:لازم تدخل ياولد عمي
العم طلال:خلاص بعد بكرى راح نرد لكم..
أبو نواف:على خير يالله احنا نستئذن
العم طلال:وين تونى ماتعشيتوا؟
أبو ريما:والله أنا معزوم عند الجيران
أبو نواف:المرة الجاية ان شاء الله الجايات اكثر
العم طلال:وأنت نواف؟
نواف:لا أنا مرتي بالبيت تنطرني
العم طلال:ههههههه والله ان ريما لعبة فيك لعب
نواف:يحق لها بنت عمي
أبو ريما:الله يوفقكم..!!
نواف:أمين ياعمي..

أم نواف كانت بالحديقة تنطرهم هي وريما..!!
أم نواف:توقعين وش صار؟
ريما:ماصاير الا كل خير..نوف ماراح تلاقي مثل محمد ولد عمها راح يحفظها ويصونها
أم نواف:الله يسمع منك يابنتي
ريما:هذولا هم جو..
أبو نواف ومحمد ونواف لكهم جلسوا بالحديقة ويتكلمون عن الي صار في بيت أبو عبد الرحمن..وجلسوا تقريباً ساعتين

نواف:يالله أنا وريما نستئذن نبي نطلع شوي
أبو نواف:براحتكم..

راحت ريما لبست عبايتها ونزلت تحت لعند نواف الي راكب في السيارة ينتظرها..!!

ريما:حبيبي وين بنروح؟
نواف:ما عليك راح اوديك لمكان اتمنى يعجبك!!
ريما:يعني ماراح تقول؟
نواف:أيه ماراح اقول
ريما:طيب زعلت عليك
نواف:مايهون علي زعل الغالية..
ريما:أيه واضح
نواف:هههههههه حبيبتي سربرأيز والله
ريما:نصبر ونشوف


وصلوا لعند بيت يبنى يعني لحد اللحين مو مكتمل كان كبير ورأيقة الوإنه وشكلة وتصميمة
نواف:انزلي
ريما:وين؟
نواف:للبيت..
ريما: اكيد احد البيوت الي صممتها صح!!
نواف:ياعيني عليك ذكية مرتي..بس انزلي
ريما:شلون انزل شوف البيت الاضاءة شغالة اكيد اهله فيه
نواف:اهله جالسين بالسيارة مايبون ينزلون
ريما:ليش مايبون......وش تقول؟
نواف:ياطويلة العمر هذا بيتنا..
ريما:لا اكيد تمزح..من متى؟وكيف؟
نواف:من اول ماخطبتك هذي ارض حقتي وأبوي ساعدني في البناء وأنا صممت الديزأين حقه..بس بقى الاثاث واكيد كل وحدة تحب تختار اثاث مملكتها لحالها..!!
ريما:يابعد قلبي يانواف..كل هذا مسوية وأنا مدري..عساني مانحرم منك ولامن حنانك علي..!!
نواف:شكلنا مطولين بالسيارة
ريما:هههههه يالله ورينا جوا البيت

نواف راح وفتح باب السيارة لريما
نواف:تفضلي يالغلا..

نواف:ادخلي برجلك اليمين..
ريما:تأمر أمر
نواف:تسلمين...
البيت كان حلو بشكــــــل...كبير وفيه حديقة حلوة شكلها مرتبة والوان البيت كانت جنان والرخام مغطي على معظم التصميم ..والون الذهبي على البرونزي معطي للبيت منظر الفخأمة كان التصميم يرجع للعصر الروماني ..!!

ريما:ياااأي نواف ماتوقعته كذا..عندك ذوق مسكت!!
نواف:اكيد عندي ذوق دأمك جنبي..ومعاي..
ريما:فديتك دأيما تاكلني بكلامك..
نواف:هههههه..تعالي شوفي المطبخ..
ريما:ياسلام عليك والله انك احلى وارقى مهندس بالدنيا كلها
نواف:اثمن شهادة حصلت عليها من اثمن جوهرة أمتلكها
ريما استحت..!!
نواف:حبيبتي تعالي شوفي الغرفة هذي اعطيني رأيك فيها..
ريما:تهبل بس حقت أيش؟
نواف:حق النونو الي راح يجي ان شاء الله
ريما ارتبكت:أيه ان شاء الله
نواف:يالله أنا ولهان على البزارين
ريما:لا تستعجل تونى بأول الطريق
نواف:أنا الي يقولي أنك حأمل له البشارة!!
ريما:اجل محد راح يبشرك غيري ههههههه
نواف:هههههههه
ريما:بالله ابي اشوف غرفة النوم
نواف:يالله يالغلا

ريما اعجبها التصميم كان غريب وناعم وفخم بنفس الوقت...تخبلت على الوان غرفة النوم كانت لونها عنابي ونحاسي..!!

: : :

بعد مرور أسبوع...
نوف وافقت على محمدلكن أبوها اشترط إنه مايصير أي شيء رسمي مجرد خطبة والملكة والزواج بعد الثانوية العأمة..محمد انبسط كثير ودهـ لو يطير من الفرحة..!! وافق على الشرط بدون أي تردد..!!

: : :

ريما:نواف وش رأيك بكرى نعزم اهلنا عمامي في بيت أبوك..وتكون العزيمة منا احنا..يعني وداعية لمحمد مو بكرى راح يسافر؟
نواف:والله فكرة..ماخطرت في بالي..!!
ريما:بس اسمع مابي خالتي ولا عمي يتعبون انفسهم معانا يعني العزيمة احنا الي راح نقوم فيها!!
نواف:فديت قلبك ماتبين تعبين أمي وأبوي معاك..بس الشغل كله يصير عليك وأنا ماستحمل اشوفك تتعبين..؟
ريما:لا ياقلبي الخدأمات راح يساعدوني..!!وش قلت..؟
نواف:اوكي على بركة الله..بكرى بكرى..!!

: : :
تركي:ياحليلة عبودي الصغير شيطاني
ندى:هههههه أيه وش حليله
تركي:وش اسم أمه..
ندى:نورة
تركي:تصير عمت ريما؟
ندى:وش رأيك..!!
تركي:أيه بس زيادة تأكيد
ندى: عساك انبسطت؟
تركي:أي والله الشباب فلــــــّه
ندى:ومين اكثر واحد ارتحت له؟
تركي:الكل والله طيبين ومحترمين..بس اكثر شيء فيصل
ندى: فيصل ولد نورة؟
تركي:أيه
ندى:ههههه هذا الي مخوف الهنوف..خارشها (مخوفها)
تركي:ندى..الهنوف وش دخلت قسم في الجامعة؟
ندى:اها سئلتني عن الهنوف أنا اقول وش فيه الولد يلف ويدور كان جايبها من الاخر
تركي:سخيفة..أنا قأيم
ندى:لحظة لحظة يالحبيب استنى وش فيك زعلت أمززززح ياولد هياء
تركي:ياكره مزحك ثقيل ماينبلع
ندى:مقبولة منك يادكتور
تركي:الا على طاري الدكتور ..ماجد اليوم لصق فيني ياكرهه ثقيل مثل بعض الناس..يعني الطيور على اشكالها تقع <يحب يرفع ضغطها
ندى قمزت من مكإنها وجت عنده:احلف..وش قالك؟وش تكلمتوا فيه؟قال شيء عني؟
تركي:ههههههههههههههههه
ندى:يالله تكلم



تركي:أنا كل يوم اجلس معاه..
ندى:طيب أيش تكلمتوا فيه؟!!
تركي:بكل شيء
ندى:تكفى لاتقهرني حدد أي موضوع
تركي:وحدة×وحدة
ندى:يالله عاد والله لو اترجاك الجنة
تركي:يسلم عليك!!
ندى:الله يسلمك ويسلمة...
الجدة هياء جت عندهم..
الجدة هياء:وش في صوتك واصل لاخر الدنياء
تركي:هههههههههههه
ندى:لا ابد سلامتك..يمة وش رأيك بشيخة
الجدة هياء:أي شيخة؟ اخت ماجد؟
ندى:عليك نور!!ماتصلح حق تركي؟
تركي عصب من كلامها
الجدة هياء:والله مافكرت فيها..وش حليلها..!!
تركي:سخافة..!!أنا ماقلت ابي أتزوج ولاشيء..وبعدين مهوب أنتي الي تختارين لي أمي الي تختار لي ..يالله أنا طالع
الجدة هياء:وقف تركي..وش فيك عصبت..توك وش حليلك تضحك وتسولف..!!
ندى:خليه يروح!!
ندى(وآخيراً عرفت ياتركي انك حاط الهنوف في بالك..بس طيب ان ماخليتك تجي لعندي وتقولي ياندى احبها واخطبوها لي ماكون أنا ندى الــ0000..!!)

: : :

الهنوف:هلا ريمو
ريما:هلا بك
الهنوف:شخبارك؟
ريما:تمام أنتم شخباركم..عمتي وعبودي شلونهم؟
الهنوف:كلهم بخير..لحظة آآآآأي وجع يادب
ريما:هههههه شوي شوي اذني راح تنفجر من صراخك
الهنوف:وش اسوي هالحمار عبودي يجر شعري!!
ريما:ههههههه يالبى قلبه..
الهنوف:محد خربه علينا غيرك أنتي وزوجك الي مدلعينهم
ريما:يستاهل
الهنوف:مدري إذا جبتوا بزارين وش راح يصيرون شكلهم دلوعين
ريما:ههههه اكيد عيالي وعيال نواف وبعدين كلنا نحب الاطفال
الهنوف:المفروض تكتبون عليهم "ممنوع اللمس والاقتراب"
ريما:هههههههه لا عاد وش دعوى؟؟
الهنوف:اقول ياحليلها نوف مانيب مصدقة إنها بتتزوج والله خطيرة العيال كبرت!!
ريما:ههههههه أنتي منجنه شكلك
الهنوف:بعذري لو انجن اجل وحدة كبري تتزوج والي اصغر مني مخطوبة..وأنا جالسة لاشغل ولا مشغلة
ريما:اهاااااا قولي كذا من أول..لا تخافين ولد الحلال راح يجيك
الهنوف:متى ياحسرة..ابيه يجي بسيكلة أبو كفرتين ويخطفني من باب اهلي
ريما:ههههههههههه يالمرجوجة اخبر فارس الاحلام يخطف البنات على فرس مو سيكل.؟
الهنوف:كيفي والله فارس احلامي مو احلامك..
ريما:اساساً فيه ناس حاطين عينهم عليك<تقصد خالها تركي
الهنوف:منهم؟
ريما: "أي كانوت" مقدر اقولك
الهنوف:تكفين ريموش
ريما:ريموش بعد هذي احلمي ماراح اقولك..اسمعي تعالي بكرى بدري نبي ننبسط
الهنوف:اوكي بأي
ريما:بأي

: : :
نوف كانت جالسة على الكنبة في غرفتها...!!تفكر في بكرى..
نوف(يالله يعني هذي وداعية لمحمد..وش اسوي أنا بكرى اكيد الانظار راح توجه لي!! ..ماراح اروح للعزيمة بكرى..والي يصير يصير..!!)

وداعيه يا آخر ليلة تجمعنا وداعيـــــــة
وداعيه اعز الناس يودعنا
ليلة ويا عساك تعود..ليلة..
عسى الله يصبر الموعود..
أنا بعدك عمر مفقود
دنيا بلا معنى..بلا معنى..

لحظة يا بقأيا الليل..لحظة
لحظة ما بقى بالحيل لحظة!!
بالهدا يا ليل ..ما بقى بالحيل لحظة..
حسيت اني بنحرم شوفي..
ما أقدر أوادع قطعة من جوفي..

قال الوداع قال..
لحظة وداع قال
وهلت الدمعة
وسال الكحل فوق السواطر
كل دمعة من عيونك اشتريها بألف خاطر
أنت غربة..وأنا بدروبك محطة..
آهـ ياحظي ما وصل يمي وخطى
قـــــــــال الوداع قـــــــــــال

: : :
نوف قررت تلعب دور المريضة..علشان يعذرونها من الروحة لبيت عمها سعود..!!مالقت حل غير هذا يفكها ..!!
أم نوف:يالله نوف قومي انزلي أبوك واخوك ينتظرونا برى..
نوف:يمة ما أقدر اروح معاكم..
أم نوف:ليش وش فيك؟
نوف:مادري احس بعوار في بطني..
أم نوف:من متى العوار؟
نوف:أمس بالليل شكل الي فيني برد لاني اخذت شاور أمس وعلى طول نمت!!
أم نوف:دأيما اقولك اقصري التكييف..طيب فشلة وش نقول لعمامك..؟وبعدين ريما هي الي عازمة!!
نوف:وش فشلتة البنت مريضة خلاص وخلصنا!!
أم نوف:بس الليلة ولد عمك محمد راح يسافر يعني لازم كلنا نودعة!! وخصوصاً أنتي!!
نوف (آهـ يمة لو تدرين ان هذا السبب الي ماخلاني اروح..!!
أم نوف:خلاص اجل اللحين بروح اجيب لك حبوب يخفف العوار..اشربي شأي او أي شيء دافئ ونامي وأنت متغطية زين.. واقصري التكييف للمرة المليون اقولك!!
نوف:ابشري يمة..يالله روحي تأخرتي..
أم نوف:يالله خلي بالك على نفسك..مع السلامه
نوف:الله يسلمك..

: : :

في العزيمة الكل كان موجود ماعدا نوف...وجت اخت أم نواف..خالت نواف ومحمد فوزية (أم سعد) الكل صدق ان نوف مريضة ماعدا ريما حست ان فيه شيء!!
العمة نورة:ياربي شفتوا الاسهم كيف إنهارات هذا الاسبوع..؟
أم سعد:إنهيار يخوف..ماشفت ولا شركة ربحانة..
أم نواف:أي والله ..مع ان الكل متوقع ان المؤشر يرتفع بنهأية الاسبوع..
أم عبد الرحمن: الحمد لله الي مادخلت فيها..مع ان كل زميلاتي داخلين
العمة نورة:ماشاء الله عليــــــك اجل أنا كل فلوسي في السوق!!
أم ريما:اريح لك..احنا الي ابتلشنا فيها بس عيوننا على المؤشر متى يرتفع علشان نبيع!!
أم سعد:ماوراها غير الهم والغم..ارتفع خسر طاح السوق..
ريما:جتني توصية في الايميل على شركة يقولون إنها راح ترتفع وتعوض الخسارة
الهنوف:لا حبيبتي غلطإنه التوصية في الشركة الي راح تنزل هي الي يقولون إنها راح تضرب نسبة في ارتفاعتها..
ريما:ماعلينا من الاسهم الله يرفعها وتضرب نسب وتعوض خسارتنا..يالله تفضلوا على العشـــــاء..
أم نواف:يأمال العافية ياريومة حلفت علي مادخل المطبخ اليوم وكل الي تشوفونه تصليحها..يأما كنت اتمنى بنت والله عوضني فيها
أم ريما:تسلمين والله يا أم نواف..وريما بنتك..وأنا بعد والله ماعتبر نواف غير ولد لي..!!الله يخليهم..

: : :
عبد الرحمن:متى طيارتك محمد؟
محمد:الساعة 2 بالليل
عبد الرحمن:تروح وترجع بالسلامه
محمد:الله يسلمك..بس وش فيك متضايق..
عبد الرحمن:راح افقدك يا محمد بالحيل
محمد:ماتفقد غالي..كل ماتبيني افتح جوالك ولا اللاب توب وتقدر تكلمني في أي لحظة..
عبد الرحمن:راح ازعجك..؟
محمد:تمون ياولد عمي..
فيصل:وش ذا الطبخ على مرتك روعة..اكلات شرقية وغربية كله تعرف لها
نواف:أيه ماشفت شيء..هذا مرتي اكيد بتطلع فنانة
فيصل:يالقهر ياليت لو خالي فهد عندهـ بنت ثانية كان اخطبها
نواف:الحمد لله الي ماله غير ريما..خوش كان تصير عديلي بعد..
فيصل:ياسلام احمد ربك اني راح اصير عديلك..
محمد:هههههههه ياهو أنت وياه اصحوا خالي فهد ماله غير ريما..جالسين تتهاوشون على الفاضي..!!
عبد الرحمن:ههههههههه الطول طول نخلة والعقل عقل...
فيصل:اقول اسكت لا اقوم وادوس في بطنك
نواف:حيلك به يافيصل برد قلبي
محمد:والله انك قاهرهم ياعبيد
عبد الرحمن:أيه أنا عبد الرحمن الطلال مو أي شخص ثاني..
نواف:تكفى يا بيت هوفن
فيصل:ولا نيوتن الاخ واحنا ماندري
محمد:ههههههههههههه
عبد الرحمن:والله حالة أنا اعطي هالاشكال وجهه
فيصل:نشوف إذا سافر محمد وش بتسوي؟ومع مين راح تروح؟
عبد الرحمن:آهـ مسكتوني مع الايد الي توجعني!!
محمد:أمانة عليكم ماتضايقون عبد الرحمن..
فيصل:هههههههه عبد الرحمن اخو نوف صح!!
محمد:ياحبك للفلسفة هههههههههه
عبد الرحمن:ياحبي لك ياحمّود أنت الوحيد الي تقدرني..
فيصل:هههههههههههه أمحق تقدير..
نواف:يالله محمد قوم علشان تسلم على عمامي مابقى شيء على موعد الاقلاع..
محمد:الله يصبرني ..يالله يبة اشوفك على خير
أبو نواف:ياولدي أنتبه لنفسك وشد حيلك بدراستك..أنت مو رايح علشان تنبسط أنت رايح علشان دارستك..واتصل علينا كل شوي طمنا عنك..واحنا بنتظارك كل عطلة..وتروح وترجع بالسلامه
محمد باس راسه:الله يسلمك يالغالي
أبو ريما:ماوصيك وأنا عمك إذا احتجت أي شيء لايردك الا لسانك كم محمد عندنا؟
محمد:مشكور وماتقصر ياعمي
العم طلال:شد حيلك في المذاكرة..وكلنا بنتظارك علشان نفرح فيك وأنا عمك
محمد:تسلم يالغالي..يالله أنا بروح اسلم على أمي..اشوفكم على خير مع السلامه
عبد الرحمن ضم محمد بقوة..:ماراح تغيب عن بالنا ولا لحظة..أنتبه لنفسك
محمد حضن عبد الرحمن:ولا أنا ابشر ياولد عمي..أنتبه لنفسك ..(همس في أذنة)دير بالك على نوف!!
عبد الرحمن ابتسم له..وفي عيونة دموع
فيصل:مع السلامه يأبو سعود..إذا رحت مع مين راح اتهاوش؟
محمد:هههههه هذا الي هأمك..تسلم يافيصل..اشوفك على خير..مع السلامه
الجميع:مع السلامه

تـــــــــــــــــــــــابع

: : :

نواف اتصل على ريما علشان تقول للحريم ان محمد راح يسلم عليهم وراح يطلع للمطار لان الساعة صارت وحدة ولازم يكون في المطار..
دخل محمد وسلم على عمتة نورة ..وعلى أم ريما..وعلى أم عبد الرحمن..وعلى خالته أم سعد

أم نواف جلست تبكي: تروح وترجع لنا بالسلامه
محمد:تكفين يأم نواف لاتبكين..مابي اشوف دموعك والله غالية
العمة نورة:لاتصأيقن الولد يا أم نواف
أم نواف:والله غصبن علي..اسمع كل شوي اتصل فينا ولاتقفل جوالك..وارسل لنواف ارقأم اصدقائك علشان نتطمن عليك..ودير بالك على روحك..
محمد:الي تأمرين فيه يالغالية..
أم نواف:وإذا احتجت أي شيء اتصل علينا لاتسحتي اعرفك أنت ماتقول شيء.!!
محمد يأشر على عيونه: من عيوني..
أم نواف:كل يوم اتصل علينا تكفى ترى بجلس أنتظرك كل يوم على هالكنبة جنب التليفون
محمد:ان شاء الله
العمة نور:خلي الولد يروح
محمد:يالله اشوف وجهك بخير..باس راس أمه..أم نواف ضمتة لصدرها وهي تبكي..كان منظرها حزين للغأية وهي تودع ولدها الغالي..
أم نواف:حافظك ربي..ودعتك الله الذي لاتضيع ودائعة!!

الهنوف:تروح وترجع بالسلامه محمد..
محمد:الله يسلمك يالهنوف..
عبودي:ذيب لنا هدية (جيب لنا هدية)
مها:أنا ابي علوسة(أنا ابي عروسة)
محمد:هههههههه ابشروا..يالله خلوني أبوسكم علشان ابي اسافر..

طلع محمد في الصالة وريما الي نزلت دموعها تأثرت بموقف خالتها لما سلمت على محمد..وطلعت برى المجلس

محمد:ريما يعني شلون ما راح تسلمين علي؟
ريما:لا وش دعوى..تروح وترجع بالسلامه وراح نفقدك والله..
محمد:ماتفقدين غالي..ما أوصيك ياريما على أمي وأبوي ونواف
ريما:لا تخاف يا محمد بعيوني والله..روح وأنت مرتاح
محمد:والله وكفو واثق فيك أنا..ريما ماشفت نوف وينها؟
ريما:تعبانة ماجت..
محمد:ليش وش فيها؟
ريما:لاتخترع عليها مافيها الا العافية بس هي مو تعبانة...
محمد فهم:آهاااااا..ممكن تتصلين عليها اللحين
ريما:طيب..

ريما:الوو شخبارك نوف؟
نوف:هلا تمام..
ريما:شلونك اللحين؟
نوف:لا احسن من أول
ريما:أنا عارفة كل شيء يانوف ..وعارفة ان مافيك شيء
نوف:لا حرام عليك
ريما:أنتي الي حرام عليك..
نوف:أيه مافيني شيء بس صعبة علي ياريما اجي الليلة ومحمد راح يسافر خليك بموقفي..لاتلوميني!
ريما:ماراح الومك والله يلوم الي يلومك..نوفه ابي احط سبيكر فيه ناس يبون يسلمون عليك
نوف:هههه عاد الهنوف ليش ماتتصل هي؟
ريما حطت السبيكر..
محمد:أنا عتبان عليك يانوف
نوف:محـــــــــمد؟
محمد:أيه محمد الكل ودعني وأنتي أهم وحدة ماودعتيني ولاسلمتي علي
نوف ساكتة..مصدومة ماتدري وش ترد عليه..
محمد:كنت اتمنى لو اشوفك قبل ما آسافر..لو دقايق..
نوف:خلاص لاتعور قلبي الي فيني مكفيني..يكفي انك راح تروح وتتركنا وتبيني اجي واودعك أنا اكرة لحظات عمري الوداع وخصوصاً وداع الغالين..محمد تكفى ريحني لاتزعل مني..أنا والله يصعب علي وداعك..
محمد:لامسموحة يابنت عمي..وعاذرك بس كان ودي اشوفك..
نوف:تروح وترجع بالسلامه..وطمنا عليك..
محمد:الله يسلمك يالغلا كلة..وما أوصيك شدي حيلك بدراستك علشان تلحقيني بسرعة!!
نوف خجلت من كلامة!!
ريما:احم احم
محمد:يوووة آسفين يأمرت نواف..
ريما:هههههه لا معليش..
محمد:يالله أنا اترخص مع السلامه..
نوف:مع السلامه..
ريما:يالله نوفة أنا مضطرة اسكر..فمان الله
نوف:الله معاك..
: : :
نواف راح مع محمد يوصله للمطار..ونادوا على رحلة محمد..
محمد:يالله يا أبو سعود مع السلامه
نواف حضن محمد:تروح وترجع بالسلامه..
محمد:تكفى يا نواف ما أوصيك في أمي و أبوي
نواف:أفا يا محمد أنا موجود..وبخدمتهم..وأنت ابيك تشد حيلك وترفع روسنا..واتصل علينا دأيما طمنا عليك..
محمد:هذا العشم فيك يانواف..والله راح افقدك..
نواف:كلنا راح نفقدك وراح نشتاق لبسمة البيت..ولعبك ومقالبك..
محمد نزلت دموع من عينه وهو يضم نواف
نواف:اووف أنت بتقلبها مناحة..يالله يا محمد روح والله يحفظك..وبعدين ترى متى ماطفشنا واشتقنا لك راح نجيك لكندا وننشب في حلقك
محمد:هههههه حياكم ربي
نواف:إذا وصلت اتصل علي ترى ماراح انوم الا إذا اتصلت
محمد:ابشر يالغالي..باس راس نواف
محمد:يالله اشوفك على خير..سلم على الاهل
نواف:ان شاء الله يوصل..

: : :

بــــــعد مرور ثلاث شهور...!!
أم سعد:الووو
أم نواف:هلا والله
أم سعد:شخبارك؟ و شلون أبو نواف
أم نواف:والله بخير..
أم سعد:وشلون نواف وزوجتة؟ومحمد بالعلوم؟
أم نواف:الكل بصحة الله يخليك..ومحمد ياحياتي هو مشغول بدراستة قبل شوي كلمني.!!
أم سعد:زين الله يوفقة..اقول أم نواف..بنات خالتي سلوى و تهاني راح يجون عندنا
أم نواف:صدق..متى؟وش عرفك؟
أم سعد:اتصلت علي سلوى وقالت اننا مشتاقين لكم وطفشنا من الكويت نبي نغير جو عندكم..!!
أم نواف:حتى بناتهم وعيالهم راح يجون؟
أم سعد:أيه كلهم..
أم نواف:حياهم الله وهذي الساعة المباركة والله..
أم سعد:أيه بس حبيت اعطيك خبر..وترى بكرى يجون ..
أم نواف:اجل بكرى ان شاء الله عندي الاستقبال
أم سعد:خلاص اقولهم ان شاء الله..تبين شيء مساعدة؟
أم نواف:لا مشكورة عندي بنتي ريما اللحين هي الي تساعدني
أم سعد:ماشاء الله عليها..يالله مع السلامه
أم نواف:الله يسلمك

اخذت تجهز وترتب للعزيمة هي وريما111..الضيوف هم بنات خالت أم نواف..سلوى لها بنت بعمر نواف اسمها "اسيل" كانت تدرس مع نواف في أمريكا وهي تحب نواف بشكل لايوصف..وبنت اصغر منها بالمرحلة المتوسطة اسمها" سجى"..أما اختها تهاني عندها ولد وبنت الولد بالثانوية العأمة اسمه "فارس" وبنت بعمر ريما اسمها "سما" وتوم اثنين صغار اعمارهم خمس سنين اسمائهم "حلا" و "يزن".....

ريما جايبة معاها كيك و عصير تصليح يدها تبي تذوقهم نواف..
نواف اول ما رن جواله..طلع..ريما اسغربت من حركة نواف أول مرة يطلع علشان يكلم اكيد السالفة فيها أن..مو من عوأيدة وبعدين نواف ما يخبي عني شيء!!بعد نص ساعة رجع نواف وجلس عند ريما...!!
ريما:وش هالمكالمة الغريبة..مين تكلم؟
نواف:واحد من الشباب!!
ريما:وش فيك نواف؟
نواف:هاه مافيني شيء!!
ريما:الا فيك..
نواف عصب منها:أنتي الي وش فيك؟ اليوم فاتحة معاي تحقيق؟يالله أنا رايح انوم
ريما:نواف وقف..أنا ماقلت شيء أنت معصب من البدأية..!!
نواف:لا أنتي تعصبين الواحد وش فيك ؟من تكلم؟ وش هالاسئلة؟ يالله تصبحين على خير..

ريما حطت يدها على راسها تفكر في نواف الي من تزوجته ماقد كدر خاطرها ولا لحظة ولا عصب منها!!{نواف موب طبيعي ..السالفة فيها أن لان نواف مايعصب الا إذا كانت السالفة تخصة..ليش كذا يعأملني بهذا الاسلوب البأيخ...ماسويت فيه شيء..بس ماعلية أنا مقدرة ظروفة الي ماعرفها..!!}

قامت ريما الصبح ..وكشخت بالجلابية الفخمة كان لونها تركواز كإنها جاكيت وفيه سلاسل وأشياء نازلة منها ورفعت شعرها بربطة حرير لونها تركواز ..!!راحت تصحي نواف بس بكل برود وجفاف..نواف فهم من اسلوب ريما إنها زعلإنه عليه أول ما صحى بدل ملابسة وراح عندها الي كانت واقفة عند المرأية تتضبط..

نواف:ريما أنا آسف على الموقف البأيخ الي صار أمس
ريما:الصراحة يانواف تفاجأت فيك
نواف:والله ياريما لو تعرفين وش فيني تعذريني..
ريما:وش فيك ياقلبي؟تكلم ريحني وريحك؟
نواف:راح اقولك بس موب اللحين..كل شيء بوقتة حلو
ريما:كيفك..ابتسمت له علشان تبين إنها راضية..
إبتسأمتها ريحة نواف كثير..!!
ريما:طيب خلينا ننزل نفطر تحت مع عمي!!
نواف:من عيوني ..
ريما:تسلم عيونك..

: : :

أبو نواف: وش صار على بيتكم متى يخلص؟
نواف بكل ارتباك:قريب ان شاء الله
ريما:والله ياعمي نواف ذوق بشكل..الفيلا الصراحة تأخذ العقل
أم نواف:زين والله..اجل لازم نشوفها
ريما:اكيد ياخالتي ماتنور الا بجيتكم..
أم نواف:تسلمين يالغالية
نواف:يالله أنا ماشي تبون شيء؟
ريما:سلامتك..
أم نواف:لازم تجي بدري علشان تنوم وتريح وبعدين تجهز نفسك للعزيمة الليلة
نواف:ابشري..
أم نواف:ريما ترى الليلة ان شاء الله عزيمة كبيرة دعيت أمك وعمتك ومرت عمك طلال وبناتهم..وأهلي..
ريما:أيه ان شاء الله..

تـــــــــــــــابع


: : :

في الليل..ريما نزلت بدري مع خالتها علشان تستقبل الضيوف

ريما لابسة تنورة لونها أبيض طبقات وفيها تشجير وردي خفيف...و بلوزة على جسمها لونها أبيض وفيها كلفة طويلة من الستان على حدود البلوزة وفيه تطريز بالوردي على الاكمام وكإنها مفتوحة من قدام ولابسه معاه بــــدي صاير لف على الرقبة وهو حرير..ولابست وأنتوا بكرامة صندل لف على الساق لونه وردي وفلت شعرها الحريري وحطت وردهـ جوري ياعيني على الجوري..وحطت ميك آب وردي خفيف ولبست ساعة لونها أبيض ماركة شانيل فخمة

وصلوا الحريم كلهم..
سلموا على أم نواف قبل وبعدين ريما
سلوى:هذي زوجة نواف؟
أم نواف:أيه هذي ريما بنت فهد
سلوى:ما شاء الله ما شاء الله ..شخبارك وشخبار نواف؟
ريما:بخير الله يسلمك..الحمد لله على السلامه
سلوى: الله يسلمك
تهاني:يأمرحبا بمرت نواف ..تراني اعتبر نواف ولدي الثاني يعني أنتي اللحين غلاتك من غلات نواف..وش هالزين الله يحفظك
ريما:تسلمين والله..منورينا
تهاني:النور نورك..ما شاء الله عرفتوا تختارون لنواف
ريما كانت مستحية من كلامهم
أم سعد:أيه نواف حلو وريما احلى..الله يوفقهم
اسيل:أنتي ريما الي صجونا فيك؟
ريما بكل اندهاش:نعم؟
اسيل:الله ينعم بحالك..شخبار نواف؟
ريما استسخفتها:طيب
اسيل جلست تطالع بريما من فوق لتحت..مما قهر ريما

سما:ماعليك منها..شخبارك ريما؟
ريما:هلا فيك..تمام
سما:أنا بنت خالت أسيل وهذي سجى اختها
سجى:اهلين ريما كيف الحال؟ومبروك الزواج لاني ماكنت حاضرة
ريما:هلا فيك ..الله يبارك فيك يالغالية..تفضلوا على المجلس
أسيل:نعرف بيت خالتي مافيه داعي تعلمينا
ريما كانت مصدومة منها
سجى ضربت رجل أسيل
سما:يالله من زمان عن بيتكم ريما..وين المجلس بأي مكان
ريما:تفضلي من هنا
سما:زاد فضلك





جلســـــــوا الحريم مع بعض والبنات في الصالة مع بعض..الهنوف ونوف وأسيل وسما وسجى..وريما كانت مشغولة مرة تجي عندهم ومرة عند الحريم

الهنوف:ريما ورى ماتجلسين عندنا
نوف:هههههه لاتنسين إنها متزوجة يعني لازم توجب الناس..
أسيل:بس دوختني كل شوي قأيمة وراجعة
سما:وش عليك منها بعدين هي تشتغل مو مثل حضرتك جالسة تسولفين
ريما:أسيل أنتي تدرسين با أي جامعة؟
أسيل:أنا مع نواف بنفس الجامعة
ريما انقهرت من كلامها الي يرفع الضغط.
سما:وأنا اللحين رايحة لاول سنة جامعة تخصص حاسب آلي
ريما:يعني كبري أنا توني مخلصة ثانوية عأمة
أسيل:أنتي صغيرة بالمرةيالله كيف تنسجمين مع نواف ..كأن نواف اكبر منك بكثير؟
نوف:مو بالعمر الانسجأم يأما ناس تزوجوا ومابينهم فرق بالعمر وماهم حاسين بالسعادة الزوجية
الهنوف:والكبر موب عيب..اهم شيء إنها خذت واحد يموت فيها ويحبها
ريما:فديت قلبة نواف أنا وياه متفاهمين ولله الحمد..والوحدة مايهم عمرها يعني عائشة أم المؤمنين رضي الله عنها تزوجت وعمرها 9 سنوات
سجى:صادقة ريما
أسيل:أنا بروح للحريم..عن اذنكم

بعد ما تعشوا دخل نواف يسلم على سلوى تهاني بعد الحاح من أمه..هو ولد خالته سعد..ولد تهاني فارس كان يبي يسلم على أم نواف وأم سعد دخلوا

سلم نواف على سلوى وتهاني وباركوا له في زواجة وبعدين جاء الدور على أسيل..
أسيل بكل دلع :هلا نواف كيفك؟
نواف:اهلين اسيل..أنا تمام أنتي كيفك؟
أسيل:أنا بخير..
نواف:خلصتي دراسة؟
اسيل:بقى لي سنتين..فقدناك نواف
نواف:تسلمين..
أسيل:ماراح ترجع لامريكا تكمل دراسات عليا؟
نواف:والله مدري افكر
أسيل:الا بليز تعال لك وحشة
نواف:يالله أنا استئذن
أسيل:وين تونى
نواف:والله مشغول..فمان الله

ريما عصبت من أسيل ودها تذبحها ليش تتكلم مع نواف كذا بكل ميوعة..
الهنوف تهمس لاذن ريما:خلي بالك على زوجك
نوف:بأين ان هالاسيل موب هينه
ريما ساكتة وهي مقهورة وقلبها يحترق من جوى..

أم سعد:بكرى ان شاء الله عندي لازم كلكم تجون
أم ريما:اعذرينا يا أم سعد بكرى مرتبطة بمناسبة ثانية
أم عبد الرحمن: حتى أنا والله بكرى عند اهلي عزيمة
أم سعد:والله تمنيناكم تجون بس يالله الجايات اكثر


بعد ما أنتهت العزيمة ريما حست بتعب وراحت ترتاح بغرفتها
نواف كان جالس على مكتبة وهو في عالم ثاني من التفكير..ريما بدت الشكوك عندها تتولد (اكيد يفكر با أسيل ودلعها قدامة وميوعتها..أنا لازم احط حد للموضوع زوجي بيطير مني والسبب المغرورة اسيل

ريما:حبيبي الي ما خذ عقلك يتهنى
نواف:محد ما خذ عقلي غيرك
ريما (واضح)
ريما:نواف أنت مو عاجبني اليومين هذي احس انك تعبان وش فيك مهموم وعلى طول تفكر..
نواف:آهـ ياريما أنا والله نفسي اقولك بس ماجاء الوقت المناسب..وخلي في بالك اني راح اجي في أي يوم وراح أفاتحك بالموضوع
ريما:ان شاء الله..مافيك نوم؟
نواف:الا فيني نوم..يالله خلينا نروح ننوم


ندى كانت تكلم ريما الصبح..وتحكي لها عن الي صار لها مع اسيل ندى تضايقت علشان ريما
كان جالس عندها تركي وأمها

ندى:صدق متى؟وهي وافقت..
ريما:لا لسى بس تفكر..والله قهر تمنيتها تكون من نصيبنا
ندى:أيه خلاص اكلمك بعدين..
ريما:ندى وش فيك؟
ندى:بأي

ندى راحت وجلست عند أمها..وتركي كان جالس يقرأ جريدة..!!
ندى:يمة تعرفين الهنوف بنت نورة
الجدة هياء:أيه ..وش فيها؟
تركي تحمس ونزل الجريدة وجلس يسمع لندى..
ندى:انخطبت
تركي رمى الجريدة بالارض و قأم من ماكنه
تركي بعصبيـــــة حادة:وش تقولين..لمن انخطبت؟
ندى:صديق اخوها خطبها
تركي:شلون متى؟
الجدة هياء:بسم الله عليك تركي وش فيك؟
تركي:ردي ندى
ندى:ما دري والله ياتركي بس اللحين هي ماردت تفكــــر بالموضوع ماصار أي شيء رسمي
تركي:يمة ندى اسمعوا أنا ماراح اتزوج غيرها..اخطبوا لي اللحين
الجدة هياء: البنت اللحين يمكن توافق
تركي:قلت لكم والله شوفوني حلفت ماراح اتزوج غيرها والي يصير يصير
ندى:تركي هدي بالك
تركي:إذا ماخطبتوها لي ماراح تشوفون وجهي بالبيت ابد
الجدة هياء:تركي وقف شوي
تركي مشى وطلع برى البيت وكان متضايق
ندى:الله يستر..
الجدة هياء:اللحين يسرع بالسواقة ياربي تستر

تركي أتصل على خالد ولد هند ..حس خالد من نبرة صوته ان تركي مو طبيعي..تركي مامسك اعصابة جلس يقول لخالد كل شيء

خالد:اكيد راح يخطبونها لك
تركي:ماجد ماتخيلها زوجة لغيري..
خالد:هونه وتهون تشوف إذا ماراح يخطبونها لك..بس أنت لاتستعجل
تركي:الله كريم..والله غثيتك معاي
خالد:وش تقول أفا ياتركي
تركي:خلاص اجل أنا بروح شوي للشباب احس اني طفشان
خالد:وأمي هياء لاتغثها اتصل عليها طمنها تراها على اعصابها جدتي واعرفها
تركي:اللحين بتصل اطمنها علي..يالله تبي شي
خالد:سلامتك
تركي:مع السلامه





أسيل:يمة أنا بروح ويا رفيجتي اللحين بتمرني وبروح لبيتهم عازمتني
سلوى:هيه ع بالك احنا بالكويت؟
أسيل:لا هي بتاخذني ويا السأيق شوي ماراح اتأخر وعد!!
سلوى:أي رفيجة؟
أسيل:شروق الي أول معاي في الثانوية بس رجعت للسعودية
سلوى:أيه عرفتها..بس أنا مو مرتاحة لها
أسيل:يمة أنا مرتاحة لها وهذا يكفي..ماراح اطول
سلوى:اكيد
أسيل:اكيد
سلوى:الليلة العزيمة في بيت بنت خالتي فوزية لاتنسين
أسل:وأنا أقدر انسى يالله البنت واقفة تنطرني برى..مع السلامه
سلوى:مع السلامه


أسيل راحت مع شروق لبيتهم واخذت معاها صورة لنواف ولها هي اسيل وسوت فبركة بالصورة لان شروق كانت فنانة بالكومبيوتر وتعرف تسوي هذي الشغلات كانت أسيل تخطط على إنها تخلي ريما تشوف الصور
: : :
ريما لبست تنورة لونها بني وفيا نقشات مع تحت بالبرتقالي..كإنها قصيرة مع قدام وطويلة مع وراء وبدي لونه برتقالي موديلة الي صاير متجعد وفيه ترتر بالبني وبلوزة فوق البدي قصيرة لونها بني شعرها صاير روعة ملفوف ورفعت غرتها بمشبك برتقالي
حطت ميكياج خفيف شدو ناعم وبلاشر وطبعاً روج هادئ..


راحت مع خالتها أم نواف لبيت أم سعد..ريما كانت ماخذة هم من العزيمة ومقابلة أسيل الدلوعة اللحين تتكلم عن نواف ياربي تساعدني


سلوى:ما شاء الله ياريما الصراحة انيقة بشكل
أم سعد:ريما كل شيء انيقة فيه
أم نواف:اكيد كنتي ..والله انك صادقة ياختي
أسيل:أكيد بتصير انيقة وريلها نواف يحب الكشخة دأيما
أم نواف:لا يا أسيل ريما من قبل ما تتزوج وهي معروف عنها شياكتها
سجى تهمس:الله يعينيج يا ريما على أسيل..
سماء بصوت واطئ:هي مقهورة ان نواف ما تقدم لها وهي ميتة علية
سجى:أيه صج هي تحبة من زمان بس خلاص الولد تزوج المفروض تترك البنت في حالها
سماء:أيه تتركها بس مو عند أسيل الغثيثة لازم اروح أيلس عند ريما..ريما انسانة طيبة وعسل
سجى:حتى أنا احب سواليفها
ريما:شخباركم سما وسجى
سما:بخير الله يسلمج
سجى:تمام
ريما:وين رحتوا من جيتكم للرياض
سما:ابد مارحنا غير الفيصلية
ريما:مارحتوا للمملكة؟
سجى:تخيلي ماعمري دخلتها وكل العالم تحجى فيها
ريما:غالي والطلب رخيص يوم من الايأم راح أمركم مع السواق ونروح كلنا
سما:صج؟
ريما:اكيد صدق بس أنتم تبون
سجى:أي والله فلــــّه
سما:ياليت ياريما والله انج شي
ريما:هههههه تسلمين حبيبتي
تهاني:والله الكويت حر مانقدر نطلع الا والمكيفات شغالة
أم نواف:عندنا وعندكم خير..كلنا نموت حراساساً الخليج كلها حارة
أم سعد:اكيد ترى احنا بوسط الصحارى وش قالوا لكم في ربوع فينا
ريما:أي والله اكيد بتصير حر..لاخلا ولاعدم من المكيفات
سلوى:الله يعين ويسلم المكيفات


ريما راحت عند المرأيا تعدل الميك آب..وتجي وراها أسيل..!!
أسيل:ريما
ريما:هلا؟
أسيل:ابي اراويج صورة في موبأيلي
ريما:اوكي
أسيل:أمسكي اعصابج


كانت صورتها هي ونواف في أمريكا في مطعم راقي ونواف جالس جنبها..
ريما شوي وتبكي..بس مسكت اعصابها
أسيل:وش رأيج؟
ريما:رأيي في أي شي؟
أسيل:اكيد في الصورة
ريما:عادي مافيها شي
أسيل انقهرت:طيب شوفي الصورة الثانية
كانت صورة لنواف هي وياه ..عند البحر ونواف حاط يده ورى ظهرها وماسكها بقوة...
ريما:لا هذي الصورة مو معقول
أسيل: ليش مو معقول..ترى نواف كان واعدني إنه يخطبني..بس أنتي يتي وخربتي علي..
ريما:كذابة
أسيل:لا تقولين جذابة أنا ما أجذب..
راحت اسيل ووقفت ورى الجدار علشان تسمع وش ردة فعل ريما!!سجى اخت أسيل كانت تراقب الموضوع من بعيد وفهمت كل السالفة..طبعاً انقهرت من حركة اختها السخيفة..وماتدري وش تسوي راحت لعند سما وخبرتها بالموضوع


ريما عصبت من كلامها واتصلت على نواف..
نواف:هلا قلبي
ريما:ممكن تجيني اللحين.
نواف:اللحين؟
ريما:أيه اللحين
نواف:طيب لا تعصبين..وش فيك صاير شي؟
ريما:ممكن تجي ولا لا؟
نواف:طيب دقايق ان شاء الله واكون عندك
ريما:سلام..سكرت الخط


نواف حس ان ريما فيها شيء..ماقد كلمته وهي معصبة..وسكرت السماعة في وجهه..اكيد الموضوع كأيد!


نواف طق الباب أسيل عرفت ان الي يطق الباب اكيد نواف راحت وفتحت الباب..ريما لبست عبايتها وتعذرت للحريم بحجة إنها تعبانة وبتروح ترتاح في البيت



نواف:أسيل ممكن تنادين ريما
أسيل:طيب احنا ما لنا سلام؟
نواف:هلا هلا..نادي ريما
أسيل:طيب راح أناديها
ريما طلعت وشافت أسيل تكلم نواف ونواف يبتسم لها..
ريما جت لعنده :يالله حبيبي هذا أنا جيت
أسيل كانت مقهورة
نواف:يالله اسيل مع السلامه
اسيل:مع السلامه



رجعت اسيل للعند البنات في الصالة لبنات الي فاهمات السالفة
سما:أسيل وش فيها ريما؟
أسيل:ليش وش قالوا لج أمها؟
سما:لا أنا احس انج مسوية شي
أسيل:لا ماسويت شي ابد..أنا بروح اشرب ماي احد يبي؟
شجى:أنا إذا ماعليك أمر
راحت اسيل وتركت شنطتها عند البنات..سما راحت وفتحت الشنطة وسجى كانت واقفة عند الباب تراقب إذا فيه احد..
سما شافت في الشنطة ظرف طلعتة وفتحتة وشافت الصورالمفبركة
سما:اأفاسجى تعالي شوي المصيبة
سجى:معقولة أسيل تفكر بهذا التفكير الهمجي
سما:ما اتوقع نواف يسوي كذا نواف ولد عاقل ومحترم
سجى:أيه عرفت اكيد هذي شروق صديقتها مفبركة الصورة لإنها تعرف تشتغل بالكمبيوتر
سما:المسكينة ريما
سجى:لو صار شي بين ريما ونواف والله ما تلوم الا نفسها..يا ما حذرتها
دخلت سما الظرف وسكرت الشنطة وجلست عادي كن شي ما صار ودخل أسيل
أسيل:خذي الماء
سجى:شكراً
أسيل:وش فيكم ماتسولفون
سما:مالي خلق اسولف
سجى:أنا طفشانه وأيد
أسيل:والله انكم أنتم الي طفشون أنا رايحة للحريم تشااو
سجى بصوت قصير:تشاو

في السيارة ريما ساكتة ماقالت ولا كلمة...
نواف:فيك شي؟
ريما:لا
نواف:الا فيك شي
ريما:مافيني أي شي ارتحت
نواف:أنتي صاير مو طبيعية
ريما:أنت الي مو طبيعي حياتك صايرة كلها اسرار بأسرار كل يوم انصدم فيك
نواف:ليش
ريما:خلاص ودني للبيت لو سمحت
نواف:براحتك
وصلوا للبيت وصعدوا لقسمهم..نواف جلس في الصالة وكان باله مشغول وش فيها ريما..وش تقصد بالاسرار؟ أنا غلطان المفروض قأيلها من أول علشان ترتاح وارتاح كل ماشافتني الا سرحان ..ابي اروح ادخل عليها واقول لها الموضوع

:::

تــــــابع

:::

دخل عليها وشاف ريما تبكي وهي ترتب شنطتها وتدخل ملابسها فيها1نواف انصدم وقف مكإنه..
نواف:ريما وش فيك وش تسوين؟
ريما:لا تحاكيني لو سمحت..أنت انسان خسارة حبي فيك
نواف:وش سويت؟فهميني ..مسك يدها بقوة
ريما:اترك يدي عورتني..يعني أنت من جت السخيفة عندنا وأنت سرحان وأنا في وادي وأنت في وادي؟تحسبني مو ملاحظة..واليوم خلاص اكتشفتك على حقيقتك اكتشفت انك انسان سخييف تعرف وش معنى سخيف أنت سخيف..
نواف:ما أسمح لك..عن الغلط..فهميني..كلامك كله اللغاز وضحي اكثر
ريما:أسيــــــل ليش ماقلتي لي من البدأية انك تحبها وانك كنت تبي ترتبط فيها..خلاص يانواف أنا مستعدة انسحب من حياتك..وروح أنت في طريق وأنا في طريق..
نواف عصب بالحيل وما مسك اعصابةاعطي ريما كـــــــــــــــف قوي من شدتة طاحت على الارض اغمي عليها...نواف على طول اخذها للمستشفى..واتصل على أمها وأبوها وجو لعنده بالمستشفى


الدكتور طول عندهـ الكل كان خايف أبوها وأمها يسئلون نواف ويقول طاحت علي..!!متفشل وش يقول اعطيتها كف!!

طلع الدكتور نواف راح يركض عنده
نواف:هاه بشر يادكتور؟
الدكتور:وين زوجها؟
أبو ريما:هذا زوجها وأنا أبوها
الدكتور:حرام عليكم يعني انسانة حأمل كذا تهملونها فيها فقر دم وارهاق
نواف:ريما حاااااااأمل؟
الدكتور:أيه واللحين هي بتدخل الشهر الثاني
أبو ريما:الف مبروك يانواف
أم نواف:مبروك يانواف
نواف:الله يبارك فيكم..وينها اللحين يادكتور؟
الدكتور:بس هي بحاجة إنها تنام عندنا لان عندها فقر دم شديد وبنتركها تحت الملاحظة!!
أبو ريما:عسى مافيها شي خطير
الدكتور:لا تطمن..بس ترى مدأم ريما بحاجة لرعأية خاصة يعني الجنين في أي لحظة ممكن يحصل أي شي له ومايكتمل الحمل..لذا اتمنى انكم تدارونها وتبعدون عن العصبية .يالله عن اذنكم
أبو ريما:اكيد يادكتور محد راح يقرب لريما..
نواف كان ضميرة يأنبة على الي سوى في ريما11111 ماستاهل لوطاح الي بطنها كان اصير أنا السبب..
أبو ريما:يالله خلينا نروح
أم ريما:لا مااراح اروح ابي اجلس جنب بنتي
أبو ريما:وش تسوين البنت تحت الملاحظة ماتقدرين تدخلين عليها الصباح رباح..قومي خلينا نروح للبيت جلستك هنا مالها داعي
أم ريما:بس قلبي مايطاوعني اتركها
أبو ريما:هي اللحين تحت الملاحظة ماتستفيدين شي من جلستك..
أم ريما:طيب بس الصبح اول ماتقوم توديني لها
أبو ريما:أكيد حتى أنا بروح الصبح لها..وأنت يانواف روح
نواف:لا معليش ياعمي أنا بجلس هنا
أبو ريما:لا حول ولاقوة الا بالله قوم ياولدي وارتاح أنت شكلك تعبان والصبح كلنا بنروح لها
نواف:والي يسلمك ياعمي خلني على راحتي..ما قدر اتركها..ماتخيل ادخل البيت ولا القاها فيه
أبو ريما:براحتك بس ترى ماراح تستفيد أي شي
نواف:معليش أنتم روحوا..
أبو ريما وأم ريما:احنا بعون الله الصبح راح نجي....

نواف اتصل على أمه وأبوه وعمتة نورة وعمة طلال وخالته أم سعد الكل بشرهم بخبر حمل ريما..وحتى محمد الي في كندا وصله الخبر والكل كان فرحان لفرحة نواف وباركوا له....! أبو نواف وأم نواف ..ماعرفوا بسالفة ريما إنها بالمستشفى طأيحة بسبب ضربة نواف لها..كان يعتقدون من تعب الحمل وبما ان جسمها نحيل ومعاها فقر دم اكيد بتتعب..ونواف ماقال لاي احد ان فيه مشكلة بينه وبين ريما..

الساعة 7 الصبح ريما صحت وأمها وأبوها ونواف وأم نواف وأبو نواف واكيد نواف عندها الكل متجمع يبي يتطمن عليها...
أبو ريما:الف مبروك يابنتي
ريما:على أيش؟
أم ريما:بتصيرين أم يالغالية
ريما:صدق؟ الله يبارك فيكم
أبو نواف:واخيراً بصير جد..
أم نواف:كبرتينا ياريما
نواف جاء لعندها:مبروك حبيبتي
ريما:اطلع برى تكفون ابعدوة عني
أم نواف:وش فيك ريما؟
أم ريما:هذا زوجك!!
ريما:ما أبيــــــة خلوه يروح عني..جلست تبكي ..نواف تضايق وعلى طول طلع من الغرفة..
أبو نواف:وش فيكم وش صاير؟
ريماتبكي...
أبو ريما:فيكم شي؟نواف سوى فيك شي؟
ريما:يبة أنا مابي نواف تكفون ابعدوا عني ابي ارتااااااح
أم ريما:طيب خلونا نتركها ترتاح اللحين
جت النيرس واعطت ريما إبرة مهدئة..وبعدها نامت..!!
أبو ريما وأبو نواف..راحوا لعند نواف في البيت..جلسوا معاه يبون يفهمون السالفة..
نواف:مافية سالفة..
أبو ريما:بنتي ماتسوي كذا الا إذا كان الموضوع كبير..
أبو نواف:تكلم نواف..
نواف:سوء تفاهم عادي بين أي رجال ومرتة..بس لاتكبرون السالفة أنا راح اراضيها..
أبو ريما:اكيد شيء عادي.؟
نواف:أيه
أبو نواف:طيب وش الشيء الي خلاكم متهاوشين..وأنتم سمن على عسل؟
نواف:يبة اعذرني أنت وعمي هذي خصوصيات وماقدر اقولكم عنها وجيتكم على العين والراس بس لاتحرجوني أنا ما راح اقول شيء..إذا ريما بتقول لكم كيفها11111 هذا شيء راجع لها..
أبو ريما:أنا لله وأنا اليه راجعون..

ريما طلعت من المستشفى..وراحت لعند بيت اهلها..الكل يطالع لخاطرها علشان ماتزعل..وأمها مأفارقتها ولا لحظة..تأكلها وتشربها وتهتم فيها..كانت فرحانه ..حاولت تفهم السالفة من ريما بس ريما ماقالت ولا لشخص عن الموضوع..جت ندى والجدة هيا لبيت أم ريما علشان يتطمنون على سلامة ريما ويباركون لها.. أم ريما مسكت ندى وقالت لها عن الي صار بالمستشفى بين ريما ونواف.وطلبت منها تفهم السالفة من ريما..!!

ندى سكرت باب غرفة ريما..
ريما:الله يستر شكل تسكيرة الباب وراها سالفة كبيرة
ندى:عليك نور..ريما وش فيك على نواف؟
ريما:اكيد أمي قالت لك
ندى:ماعليك مين الي قالي..المهم أنتي ماتعودتي تخيبن عني شيء...فضفضي لي ريحي نفسك..
ريما:آآآآآآهـ ياندى ياليت..بس والله ما اقدر هذي خصوصيات وماقلت حتى لامي وأبوي عنها
ندى:حتى أنا؟
ريما:ندى أنا ماأخبي عليك شيء..بس والله ما فيه شيء..يعني مشاكل تافهة تحصل بين أي زوجين
ندى:أكيد؟
ريما:أكيد...!!
ندى:نبي نخطب الهنوف لتركي
ريما:احلفي..
ندى:والله..اليوم أمي كلمت عمتك نورة ..وقالت لها عن الموضوع..بعد ماتركي عصب يوم عرف ان الهنوف مخطوبة وحلف مايتزوج غيرها
ريما:والله وطلعت ياخالي العاشق الولهان
ندى:ههههههه شفتي كيف..!!يأما تحت السواهي دواهي
ريما:أنا اقول وش فيها الهنوف ماكلمت تطمن علي..اكيد مستحية مني هههههههه
ندى:اكيد ههههههههههه
ريما قامت من سريرها
ندى:وين وين؟
ريما:بسم الله بروح اجيب مويا
ندى:لا حبيبتي أنا اجيب لك أنتي وحدة حأمل ولازم تدلعين هاليومين..
ريما:ههههههه ياحظي
ندى:شفتي كيف ندلع بس مو علشانك علشان النونو الي في بطنك..
ريما:ههههههههههه

رن جوال ريما وكان نواف الي اتصل..على طول سكرت الجوال
ندى:نواف؟
ريما:أيه
ندى:أنا قلبي يقول لي ان الموضوع كبير؟
ريما:لا كبير ولا شيء بس اكيد أنا زعلإنه علية تبيني اكلمة بالجوال
ندى:الله يعينه عليك..ما قلتي لي وش صار على بيتكم
ريما:الصراحة البيت جنان متكتك وروعة يعني التصميم والالوان والرخام كل متناسق
ندى:الله يعطيكم خيرة ويكفيكم شرة..
ريما:أمين..
ندى:تحبين نواف؟
ريما:مادري
ندى:معقولة
ريما:أيه معقولة ندى..نواف طعني والله طعني
ندى:ياقوي راسك..طيب تكلمي قولي شي
ريما:ما أقدر آهـ ياندى..

ريما:ياليت ان الزمان يرجع ورى والليالي تدور..
ويرجع وقتنا الاول ننعم في بساطتنا..

زمان اول احس إنه زمان صادق فيه شعور..
نحب ونخلص النية وتجمعنا محبتنا..

زمان مافيه لاغيبة ولاحتى خيانة ونفاق وزور
ياليته بس يرجع ونسترتجع طفولتـــــنا

صغار وقلوبنا بيضاء..ونعيش بعالم محضور

ولانعرف ابد اغراب ما غير عيال حارتنا
صحيح صغار بالتفكير ولكن ما علينا قصور

نخطط نكسر اللعبة وتسعدنا شقاوتنا..
نروح للمدرسة بدري ونضحك داخل الطأبور

نحاول نزعج العالم بروحتنا وجيتنا..
وعشان نأخر الحصة نخبي علبة الطبشور..

نشاغب بس بالاخر تميزنا براءتنا
نحب الضحك والهيصة
نحب انط فوق السور..

نفرفش ليه ما نفرفش ما دأم الضحك عادتنا
ولكن دارت الايأم وبان الخافي المستور

وصار الهم متعلي على قمة سعادتنا
كبرنا وصارت الدنيا تصف احزاننا بالدور..

وتهدينا الالم والهم غصب عن عين رغبتنا
تعبنا من بلاوينا احد ضايق واحد مقهور..

وكلن غارق بهمه وفي الاخر تشتتنا
وأنا ماقول غير الاياليت ان الزمان يدور..

ويرجع للورى فترة نعدل وضع عيشتنا..


: : :
نواف يفكر كيف يرضي ريما..يسترجع شريط ذكرياتة أول ماكلمة أبوهـ فيها يوم رفضة..ويوم راح يخطبها من عمة ويوم ملكتهم وأيأم المكالمات بينهم ويوم زواجهم ويتذكر سفرتهم لايطاليا...ريما ماقالت الكلام الكبير الا اكيد فيه شيء كيف تتهمني اني ما أحبها وأسيل وش دخلها بالموضوع!!أنا ما عمري فكرت في أسيل..كل الي يربطني في أسيل إنها بنت خالت أمي ودرست معاي ترم في أمريكا حتى في أمريكا ماقد شفتها غير مرتين..ومع اصدقائي!!اكيد الموضوع فيه شيء..أنا لازم افهم وش دخل ريما في أسيل!!

نواف كان يسمع اغنيــــة "فقدتك"

فقدتك..يا اعز الناس..
فقدت الحب والطيبــــة

وأنا من لي في هالدنيا سواك ان طالت الغيبة

رحلت ومن بقى وياي يحس بضحكتي وبكأي وحتى الجرح
في بعدك يهلي بي واهلي بــــــــــــهـ

وأنا من لي في هالدنيا سواك وان طالت الغيبــــــــة..

: : :

من بكــــــرى الكل كان مجتمع في إستراحة أم نواف اختها أم سعد وسلوى وتهاني وبناتهم..!!

أم نواف:ابشركم ريما حأمل
أم سعد:ماشاء الله الف مبروك
تهاني:ما شاء الله واضح عليها أمس التعب..تبركون
سلوى:الف مبروك والله يتمه ان شاء الله
أم نواف:الله يبارك فيكم
سجى:مبروك خالتي
سما:الف مبروك يالله احس ريما شكلها صغير
أم نواف:الله يبارك فيكم..أيه ريومة شكلها صغير وبتصير أم ان شاء الله
أسيل من غير نفس:مبروك
أم نواف:الله يبارك بعمرك عقبال مانفرح فيك
أسيل(وين تفرحون فيني وهذي خطفت فرحت عمري "نواف")





سما:خالتي وينها ريما ليش ماجت وياكم؟
أم نواف:تعبانة في بيت اهلها
سجى:عسى ما شر..
أم نواف:اكيد من الحمل
سجى:الله يعينها
سما:سجى تعالي شوي ابيك برى..
سجى:طيب..

طلعوا برى مجلس الحريم..
سما:اتوقع صارت مشكلة بين ريما ونواف أمس وتشوفين
سجى:لا اكيد اللحين هم فرحانين بحمل ريما
سما:طيب ليش عند اهلها؟
سجى:أيه صح!!
سما:اكيد المشكلة كلها من أسيل
سجى:ياربي البنت هذي كإنها هي المراهقة مو أنا
سما:اسمعي أنا بروح اسحب جوال أسيل وبحاول اخذ رقم نواف منها اكيد مخزنتة..وابي اسحب الصور منها بدون ماتحس..ونتصل على نواف أنا وأنتي ونفهمة قبل لا توقع الفاس في الراس..
سجى:زين سويتي...

::::

تـــــــابـع
: : :
نواف ما غمضت عينة حس بفراغ كبير بعد ريما..ليش سويتي كذا ياريما !!والله احبك ولا لي غنى عن حبك..أنا لازم اروح لها وتفهمني السالفة ..راح وبدل ملابسة وركب سيارتة..وأول ماشغل سيارتة..رن جوالة كان رقم غريب..(رقم سما) رد نواف..
نواف:نعم؟
سما:كيفك نواف؟معاك سما بنت تهاني
نواف:أيه هلا بك سما
سما:مبروك الي سمعناهـ
نواف:الله يبارك في عمرك...
سما:نواف ممكن اتكلم معاك بموضوع أنت اللحين مشغول
نواف:لا تفضلي أنا أسمعك
سما:ريما زعلانة منك؟
نواف:نعم؟وش عرفك أنتي؟
سما:أنا اعرف السالفة كلها
نواف:الحقيني بها..ريحني الله يريحك
سما:ريما انسانة طيبة بعكس أسيل مع ان أسيل بنت خالتي بس الحق ما ينزعل منه وحتى سجى اخت أسيل تشهد على كذا..أسيل تحاول تغلط على ريما اوهمتها انك تحبها وكنت ناوي ترتبط فيها من قبل وفبركت صور لك ولها الي يشوف الصور يعتقد ان كانت تربطكم علاقة مع بعض..ريما انصدمت اول ماشافت الصور وراحت تبكي واتصلت عليك..وبعدين يوم جيت بتاخذها أسيل كانت واقفة معاك تضحك معاك علشان تغيظ ريما ريما طلعت وشافتكم تضحكون ويا بعض وصدقت الي سمعتة...
نواف:طيب أنتم ليش ماسوتي شيء أنت وسجى؟
سما:يانواف احنا ماعرفنا الا متأخرين بالسالفة..تكفى حل الموضوع لا تخسر ريما ترى ريما ماتعوض انسانة راقية وحساسة..أنتبة لها..
نواف:وش تستفيد أسيل من الي سوتة؟
سما:ولا شيء غير إنها تخرب بينكم..
نواف:سما ممكن طلب؟
سما:إذا قدرت راح انفذة لك اكيد
نواف:أنتي إذا نفذتي الطلب الي ابية أنتي وسجى راح تحلون المشكلة الي بيني وبين ريما
سما:اوكي وش الطلب؟
نواف:أنا بتصل على أمك وابي اطلبها تجين أنتي وسجى معاي لعند ريما كنك تبغين تزورينها أنتي وسجى و أسيل
سما:بس أسيل ماراح تروح
نواف:احسن هذا المطلوب بس نقول قدامهم..وبكذا راح تقولون لريما عن السالفة لاني لو راح اقولها السالفة لحالي ماراح تصدق اعرفها زوجتي..
سما:اوكي أنت اتصل عليهم على بال ما نجهز أنا وسجى
نواف:الله يوفقكم أنتي وسجى والله مو عارف كيف ارد الجميل
سما:مافية جميل بين عيال الخالة..يالله أنت بسرعة لأنتأخر على ريومة
نواف:طيب سلام
وهو في سيارتة جلس يطالع العقد الي ركبتة ريما في المرأية يوم يروحون للمزرعة
كانت تقول.. شوف حبيبي أنا ابيك تتذكرني دأيما مابي اغيب عن بالك ولا ثانية..
هذا العقد ابي احطه لك في السيارة..
نواف:بس أنتي معاي مو بس في كل لحظة الا في كل ثانية..أنتي ما فارقتي ولا راح تفارقين خيالي..أنتي معاي في كل مكان في عقلي وقلبي وروحي
ريما:فديت قلبك يالغالي..
نواف:والقسم الثاني من القلب وينه؟
ريما: أنا راح البسة..هذا قلبي مقسوم قسمين قلب معاك وقلب معاي..والله لايجيب الفراق بيني وبينك
نواف:أمين

نواف..وينك ياريما وين كلامك..!!


: : :

نواف ماحس بنفسة الا ويرسل مسج لريما..يقول فيه.

عيبــــــــك الطيبة إليا قالوا لك تصدق
ماتــــفكر في الكلام ومن يقولة
وصلوا لــــك حكي يبغــــونة يفــــرق
وأنت طبعك تأخذ الامر بسهولة

ريما ما فهمت وش يقصد نواف..!!

جاء نواف واخذ سما وسجى وطبعاً اسيل رفضت تروح واحتجت إنها مالبست زين..حتى الحلوين الصغيرين حلا ويزن راحوا معاهم يحبون ريما بالحيل..لان ريما تبادلهم نفس الشعور وتحب الاطفال بوجهة عأم..

اتصل نواف على ريما ماردت عليه..طلب جوال سما علشان يتصل عليها..طلع عندها رقم غريب..ردت على طول
نواف:هلا ريموتي
ريما جت بتكسر الخط
نواف:استنتى دقيقة بس..أنا اللحين جاي لكم ومعاي ضيوف لازم تستقبلينا اوكي!!يالله سلام

ريما{ياربي منهم الضيوف..وكيف استقبلهم وأنا زعلانة عليه..!!}
جت الخدمة لريما وقالت لها ان نواف جاء ومعاهـ بنات وبزارين..ريما ما استوعبت الموضوع
ريما لبست جلابية لونها أسود ناعمة بالحيل ولفت شعرها ونزلت تحت بالصالة

نواف راح عندها:الحمد لله على السلامه..
ريما بكل برود:الله يسلمك!!
ريما:هلا ومرحبا بسما وسجى منورات والله
سجى:هلا بك اكثر مبروك ريما
ريما:الله يبارك فيك
سما:مبروم ريما أنتي ونواف
ريما:الله يبارك بعمرك..هلا بالحلوة حلا تعالي اعطيني بوسة..وأنت حبيبي يزن كيفك قلبووو!!
نواف كان تشب نار في قلبة من القهر..من تطنيشها له..
نواف:أنا بروح وأرجع إذا خلصتوا كلامكم اتصلوا علي
نواف طلع من بيتهم وكان معصب من حركات ريما له..مو متعود عليها كذا متعود على حنإنها وطيب قلبها..
سما:ريما أنا وسجى جينا عندك علشان نوضح لك الحقيقة أنتي ظلمتي نواف..ترى اسيل ميتة على نواف تموت علية..بس هو ما يعطيها وجهة وكانت مقهورة يوم زواجكم لدرجة إنها ماحضرت للعرس..والصورة الي شفتيها ترى كلها كذب×كذب
ريما ساكتة وكانت تسمع لكلام سما
سجى:أيه ياريما مع ان أسيل اختي بس الله يهداها فشلتنا ..ترى الصورة الي شفتيها مفبركة عندها صديقة تعرف بالكمبيوتر والحركات هذي وفبركة الصور..لاتصدقين أنتي اللحين خلاص صرتي مرتبطة بنواف اكثر من قبل حرام تضيعين نواف من يديك ترى نواف يحبك وكان مقهور علشانك لاتصدقين أي كلام ينقال لكم يبي يفرق..تدرين ان أسيل ونواف مادرسوا مع بعض غير ترم واحد وتردين إنه ماقبالها غير مرة او مرتين بالكثير
سما:وإذا قابلها قابلها ومعه اصدقائة يعني مو لحالهم مثل ماكنتِ تعتقدين..ابعدي الاوهأم عن راسك واطرديها..
ريما:مشكورات حبيباتي والله ريحتوني الله يريحكم كشفتوا لي أشياء ماكنت اعرفها فهمتوني اشياء كنت بموت على ما أفهمها ..طيب ممكن سؤال
البنات:تفضلي..
ريما:أنتم ليش تقولون الكلام هذا مع انكم من المفترض توقفون مع أسيل
سما:صحيح أسيل مثل اختي..بس من يوم رجعت من أمريكا تغيرت صارت انسانة ثانية..ماتحبنا مثل أول ودأيما سيئة الظن فينا..
سجى:واحنا مانسكت عن الغلط..لازم نوضح الحقيقة إذا كان بمقدورنا..
ريما:مشكورات والله يجزاكم كل خير على وقفتكم معاي..وماراح انسى لكم الجميل..
سجى:ماسوينا الا الواجب...
سما:لا تشكرينا ولا شيء..تستاهلين اكثر أنتي ونواف...
سما:أنا بتصل على نواف علشان يجي يرجعنا لاهلنا وابي اقولة ان ريما تبيك ترجع لها وتتفاهمون على كل شيء..
ريما:أيه إذا ما عليك أمر..
نواف جاء ورجع البنات للاستراحة وبعدين رجع وهو طاير باقصى سرعة لبيت عمة فهد علشان يقابل ريما
نواف:ريما أنا صحيح كنت بعيد عنك الفترة هذي وكنت دأيما مشغول البال..واللحين جاء الوقت الي لازم اقولك عن المضوع الي مشغلني ..
ريما:تفضل تكلم..
نواف:بعد ما راح محمد بيت أبوي صار فاضي واللحين بيتزوج وما راح يرجع الا بعد 8 سنين ..والفترة هذي مين راج يجلس عند أمي وأبوي يراعي لهم مافية غيري أنا لاني ولدهم الوحيد وما ارضها اطلع برى البيت واهلي محتاجين لي..لو يمرض أبوي فجأة لا سمح ال وأنتي تعرفين ان فيه مرض القلب وأنا بعيد عنه
ريما:بسم الله عليه..نواف وضح اكثر
نواف:أنا كنت افكر نبيع البيت الي لنا ونعيش مع أمي وأبوي لإنهم با أمس الحاجة لنا و ما أقدر اتخلى عنهم حتى محمد قبل لا يسافر وصاني فيهم..بس قلت احرمك فرحتك كنتي فرحانه باليت حيل وماحبيت اخربها عليك والصراحة أنا بين نارين نار أمي وأبوي ونار ريما..يعيني كل واحد ودة يستقل في بيت لحالة واكيد أنتي تتمنين يكون لك مملكة خاصة فيك..بس الظروف..وكل يوم كنت متردد كيف أفاتحك بالموضوع..!!
ريما:خلصت كلامك؟
نواف:أيه
ريما:اللحين هذا الي شاغل بالك عني طول الاسابيع الي مضت..نواف أنا كنت راح اقولك هذا الاقتراح اننا نبيع البيت لان صعبة نترك عمي وخالتي لحالهم بعد ماتعودوا علينا واحنا تعودنا عليهم..يعني ماتخيلي نفسي إذا رحت للدوأم بجلس لحالي الضحى تعودت على الجلسة مع خالتي..وبعدين عمي مايصبر عنك ومستحيل يانواف افكر بالتفكير هذا مو أنا الي افرق بين الولد و أهله واهلك هم أهلي صعبة اتخلى عن أمي و أبوي..
نواف:أصيلة ياريما والله ان عمي عرف يربي..وسعتي صدري يالغالية ودأيما تفاجئيني بكلامك الموزون وعقلك الكبير عساني مانحرم منك..!!يالله عاد شلون ولدي
ريما:طيب لو كانت بنت؟
نواف:بنت ولد الي من الله حياهـ الله..
ريما:اشوى احسبك من المعقدين الي لازم ولد
نواف:اتمنى أنا لو تجيني بنوتة تصير ربع جمال أمها
ريما:ياحياتي والله..
نواف:يالله روحي قولي للخدأمات ينزلون شنطتك لان البيت مايحلى بدونك..
ريما:يالله دقايق ارتبها واجيب عباتي واجيك..
نواف:اوكي أنتظرك

رجعت ريما لبيتها..والكل فرحان ومبسوط علشان رجعتها ..
: : :
رجعوا تهاني وسلوى وعيالهم للكويت بعد ماجلسوا اسبوعين..!!

بعد أسبوع وافقت الهنوف على تركي..وصارت خطبه رسمية وملكة..وبعد مايخلصون دراستهم يتزوجون..!!

: : :

تـــــــابـع


: : :
مرت الشهور بســــــرعة ودخلت ريما بالشهر الثأمن..!!
ريما:حبيبي نواف تكفى لاتتركني اذ ولدت ابي اشوفك جنبي..
نواف:لا تخافين يالغالية إذا الله مد لي بعمر ماراح أفارقك ولا لحظة وخصوصاً وقت ولادتك..لانك بتكونين بأمس الحاجة لي..
ريما:عساني مانحرم من عطفك وحنانك يالغالي..إذا ولد وش بتسمية؟
نواف:مدري في بالي أسماء كثيرة بس يمكن سعود على أبوي
ريما:وإذا هي بنت
نواف:أنتي تسمينها..وش يعجبك اسم؟
ريما:شمــــوخ..أو يارا
نواف:الي يعجبك يالغالية...يالله أنا بروح اجيب لك صحن فواكة لازم تغذين النونو ابية يطلع شبعان
ريما:هههههههه الله يقطع ابلسيك..
نواف:حبيبتي محمد اليوم اتصل علي ولزم علي اني ازورة
ريما:بتروح لكندا؟
نواف:أيه أنا وأنتي..والله مشتاق لاخوي بالحيل..وابي ارفع معنوياته قبل الاختبارات..
ريما:اكيد اخوك محتاج لك وأنت مشتاقة له بس أنا وش دخلني بينكم؟لا ياقلبي أنت روح وانبسط مع أخوك..وأنا تعرف الحمل تعبني وما أقدر اروح واجي مثل أول
نواف:بس ما اقدر اصبر عنك..ولا تدرين خلاص راح اكنسل الرحلة
ريما:لا يالغالي ترى بزعل منك لازم تروح وأنا راح اجلس عند أمي و أبوي..مافية خوف علي ان شاء الله
نواف:اكيد
ريما:اكيدين
نواف:تسلمين لي يالغالية لازم تحلين لي مشاكلي..
ريما:ان ماحليتها لك مين يحلها يابعد قلبي؟

: : :

سافر نواف لعند محمد..واستقبلة محمد وكان مبسوط فيه..وماترك مكان في كندا ماخلاه يشوفه وريما راحت لبيت أمها وأبوها وجلست عندهم...طبعاً نواف كل شوي يتصل ويتطمن عليها...


ريما في الليل صحت من النوم الساعة 3 الفجر حست بعوار خافت راحت تنادي أمها..
ريما:يمة ما اقدر استحمل بطني يعورني أي أي
أم ريما:يمكن قربت ولادتك
ريما:لا يمة ما بعد دخلت الشهر التاسع
أم ريما:عادي إذا دخل الشهر السابع توقعي ولادتك بأي لحظة
ريما:ااااااااأي يمة خلاص بموت
أم ريما:بسم الله عليك..يالله خلينا نروح للمستشفى..
ريما:ما اقدر اقوم احس بناااار في بطني اااااأي
أم ريما:عادي يايمة كل وحدة بتولد لازم تتعب تحملي شوي
ريما:اتصلي على نواف آآآآآه
أم ريما:وش دخل نواف..اللحين هو مسافر
ريما:مانيب رايحة الا لمن تتصلين علية
أم ريما:حرام عليك نخوف الولد وهو موب موجود عندنا
ريما:اتصلي علية تكفين علشاني
أم ريما:طيب

أم ريما اتصلت على نواف وقالت له السالفة نواف ارتبك وحس بخوف اول مرة يخاف بالشكل هذا أم نواف ما خوفتة كثير بس قالت يمكن تولد ريما..محمد يهدية ونواف مشغول بالة بريما..قرر انة يرجع للسعودية على اقرب طيارة طبعاً مافية حجز دأيرتك راح من دولة لدولة ومن مطار لمطار علشانة وعد ريما يكون جنبها إذا جت تولد..

ريما قبل ما تدخل غرفة العمليات جلست 6ساعات...الكل ينتظر برى أمها وأبوها وندى وأم نواف ونواف كل شوي يتصل عليهم ويتطمن عليهااااا

ريما قبل ماتدخل لغرفة العمليات
ريما:ماجاء نواف؟
أم نواف:هو اللحين بالطيارة يبي يجي
ريما:ابي اشوفة اخاف أموت
أبو ريما:لاتقول هالكلام وأنا أبوك بسم الله عليك
أم ريما:لا تخافين كلنا مرينا بالي أنتي مريتي فية..توكلي على ربك
ندى:نواف ياريوم راح يجي تشوفين..


اول مادخلت غرفة العمليات نواف جاء بسرعة وهو يركض من ممر لممر في المستشفى على طول من المطار الى المستشفى..دخلت ريما الغرفة ونواف على طول صل

نواف:وينها11111؟
أبو ريما:نواف ريما دخلت قبل شوي لغرفة العمليات
نواف:ابي اشوفها
أم نواف:ماتقدر ياولدي
نواف:اقولكم بدخل مرتي ماشفتها
أم ريما:هدي بالك ياولدي اللحين ان شاء الله راح يطلعون ويبشروننا
ندى:نواف أنت توك جاي من السفر ارتاح
نواف:وين الراحة وريما في غرفة العمليات
أبو ريما:لاتكبر الموضوع وأنا عمك..
نواف ما قدر يجلس يروح ورجع عند باب العمليات..طلعت النيرس
النيرس:المريضة بحاجة الى دم!!
نواف:وش فيها
النيرس:تعبانة اللحين بس لازم تبرع بالدم
أبوريما:كلنا راحة نتبرع

أبو ريما ونواف تبرعوا لهالان فصيلتهم وحدة...!!وساعدوا ريما
نواف:طولت صح؟
أم ريما:الله يقومها بالسلامه..يمة بنتي تاخرت
ندى:اكيد ياسلمى تبي تاخر هي تولد
الكل مرتبك طولت بالحيل وهي في غرفة العمليات..!!

طلع الدكتور عليهم
الدكتور:مبروك أيجا لكم صبي!!
نواف:واللحين ريما شلونها؟
الدكتور:لا الحمد لله انقذنها بالدم ولله الحمد هي بخير بس بحاجة الى راحة
نواف:الحمد لله والشكر
أبو ريما:مبروك
أم ريما تبكي
أم نواف:هذ وقت دموع؟ الف مبروك يايمة
ندى:الف الف مبروك يتربى بعزكم
نواف:الله يبارك فيكم..!!
نواف:دكتور ممكن ادخل لها
الدكتور:لا هي تحت تأثير البنج وبكرى يالليل تعالوا لها
أم ريما:بس بالليل ما كأننا متأخرين ليش مو العصر البنت فيها شيْ؟
الدكتور:لا تطمني مافيها شيء بس المدأم ماراح تصحى الا ع الساعة 6 المغرب والله اعلم..!!
أبو ريما:ان شاء الله
الكل راح نواف ماسكت جوالة من الناس الكل يبارك له..





أم ريما:بس بالليل ما كأننا متأخرين ليش مو العصر البنت فيها شيْ؟
الدكتور:لا تطمني مافيها شيء بس المدأم ماراح تصحى الا ع الساعة 6 المغرب والله اعلم..!!
أبو ريما:ان شاء الله
الكل راح نواف ماسكت جوالة من الناس الكل يبارك له..

نواف ملئ الجناح حق غرفتها ورد جوري علشان ترتاح وهي تحب الجوري..نواف جاء الساعة 4 وجلس ساعتين وبعدين صحت من البنج واول ماصحت
نواف:الحمد لله على السلامه..
ريما ابتسمت له:الله يسلمك
ريما بكل تعب:متى جيت؟وأنا في غرفة العمليات ادعي انك ترجع لي
نواف:وهذا أنا جيت...شفتي الصغير
ريما:لا مين يشبة؟
نواف:يشبة لك
ريما:لا أنا ابية يشبة لك
نواف:خلاص بيني وبينك يعني ولدي وولدك
ريما:وش تبي تسمية؟
نواف:والله محتار بس بكرى راح اقولك وش جاء في بالي
نواف:يالله ارتاحي ولا كلمة
ريما:ههههههه

الكل جاء يبارك لريما ونواف أمها وأبوها وجدتها وندى وتركي وعمتها نورة وأم نواف وأبو نواف وعمها طلال وزوجتة وخالة نواف فوزية


نواف سوى عشاء كبير لزملائة واصدقائة وجمع الشباب كلهم بمناسبة المولود واكيد علشان الهلال فاز...
وفي نفس اليوم الي ولدت فية ريما فاز الهــــــلال والي سجل الهدف الذيب سامي الجابر..

نواف قرر يسمي الولد سامي!!الكل اعبجة الاسم

سامي بن نواف بن سعود<كشخة!!"

: : :
ندى بعد ماتخرج ماجد تزوجها وسافروا برى علشان يكمل دراستة...!!وكانوا سعيدين ومرتاحين في حياتهم..ومتفاهمين

: : :
تركي ملك على الهنوف..واتفقوا على الزواج بعد مايخلصون دراستهم..

: : :
نوف نجحت في الثانوية العأمة وجابت 95% ..وكذلك محمد نجح وبعدين رجع للرياض وسووا حفلة زواج كبيــــــرة وسافروا شهر عسل للاسبانيا وبعدين رجعوا لكندا علشان نوف تسجل في الجامعة حقت محمد لإنهم راح يدرسون سوى..

: : :
فيصل دخل عالم التجارة وحب يكون له ثروة قبل مايتزوج..ويصير بزنس مان..

: : :
عبد الرحمن واصل وكمل دراستة .....!!

: : :
النهـــــــــــــــــــــأية

The End

القصه حلوة بس ناقصها احداث مثيرة تحركها
صارت باردة وشوي يعني مانندمج فيها
اغلب القصه عن اللبس وطلعه
يعني لو بالطلعه صارت مواقف مع ريما
ولو كبرتي سالفه اسيل
جان تكون احلى
وماخليتينا نتشوق وشراح يصير
يسلمو حبوبة

تسلمين القصه رررررررررررررررررررررررررروعه اشوي عليها

حلوة القصة بس بدايتها تجذب اكثر من نهايتها واللة يوفقج

القصه حلوة وااايد بس صج ناقصها جم شغله بالبدايه كانت مشوقه بعدين قل تشويقهاااا
ثانكس على القصه ياعسل

يسلمووو على القصه الحلوة

يسلــموووو القصـــة نــاااايــس

رد : احلى ما خلق ربي (قصة سعودية )تجنن بمعنى الكلمة

:33_1185028183:انا بصراحة حبيت قصتك وايد الحين بروح اكملها وصلت لصفحة رقم 7 وانا توني اقرا قصتك متاخر وماقدرت الا اسجل وارد

رد : احلى ما خلق ربي (قصة سعودية )تجنن بمعنى الكلمة

انا الحين بطلع انام وماحبيت اطلع بدون ماعلق بصراحة قصتج موت وعلقتيني وايد بنواف وريما والحين باي بكا اكمل القصة

رووعهـ حبوبه
يعطيج عافيه